Natën e 29 qershorit, shtetasja italiane, Irina Vetera aksidentoi për vdekje dy të rinj shqiptarë.
E përlotur dhe ende nën traumë ajo flet nga burgu i Modenas dhe thotë se gjithçka që mund t’i ndodhë asaj tani, është e drejtë. “Do paguaj për atë që kam bërë”, thotë italiania.
“Unë jam shumë pranë familjeve të këtyre dy të rinjve. Nuk më intereson se çfarë ndodh me mua. Ajo që do të ndodhë me mua do të jetë e drejtë”, tha Irina Vetere nga burgu i Modenës, duke shpërthyer vazhdimisht në lot.
Vetere ndodhet në burg prej rreth një jave me akuzën për vrasje të dyfishtë rrugore. Ajo ishte e dehur, (5-fish më shumë se norma e lejuar) natën e 29 qershorit teksa i jepte makinës dhe aksidentoi për vdekje dy të rinjtë shqiptarë Ergi Skenderi e Xhulio Kaja.
Mediat italiane i përshkruajnë ditët e Irinës në paraburgim të gjata. “Natën në qeli me një shoqe, takime në mëngjes me psikologen dhe pasdite shkrime e lexime”.
