Ministri i Turizmit dhe Mjedisit Blendi Klosi e vë theksin tek krijimi i besimet tek konsumatorit. Duke folur për turizmin, një nga sektorët më të goditur nga pandemia e koronavirusit, Klosi tha në “Real Story” në News24 se në fund të muajit ose në fillim të qershorti nëse gjithçka shkon mirë do të ulen dhe charterat e parë.
“Në fund të muajit mund të presim chartera nga Çekia. Nëse do pranohet që në fund të muajit 2-3 qershor do kemi uljet e para të charterave. Të gjitha këto kanë të bëjnë se si do shkojë pandemia. Në periudhën e pranverës hotele të tjera, Prestige Resort janë plot. Në këtë periudhë duhet të ishin plot me pushues nga Kosova, Maqedonia e Veriut etj. Këtë vit çdo gjë është me 100 pikëpyetje. Në qoftë se do të përpiqemi të ruajmë situatën që kemi për lëvizjen e brendshme, për zonat e gjelbra, hapja e kufijve do rrezikojë. A jemi të gatshëm ta mbajmë këtë rrezik së bashku? Nuk është puna se a do të jemi ne në qetësi me veten tonë? A do të themi ne se Prestige Resort është 100 % i sigurt por a do besojë një turist nordik që të vijë dhe të pushojë në atë hotel. Mund të fillojë lehtësimi. Është një protokoll që operatorët turistikë kërkuan t’iu paraqiteshin partnerëve ndërkombëtarë që kjo është situata. Në qoftë se do kemi turistë nga Çekia dhe një turist do infektohet aty do kemi një situatë të vështirë.
Me masat që marrim ne duhet të krijojmë besim tek konsumatori. Institucionet shtetërore dhe komuniteti do të jemi së bashku. Do të jetë e vështirë nëse ndërpresim urat e komunikimit”, deklaroi Klosi.