Ish kryeministri Berisha feston 75 vjetorin e lindjes dhe mes urimeve të shumta është edhe ai i presidentit Ilir Meta.
Presidenti Meta i ka dërguar Berishës një buqetë me trëndafila të bardhë dhe i uron “Doktorit” shumë suksese ndërsa shkruan se për të ka vetëm një stinë: Pranverë.
“Gëzuar ditëlindjen doktor Berisha! Urimet më të ngrohta e të përzemërta! Edhe 100 vite të tjera me shëndet e lumturi! Suksese dhe mbarësi! Për Ju ka vetëm një stinë: Pranverë!”, shkruan Meta në mesazhin e shpërndarë për mediat. Një urim ky që tingëllon si urimet që i bëheshin dikur Enver Hoxhës, të tipit: të rrosh sa malet; marsh nga ditët tona…etj.
Presidenti Ilir Meta njihet për miqësinë e tij të veçantë me Berishën. Edhe më herët ai e ka pranuar vetë që ka një respekt të veçantë për ish kryeministrin Berisha dhe disa herë janë parë që zhvillojnë takime apo konsulta informale.