Një makinë ka përplasur një këmbësor në aksin rrugor Velipojë-Shkodër, i cili ndodhet në gjendje kritike për jetën. I plagosuri Emiljano Toma, 32 vjeç, është marrë para nga makina dhe përfundoi disa metra më tutje. Është ende e paqartë nëse 32-vjeçari po ecte anës rrugës, apo po tentonte ta kalonte atë.
Policia shoqëroi drejtuesin e mjetit për zbardhjen e plotë të ngjarjes, ndërsa i riu ndodhet në sallën e reanimacionit në Shkodër në gjendje të rëndë.
