Tag: Barcelona

Messi në tribunë, Griezmann çon në ‘qiell’ tifozët e Barcelonës

Barcelona ka marë tre pikët e para në kampionat, pas humbjes në javën e parë të La Ligas. Skuadra e Ernesto Valverde ka mposhtur me përmbysje 5-2 Betisin në “Camp Nou”. Ishte Fekir që shënoi që në minutën e 15-të për miqtë, ndërsa Barcelona do të priste deri në të 41` për të gjetur golin e barazimit. Antoine Griezman, ish-idhulli i tifozëve të Atletico Madrid, ka debutuar me një dopietë dhe një asist në ndeshjen e tij të parë me Barçën.

Francezi barazoi në minutën e 41`, ndërsa e nisjen e pjesës së dytë shënoi golin e avantazhit në minutën e 50-të, pas një asistimi perfekt nga Roberto. Gjashtë minuta më vonë ishte Perez që trefishoi për Barçën, ndërsa Alba realozi golin e katërt në minutën e 60-të.

Një aksion i bukur dhe një asist i shkëlqyer nga Griezmann për Vidal, bën që Barcelona të gjejë golin e pestë të takimit. Megjithatë, miqtë ngushtuan shifrat në 5-2, kur në të 79` Loren realizoi për Betis.

Leo Messi dhe Luis Suarez e kanë ndjekur ndeshjen nga tribuna, pasi të dy sulmuesit e Barcelonës janë të dëmtuar. Pas ndeshjes të së dielës, Barcelona ngjitet në vendin e  nëntë të kampionatit me 3 pikë. Me tre pikë doli dhe Atletico Madrid nga fusha e Leganes, me gol të shënuar nga Vitolo në minutën e 71. Atletico mori fitoren e dytë në javën e dytë të La Ligas, duke mbajtur kryesimin e kampionatit me pikë të barabarta me Sevillan.

PSG i hap derën Barcelonës për Neymar, Real dhe Juventus futen në garë

L`Equipe ka publikuar një lajm ku shkruan se Paris Sanit Germain ka i ka ‘hapur derën Barcelonës për Neymar’. Sipas burimeve të gazetës franceze, mësohet se dy klubet janë gati të arrijnë marrëveshjen për transferimin e Neymar në formë huazimi me të drejtë blerje në fund të sezonit tjetër.

Dëshira e Neymar për t`u rikthyer në Barcelona është e dukshme, por klubi katalanas ka ngadalësuar përpjekjet për shkak të kostos së lartë të kartonit të brazilianit. Pas dështimit të negociatave në takimin e parë zytar mes Barcelonës dhe PSG, në garë për Neymar është futur dhe Juventus me Real Madrid.

Barcelon i ka ofruar PSG-së, veç një pjese të parave të transferimit, edhe dy lojtarë të tjerë PSG për t`i marrë Neymar. Por skuadra kampione e Francës nuk ka pranuar.

Megjithatë, tani që Phipilipe Coutinho u larguar te Bayern dhe Ousmane Dembele është dëmtuar dhe do të qëndrojë pesë javë jashtë fushe, Josep Maria Bartomeut nuk i mbetet opsion tjetër, veçse të paguajë klauzolën për Neymar.

 Sidoqoftë, Barça përballet me konkurrencën e Real Madrid dhe Juventus për Neymar, të dy klubet janë duke kryer sondazhe për futbollistin.

Barcelona mbetet pa sulmues, pas Messi-Suarez, dëmtohet Dembele

Nuk kanë fund lajmet e kqija për Barcelonën këtë fillim sezoni. Pasi u mund në ndeshjen e  parë të La Ligas nga Atletiko Bilbao, duke humbur Luis Suarez që u dëmtua gjatë lojës, si dhe në mungesë të Lionel Messit, i dëmtuar në stërvitje disa ditë më parë, skuadra katalanase ka humbur dhe një tjetër lojtar.

Ousmane Dembele do të mbetet të paktën pesë javë jashtë ekipit “Blaugrana”, pasi të hënë gjatë stërvitjes është dëmtuar. Lajmin e ka dhënë klubi i Barçës në faqen zyrtare, duke trishtuar jo pak tifozët. Kështu, Barcelona humbet tre nga sulmuesit kryesor të ekipit, Messi, Suarez dhe Dembele.

Francezi u aktivizua gjatë ndeshjes me Atletiko Bilbao, duke e nisur si titullar takimin, pavarësisht se nuk arriti të linte përshtypje në skuadër. Ky është dëmtimi i pestë në karrierën e sulmuesit francez. Në fillim të transferimit të tij te Barcelona, për shkak të një dëmtimi, Dembele humbi 20 ndeshje me skuadrën, ndërsa në fund të sezonit të kaluar, ai mbeti katër javë jashtë fushe për shkak të dëmtimeve në ligament.

Coutinho firmos me Bayern, klubi e vlerëson me “10”

Philippe Coutinho ka hedhur firmën në kontratën e re me Bayern Munich, duke u transferuar nga Barcelona në formë huazimi për një vit në “Allianz Arena”. Sulmuesi brazilian ka kaluar me sukes testet mjekësore te ekipi baravarez, ndërsa të hënën pasdite ka firmosur kontratën e re me klubin. “Jam vërtet i impresionuar dhe jam shumë i lumtur që jam këtu”, është shprehur në fjalët e tij të para si futbollist i Bayernit, brazilianit. “Mezi pres që të stërvitem me shokët e skuadrës të martën. Kjo është një ditë shumë e lumtur për mua”, ka thënë Coutinho, që do të mbajë numrin ‘10’ te Bayerni.

“Jam shumë i sigurt se me Philippen do të kemi dhe më shumë cilësi. Ne kemi një lojtar që njihet për teknikën e tij të shkëlqyer dhe shpirtin e tij”, është shprehur CEO Karl-Heinz Rummenigge. Coutinho ka nisur të luaj futboll në vendlindjen e tij në Brazil në Rido de Janeiro. Shumë shpejt ai u bë pjesë e akademisë së ekipit Vasco de Gama. Teknika e tij e jashtëzakonshme u vu re në Europë, kur në vitin 2008, Interi siguroi shërbimet e talentit.

Në vitin 2010 Coutinho bëri debutimin me kombëtaren braziliane, ndërsa mbrriti në Europë tek Interi. Në janar të vitit 2013, pasi nuk gjeti shumë hapësirë te Inter, Coutinho u bashkua me Liverpool. Ai luajti 201 ndeshje për “Reds” dhe shënoi 54 gola, ndërsa asistoi në 45 të tjerë.

Ky shpërthim i brazilianit tërhoqi vëmendjen e Barcelonës, që në janar të vitit 2018 bleu brazilianin duke e bërë atë lojtarin e dytë më të shtrenjtë në botë. Me katalanasit, Coutinho luajti 76 ndeshje, duke shënuar 21 gola dhe asistuar 11 të tjerë. Për shkak të konkurencës së madhe në ekip, Coutinho nuk arriti të gjente shumë vend te Barcelona, që tashmë e huazon për një vit te Bayern.

Real Madrid “mbretëror” në takimin e parë të La Ligas

Pas humbjes së Barcelonës të premten, La Liga ka nisur në mënyrën e duhur për Real Madridin të shtunën. Skuadra e Zinedine Zidane ka fituar 1-3 në transfertën ndaj Celta Vigo, duke bindur që në ndeshjen e parë të kampionatit.

Me mungesën e blerjes së bujshme të merkatos së verës, Eden Hazard, dhe daljen me të kuq të Luka Modric, Real Madrid ka treguar se do të jetë një ekip i ‘frikshëm’ këtë sezon. Një sprint i shkëlqyer i “padëshiruari” Gareth Bale, që futet në zonë në minutën e 12`, gjen dhe i pason topin Karim Benzema, që përballë portierit kundërshtarë nuk e ka të vështirë të shënojë.

Në minutën e 56` Luka Modric la Realin me 10-të lojtarë, pasi u ndëshkua me të kuq, pas një ndërhyrje të gabuar ndaj një lojtari kundërshtar. Megjithatë, as i kuqi i Modric nuk e penalizmi Realin, pasi në të 61` Kroos dyfishon shifrat për madrilenët, me një gol spektakolar nga jashtë zone.

Dhjetë minuta para përfundimit, ishte Lucas që trefishoi për Realin me një realizim të bukur nga brenda zonës. Megjithatë, vendasit ngushtojnë shifrat në 1-3 në minutën e 90+1`. Me këtë fitore, Real Madrid tregon se ndeshjet miqësore të verës, kanë qenë thjesht një histori e parëndësishme, pavarësisht se humbjet ishin shqetësuese për tifozët.

Messi tremb Barcelonën para nisjes së La Ligas, mungon në stërvitje

Gjatë kësaj fundjave do të nisin pothuajse të gjitha kampionatet kryesore në Europë, mes tyre dhe La Liga. Kampionët e spanjës, Barcelona, duket se kanë marrë një lajm të keq para nisjes së sezonit. Gjatë stërvitjes së fundit, para ndeshjes kundër Atletiko Bilbaos, ylli argjentinas i Barçës, Lionel Messi nuk ka qenë në stërvitje. Mungesa e tij në stërvitje, e bën të sigurt edhe mungesën në ndeshjen e parë që do të luhet të premten në ndeshjen hapëse të sezonit për Barcelonën.

Trajneri Ernesto Valverde është pyetur për mungesën e Messit në stërvitje, duke u shprehur se “nuk mund ta rrezikojmë”. “Ne nuk mund të marrim rreziqe me lojtarët dhe sigurisht jo me të. Ai nuk është stërvitur me ekipin pasi ka pasur disa shqetësime. Ne do të presim pak për të parë se si shkon shërimi i tij. Po shkon mirë, unë e kuptoj, por duhet të presim dhe të shohim”, ka thënë Valverde. Argjentinasi pësoi një dëmtim në 5 gusht, në të njëjtën ditë kur ai u bashkua me ekipin pas pushimeve.

Ndërkohë, duke ndierë rrezikun se nuk do ta ketë dhe për shumë kohë në skuadër dhe me të njëjtin rendiment për shkak të moshës, Barcelona po kërkon pasuesin e Messit, duke tentuar rikthimin e brazilianit Neymar në Kamp Nou. Deri më tani negociatat mes PSG dhe Barçës kanë dështuar.

Barcelona pranë Neymar, por PSG vendos kushte

Transferimi i Neymar nga Paris Saint-Germain te Barcelona tashmë është futur në rrugën e bisedimeve zyrtare. Takimi i parë mes drejtuesve të dy klubeve, zhvilluar në Paris, ka përfunduar për marrëveshje për një transferim të mundshëm të Neymar në “Camp Nou”.

Sipas mediave katalanase, të dyja palët janë shumë larg në propozimet e tyre. PSG ka kërkuar 100 milion euro plus Philippe Coutinho dhe Nelson Semedo. Ndërkohë, Barça i është përgjigjur duke i ofruar Coutinho dhe Ivan Rakitic, pasi nuk dëshirojnë që të humbin portugezin.

Mundësia tjetër për Barçën ishte një hua sezonale me një detyrim për ta bërë atë të përhershëm verën e ardhshme. Njerëzit afër të dy klubeve janë shprehur se këto bisedime fillestare janë të zakonshme, veçanërisht kur flitet për transferimin e lojtarëve me profil të lartë.

Ekspertët e merkatos ndërkohë janë shprehur se pretendimet dhe pozicionet aktuale të palëve mund të ndryshojnë në vazhdim. Neymar është kërkuar me ngulm nga Barcelona, e cila sheh te braziliani pasardhësin e Lionel Messit të paktën për disa vite.

Por rikthimi i tij në Camp Nou, është një problem më vete për Barçën, që tashmë ka nisur zyrtarisht bisedimet me PSG-në, ekip të cilit ia shiti 222 milion euro Neymar dy vite më parë.

Firma me Griezmann, Barcelona nën hetim, rrezikon të ‘paguhet’ shtrenjtë

Antoine Griezmann mund t`i kushtojë më shtrenjtë se 120 milionë euro Barcelonës. Të premten Federata Spanjolle e Futbollit ka nisur një hetim ndaj klubit Katalanas, pas një krese të bërë nga Atletico Madrid, që pretendon se Barcelona dhe Griezmann (ish-lojtar i Atleticos), kanë bërë një marrëveshje të fshehtë në mars të këtij viti.

Disa ditë pasi palët arritën marrëveshjen e transferimit, ku Barcelona pranoi të paguante klauzolën e Griezmann ndaj Atletico Madrid për 120 milionë euro, klubi kryeqytetas pretendon se ka zbuluar një marrëveshje të fshehtë mes ish-lojtarit të tyre dhe ekipit katalanas, bërë në mars.

Sipas Atletico Madrid, kjo marrëveshje është bërë në një kohë kur vlera e klauzolës së lojtarit ishte ende 200 milionë euro dhe nuk kishte zbritur në 120 milionë euro, për këtë arsye Atletico kërkon hetim nga Federata Spanjolle e Futbollit për Barcelonën dhe Antoine Griezmann.

“Atletico Madrid ka kuptuar se kontrata ishte kryer para përfundimit të sezonit të kaluar, në bazë të fakteve, veprimeve dhe deklaratave të lojtarit dhe Barcelonës, ka nisur procedurat që i konsideron të nevojshme për t mbrojtur të drejtat dhe interesat legjitime të klubit”, shkruhet në deklaratën e Atletico Madrid, raportojnë mediat spanjolle.

Presidenti i Atleticos, Enrique Cerezo është shprehur së fundi për çështjen se Barcelona dhe Griezmann kanë shkelur rregullat e Federatës, duke nënshkruar një marrëveshje në mars. Sipas rregullores së Federatës Spanjolle të Futbollit, neni 143, “… klubi i interesuar për të përvetësuar një futbollist profesionist duhet të njoftojë dhe komunikojë me shkrim interesimin e tij te klubi që zotëron lojtarin, përpara e të nisë negociatat me vetë futbollistin”.

Griezmann te Barcelona: Kënaqësi të punoj me Messin

Griezman është blerja më e re e Barcelonës. Sulmuesi Francez u prezantua një ditë më parë te skuadra Blaugrana, pasi Barcelona pranoi të paguante gati 107 milionë euro në arkat e Atletico Madrid, për të blerë sulmuesin. Pas prezantimit zyrtar, Antoine Griezmann ka folur për mediat, ku është shprehur se ndihet i lumtur që vjen në Barcelonë, duke shpresuar se do të ndihmojë klubin për të arritur objektivat.

“Jam shumë i lumtur. Pres me padurim të punoj me skuadrën dhe të takohem me shokët e mi të rinj. Është një sfidë e re, me objektiva të tjerë. Unë shpresoj se mund të bëj mirë ashtu si kam bërë me Atleticon. La Liga, Copa del Rey, Champions League, janë objektivat e klubit dhe gjithashtu objektiva për mua, shpresoj që t`i fitojë ato trofe këtu”, është shprehur Griezmann. Sulmuesi francez tashmë gjen te Barcelona disa prej bashkëatdhetarëve të tij, Samuel Umtiti dhe Ousmane Dembele.

Ndërkohë, Griezmann ka folur edhe për Lionel Messin, sulmuesin kryesor të Barcelonës, që tashmë do t`a ketë shok skuadre dhe jo më kundërshtar në La Liga. “Mezi pres ta takoj atë, të shoh se si stërvitet çdo ditë në trajnim. Të luash pranë tij do të jetë kënaqësi e madhe. Kam dashur gjithmonë të vij këtu, familja më ka mbështetur. Për mua, është një klub i madh, dhe shpresoj ta ndihmoj që të vazhdojë të jetë akoma më i madh”, ka thënë ndër të tjera Griezmann.

Gjatë të dielës, Griezmann ka kryer vizitat mjekësore te Barcelona, dhe më pas firmosjen e kontratës së re me klubin. Më pas, gjatë fillimit të javës, 29-vjeçari do të bashkohet me kampion stërvitor me pjesën tjetër të ekipit blaugrana.

Barcelona rrëmben talentin që e donte e gjithë Europa, pasues i Messit

Barcelona ka gjetur pasuesin e Lionel Messit. Po aq sa mosha e argjentinasit, kur u afrua me klubin Blaugrana, është dhe talenti i ri që ka hedhur firmën mbi kontratë, me Barcelonën. Bëhet fjalë për talentin 16-vjeçar nga West Bromuich, Louie Barry, i cili në fakt ka ndryshuar mendje në moment të fundit për të nënshkruar me Barcelonën. Talenti anglez ishte nisur drejt Francës për të kryer testet mjekësore te Paris Saint-Germain, por ndryshoi mendje në moment të fundit, shkruajnë mediat spanjolle.

Nga Parisi ai është nisur drejt Barcelonës, ku ka firmosur me klubin të shtunën më 6 korrik. Detajet na kontrata ende nuk bëhen të ditura, por mediat thonë se te Barcelona, Louie Barry do të fitojë më pak para se te PSG-ja, por talenti beson më shumë te krijimi i mundësive për të pasur një karrierë më të mirë sportive në ‘La Masia’. Futbollisti 16 vjeçar i është bashkuar klubit të Ëest Brom, prej moshës 6-vjeçare.

Ai shihet si një talent i madh, ndërsa në përfundim të këtij sezoni me të rinjtë e ekipit anglez, Barry nuk pranoi një ofertë që iu ofruar nga klubi, një kontratë profesionale dyvjeçare dhe një bursë studimi, ndërsa së shpejti do të bëhej pjesë dhe me ekipin e parë. Ai ka qenë prej kohësh në vëzhgim nga Red Bull Leipzig, PSG, Barcelona, Bayeren Munich, Man United dhe Juventus, të cilët kishin shfaqur interes për lojtarin.

Talenti i West Brom, është pjesë e ekipit kombëtar të moshave me Anglinë, me të cilin ka shënuar 19 gola në 18 ndeshje. Ai do të bashkohet me Barcelonën së shpejti për të qenë gati për sezonin e ardhshëm. Barcelona do të duhet të paguajë 130,000 euro ndaj West Brom për lojtarin.

Skip to toolbar