Këngëtarja shqiptare me famë botërore, Rita Ora mban fjalën. Sipas kryebashkiakut të Tiranës, Erion Veliaj, shtëpia që Rita Ora kishte premtuar të ndërtonte pas tërmetit, ka nisur tashmë të vihet në zbatim. Veliaj shkruan se Rita Ora po ndërton shtëpinë e familjes Sala në fshatin Pinar.
“Rita Ora e mbajti fjalën menjëherë. Faleminderit goce. Pas tërmetit, nisi ndërtimi i shtëpisë së familjes Sala në fshatin Pinar, falë kontributit të vajzës tonë Rita ORa. Ftoj të gjithë komunitetin e biznesit dhe personave të njohur të jetës publike, të cilët kanë mundësi financiare, që të ndihmojnë në kapërcimin e kësaj situate në kohë rekord”, shkruan Veliaj.
Rita Ora është një nga personazhet e njohur public me orgjinë shqiptare që premtoi se do të ndihmonte në rindërtimin e shtëpive të familjeve të prekura nga tërmeti. Të njëjtin premtim e kanë bërë dhe këngëtare si Dua Lipa.
