Presidenti i zgjedhur i Shteteve të Bashkuara, Joe Biden, bëri një zgjedhje tjetër historike për kabinetin e tij, me emërimin e një amerikaneje autoktone për udhëheqjen e Departamentit të Brendshëm.
Deb Haaland do të jetë në krye të agjencisë që mbikëqyr tokat publike të vendit, tha ekipi i tranzicionit i Bidenit.
Nëse Haaland, e cila i përket fisit Laguna Pueblo dhe është përfaqësuese në Kongres, konfirmohet, ajo do të jetë amerikania e parë vendase që mban një post të kabinetit kombëtar.
“Një zë si i imi nuk ka qenë kurrë sekretar i kabinetit ose në krye të Departamentit të Brendshëm”, tha Haaland në Twitter.
Biden po ashtu emëroi Michael Reganin, afrikano-amerikan, për administrator të Agjencisë së Mbrojtjes së Mjedisit.
Ditë më parë, ish-kandidati demokrat për president, Pete Buttigieg, u emërua për sekretar të Transportit. Nëse konfirmohet, ai do të bëjë histori si sekretari i parë që deklarohet hapur se është homoseksual.
Të gjitha nominimet duhet të miratohen nga Senati i Shteteve të Bashkuara. Presidenti i zgjedhur, Biden, inaugurohet më 20 janar.