Pas përfundimit të fjalës së kreut të PD, Basha, disa protestues kanë tentuar të çajnë kordonin e policisë para Kryeministrisë. . Në fakt kanë qenë vetë policia që lejuan hapjen e gardhit rrethues me hekura dhe lejuan hyrjen e protestuesve brenda godinës së Kryeministrisë.
Situata nuk është shoqëruar me tensione, por vetëm me disa protestues kanë qëndruar në shkallët hyrëse të Kryeministrisë duke protestuar paqësisht. Kjo situatë ka zgjatur pak minuta dhe më pas policia ka vendosur sërish kordonin duke larguar protestuesit.
Gjatë këtij momenti ka qenë i menjëhershëm edhe reagimi i Presidentit Meta me një mesazh të shkurtër por shumë të qartë: “ Protesta të vijojë paqësore, të evitohen konfrontimet.”
