Autoritetet shëndetësore në Kosovë kanë regjistruar të enjten 344 persona të infektuar me koronavirus, pas testimit të 2,281 mostrave.
Instituti Kombëtar i Shëndetësisë Publike ka njoftuar se në 24 orët e fundit janë regjistruar dy viktima me këtë virus. “Rastet e vdekjes janë nga komunat: Skenderaj 1 rast (63 vjeç), Viti 1 rast (85 vjeç)” , është thënë në njoftim.
Sipas IKSHPK-së, nga sëmundja COVID-19, që shkakton koronavirusi, të enjten janë shëruar 230 persona, derisa raste aktive janë 7,008.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 63.433 persona të infektuar me këtë virus. Prej tyre, 1,534 pacientë kanë vdekur.