Policia greke ka sekuestruar rreth 300 kg marijuanë disa kilometra larg kufirit greko-shqiptar.
Mësohet se droga është gjetur në një furgon të braktisur në rrugën “Egnatia” në vendin e quajtur Kalamia, Kozani.
Furgoni është zbuluar pasditen e djeshme, por lajmi është bërë publik këtë mëngjes. Dyshohet se shoferi është larguar pasi furgoni mund të ketë pësuar defekt.
Sakaq, vijon operacioni për kapjen e shoferit, por ende asnjë rezultat.