Një sasi e madhe droge është sekuestruar në kufirin e gjelbër greko-shqiptar në Igumenicë. Policia greke ka sekuestruar 102 kg e 590 gram lëndë narkotike të llojit marijuanë, ndërsa ka vënë në pranga edhe dy persona.
Droga, e ndarë në 99
pako, u kap në një automjet në Rajo të Igumenicës dhe do të shpërndahej në
territorin grek. Në prangat e policisë ka rënë drejtuesi i mjetit, një shtetas grek
40 vjeç dhe pasagjerin shqiptar, 36 vjeç, të cilit iu gjetën në trup edhe 0.2
gram kokainë. Shtetasit shqiptar i ishte ndaluar hyrja në territorin grek.
Policia ka sekuestruar
edhe 2 telefona celularë si pjesë e provave materiale.
Policia
italiane në Torino ka arrestuar 8 persona, mes të cilëve 4 shtetas shqiptarë,
të akuzuar si grup kriminal që merrej me trafikun e drogës. Lënda narkotike porositej
përmes rrjeteve sociale “Facebook” dhe “WhatsApp”. Porosia e tyre bëhej përmes një gjuhe të
koduar ku “Sallata” i drejtoheshin marijuanës dhe “fatura”
për kokainën.
Karabinierët
prej më se një viti ishin vënë në ndjekje të grupit, për të mbledhur provat e
duhura. Droga tregtohej kryesisht në lagjen Vanchiglia të Torinos e cila është
një nga zonat më të frekuentuara nga të rinjtë.
Policia e Vlorës ka vënë në pranga kryeplakun e
fshatit Penkovë në Selenicë, së bashku me të birin, pasi akuzohen për kultivim
të lëndëve narkotike. Në pranga kanë rënë shtetasit A. N. 57 vjeç, kryeplak i
fshatit Penkovë dhe djalin e tij V. N. 23 vjeç.
Nga informacionet e marra, policia ka kryer një
kontroll në banesën e kryeplakut ku ju gjet një sasi e kultivuar bime narkotike
dhe fidanë kanabis përreth banesës.
Materialet iu referuan Prokurorisë për veprën penale
“Kultivimi i bimëve narkotike” e kryer në bashkëpunim dhe “Shpërdorimi i
detyrës”.
Grupe të organizuara kriminale me prejardhje
nga Shqipëria punojnë në Gjermani, për llogari të mafies italiane. Kjo del nga
përgjigja e qeverisë gjermane pas kërkesës së Të Gjelbërve mbi ndikimin e
mafies italiane. Qeveria gjermane i është përgjigjur një kërkese të partisë
“Të Gjelbrit” mbi ndikimin e mafies italiane në Gjermani. Ndër të tjera
në përgjigjen e qeverisë gjermane thuhet: “Mendohet gjithashtu se disa
anëtarë të Krimit të Organizuar Italian bashkëpunojnë me korrierë të lëndëve
narkotike dhe grupime që kanë prejardhje shqiptare. Kjo prek nga njëra anë
sektorin e trafikimit të produkteve me kanabis, të cilat prodhohen kryesisht në
Shqipëri. Veç kësaj vihet re një ndarje pune në trafikimin e lëndëve narkotike
(kokainës) nga Amerika e Jugut për në Europë dhe transportin e mëtejshëm brenda
Europës. Pjesëtarët e Krimit të Organizuar Italian organizojnë blerjen e
kokainës në vendet përkatëse. Personat me prejardhje shqiptare dhe strukturat e
tyre marrin përsipër detyra logjistike duke e transportuar mallin ilegal nga
portet detare të Europës dhe duke e shpërndarë atë më tej në Evropë”, thuhet
në raport.
Përveç shqiptarëve, mafia italiane bashkëpunon
në Gjermani me edhe me grupime rokerësh ose të ngjashme si edhe me banda të
krimit të organizuar ruso-eurazik. Sipas një raportit policor të Ministrisë së
Punëve të Brendshme gjermane, shqiptarët zënë vendin e katërt ndër të huajt që
kapen nga policia për vepra penale të lidhura me krimin e organizuar.
‘Ndrangheta më e rrezikshmja në Gjermani
Sipas qeverisë gjermane, organizata mafioze
‘Ndrangheta, e cila konsiderohet nga më të rrezikshmet, ka 800-1000 anëtarë në
Gjermani. Sipas raportit në fjalë, këtu ka së paku 18 deri 20 baza fikse të
ashtuquajtura “lokale” të mafies kalabreze. Meqenëse çdo bazë ka deri
në 50 anëtarë, mendohet se numri i anëtarëve mund të jetë shumë më i madh se
344 – ky është numri i anëtarëve të ‘Ndranghetas që ka regjistruar deri tani
qeveria gjermane. Irene Mihalic, zëdhënëse e grupit parlamentar për të
Gjelbrit, ka thënë për gazetën FAZ, se qeveria gjermane e ka pranuar që bazat
lokale në Gjermani kanë së paku tre herë më shumë anëtarë se sa dihej deri
tani: “Kjo është një shifër minimumi tre herë më e lartë dhe një fushë e
errët që duhet zbardhur.”
Ndikim në politikë
Sipas të dhënave të qeverisë gjermane, mafia
italiane numëron 585 anëtarë me vendbanim të përhershëm në Gjermani. Pas
‘Ndrangeta-s, e cila është grupimi më i madh, vjen Cosa Nostra me 123 anëtarë,
degët e Camorra-s nga Campania me 94 anëtarë dhe klanet mafioze nga Pulia, ku
numërohen 18 anëtarë.
Sipas raportit në fjalë, mafia italiane ka një
“shkallë të lartë organizimi dhe profesionalizmi”. Karakteristikë e
saj është se nuk bën akte dhune dhe se përpiqet të ushtrojë ndikim mbi aktorë
të politikës dhe ekonomisë. Në vitin 2017 ishin regjistruar tre tentativa të
tilla nga grupime mafioze italiane, thuhet në raportin e ministrisë, pa
specifikuar, se për cilat raste bëhet fjalë.
Aksioni më i fundit i policisë kundër ‘Ndragheta-s quhej Pollino dhe u ndërmor në dhjetor 2018. Ai synonte të godiste biznesin kryesor të saj: trafikun e kokainës që mafiozët italianë e drejtonin nga bazat e tyre në Renaninë Veriore-Vestafali e ku bashkëpunonin edhe me grupe të tjera të krimit të organizuar, si shqiptarë dhe turq. Këta të fundit mbahen si specialistë për ndërtime të fshehta nëpër makina. Në mbarë Evropën u kapën 90 vetë, mes tyre 14 në Gjermani. DW
Një grup kriminal i përbërë nga shqiptarë dhe italianë, që merrej me trafikimin e lëndëve narkotike është shkatërruar nga policia italiane. Nga operacioni janë arrestuar 17 persona, mes të cilëve 8 shqiptarë, dhe një tjetër është shpallur në kërkim. Hetimet e policisë kanë nisur në 2017 pas kapjes së disa sasive të drogës. Nga droga e sekuestruar policia italiane kishte nisur hetimet për zbardhjen e plotë të rrjetit të përfshirë në të, raportojnë mediat italiane.
Arrestimet u bënë gjatë operacionit të koduar Postalmarket”. Grupi me bazë në Trentino të Italisë e shpërndante drogën, kokainë e pastër, me një çmim 100 euro për gram, kryesisht në zonat e Val di Non dhe në Brescia. Sipas policisë droga vinte nga vendet e Europës veriore, kalonte në Shqipëri dhe më pas në Brescia ku shpërndahej në pikat logjistike të grupit kriminal.
Një bashkëpunim i Policisë së Shtetit dhe Policisë Italiane është finalizuar me disa të arrestuar të akuzuar për bashkëpunim kriminal me qëllim trafikimin e lëndëve narkotike. Arrestimet janë kryer në kuadër të operacionit ndërkombëtar të koduar “SABBIA” . Në operacion u përfshinë Departamenti i Policisë Kriminale, “Interpol” Tirana, Drejtoria Vendore e Policisë Vlorë dhe “Interforca” italiane në Shqipëri
Arrestimet janë ekzekutuar në provincat e Firences, Sienës, Brindisit dhe në Vlorë, aktivizuar nëpërmjet Shërbimit të Bashkëpunimit Ndërkombëtar Policor “Interpol” dhe “Interforca” italiane në Shqipëri.
Në Vlorë është kapur dhe arrestuar shtetasi Flodian Serjani, si dhe është shpallur në kërkim një tjetër, të dy me masë sigurie “Arrest në burg”.
Në Itali është arrestuar 1 shtetas, ndërsa për 2 të tjerë është ekzekutuar masa e sigurisë “Arrest në shtëpi”.
Masat janë lëshuar në përfundim të hetimeve të nisura në janar të vitit 2018, nga Skuadra Hetimore e Repartit “Operation”, që kanë mundur të identifikojnë një grup të organizuar kriminal në fushën e narkotikëve.
Substanca narkotike u soll nga Shqipëria në brigjet e Brindisit me përdorimin e anijeve, të cilat zbarkuan në zona të izoluara bregdetare. Këtu gjetën mbështetjen logjistike të atyre që janë prekur nga krimi i organizuar në Puglia, përfshirë Saverio Palma, i cili u arrestua sot.
Droga, nëpërmjet korrierëve, transportohej më pas në vende të ndryshme të tregut në Itali. Vendet ku transportohej lënda narkotike janë Roma, Napoli, Milano dhe Firenze. Pikërisht në Toskanë, organizata kishte një bazë. Anëtarë të kësaj bande kriminale ishin Armand Lushaj, Indrit Hamzaj, Julian Aliaj. Ata dyshohet se shpërndanin drogën në komunat e Firences. Lënda narkotike sillej nga Shqipëria në Brindizi.
Ndërkaq, në mediat italiane thuhet se kreu i bandës kriminale dyshohet se është Flodian Serjani, një trafikant droge me lidhje të forta në Toskana dhe që udhëtonte shpesh mes Shqipërisë dhe krahinës së Brindisit për të organizuar mbërritjen e ngarkesave. Serjani u arrestua sot në Vlorë, Shqipëri. Gjatë hetimeve kundër grupit, janë sekuestruar rreth gjysmë ton drogë në periudha të ndryshme kohore.
Dy shtetas shqiptarë janë arrestuar në Itali nën akuzën e trafikimit të lëndëve narkotike. Dy kushurinjtë, të moshave 35 dhe 24 vjeç, janë ndaluar nga policia gjatë një kontrolli me 3000 euro me vete. Duke mos qenë në gjendje të justifikonin shumën e parave, policia ka kryer një kontroll në banesën e tyre ku ka gjetur një armë, 16 kg marijuanë, 6 kg kokainë dhe 120 mijë euro që mendohet se janë fituar nga shitja e drogës.
Sipas verifikimeve të policisë, 35 vjeçari ishte dëbuar nga Italia, por ishte rikthyer pasi kishte ndërruar mbiemrin.
Një shtetas shqiptar ka bërë një aksident me makinë, por ajo që policia gjeti më pas çoi në arrestimin e tij. Pas kontrollit dhe ekspertizës së kryer në vendngjarje për zbardhjen e aksidentit, policia gjeti 75 gram kokainë dhe 1 mijë e 175 euro në makinën e shqiptarit.
24 vjeçari shqiptar pas marrjes së mjekimit të nevojshëm është transferuar në burgun e Kremones, ku do vuaj dënimin për trafikim të lëndëve narkotike.
