Tag: Arsenal

Mustafi s`mjafton, Arsenal ndalet nga Guimares

Arsenal u ndal në barazim 1-1 në transfertën e Guimares në Portugali, në takimin e raundit të katërt të Europa League. Skuadra e Unai Emery ishte zotruese e topit gjatë gjithë lojës, por  vetëm kaq. Vendasit dominuan në gjithçka tjetër. 15 herë gjuajtjen portën lojtarët e skuadrës portugeze, në raport me 7 gjuajtje të skuadrës së Arsenal.

Por mbrojtja e “Topçinjëve” ishte në lartësinë e duhur mbrëmjen e të mërkurës. Madje dhe goli erdhi nga lojtarët e mbrojtjes. Në të 81` Arsenal fitoi një goditje dënimi. Pepe mori përsipër gjuajtjen e topit, duke e dërguar atë në krahun tjetër të zonës ku Shkodran Mustafi i pambuluar nga mbrojtja vendase, gjuan me kokë dhe dërgon topin në rrjetë. Avantazhi i Arsenalit zgjati vetëm dhjetë minuta.

Në të 91`, lojtarët e Guimares dalin në sulm. Edwards futet në zonë dhe gjuan topin te Rochina, i cili tenton me kokë por topi nuk ka forcë për të shkuar në portë. Megjithatë, në zonë gjendet Duarte që me roveshatë mposht Martinez dhe vendos barazpeshën në fushën e lojës. Arsenali vijon të kryesojë Grupin F në Europa League me 10 pikë, ndërsa lë pas Eintracht Frankfurt me 6 pikë, por që do të duhet të përballet te enjten me St. Liege.

Aubameyang s`mjafton, Arsenal ndalet nga vendi i fundit

Arsenal nuk ka shkuar më shumë se barazimi 2-2 në transfertë ndaj Watford. “Topçinjtë” e nisën mirë takimin, pasi Aubameyang e realizoi dy gola brenda 10-të  minutash. Në të 21` sulmuesi gjeti rrjetën nga brenda zonës me një gol të bukur, ndërsa në të 31` e pati të lehtë të shënonte, pas një asisti të Maitland-Niles.

Megjithatë, me rinisjen e lojës në pjesën e dytë, Watford befason miqtë duke shënuar dy herë. Së pari shënoi Cleverley në të 53`, kur brenda zonës dërgoi topin në rrjetë, pas një hapësire të krijuar  nga mungesa e mbrojtësve kundërshtarë. Goli tjetër erdhi në minutën e 81`, kur vendasit fituan një penallti e cila u shënua gol nga  Pereyra.

Pas barazimit në fushën e Watford, Arsenal ka 8 pikë dhe mban vendin e 7-të në renditje. Ndërkohë, Watford mban vendin e fundit në Premier League me vetëm dy pikë pas pesë javësh kampionat. Në ndeshjen tjetër të së dielës në Premier League, Bournemouth mundi 3-1 Everton, me gola të Wilso në të (23` dhe 72`) dhe Fraser në të (67`), ndërsa Everton ngushtoi diferencat me Clavert-Lewin në të (44`).

Liverpool nis shkëputjen, mposht Arsenalin dhe kryeson me pikë të plota

Liverpool ka marrë fitoren e tretë rresht në Premier Ligë duke mposhtur Arsenalin me rezultatin 3-1. Që në nisje të lojës, Liverpool dominoi fushën duke shënuar edhe golin e parë për ndeshjen në minutën e 41-të duke e mbyllur pjesën e parë me rezultatin 1-0.

Në pjesën e dytë, Liverpool shënoi në minutën e 49-të me Salah përmes një penalltie që e shkaktoi David Luiz. Dhe do të ishte sërish Salah që do të shënonte edhe golin e tretë në minutën e 58-të.

Arsenali gjatë ndeshjes shënoi vetëm një gol në minutën e 85-të përmes Torreiras.

Me fitoren ndaj Arsenalit, Liverpool udhëheq Premier Ligën me 9 pikë, kurse Arsenali mbetet në vendin e dytë me 6 pikë.

Debutoi në miqësore, Ramsey: Krenar që jam pjesë e Juventusit

Mesfushori i Juventusit Aaron Ramsey bëri paraqitjen e tij të parë në fitoren miqësore të së shtunës ndaj Triestina. Ramsey bëri paraqitjen e tij të parë për kampionët e Serisë A, Juventus që kur la Arsenalin në një transferim të lirë në fund të sezonit 2018-19, duke dalë nga pankina në fitoren e së shtunës 1-0.

28-vjeçari nuk kishte luajtur me Juventusin, pasi ishte i dëmtuar prej prillit të këtij viti. Megjithatë, Ramsey zëvendësoi Federico Bernandeschi 20 minuta nga fundi në Stadio Nereo Rocco, ku tronditësi i rrjetës në minutën e 38-të, Paulo Dybala zgjidhi ndeshjen.

“Ndihem mirë. Kam pasur një rehabilitim të mirë, kështu që shpresoj që tani të mund të qëndroj i aftë dhe i shëndetshëm dhe të ndihmoj ekipin sa më shumë që të jetë e mundur,” tha Ramsey.

“Jam vërtet i entuziazmuar që jam pjesë e futbollit italian. Ky ishte një moment krenarie për mua që kam veshur këtë fanellë të famshme. Jam i lumtur që luajta disa minuta. Kam punuar shumë për t’u rikthyer dhe shpresoj që tani të mund të qëndroj i aftë. Unë jam natyrisht mjaft mirë fizikisht”, ka thënë Ramsey.

“Unë mendoj se kam pasur një para-sezon të mirë. Kemi marrë një trajner të ri që na ka dhënë idetë e tij. Ne jemi përshtatur me atë. Unë mendoj se ekipi është në gjendje të mirë dhe shpresoj që tani mund të kemi  sezon shumë të suksesshëm”, ka përfunduar futbollisti.

Adrian bën gafën fatale, Liverpoolin e shpëton Firmino

Pasi mposhti Chelsea në Superkupën e Europës, duke fituar trofeun e parë sezonal, Liverpool ka ruajtur të njëjtin ritëm dhe në kampionat. Në ndeshjen e javës së dytë të Premier League, Liverpool ka mundur në tranfertë Southampton, me rezultatin 1-2. Ishte Mane ai që realizoi golin e parë për Liverpool në fund të kohës shtesë në pjesën e parë, me një gol spektakolar nga brenda zonës.

Në të 71` ishte Firmino, që pasi kaloi mbrojtësit kundërshtarë realizoi golin e dytë për Liverpool, që rezultoi edhe goli i fitores, pasi vendasit ngushtuan diferencën në 1-2 në minutën e 83 me Ings, që shënoi pas një gabimi amatoresk të portierit Adrian, që i dhuroi topin kundërshtarit.

Arsenal ka fituar ndaj Burnley duke marrë tre pikët e radhës në javën e dytë të kampionatit. Lacazette në minutën 13` dhe Aubameyang në minutën e 64`, ishin autorët e dy golave që i dhanë fitoren “Topçinjëve”, ndërsa për Burnley shënoi Barnes në minutën e 43` të takimit. Bournemouth fitoi në transfertën e Aston Vilas me rezultatin 2-1, ndëra Brighton barazoi 1-1 me Ëest Ham. Everton fitoi minimalisht ndaj Watford, ndërsa Norwich fitoi 3-1 ndaj Newcastle.

Arsenal firmos me Nicolas Pepe, rekord historik për vlerën e transferimit

Arsenali ka vendosur një rekord në tregun e transferimeve në klub, duke i rrëmbyer Lille sulmuesin anësor Nicolas Pepe për 80 milionë euro. Lajmin e ka dhënë vetë klubi anglez, duke publikuar një njoftim zyrtar për arritjen e marrëveshjes me Lille për transferimit e Nicolas Pepe.

24-vjeçari ka firmosur një kontratë për pesë vite me Arsenalin, dhe do të mbajë veshur fanellën me numrin 19. Pepe luajti 80 ndeshje për Lille duke shënuar në total 37 gola dhe asistuar në 18 të tjerë. Ai bëhet transferimi më i shtrenjtë i Arsenalit pas ardhjes së Pierre-Emerick Aubameyang dhe Alexandre Lacazette verën e kaluar, përkatësisht për 63 dhe 53 milionë euro.

“Nicolas është një anësor me shumë vlera dhe me talent, i cili u kërkua nga shumë skuadra të mira në Evropë”, është shprehur Emery pas mbërritjes së sulmuesit te “Topçinjtë” e Londrës.

“Firma me një anësor të klasit të lartë ka qenë një nga objektivat e Arsenal në këtë periudhë transferimesh dhe unë jam i kënaqur që ai po bashkohet me ne. Ai do të shtojë ritmin, fuqinë dhe kreativitetin, me qëllim që të sjellë sa më shumë gola në ekipin tonë”, ka thënë trajneri i Arsenalit. Pepe është nënshkrimi i katërt i Arsenalit gjatë verës pas ardhjes së William Salida, Gabriel Martinelli dhe Dani Ceballos i ardhur në formën e huazimit nga Real Madrid.

Chelsea shkatërron Aresnalin në 20 minuta dhe fiton Europa League

Chelsea ka fituar kupën e dytë më të rëndësishme europiane për klube, pasi ka mundur Arsenalin në finalen e mdhe të UEFA Europa League, me ndeshjen që u zhvillua në Baku të Azerbajxhanit.

Skuadra e Maurizio Sarrit ka shpërthyer në pjesën e dytë të ndeshjes, me Giroud që hapi serinë e golave për Blutë e Londrës. Pas pjesës së parë, që prodhoi lojë dinamike, por pa gola, në të 49′ e pjesës së dytë ishi Arsenalit, ndë shkon Peter Cech me një gol të bukur me kokë nga brenda zonës.

Pas 11-të minutash nga goli i parë, Chelsea dyfishon me Pedron, që realizon pas një asisti nga Eden Hazard. Por në të 65′ belgu do të tundte rrjetën e mbrojtur nga ish-shoku i tij i skuadrës te Chelsea, por që sonte mbronte portën e Arsenalit, në atë që ishte ndeshja e fundit të karrierës. Hazard gjeti rrjetën nga pika e bardhë e penalltisë, por Arsenal ngushtoi me Iwobi në minutën e 69′, pas një goditje spektakokare nga jashtë zone.

Por Chelsea nuk toleron, pasi Hazard shënon golin e katërt në minutën e 72′, pas një goditje të bukur nga brenda zonës. Me rezultatin 4-1 Chelsea ngre lart për herë të dytë në historinë e tij trofeun e Europa League, pasi më herët e kishte fituar në sezonin 2012-2013. Kjo mund të ketë qenë ndeshja e lamtunirës për shumë lojtarë nga të dyja ekipet.

Eden Hazard është pranë kalimit te Real Madrid, ndërsa portieri i Arsenalit Peter Cech pas finales do të varë këpucët në gozhdë. Ish-portieri legjendar i ekipit nga Stamford Bridge do të rikthehet te Chelsea në pozicionin e drejtorit.

Europa League, flet “shqiptari” i finales. Mustafi: Arsenal fiton ndaj Çelsit nëse luan mirë në mbrojtje

Futbollisti me orgjinë shqiptare, Shkodran Mustafi, ka folur tre ditë para ndeshjes finale të Europa League mes Arsenalit dhe Chelsea. Mbrojtësi i “Gunners” ka treguar se finalja do të vendoset nga mbrojtja respektive e të dy ekipeve.  Sipas Mustafit, Arsenali ka mbrojtje më të mirë se rivalët e Chelsea, dhe këtu do të qëndrojë suksesi i ekipit të tij.

“Bëhet fjalë për mënyrën se si e fillojmë lojën dhe cili nga ekipet do të jetë më i organizuar. Ne e njohim shumë mirë njëri-tjetrin, pasi kemi luajtur shumë herë kundër njëri-tjetrit. Ata i njohin dobësitë tona, gjithashtu dhe ne i njohim pikat e tyre të dobëta. Çështja është se kush do gabojë më pak”, ka thënë fillimisht Mustafi.

“Unë  besoj tek ekipi im, jemi gati për t`i mundur ata. Finalja ndaj Chelsea në Europa League do të jetë ndryshe nga ndeshjet në Premier League. Do të jetë një ndeshje ku gabimi më i vogël të ndëshkon”.

“Kjo është arsyeja pse duhet të jemi të kujdesshëm. Detyra jonë si mbrojtës është të përpiqemi të mbulojmë sa më shumë. Nëse në bëjmë 90% të punës tonë, dhe kundërshtari shfrytëzon 10%, puna jonë do të harrohet”, ka thënë Mustafi.

Arsene Wenger: Kthehem së shpejti në futboll, jo si trajner

Ish-trajneri i Arsenalit, Arsene Wenger thotë se është gati të marrë një rol të ri në futboll, por ka pranuar për herë të parë se nuk do të kthehet më si trajner. Wenger përfundoi karrierën 22 vjeçare me “Gunners” në sezonin 2017-2018, duke deklaruar në atë kohë se do të dëshironte të merrte të tjera përgjegjësi si trajner.

Por duket se ajo dëshirë tashmë është venitur, dhe 69-vjeçari francez ka deklaruar se do të rikthehet në futboll por jo më si trajner. “Mendova se do të kthehesha si trajner shumë shpejt, por më pëlqente pak”, i ka thënë Wenger BBC-së. “Tani jam në udhëkryq. Do të më shihni përsëri në futboll. Si trajner… nuk e di”, ka thënë ai.

“Gjatë këtij viti kam bërë shumë punë bamirësie, dhe më pëlqeu. Nuk kam shumë intensitet në jetën time, por kam një perspektivë më të qartë të asaj që po ndodh. Shoh gabimet e drejtuesve të tjerë dhe nuk paguaj çmim për këtë”, ka thënë ish-trajneri i Arsenalit.

“Kam arritur në përfundimin se dua të ndaj me të tjerët atë që kam mësuar gjatë jetës, sepse mendoj se jeta është e dobishme nëse, në një moment, ndani me të tjerët ato gjarë që dini”.

“Në çfarë mënyre do të jetë? A do të jetë vetëm duke fituar lojëra futbolli apo do të jetë në një mënyrë tjetër? Kjo është ajo që unë duhet të vendos dhe ky vendim do të vijë shumë shpejt. Futbolli është ende pasioni im. Do të kthehem së shpejti, por nuk mund t’ju them saktësisht se në çfarë kapaciteti”, ka përfunduar Wenger. 

Vendim i hidhur për Arsenalin, Mkhitaryan nuk do të jetë në finalen e Europa League!

Arsenal do të përballet me Chelsea në finale e Europa League pas pak ditësh, ku të besuarit e Unai Emery do të synojnë të fitojnë kupën e vogël europiane. Megjithatë, ende pa ardhur dita e ndeshjes, skuadra e Arsenal është përballur me problemet e para.

Është klubi që ka njoftuar se një nga lojtarët më të rëndësishëm të ekipit, do të mungojë në finale ndaj Chelsea. Bëhet fjalë për Henrikh Mkhitaryan, i cili nuk mund të udhëtojë me klubin për finale e UEFA Europa League në Azerbajxhan.

Ky vendim për futbollistin nga Armenia është marrë nga klubi së bashku me familjen e Mkhityarian. Shkak është situata politike mes vendit të orgjinës së lojtarit dhe vendit ku do të organizohet finalja e madhe e UEFA Europa League.

Arsenal, edhe pse nuk do të ketë një lojtar të rëndësishëm në finale, nuk ka dashur të rrezikojë jetën e futbollistit, ndonëse nga UEFA dhe vendi organizator janë dhënë të gjitha garancitë për sigurinë e tij.

Skip to toolbar