Europa League, Chelsea në finale pas gjuajtjeve të penalltive (video)

Gjithçka europiane i shkon Anglisë këtë sezon, pasi Chelsea ishte ekipi i fundit që preu biletën për në finalen e madhe të Europa League, që do e luajë kundër Arsenalit.

Skuadra e Mauricio Sarrit ka fituar me penallti ndaj Eintracht Frankfurtit, pas barazimit 1-1 në kohën e rregullt dhe shtesë. Nga gjuajtja e penalltive anglezët u treguan më të saktë para portës duje triumfuar me rezultatin 4-3.

Kjo do është hera e parë e historisë së futbollit ku katër skuadra angleze janë njëkohësisht në finalen e Champions-it dhe Europa League. Në lidhje me ndeshjen, Chelsea kaloi në avantazh në minutën e 28′ të takimit me Loftus Cheek.

Miqtë nuk u dorëzuan por insistuan dhe arritën të shënonin golin e barazimit pas pushimit me Joviç. Shifrat nuk ndryshojnë deri në fund të kohës së rregullt, teksa gjithçka shkon në shtesë. As për 30 minuta nuk ndryshon asgjë në rezultat.

Skuadrat bëhen gati për gjuajtjen e penalltive me Hazard që gjuajti penalltinë vendimtare në fund, pasi miqtë kishin gabuar. Kështu Chelsea shkon në finale kundër Arsenalit.

Barazim Frankfurt-Chelsea, kualifikimi vendoset në kthim (video)

Është mbyllur në barazim 1-1 sfida e parë gjysmëfinale e Europa League mes Frankfurt dhe Chelsea, me ndeshjen e luajtur në stadiumin “Commerzbank-Arena”.

Me ndeshjen e mbrëmjes të së enjtes, Chelsea arrin rekordin e Barcelonës në këtë kompeticion, pasi në udhëheqjen e Roman Abramovic, skuadra londineze luajti gjysmëfinalen e nëntë në Europa League, që prej vitit 2003.

“Shqiponjat” e Frankfurtit kanë kaluar të parët në avantazh me Luka Jovic, i cili realizoi një gol të bukur brenda zonë në minutën e 23′ të takimit.

Chelsea ka reaguar dhe në përfundim të pjesës së parë ka barazuar shifrat me Pedro, duke vulosur edhe rezultatin e takimit. Sulmuesi spanjoll ka shënuar 4 gola dhe ka përgatitur 3 të tjerë në gjashtë ndeshjet e fundit të Europa League.

Në pjesën e dytë, mundësitë për të shënuar golin e avantazhit ishin për Chelsea-n, por lojtarët e Sarri-t kanë shpërdoruar shumë. Në fund, anglezët duhet të kënaqen me një barazim në Gjermani dhe do të mundohen të marrin një fitore në Stamford Bridge.

Formacioni më i mirë i vitit në Angli, pakënaqësi për mungesën e Hazard!

Shoqata e Futbollistëve Profesionist në Angli ka publikuar formacionin më të mirë të vitit në Premier League. Ky formacion dominohet nga lojtarët e Manchester Cityt dhe Liverpool, dy ekipet që janë luftë për titullin këtë sezon.

“Qytetarët” kanë 6 lojtarë në këtë formacion, ndërsa “Të kuqtë” përfaqësohen me 4 të tillë. Paul Pogba është i vetmi futbollist i kësaj 11-she, që vjen nga Manchester United, duke plotësuar formacionin e vitit.

Prania e francezit në këtë formacion ka shfaqur habi për shumë kënd në Angli, sikundër dhe mungesa e Eden Hazard, me këtë të fundit që ka bërë një sezon të shkëlqyer me Chelsea, ndërsa nuk ka qenë kështu për Pogba.

Për këtë arsye, ka plasur debati në rrjetet sociale dhe nuk kanë fund talljet me një formacion ku të paktën Pogba nuk duhej të kishte vend, duke parë sezonin e tmerrshëm të United dhe të francezit, edhe pse kampioni i botës ka shënuar shumë gola, kryesisht me penallti.

Ederson (City), Arnold (Liverpool), Van Dijk (Liverpool), Laporte (City), Robertson (Liverpool), Bernardo Silva (City), Fernandinho (City), Pogba (United), Sterling (City), Mané (Liverpool) dhe Agüero (City) janë lojtarët që përbëjnë “Ekipin e Vitit” në Premier League.

Liverpool kthehet në krye për çmimin e “Lojtarit më të mirë të vitit” në Premier League, me Van Dijk, pasi edicionin e kaluar e fitoi Mohamed Salah. Më parë, po nga të kuqtë, kishin triumfuar në këtë drejtim Luis Suárez (2013-14) dhe Steven Gerrard (2005-06), ndër të tjerë.

Analiza: Hysaj jo i paprekshëm, e ardhmja e tij e mbuluar me mjegull!

E ardhmja e Elseid Hysaj është në dilemë. Prej një viti flitet për rinovimin e kontratës së tij me Napolin, por deri më tani nuk ka asgjë konkrete. Takimi i fundit mes presidentit të Napolit, Aurelio De Laurentisit dhe agjentit të Hysajt, Mario Giuffredi, ishte më 28 mars, ku u diskutua rreth rinovimit të kontratës së lojtarit dhe heqjes së klauzolës prej 50 milionë euro, që e bën më të lehtë transferimin e mbrojtësit në klube të tjera.

Është “Tuttomercatoweb”, që i ka kushtuar një artikull të ardhmes së futbollistit të Kombëtares shqiptare, ku thekson se: “Hysaj nuk është i paprekshëm: rinovimi dhe transferimi në horizon”, ndërsa më tej në artikullin e medias italiane shkruhet:

“Hysaj, mbërriti në Napoli gjatë sezonit 2015-2016, së bashku me trajnerin Maurizio Sarri. Ai pati rol tirullari në tre vite te Napoli, gjatë kohës që ekipi u drejtua nga trajneri aktual i Chelsea në Angli. Ardhja e Carlo Ancelottit tronditi pozitat e mbrojtësit shqiptar, që u pa se nuk ishte më i domosdoshëm në zgjedhjet taktike të “bluve”, pasi rritja e Kevin Malcuit bëri që lojtari të mos i trembej konkrrencës në repartin e tij”, shkruhet ndër të tjera në analizën e portalit italian.

Nisur nga këto argumenta, “Tuttomercatoweb”, shkon më tej në analizën e saj, duke theksuar faktin se Hysaj mund të largohet në verë.

“Kështu, e ardhmja e futbollistit të Kombëtares shqiptare duket se mbetet në mjegull të dendur. Nëse Sarri qëndron në stolin e Chelsea, tratarivat e “bluve” të Londrës për të marrë Hysajn nuk përjashtohen, në verë, ashtu siç ka dhe ekipe të tjera që kanë trguar interesim. Çmimi i kartonit të Hysajt duhet të rishikohet, përkundër qendrueshmërisë në fazën mbrojtëse, të treguar sezonin e fundit, pak klube do të ishin të gatshme të shpenzonin 50 milionë euro për të. Në Napoli, pritet një verë e nxehtë në këtë drejtim”, përfundon analiza e “Tuttomercatoweb”.

Chelsea ndalet nga Burnley, vështirëson çështjen Champions!

Chelsea nuk ka shkuar më shumë se barazimi 2-2 ndaj Burnleyt, duke lënë pikë të rëndësishme në luftën për një vend në Champions League sezonin e ardhshëm.

Ndeshja ka qenë spektakolare në “Stamford Bridge”, por skuadra e Sarrit ka humbur shumë raste, duke i dhënë mundësi Burnleyt që të dalë me një pikë në fund.

Miqtë kaluan të parët në avantazh me Hendrick, por Kane dhe Higuain kanë përmbysur brenda dy minutave, mirëpo Barnes ka barazuar në minutën e 24′.

Në pjesën e dytë Chelsea ka dominuar takimin, por nuk ka arritur të shënojë golin e avantazhit, pavarësisht se shkuan disa herë në portën kundërshtare.

Një barazim që i ngjit në vendin e 4-t, por me një ndeshje më shumë se konkurrentët e tjerë.

Anglezët bëjnë ligjin, Arsenal e Chelsea në gjysmëfinalen e Ligës së Europës!

Napoli kthehet në shtëpi ndërsa Arsenal vijon rrugëtimin në gjysmëfinalen e Europa League. Ndeshja e kthimit ka folur përsëri “gjuhën” angleze, teksa Alexandre Lacazette ka shënuar golin e fitores 0-1 për ‘Topçinjtë’.

Napoli bëri një ndeshje përgjithësisht të mirë duke ushtruar presion që në fillim, por Arsenal ishte i kujdesshëm në fushë duke mos i krijuar hapësira kundërshtarit. Ndërsa goli i Lacazette afër fundit të pjesës së parë vendosi fatet e ndeshjes.

Rezultati mbeti i pandryshuar 1-0 dhe Napoli i thotë lamtumirë Europa League pa shënuar asnjë gol në çerekfinale. Arsenal do të ndeshet me Valencian në gjysmëfinale.

Veç Arsenal, skuadra tjetër angleze që shkon në gjysmëfinale është Chelsea, që mundi Slavia Prague me rezultatin përfundimtar që është 4-3.

Sfida nisi me një çmenduri të lojtarëve të Sarri-t, të cilët pas një aksioni të pabesueshëm kanë shënuar golin e avantazhit. Autogoli i delit dyfishon rezultatin përpara se Giroud të shënonte golin e tretë.

Soucek shënon golin e parë të miqve përpara se Pedro të shënonte një tjetër gol. Pas pushimit ishin miqë ata që me anë të Sevcic gjetën rrjetë dy herë duke e kthyer në një festival golash.

Eintracht Frankfurt ka përmbysur disavantazhin e dy golave të ndeshjes së parë në Portugali duke mposhtur Benfica-n 2-0 në ndeshjen e kthimit.

Ishin golat e Kostic në pjesën e parë dhe ish-mesfushorit të Bayern, Rode, ata që i dhanë këtë rezultat të mrekullueshëm gjermanëve të cilët avancojnë në gjysmëfinale dhe do të ndeshen me Chelsea-n.

Pas fitores 3-1 në ndeshjen e parë, Valencia ishte me një këmbë në gjysmëfinale dhe ndeshja e kishin rezultati të ishte thjesht një formalitet. Skuadra e Marcelino-s ka fituar 2-0 brenda falë golave të Latorre dhe Parejo dhe tani do të ndeshen me Arsenal në gjysmëfinale.

Arsenal drejt gjysmëfinales, Chelsea shënon në fund

Arsenal ka mundur Napolin në ndeshjen e parë çerekfinale të Europa League. Topçinjtë e Lindrës fituan në “Emirates” me rezultatin 2-0, me të dy golat të shënuar qënë pjesën e parë të takimit.

Dy gabime të mbrojtjes kundërshtare janë shfrytëzuar në mënyrë perfekte nga Arsenal, me Ramsey që shënoi golin e parë dhe Koulibaly që ishte autor i autogolit të dytë, që i dha fitoren anglezëve.

Napoli u përpoq të reagonte në pjesën e dytë, por nuk është afruar golit dhe duhet të bëjë një lojë të përsosur për ta përmbysur ndaj Arsenal në ndeshjen e kthimit.

Ndërkohë Chelsea ka vuajtur për të gjetur golin e avantazhit, por ia ka dalë në minutën e 86’ të takimit me Marcos Alonso-n duke fituar 1-0 ndaj Slavia Prague.

Sarri kishte bërë shumë ndryshime në prag të ndeshjes me Liverpool në fundjavë, nuk luanin lojtarë si Hazard dhe Higuain. Gjithsesi, The Blues ishin ata që kontrolluan ndeshjen dhe në fund shënuan një gol të merituar.

Benfica, e ndihmuar nga një karton i kuq i marrë nga mbrojtësi Frankfurt, N’Dicka, në minutën e 20-të, ka fituar 4-2 ndeshjen e parë në shtëpi. Ka shkëlqyer talenti Joao Felix me tripletën e parë në karrierën e tij.

Valencia ka mposhtur 3-1 Villarreal në fushën e këtyre të fundit duke bërë një hap të rëndësishëm drejt gjysmëfinales.