Me kokën ulur dhe i penduar thellë është shfaqur para togave të zeza Nikollë Radaçi, shoferi që vrau dy fëmijë dhe plagosi një tjetër në Durrës.
Radaçi ndodhet në gjykatë, brenda kafazit të xhamtë, ku do të njihet me masën e sigurisë.
Ngjarja e rëndë ndodhi rreth mesditës së 3 majit, në lagjen nr. 15 të Durrësit. Tre fëmijë po luanin me top në trotuar, kur Rradaçi, duke drejtuar automjetin në gjendje të dehur, i përplasi me shpejtësi të madhe.
Si pasojë, dy prej tyre, 12 vjeç, dhe 10 vjeç, humbën jetën, ndërsa fëmija i tretë, 8 vjeç, arriti të mbijetojë, por ka marrë plagë të rënda.