Ronaldo kthehet në Madrid, vlerësohet nga Marca dhe takon presidentin e Realit

Cristiano Ronaldo ka marrë çmimin “Legjenda e Marcas” për karrierën e tij të suksesshme si futbollist profesionist dhe madhështinë që ka arritur në nivele ndërkombëtare. Futbollisti mori çmimin nga drejtori i gazetës spanjolle, Marca, Juan Ignacio Gallardo, në një aktivitet të mbajtur në Teatrin Reina Victoria në Madrid. Në këtë ceremoni ka qenë i pranishëm dhe Presidenti i Real Mdrid, Floerntino Perez.

Gjatë fjalës së tij, Ronaldo është shprehur se shumica e meritës së çmimit që ka fituar, është arritur në Madrid. “Ky trofe do të jetë në një vend shumë të rëndësishëm në muzeun tim. Madridi është i veçantë, unë udhëtoj shumë, por ka pak qytete si Madridi. Shumica e këtij çmimi rrjedh nga ajo që kam bërë këtu. Faleminderit të gjithëve atyre që më kanë ndihmuar të arrij këtu. Është krenari për mua”, ka thënë portugezi.


Ronaldo është golashënuesi më i mirë i historisë së Real Madridit. Gjatë karrierës së tij në kryeqytetin spanjoll, ai shënoi 451 gola në 438 ndeshje të luajtur me fanellën e “Losblancos”. Rikthimi në Madrid dhe takimi me Perez, thyen disi “akullin” e marrëdhënieve mes Ronaldos dhe ish-klubit të tij, Real Madrid.

Një vit më parë, Ronaldo u largua nga Spanja, por largimi i tij u shoqërua me shumë polemika, lidhur me refuzimin e rinovimit të kontratës nga klubi madrilen, që nuk pranoi të paguante një rrogë më të madhe për portugezin.


De Ligt te Juventus i “larë në ar”, por pas…CR7

Matthijs de Ligt vendos të nënshkruajë për Juventus nga Ajax”, shkruan kështu Sky Sport, duke dhënë një lajm të bujshëm për botën e transferimeve në futboll këtë të shtunë. Mbrojtësi i Ajax është i lidhur prej kohësh me një lëvizje të madhe në merkato, por “polet” i ka kryesuar Barcelona deri më tani.

Megjithatë, ky transferim është mbajtur peng për shkak se agjenti i lojtarit Mino Raiola ka kërkuar të ketë përfitime të majme nga komisionet e transferimit të De Ligt. Kjo gjë u kundërshtua nga Barcelona, aq sa palët tashmë duket se janë ndarë përgjithmonë.


Ndaj, siç raporton rrjeti ndërkombëtar i Sky Sport, mbrojtësi i Ajaxit ka zgjedhur të bashkohet me Juventusin këtë verë. Tarifa e transferimit për të pritet të jetë rreth 62 milionë euro, ndërsa De Ligt mund të bëhet një nga lojtarët më të paguar te Juve, sigurisht pas Ronaldos.

 Nëse gjithçka përfundon me sukses, De Ligt do të përfitojë 10.7 milionë euro në vit, plus shpërblime, duke u bërë lojtari i dytë më i paguar te Juventus pas Cristiano Ronaldos.


Nations League, tripleta e Ronaldos kualifikon Portugalinë në finale

Portugali avancon më tej në finalen e Nations League pasi ka mundur Zvicrën me rezultatin 3-1 në Grupin A.

Cristiano Ronaldo kaloi skuadrën portugeze në avantazh në minutën e 25, duke bërë që pjesa e parë të mbyllej me këtë rezultat.


Mirëpo Zvicra rikthehet më agresive me nisjen e pushimit të pjesës së dytë, duke fituar një penallti në minutën e 57`.

Rodriguez nuk gaboi nga gjuajtja e njëmbëdhjetë metërshit, duke vendosur barazpeshën në fushë, por që do të mbetej e përkohshme.

Për të rikthyer Portugalinë në avantazh mendon përsëri CR7, që në minutën e 88` duke shënuar golin e dytë personal dhe të dytin për skuadrën e tij.

Mirëpo Ronaldo nuk ndalet me kaq, pasi dy minuta më vonë, kur po luhej minuta e fundit e takimit, ai shënon dhe golin e tretë për Portugalinë, duke vulosur fitoren e ekipit të tij, që avancon në fazën tjetër.

Portugali do të përballet në finale me fituesen e çiftit Hollandë-Angli që do të luhet të enjten në mbrëmje.


Messi fiton për të gjashtën herë Këpucën e Artë, si askush më parë!

Barcelona u shpall përsëri kampione e Spanjës, duke lënë pas rivalët e përjetshëm të Real Mardid. Ndonëse nuk arriti të shkonte as këtë sezon në finalen e Champions League, ekipi katalanas ka bërë një sezon të shkëlqyer dhe meritën për këtë e ka Lionel Messi.

Ky i fundit ka luajtur një tjetër sezon mbresëlënës me ekipin e tij, duke shënuar 36 gola për Bareclonën. Këto rrjeta i kanë dhënë Lionel Messit për herë të tretë Këpucën e Artë si golashënuesi më i mirë në Europë, duke lënë pas rivalin e tij të vetëm, Kylian Mbappe, që realizoi vetëm 33 gola.


Kështu Lionel Messi bëhet lojtari i parë në botë që fiton gjashtë herë këpucën e artë në Europë, duke vendosur rekord absolut. Ndjekësi kryesor i argjentinasit është rivali i tij kryesor gjatë gjithë karrierës, Cristiano Ronaldo, i cili e ka fituar katër herë këpucën e artë.

Shënuesit të tjerë të mëdhenj, të cilët kanë nga dy këpuca të arta janë: Eusebio, Gerd Muller, Dudu Georgescu, Fernando Gomes, Ally McCoist, Mario Jardel, Thierry Henry, Diego Forlan dhe shoku aktual i skuadrës i Lionel Messit, Luis Suárez.


Balotelli: Mos e krahasoni Messin me 7-ën e Juventusit (foto)

Mario Balotelli ka reaguar me superlativa në drejtim të Lionel Messit, pasi ky i fundit shënoi dy gola në gjysmëfinalen e parë të Champions League mes Barcelonës dhe Liverpool.

Sulmuesi italian, që aktualisht luan me Olympique Marseille, duke thurur elozhe për sulmuesim argjentinas të Barcelonës, ka thumbuar edhe Cristiano Ronaldon.


“Leo Messi fenomen. Për të mirën e futbollit, mos e krahasoni atë me 7 e Juventusit”, – shkroi Mario në llogarinë e tij në Instagram.

Një tekst, që e shoqëroi me një foto të Messit, të bërë nga televizioni, gjatë një momenti të ndeshjes gjysmëfinale të Ligës së Kampionëve (3-0).


Allegri: Kur Ronaldo është në fushë, nuk shënon lojtar tjetër!

Juventus nuk ka çfarë të humb në ndeshjet e mbetura në kampionat, ndaj Massimiliano Allegri ka gjithë të drejtën të shijojë lojën e skuadrës së tij, pas shpalljes Kampion Italie.

Në përfundim të ndeshjes me Interin, që u mbyll në barazim 1-1, Allegri ka folur për “Radio Rai 1”, duke u shprehur se skuadra e tij bëri një pjesë të dytë të mirë.


“Jemi përmirësuar në pjesën e dytë, sepse kemi luajtur më mirë në aspektin teknik. Në të parën kemi humbur shumë topa, kemi gabuar 4-5 nisje të rrezikshme dhe kemi qenë në vështirësi”, ka thënë trajneri i bardhezinjve”.

“Inter është skuadra që ka shënuar më shumë gola pas nesh në goditjet standarde dhe ne kemi kërkuar t’i përmbajmë, më pas në pjesën e dytë kemi bërë një ndeshje të mirë dhe jam argëtuar”, ka thënë tekniku i bardhezinjëve.

Në fund ai ka folur edhe për Cristiano Ronaldon, duke komentuar faktin se portugezi mbetet golashënuesi më i shpeshtë te Juve. Allegri u shpreh se kur ai është në fushë, është e vështirë të shënojê lojtar tjetër.

“Është e vështirë të shënojnë të tjerët kur luan ai, këtë vit kemi shënuar shumë gola me kokë, Ronaldo është i vrasës, një sulmues ndryshe nga të tjerët. Duhet të punojmë, por ai ka nevojë për lojtarë me karakteristika të caktuara rreth vetes”, ka përfunduar Allegri.


Shaqiri si Ronaldo, prezanton “bishën” e re (foto)

Futbollisti shqiptar ka blerë një Rolls-Royce

Ndonëse nuk po aktivizohet shpesh te Liverpool, e duket se ka humbur besimin e Jurgen Klop, Xherdan Shaqiri mbetet sërish në nivelin e yjeve botëror. Të paktën në parkingun e tij, Shaqiri konkurron tashmë Ronaldon, Lukakun, Pogba, Griezman etj.

Paparacët e medieve të huaja kanë fokusuar yllin e Zvicrës me orgjinë shqiptare, që ka blerë së fundi makinë të re. As më pak e as më shumë, por vetura e re e 27-vjeçarit është një mjet i markës “Rolls-Royce”.


Gazeta zvicerane “Blick”, ka publikuar fotot e Shaqirit dhe makinës së tij të re. Makina e re e Xherdan Shaqirikushton rreth 370 mijë CHF, duke e bërë atë një nga mjetet më luksoze dhe të shtrenjta.

Tashmë Xherdan Shaqiri do të “krahasohet” vërtet me CR7-n, pasi dhe ky i fundit ka në garazhin e tij një mjet të tillë, ndonëse portugezi ka dhe shumë lloje të tjera makinash luksoze.


Champios, Ronaldo gati për Allegrin (video+foto)

Juventus ka mungesa të tjera si Giorgo Chiellini dhe Emre Can

Juventus është nisur drejt Amsterdamit këtë të martë, aty ku nesër do të përballet me Ajaxin në ndeshjen e parë çerekfinale të Champios League.

Skuadra e Massimiliano Allegrit vjen si favorite në këtë përballje, duke tentuar që këtë sezon të bëjë mrekullinë, pasi në ekip ka lojtarin më të mirë në botë, Cristiano Ronaldo.


Aellegri ka grumbulluar lojtarët të cilët do të ketë gati në sfidën e ditës së nesërme, ku mes tyre është padyshim i rikthyer CR7.

Portugezi ka kaluar dëmtimin që pati nga tërheqja muskulore, ndërsa do të jetë gati për trajnerin në këtë sfidë të të rëndësishme.

Mirëpo, në skuadër do të mungojnë dy futbollistë të tjerë të rëndësishëm. Giorgo Chiellini dhe Emre Can kanë mbetur jashtë. I pari ka pasur një problem muskulor, ndërsa Can ka ndrydhur kaviljen.

Dyshja do t’i bashkohet Martin Caceres dhe Juan Cuadrado-s në infermieri, megjithëse te bardhezinjtë janë rikthyer Mattia Perin, Barzagli dhe Douglas Costa.

Ky është grupi i lojtarëve të grumbulluar nga Massimiliano Allegri:

Szczesny, Perin, Pinsoglio; De Sciglio, Alex Sandro, Barzagli, Bonucci, Cancelo, Rugani, Spinazzola; Pjanic, Khedira, Matuidi, Bentancur, Nicolussi Caviglia; Ronaldo, Dybala, Costa, Mandzukic, Kean, Bernardeschi.


Messi i gjakosur, tifozët e United i kujtojnë Ronaldon!

Lionel Mesi ishte duke u larguar nga fusha i gjakosur, për të marrë ndihmë mjekësore, pasi pati një goditje në ndeshjen çerekfinale të Champios League kundër Manchester United. Megjithatë, ndonëse në një situatë asapk të mirë, ylli i Barçës nuk është lënë rehat nga tifozët vendas.

Këta të fundit nuk kanë nguruar t’i këndojnë në kor, në këtë rast, “Viva Ronaldo”. Një tjetër “shuplakë” për kapitenin e Barcelonës, teksa u detyrua të dilte me fytyrën e gjakosur nga kuadrati i blertë i “Old Trafford”


Pasi mori trajtim nga ekipi mjekësor i Barcelonës, në anë të fushës, mbështetësit e “Djajve të Kuq” shfrytëzuan rastin për ta sulmuar Messin, duke i kujtuar rivalin e tij më të madh, CR7, që mbetet idhull në Manchester.

Natyrisht, kjo ishte një mënyrë ekstra, përveç atyre në fushën e lojës nga lojtarët vendës, për ta neutralizuar pesë herë fituesin e “Topit të Artë”.


De Ligt: Ronaldo është grabitqar në zonën e portës!

Matthijs De Ligt ka komentuar instiktin “grabitqar”  të Ronaldos në zonë. Pas barazimit 1-1, që Ajax mori ndaj Juventus në shtëpi, kapiteni i skuadrës holandeze ka folur për mediat vendase. Ai është shprehur se Ronaldo është një grabitqar në zonën e portës.

“Ishte një atmosferë e zjarrtë, që nga fillimi. Kishim disa shanse të shpejta, por për fat të keq u ndëshkuam pak para fundit të pjesës së parë.


Cilësia më e madhe e Ronaldos, përveç talentit të tij, është ajo prej “grabitqari” në zonën e portës. Ai sheh një mundësi, vetëm një boshllëk të vogël, dhe të ndëshkon. Ne e dinim se nuk mund të linim boshllëqe në pjesën e prapme, sepse një lojtar si Ronaldo nuk të fal. Në përgjithësi e kaluam mirë, ndërsa u përpoqëm të gjejmë hapësira në mbrojtjen e tyre.

Mendoj se kemi bërë mjaft mirë. Kemi një skuadër me shumë potencial dhe që tenton të shfaqet më e plotë në ndeshjet e Ligës së Kampionëve. Punojmë shumë për njëri-tjetrin. Ne kemi dëshmuar se Ajax nuk është rastësisht në çerekfinale të Ligës së Kampionëve. Sigurisht, Juventusi është i fortë në shtëpi, të gjithë e dinë këtë, kështu që do të jetë e vështirë në ndeshjen e dytë”.


Skip to toolbar