Partia Demokratike nuk ka dhënë asnjë detaj se si do të jetë skenari i protestës së sotme në Tiranë. Basha dje postoi një video nga protestat e kaluara, ku shihej tym e zjarr, ndërsa ftonte shqiptarët në protestë. Por deri tani nuk dihet nëse do të ketë marshim, apo fjalime dhe se cilët do të jenë personazhet që do të flasin, nëse do të ketë të tilla.
E vetmja gjë që dihet është se protesta do të zhvillohet në mbrëmje në orën 19.00. Ndërsa Berisha ka shkruar në Facebook se sot e gjithë Shqipëria vërshon drejt Tiranës.
“Sot Cunami i historisë. Shqipëria vërshon drejt Tiranës! Rama ik! Fitore!” – shkruan Berisha në Facebook.
