Tag: Champios League

Champios, Ronaldo gati për Allegrin (video+foto)

Juventus ka mungesa të tjera si Giorgo Chiellini dhe Emre Can

Juventus është nisur drejt Amsterdamit këtë të martë, aty ku nesër do të përballet me Ajaxin në ndeshjen e parë çerekfinale të Champios League.

Skuadra e Massimiliano Allegrit vjen si favorite në këtë përballje, duke tentuar që këtë sezon të bëjë mrekullinë, pasi në ekip ka lojtarin më të mirë në botë, Cristiano Ronaldo.

Aellegri ka grumbulluar lojtarët të cilët do të ketë gati në sfidën e ditës së nesërme, ku mes tyre është padyshim i rikthyer CR7.

Portugezi ka kaluar dëmtimin që pati nga tërheqja muskulore, ndërsa do të jetë gati për trajnerin në këtë sfidë të të rëndësishme.

Mirëpo, në skuadër do të mungojnë dy futbollistë të tjerë të rëndësishëm. Giorgo Chiellini dhe Emre Can kanë mbetur jashtë. I pari ka pasur një problem muskulor, ndërsa Can ka ndrydhur kaviljen.

Dyshja do t’i bashkohet Martin Caceres dhe Juan Cuadrado-s në infermieri, megjithëse te bardhezinjtë janë rikthyer Mattia Perin, Barzagli dhe Douglas Costa.

Ky është grupi i lojtarëve të grumbulluar nga Massimiliano Allegri:

Szczesny, Perin, Pinsoglio; De Sciglio, Alex Sandro, Barzagli, Bonucci, Cancelo, Rugani, Spinazzola; Pjanic, Khedira, Matuidi, Bentancur, Nicolussi Caviglia; Ronaldo, Dybala, Costa, Mandzukic, Kean, Bernardeschi.

Liverpool prek kualifikimin (video)

Liverpool ka mundur Porton në shtëpi në ndeshjen e parë çerekfinale të Champios League. Skuadra e Jurgen Klop nuk e ka diskutuar për asnjë çast fitoren ndaj portugezve, me Keita dhe Firmino, që realizuan dy golat e fitores për anglezët.

Pesë minuta nga nisja e takimit, Firmino depërton në zonën kundërshtare duke i pasur Keitas një top të bukur. Futbollisti nga Guinea gjuan drejt portës pasi krijon hapësirën e nevojshme.

Topi devijohet nga mbrojtësit miq, duke i ndryshuar trajektoren, ndërsa Iker Kasillas mbetet i pa lëvizur në portë duke parë sferën që përfundon në rrjetë.

Golin e dytë e shënoi vetë Firmino në minutën e 26`, pas një kombinimi perfekt brenda zonës me Alexander-Arnold.

Ky i fundit futet në zonë pasi merr një pas nga 40 metra dhe sheh të vetëm përball portierit shokun e skuadrës, të cilit i pason topin.

Firminos i mjafton vetëm të shtyjë drejt portës, duke i dhënë avantazhin e dyfishtë Liverpool që në pjesën e parë të lojës.

Vendasit kanë dominuar në gjithçka takimin e sotëm, duke bërë një hap të rëndësishëm për kualifikimin në gjysmëfinale, ndonëse do duhet të luhet dhe ndeshja e kthimit ndaj portugezve.

Ajax e Juve ndahen në paqe (video)

Ajax ka barazuar 1-1 me Juventusin në sfidën e parë çerekfinale të Champions League, e luajtur në Hollandë.

Cristiano Roanlado ka kaluar në avantazh Juventusin në minutën e 45` të takimit, pasi realizoi një gol spektakolar me kokë brenda zonës.

Ishte Cancelo ai që i dhuroi portugezit një asist të bukur, teksa CR7 futet në zonë dhe hidhet duke gjuajtur me kokë.

Mirëpo Ajax barazon me nisjen e pjesës së dytë të lojës me anë të Neres, që kap miqtë në befasi.

Sapo nis pjesa e dytë, Neres niset në krahun e djathtë drejt zonës kundërshtare. Mbrojtja mike tenton ta ndalë, por sulmuesi i Ajax gjuan me të djathtën duke e dërguar topin në shtyllën e dytë.

Kështu gjithçka vendoset në barazpeshë, paçka se të dyja skuadrat nuk pajtohen me rezultatin.

Skuadra e Ajax, pas shënimit të golit të barazimit, merr kontrollin e lojës në dorë, duke shkuar disa herë në zonën kundërshtare, por pa arritur të finalizojnë si duhet në portë.

Barcelona “ok”, United bën gafën e pafalshme (video)

Barcelona ka fituar 1-0 përballjen e parë çerekfinale të Champios League në transfertën ndaj Manchester United.

Skuadra katalanase kaloi në avantazh në minutën e 12 të takimit, pasi Suarez detyron rivalët të shënojnë në portën e tyre.

Një aksion i lojtarëve të Barcelonës, përfundon me Suarez që tenton të gjejë golin me kokë, por para se topi të shkonte në rrjetë, devijohet nga mbrojtësi Shaw i United.

Kështu skuadra mike kalon në avantazh me autogol të vendasve dhe hedhë një hap të rëndësishëm për ndeshjen e kthimit.

Ndeshja ka qenë e luftuar nga të dyja ekipet deri në fund, me raste të cilat nuk janë konkretizuar si duhet nga sulmuesit e skuadrave respektive.

Kështu katalansit kalojnë në avantazh duke e ruajtur atë deri në përfundim të ndeshjes, ndërsa fitorja e sotme vlen shumë, pasi në kthim Barcelona e pret Manchester United në “Camp Nou”.

Kështu kualifikimi për në gjysmëfinalen e Ligës së Kampionëve tashmë varet nga katalanasit, ndërsa United do të duhet të bëjë një tjetër mrekulli për kualifikimin, si ajo ndaj PSG-së.

Skip to toolbar