Eksperti i sëmundjeve infektive, Anthony Fauci ditën e djeshme i ka bërë thirrje amerikanëve të bëjnë njërën prej 3 vaksinave të aprovuara në SHBA.
“Të tre-ja vaksinat janë mjaft efektive dhe njerëzit duhet të bëjnë dozën e asaj që kanë në dispozicion dhe është më e arritshme për ta.”, tha eksperti i shëndetësisë.
“Unë mendoj se njerëzit duhet të vaksinohen sa më shpejt të jetë e mundur.”, shtoi ai.
Thirrja e Faucit erdhi një ditë pas aprovimit për përdorim të vaksinës “Johnson&Johnson”, e cila është e vetmja që merret me një dozë të vetme.
Pas Pfizer dhe Moderna kjo është vaksina e 3 e cila u miratua për përdorim nga FDA-ja.
Për shkak se shumë njerëz po dyshojnë në efektivitetin e kësaj vaksine Fauci i siguroi amerikanët se ajo është efektive sa 2 të tjera.
“Nuk është vaksina më e dobët! Të tre-ja janë vaksina efektive”, tha Fauci.
SHBA-ja gjendet në krye të listës për sa i përket pandemisë dhe pasojave të saj socio-ekonomike.
Aktualisht numri total i infektimeve ka shkuar 29,255,344, ndërkohë që ai i viktimave është 525,776 në të gjithë vendin që nga fillimi i pandemisë.
Pavarësisht masave anti-COVID dhe fushatës së suksesshme të vaksinimit, situata epidemiologjike në vend ende nuk është stabilizuar dhe duke se një vaksinë e tretë ishte një domosdoshmëri.