Një nga godinat e dëmtuara nga tërmeti i 26 nëntorit është dhe ajo e Gjykatës së Apelit në Durrës. Pak ditë më parë, KLGJ vendosi të pezullonte punën në disa institucione të drejtësisë në rrethet e prekura nga tërmeti.
Ndërsa, pas inspektimit të godinave, Këshilli i Lartë Gjyqësor vendosi që në Gjykatën e Apelit të mos zhvillohen seanca gjyqësore. Godina është e dëmtuar rëndë, ndaj do të duhet të rikonstruktohet.
Ndërkohë, deri në rikonstruksionin e godinës, Gjykata e Apelit Durrës do të zhvendoset në Kavajë. Në këtë qytet do të zhvillohen puna e kësaj gjykate, deri sa të jetë gati godina e Gjykatës së Apelit në Durrës. Disa godina publike u dëmtuan nga tërmeti i 26 nëntorit, shumë prej të cilave tashmë do të duhet të rikonstruktohen.
