Një shpërthim i fuqishëm ka ndodhur në Kamëz. Drejtuesi i një makine ka shkelur në pultin e automjetit dhe në moment është dëgjuar një shpërthim.
Mesohet se pronari i makinës ku ndodhi shpërthimi është shtetasi Gjon Mema, person që ka rekorde kriminale.
Ai kishte një dënim në Shqipëri për armëmbajtje pa leje. Mema, ndërkohë ishte dënuar edhe në Francë e Itali, për veprat penale “vjedhje me armë me dhunë”.
Njoftimi i policisë:
Tiranë/Informacion paraprak
Më datë 09.02.2021, rreth orës 10:00, në Kamzë, në rrethana ende të paqarta, në momentin që drejtuesi i automjetit është afruar dhe ka shkelur pultin ka shpërthyer, dyshohet si pasojë e lëndës plasëse mjeti i parkuar me drejtues shtetasin Gj. M., i cili është lënduar lehtë në këmbë pa problem për jetën.
Në vendin e ngjarjes ndodhet grupi hetimor dhe sherbimet e Policisë ku vijon puna për sqarimin e rrethanave të ngjarjes.