Policia njofton se një person është marrë peng mesditën e së premtes në zonën e Kamzës në Tiranë. Ngjarja ka ndodhur rreth orës 11:44, në rrugën “London”. Sipas policisë disa persona janë përfshirë në një sherr të çastit dhe një nga personat e konfliktuar është marrë peng. Ai është futur me dhunë në një automjet dhe është larguar nga vendngjarja.
Policia ka shkuar në vendngjarje dhe është vënë në ndjekje të automjetit i cili është larguar menjëherë.
Shërbimet e Policisë kanë gjetur automjetin e personit që dyshohet se është marrë peng nga personat me të cilët u konfliktua.
Grupi hetimor po punon për sqarimin e plotë të rrethanave të ngjarjes.