Është përkeqësuar gjendja shëndetësore e 17-vjeçarit Ramë Lala, i vetmi i mbijetuar i familjes së tij ku humbën jetën 8 persona dhe ministria e Shëndetësisë e ka nisur për mjekim të specializuar drejt Italisë. Ndërkohë për historinë e tij të dhimbshme, për dramën familjare ka shkruar edhe prestigjiozja Reuters, ku tregon sesi 17-vjeçari shpëtoi nga rrënojat pas shumë orësh kërkimesh.
Sipas Reuters 17-vjeçarin e ka ruajtur lavatriçja, pasi struktura metalike e saj ka krijuar hapësirë sa për t’i mbrojtur trupin dhe kokën 17-vjeçarit. Blloqet e inerteve të rëna sipër lavatriçes, i kanë bllokuar çdo mundësi dalje Ramë Lalës, por fatmirësisht nuk e kanë shtypur.
Familjarët që humbën jetën janë:
Ilir Lala (Ishte i paralizuar prej vitesh)
Marjeta Lala (Nëna e katër fëmijëve)
Emilio Lala 6 vjeç (Djali i Marjeta Lalës)
Dionis dhe Dionisa lala (Binjakët e Marjeta Lalës)
Amelia Lala 9 vjeç (Vajza e Marjeta Lalës)
Griselda Lala 22 vjeç (Motra e Ramë Lalës)
Sadete lala 78 vjeç (gjyshja)