Jahti rrezikoi mbytjen në Durrës, roja bregdetare shpëton 7 turistë italianë

Roja bregdetare në Durrës ka shpëtuar jetën e 7 turistëve italianë mbrëmjen e të mërkurës. Rreth orëve të vona të mbrëmjes, roja bregdetare ka marrë një alarm SOS nga një jaht me vela, i cili ndodhej rreth 5 milje larg portit të Durrësit.

Jahti kishte pësuar një defekt në motor, për pasojë kishte mbetur në mes të detit. Për shkak të erës së fortë dhe stuhisë, jahti ka rrezikuar të mbytet, ndërsa në bord ishin 7 turistë italianë.

Drejtuesi i këtij mjeti lundrimi ka dhënë alarmin SOS, duke bërë të mundur ndërhyrjen në kohë të rojes bregdetare në Durrës, të cilët kanë shpëtuar 7 turistët. Jahti është rimorkiuar drejt portit të Durrësit ku dhe është ankoruar.

Fatmirësisht turistët nuk kanë pasur lëndime, veç shetësimeve psikologjike nga rreziku që u kanosje nga mbytja e jahtit.

Falsifikoi lejet e legalizimeve, dorëzohet në polici zv.drejtori i Kadastrës së Durrësit

Është dorëzuar në policinë e Durrësit zv.drejtori i Kadastrës së Durrësit, Arben Isaku i cili ishte shpallur në kërkim për falsifikim të dokumenteve dhe shpërdorim të detyrës. Bashkë më të është dorëzuar edhe specialisti i agjencisë së Kadastrës, F.R.

Më herët prokuroria e Durrësit dha urdhrin për arrestimin e tyre me akuzën e falsifikimit të lejeve të legalizimit, shpërdorim detyre si dhe mitmarrje.

Skema e abuzimit të tyre me ligjin doli në pah falë operacionit anti-informalitet. Më 10 gusht Policia ndaloi R.K., 27 vjeç, ekonomist pranë Agjencisë Shtetërore të Kadastrës Durrës ndërsa në kërkim u shpallën zëvendës drejtori i kadastrës dhe specialisti i agjencisë të cilët u dorëzuan vetë në polici.

Sipas hetimeve të policisë personat në fjalë kishin pajisur me leje legalizimi të falsifikuar Xh.N., 29 vjeç, banues në Durrës dhe E.S., 39 vjeç, banues në Berat për një sipërfaqe 123 metra katror dhe truall 500 metra katror në zonën e plazhit.

Lëvizte në plazh me armë, arrestohet 19-vjeçari në Durrës

Një 19-vjeçar është arrestuar nga policia pasi lëvizte me pistoletë në plazhin e Durrësit. Në pranga ka rënë shtetasi me iniciale S.Xh., 19 vjeç, i cili ishte banues në Shkodër.

Arrestimi i tij u bë në flagrancë pasi gjatë kontrollit fizik, ai u kap me një pistoletë me silenciator dhe një krehër me 5 fishekë.

I riu lëvizte gjatë bregdetit por edhe në qytet me armë me vete, ndërsa u pikas nga forcat e policisë që bënë edhe arrestimin e tij.

Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit të mësipërm, për veprën penale “Prodhimi dhe mbajtja pa leje e armëve luftarake dhe municionit”.

Shpërndante kokainë në Sukth, arrestohet 40-vjeçari

Policia e Durrësit ka vënë në pranga një 40-vjeçar, i cili u kap në flagrancë duke shpërndarë drogë në sasi të vogla. Arrestimi i tij u bë pas denoncimit nga banorët e zonës, nga ku policia nisi menjëherë operacionin koduar “Sukthi.

Shtetasi A.H., 40 vjeç u arrestua në vendin e quajtur “Mbikalimi i Sukthit”, pasi u kap me një sasi droge prej 18.5 gram kokainë që e shiste tek klientët në sasi të vogla.

Policia ka ndaluar automjetin me të cilin ai po lëvizte, ku gjeti edhe sasinë e drogës. Nga kontrolli në banesën e tij u gjet edhe një peshore elektronike me të cilën ai peshonte drogën që shpërndante.

40-vjeçari pritet të përballet me akuzat e shpërndarjes së lëndëve narkotike.

Feriz Bardhi, që u vra në Durrës, në 2012 sfidonte karabinierët me BMW X6

Rreth orës 13:00 të së enjtes, në Durrës u qëllua për vdekje një 40-vjeçar. Ai ishte Feriz Bardhi, i cili u ekzekutua në derën e banesës së tij nga persona të panjohur. Policia gjeti, pas atentatit, dy mjete të djegura në Durrës dhe Fushë Krujë, të cilat dyshohen se janë përdorur nga autorët për të ekzekutuar Feriz Bardhin.

Pistat në të cilat policia po heton, është e kaluara e Bardhit në Itali dhe lidhjet e tij me trafikun e drogave të forta. Por cili është Feriz Bardhi dhe çfarë të shkuare ka pasur ai? Në 11 qershor të vitit 2012, Feriz Bardhi dhe një tjetër shtetas shqiptar, me banim në Itali, u arrestuan në një autostradë nga policia e Pescaras.

Bardhi dhe shtetasi tjetër, Arif Qelia, sipas mediave italiane, u arrestuan në autostradë gjatë rrugës për në Toscana dhe pas më shumë se një ore ndjekje, në një aksion i ngjashëm si në filma. Sipas lajmeve, që shkruanin gazetat italiane 7 vite më parë, mësohet se këta dy persona, kishin shkuar në Abruzzo për të blerë kokainë, të cilën më pas do ta shisnin në rajonin e Toscanas. Policia merr informacione për këtë akt të trafikut të drogës, dhe menjëherë vihet në ndjekje të tyre. Policia italiane pikas një mjet tip BMW X6 në autrostradë, brenda së cilës ishin dy persona, Feriz Bardhi dhe Arif Qelia.

Policia vihet në ndjekje të tyre, duke u kërkuar që të ndalonin, por dy trafikantët e drogës refuzojnë të ndalojnë, duke sfiduar karabinierët italianë në autostradë. Megjithatë, pas një ore aksion, policia arrin të bllokojë mjetin dhe të arrestojë dy shtetasit shqiptar. Ndërsa pas kontrollit në mjetin e tyre u gjet dhe 700 gramë kokainë.

Në atë kohë, ndonëse u tha se dy personat mund të ishin korrierë, hetuesit kishin dyshime se ata kishin grada të tjera, ndoshta drejtues të një rrjeti trafiku droge. Pasi udhëtimi në Abruzzo ishte për herë të parë, dhe sipas medias, ky udhëtim kishte të bënte me njohjen e furnizuesve të rinj të dy shqiptarëve të arrestuar. Pikërisht, në pistën e trafikut të drogës dhe të shkuarës në Itali, policia shqiptare është duke hetuar për të hedhur dritë mbi vrasjen e Feriz Bardhit.

Dy mjetet të djegura, dyshohet se u përdorën për vrasjen e 40-vjeçarit në Durrës

Mesditën e të enjtes në Durrës u vra shtetasi Feriz Bardhi, 40-vjeç, banues në këtë qytet. Vrasja e tij dyshohet të ketë lidhje me aktivitetin e viktimës në Itali, ku kishte prcedentë penal në fushën e narkotikëve. Ndërkohë, disa orë pas ngjarjes, në vendin e quajtur Ura e Gjokës në Fushë Krujë, është gjetur i shkrumbuar nga flakët një mjet, tip “Benz”, që dyshohet se është përdorur për ekzekutimin e 40-vjeçarit.

Brenda mjetit të djegur janë gjetur armë zjarri, lloji i të cilave ende nuk bëhet i ditur. Ato mendohet të jenë përdorur gjithashtu nga autorët për vrasjen e Feriz Bardhit. Ndërkohë, më herët në zonën e Porto Romanos në Durrës, u gjet një tjetër mjet, që dyshohet gjithashtu se është përdorur për ekzekutimin e 40-vjeçarit. Feriz Bardhi u ekzekutua rreth orës 13:00 të ditës së enjte, sapo ishte duke dalë nga banesa.

Persona të paidentifikuar kanë qëlluar në drejtim të viktimës me breshëri automatiku, duke e lënë të plagosur rëndë viktimën. Edhe pse u transportua drejt spitalit, Feriz Bardhi nuk mundi t`i shpëtonte plagve të marra duke humbur jetën. Policia vijon hetimet për zbardhjen e ngjarjes, ndërsa pista kryesore është përqëndruar tek e kaluara e Ferit Bardhit në Itali.

Bie nga motori i ujit, mbytet 33-vjeçari te Gjiri i Lalëzit

Një ngjarje tragjike ka ndodhur në bregdetin e Durrësit, ku një nga pushuesit ka humbur jetën.

Një 33-vjeçar ka humbur jetën pasi është rrëzuar nga motori i ujit që po argëtohej dhe si rezultat i rënies në det është mbytur.

Ngjarja ka ndodhur rreth orës 13:50, në Gjirin e Lalëzit, Durrës, ndërsa viktima është shtetasi me iniciale B.M., rreth 33 vjeç, banues në Tiranë.

Edhe pse i riu u dërgua me urgjencë në spital, nuk ka mundur dot të mbijetojë. Policia po heton për zbardhjen e plotë të dinamikës së ngjarjes.

Bllokohen dy motorë uji në Durrës, po rrezikon jetën e plazhistëve

Bllokim të mjetit dhe gjobë prej 100 000 lekë të reja i është vendosur dy personave, të cilat po rrezikon jetën e pushuesve me motorët e ujit në bregdetin e Durrësit.

Aktualisht gjoba i është vendosur dy shtetasve me iniciale S. Xh. dhe S. J., si dhe ka bllokuar dy motorët e ujit, pasi po kryenin manovra të rrezikshme brenda perimetrit të sigurisë, duke rrezikuar jetën e plazhistëve.

Kanë qenë vetë pushuesit që kanë bërë denoncimin dhe e menjëhershme ka qenë ndërhyrja e policisë për ndalimin e tyre.

Dy personat janë ndëshkuar me masë administrative me vlerën 100 000 të reja lekë secili, për Shkeljen e rregullave të përdorimit të mjeteve lundruese në plazhe e sporte ujore.

DurrësPolicia Kufitare bllokon dy motorë uji, të cilët kryenin manovra të rrezikshme brenda perimetrit të sigurisë, duke rrezikuar jetën e plazhistëvePas njoftimit të marrë nga pushuesit se dy motorë uji po kryenin manovra të rrezikshme lundrimi duke rrezikuar jetën e plazhistëve, Policia Kufitare e Durrësit menjëherë ka bërë të mundur bllokimin e dy motorëve të ujit.Në përfundim të veprimeve dy drejtuesit e motorëve të ujit, shtetasit S. Xh. dhe S. J., janë ndëshkuar me masë administrative me vlerën 100 000 të reja lekë secili, për Shkeljen e rregullave të përdorimit të mjeteve lundruese në plazhe e sporte ujore.Policia e Shtetit falënderon qytetarët për bashkëpunimin dhe i fton ata që të denoncojnë çdo rast të paligjshmërisë në numrin 112 duke iu garantuar reagim të shpejtë, profesional e të paanshëm.#Siguriajuajprioritetiynë
Gepostet von Policia e Shtetit am Donnerstag, 25. Juli 2019

Vodhën kasafortën dhe një makinë te Gjiri i Lalzit, në kërkim autorët

Një vjedhje ka ndodhur në një market tek Gjiri i Lalzit nga persona të paidentifikuar. Ngjarja ka ndodhur në orët e para të mëngjesit, ku në një market në Gjirin e Lalzit, është vjedhur kasaforta e një në të cilën ndodhej një shumë parash ende e papërcaktuar.

Gjithashtu dyshohet se po të njëjtët autorë kanë vjedhur edhe një automjet tip “Range Rover” në pronësi të një 55 vjeçari të cilin e kishte parkuar pranë këtij marketi.

Policia po punon për identifikimin dhe kapjen e autorëve.

PS ndryshon taktikë me kërkesë të re, Gjykata njeh mandatin e Durrësit

Kryebashkiakja e zgjedhur e Durrësit, Valbona Sako ka arritur të marrë njohjen e mandatit nga Gjykata e Durësit, duke ndryshuar taktikë me një kërkesë të re, që ia ka drejtuar kësaj gjykate. Në kërkesën e parë, Sako kishte kërkuar “verifikim mandati”, ndryshe nga kryetarët e tjerë të zgjedhur nga 30 qershori, të cilët kanë kërkuar vetëm “vërtetim mandati”, veprim i cili u është njohur nga gjykata, ashtu siç iu njoh edhe kryebashkiakes Sako pas kërkesës së dytë të bërë në Gjykatën e Durrësit.

Në kërkesën e parë, Valbona Sako kishte kërkuar verifikim mandati dhe të mërkurën gjyqtarja Mimoza Margjeka rrëzoi kërkesën e saj, duke refuzuar njohjen si kryebashkiake e Durrësit dhe duke argumentuar se zgjedhjet e 30 qershorit janë nul për shkak se Bindja Demokratike është regjistruar në KQZ si subjekt zgjedhor jashtë afateve të parashikuara në ligj.

Por Partia Socialiste vendosi t’i drejtohet sërish Gjykatës së Shkallës së Parë në Durrës për njohjen e mandatit të kryebashkiakes socialiste, duke korrigjuar “gabimin” në kërkesën e parë. Të enjten, Sako iu drejtua gjykatës së Durrësit me kërkesën “vërtetim mandati” dhe të premten gjyqtari Shpëtim Reka ka njohur mandatin e Sakos, duke pranuar vërtetimin e mandatit të kryebashkiakes fituese në zgjedhjet e 30 qershorit, Valbona Sako.

Megjithatë, kjo nuk e mbyll kapitullin e hapur nga gjyqtarja Margjeka, e cila ka dhënë një vendim kundër Sakos, për shkak të argumenteve të dhëna për regjistrimin e Bindjes Demokratike, të paktën për ato bashki, ku ka kandiduar kjo forcë politike. Për këtë arsye, Sako ka deklaruar se ka bërë gati të gjithë dokumentacionin e nevojshëm për të apeluar vendimin e gjykatës së shkallës së parë të dhënë nga gjyqtarja Mimoza Margjeka. “Nuk do të tërhiqem nga rruga ime, mandatin e kam fituar me mund”, u shpreh Sako.

Veprimi i ndërmarrë nga kryebashkiakët e zgjedhur nga 30 qershori nuk është përdorur në zgjedhjet të mëparshme, por ky veprim duket se është ndërmarrë nga mazhoranca për të blinduar rezultatin e 30 qershorit, duke marrë shkas nga deklaratat e bashiakëve të djathtë, të cilët janë shprehur se nuk do të lirojnë zyrat. Me njohjen e zgjedhjeve nga gjykata, kryebashkiakët e rinj që hasin pengesa në lirimin e zyrave të bashkive, zgjidhin çështjen e përplasjeve politike, pasi lehtësisht ata mund të nxjerrin një urdhër ekzekutimi për “lirim zyre” dhe vihet në veprim zyra përmbarimore për të larguar punonjësit që refuzojnë të lëshojnë bashkitë.

Dy ditë më parë gjykata e Durrësit, refuzoi t’i japë mandati Valbona Sakos si kryetare e re e Bashkisë së Durrësit.

Në vendim gjykata e Durrësit argumentoi se procesi zgjedhor i 30 qershorit nuk është i ligjshëm, pasi partia “Bindja Demokratike” është regjistruar jashtë afatit zyrtar, duke i bërë zgjedhjet nul.