Kryeministri Edi Rama ka reaguar pasditen e kësaj të shtune në lidhje me deklaratat e Presidentit të Maqedonisë së Veriut, Stevo Pendarovski, i cili kërkon që vendi i tij, të trajohet i ndarë nga Shqipëria në lidhje me vendimin për çeljen e negociatave me BE-në.
Edi Rama ka shkruar një koment në Twitter, ku përmend direkt presidentin e fqinjit tonë lindor, ku i shkruan: “Presidenti Pendarovski favorizon “ndarjen nga Shqipëria” për negociatat? E çuditshme kjo qasje, sidomos kur konsideron kontributin kyç të Shqipërisë dhe shqiptarëve në zhvillimet demokratike dhe rrugën europiane të shtetit mik. S’duket as e drejtë as praktike faktikisht!”, shkruan Rama në Twitter.
Kreu i shtetit fqinj, Stevo Pendarovski u shpreh më herët se: “Problemi më i madh është ‘ndarja’ me Shqipërinë. Shqipëria tani është në rrëmujë. Opozita është larguar nga institucionet dhe po bëhet më e tensionuar. Pra, çfarë mund të themi këtu? Kemi pasur rekomandime pozitive nga Komisioni më parë, dhe ne jemi ‘veçuar”, thotë ai.
Lexo këtu deklaratën e Steven Pedarovski
