Tag: Edi Rama

Fact Checking/ Basha: Vetting për të hetuar politikanët, por gabon (harron që po krijohet SPAK)

Kryetari i Partisë Demokratike ka publikuar pasditen e të mërkurës një video, ku tregon sipas Lulzim Bashës, pesë arsyet “pse Edi Rama ka frikë vetingun e politikanëve”. Paraprakisht, vetingu në politikë është një propozim i hershëm i Partisë Demokratike, i ngjashëm me modelin e vetingut në sistemin gjyqësor, ndërsa një vit më parë rreth propozimeve të PD ka dhënë opinion dhe Komisioni i Venecias. Megjithatë, Realstory.al bën një ‘fact checking’ për videon me pesë arsyet, që sipas Bashës, vettingu i politikanëve tremb Ramën.

“Vetingu i politikanëve kërkon një shumicë prej 93 votash në Parlament. Edi Rama ka mbushur parlamentin me kriminelë që nuk votojnë fundin e tyre”, shkruan Basha në video mesazhin e shpërndarë në rrjetet sociale.

Gabohet! Parlamenti ka mbi 120 deputetë aktualisht, kuorum i nevojshëm për të miratuar draft-ligjin, që sipas Bashës, mazhorancës i mungojnë votat. Madje, në kushtet aktuale, nëse ky draft do të shkonte në Kuvend për votim, ekziston mundësia që drafti të votohet me më shumë se 93 vota, pasi deputetët e opozitës në Parlament, kanë shprehur vullnet të mbështesin çdo ligj që i shërben pastrimit të sistemit politik. Fakti është, se vetëm një muaj më parë, ishin votat e deputetëve të opozitës së re në Kuvend, që miratuan dy ligjet e fundit të Reformës në Drejtësi, që mbaheshin peng prej (lexo këtu) gati tre vjetësh nga PD dhe LSI. Pra votat në Kuvend janë. Sa i përket fjalisë se “Edi Rama ka mbushur Parlamentin me kriminelë që nuk votojnë fundin e tyre”, përsëri Basha gabohet, pasi për këtë mjafton të kujtojë vetëm miratimin e ligjit të dekriminalizmit, që u votua nga shumë deputetë, që më pas ishin subjekt i tij dhe humbën mandatin.

“Vetingu i politikanëve heton të gjithë zyrtarët e lartë, deputetët, ministrat dhe kandidatët e pushtetit vendor. Edi rama vodhi zgjedhjet për të mbushur bashkitë me të dënuar për trafik droge dhe qeniesh njerëzore”.

Gabohet! Në fakt, lidhur me këtë pikë, merr vlerë opinioni i Komisionit të Venecias i 30 nëntorit të vitit 2018, ku shprehej ndër të tjera: “Siç është aktualisht, propozimi i verifikimit nuk ka qartësi ligjore dhe siguri juridike, si për sa i përket qëllimit të synuar, arsyet për moszgjidhje dhe humbje të mandatit dhe mekanizmin e zbatimit të tij. Në shumë aspekte, ajo gjithashtu ngre çështje të proporcionalitetit. Nuk është e qartë se kush do të kryejë verifikimin e zyrtarëve publikë dhe kandidatëve zgjedhorë dhe nëse kjo do të bëhet nga një organ gjyqësor ose një organ tjetër i pavarur. Përveç kësaj, nuk janë propozuar masa mbrojtëse për të shmangur rrezikun që mund të përdoret në një mënyrë të politizuar ose në mënyrë arbitrare”, thuhej ndër të tjera në opinionin e Komisionit të Venecias.

Edi Rama kandidon kriminelë dhe e përdor krimin për të vjedhur zgjedhjet, sepse bashkë me krimin pasurohet duke vjedhur shqiptarët dhe pastruar paratë e krimit. Hajduti Psiqik përbën rrezik për jetën dhe sigurinë e çdo familje. Ai dhe krimi i organizuar janë të pandashëm. Që të shpëtojmë Shqipërinë nga kriminelët me pushtet, duhet të largojmë Edi Ramën.#ShqipëriaSiEuropa #HajdutiPsiqik #RamaIkNjë vit më parë Partia Demokratike dhe Opozita e Bashkuar propozuan ligjin për vetingun e politikanëve. Edi Rama dhe Organizata e Rilindjes votoi kundër këtij ligji. Ja 5 arsyet pse Edi Rama nuk e do vetingun e politikanëve:

Gepostet von Lulzim Basha am Mittwoch, 21. August 2019

Megjithatë, lidhur me këtë pikë që Basha e cilëson si “arsye frike për Ramën nga Vettingu i politikanëve”, kryedemokrati duhet të ketë parsysh se gjithë çfarë thotë, do të jetë objekt i punës së Prokurorisë Speciale, që do të hetojë korrupsionin në nivele të larata. Pra Vettingu s`mund të kryejë detyrën që do të ketë SPAK, që nis në shtator.

“Vetingu i politikanëve largon përgjithmonë nga jeta publike kriminelët në politikë dhe zbulon rrjetet e tyre mafioze. Edi Rama e mban pushtetin me kriminelë dhe politikanë të lidhur me krimin”, shkruan Basha.

Gabim! Në fakt, për këtë pikë, Lulzim Bashës nuk i nevojitet një Vetting politikanësh, pasi vetë PD e tij propozoi dhe gjeti mbështetjen e mazhorancës për ligjin e dekriminalizmit. Mjafton të kujtosh rezultatin e fundit me Valdrin Pjetrit, një denoncim bërë nga PD, për të kuptuar se në këtë rast nuk nevojitet një Vetting për politikanët, për t`i mbajtur ata larg funksioneve publike, por mjafton një funksionim normal i strukturave që ngarkon ligji i dekriminalizmit, për të verifikuar pastërtinë e figurës për personat që synojnë të bëhen pjesë e politikës apo funksioneve publike në vend.

“Vetingu i politikanëve heton dhe largon të gjithë politikanët që nuk justifikojnë pasurinë e tyre. Edi Rama grabit shqiptarët dhe pasurohet bashkë me bandën e tij në politikë”.

Gabohet! Edhe në këtë pikë ka institucione përgjegjëse të cilat kanë detyrë për të hetuar pasuritë e politikanëve dhe zyrtarëve publikë. Inspektorati i Lartë i Deklarimit të Pasurisë, është institucioni përgjegjës që heton pasuritë e politikanëve, dhe në rast dyshimesh apo përfitimesh të paligjshme, ky institucion ia adreson çështjen organeve hetimore në vend. Me ngritjen e SPAK, gjërat do të jenë dhe më funksionale.

“Vetingu i politikanëve e përfshin kryeministrin e Shqipërisë. Edi Rama ka frikë vetingun. Ai është në krye të kupolësë së krimit, që po mban peng Shqipërinë”.

Gabohet! Në fakt, detyrën për të hetuar zyrarët më të lartë të kupolës politike në vend dhe jo vetëm, do ta ketë SPAK. Prokuroria Speciale e Anti Korrupsionit dhe Krimit të Organizuar do të fillojë punë në shtator. Ashtu si pak ditë më parë lajmëronte ambasada e SHBA me një video në rrjetet sociale, SPAK do të hetojë, jo vetëm kryeministra e ministra, por edhe presidentin. Pra është SPAK institucioni që do të hetojë gjithë shkelësit e ligjit dhe politikanët e korruptuar pa pasur nevojë për organe të tjera shtesë, që veç të tjerash do të ishin barrë për buxhetin e shtetit, dhe njëkohësisht do të ishte një institucion paralel me institucionet e drejtësisë./Realstory.al/

Kulluri ngre pyetjen: A luftohen gënjeshtrat e Ramës me të Bashës, apo varja të vërtetës?!

Partia Demokratike është shfaqur shpesh si mbajtës e ‘flamurit të së vërtetës’, teksa ka denoncuar raste të korrupsionit qeveritar. Në këtë linjë, PD ka ‘shitur’ si të vërteta edhe disa deklarata të bëra nga Martin Hënze, një lobit gjerman, të cilin Selia Blu e quan herë si ‘këshilltar të Anglea Merkel’, kancelares gjermane, dhe herë si ‘eskpert i CDU’, partisë së kancelares (lexo shkrimin në Realstory.al).

Duke u nisur nga ky fakt, që Martin Hënze nuk është as këshilltar dhe as ekspert i Merkel dhe CDU, ish anëtari i Këshillit Kombëtar të Partisë Demokratike, Edvin Kulluri, pjesë e lëvizjes “Basha ik”, ka ironizuar me kryedemokratin duke ngritur pyetjen, “nëse luftohen gënjeshtrat e Ramës me ato të Bashës”.

Duke iu drejtuar disa gazetarëve dhe aktivistëve të djathtë, Kulluri shkruan: “Martin Hënze sipas mediave dhe bashkëpunëtorëve pranë Bashës citohet njëherë si kryekëshilltar i Kancelares Merkel e pastaj “zyrtar i CDU”. Ndërkohë nja dy media kanë cituar burime zyrtare dhe persona pranë CDU që konfirmojnë se zotëria në fjalë nuk është as krye as këshilltar i Kancelares apo i ndonjë organi drejtues të CDU!”.

“Mund të jetë lobues ose ekspert i pavarur. Tani nëse kjo e mediave është e vërtetë, a luftohet gënjeshtra e Ramës me një gënjeshtër të mediave dhe njerëzve të Bashës?! Apo mjafton që të jetë Basha me shokë në pushtet po varja të vërtetës?! Se jemi dhe në mes të luftës dhe e vërteta ka rëndësi”, shkruan Kulluri duke ironizuar Lulzim Bashën.

Bllokimi i naftës në Ballsh, Rama: O sipas ligjit o goditjen e ligjit

Pas bllokimit të rreth 550 ton karburant e llojit naftë, që ishte gati për t`u hedhur në treg, ka reaguar Kryeministri Edi Rama. Me anë të një statusi në rrjetet sociale, Rama shkruan se kush dëshiron të merret me naftë, duhet të zgjedhë, ose sipas ligjit ose goditjen e ligjit.

“Kush merret me naftë duhet të zgjedhë: o sipas ligjit o goditjen e ligjit. 550 ton karburant jashtë standardeve, gati për të dalë në tregu, u bllokua sot në rafinerinë e Ballshit. Lufta kundër informalitetit nuk do të ndalet asnjë orë dhe para asnjë subjekti, duke filluar çdo ditë me të mëdhenjtë në radhë të parë”, shkruan Rama.

Më tej, shefi i qeverisë shprehet se kush do të përpunojë apo tregtojë naftë do të jetë në shënjestrën e strukturave të shtetit, ndërsa thekson se informaliteti në dëm të cilësisë është po aq i dëmshëm sa ai financiar.

“Ata që nxjerrin, përpunojnë apo tregtojnë naftë, janë në shënjestrën e strukturave të shtetit dhe s’do të kenë asnjë shteg jashtë rrugës së ligjit e të standardeve që meritojnë konsumatorët. Informaliteti në dëm të cilësisë është po aq i dëmshëm dhe i patorerueshëm, sa edhe informaliteti financiar në kurriz të konsumatorit e të shtetit”, përfundon Rama.

Informaliteti, qeveria krijon aplikacion, Rama: Denonconi shkelësit e ligjit

Qeveria ka krijuar një aplikacion zyrtar, ku qytetarët do të kenë mundësi të denoncojnë rastet e shkeljes së ligjit nga bizneset. Aplikacioni i quajtur “Stop Informalitetit”, është bërë publik këtë të martë nga qeveria. Me anë të një reagimi në rrjetet sociale, Kryeminisrti Edi Rama ka treguar se deri në orën 13:30 të mesditës, qytetarët kanë bërë 59 denoncime për informalitetin.

“59 denonncime deri në orën 13:30 në ditën e parë të aplikacionit të ri! Respekte dhe faleminderit për kontributin. Denoncimet tuaja po ndiqen, një e nga një, në terren nga grupet e gatshme të kontrollit tatimor”, shkruan kreu i qeverisë.

SUPER START👍 59 denoncime deri në orën 13.30 në ditën e parë të aplikacionit të ri! Respekte dhe faleminderit për…

Gepostet von Edi Rama am Dienstag, 20. August 2019

Nëpërmjet këtij aplikacioni, “qytetarët mund të denoncojnë rastet kur biznesi refuzon të japë kuponin tatimor, që paguan punëtorët në të zezë, refuzon të paguajë sigurimet e shëndetit dhe pensionit, atij që të bën konkurencë të pandershme, apo atij që të vjen për kontroll në biznesin tënd dhe sillet keq apo kërkon ryshfet”. Në fund të postimit të tij, kryeministri Rama garanton qytetarët se denoncimi është i fshehtë dhe konfidencialiteti është i garantuar 100%.

Aksioni kundër informalitetit në ekonomi ka nisur prej muajit korrik, dhe deri tani ky aksion është shtrirë në disa drejtime, në luftën kundër bizneseve informale që ofrojnë shërbime për turistët, informalitetin në plazhe dhe hidrokarburet.

Rama citon Marjana Kondin: Teatër i ri, pa cënuar truallin ekzistues

Kryeministri Edi Rama ka publikuar një tjetër mesazh, nga artistët që janë pro shembjes së godinës aktuale të Teatrit Kombëtar, dhe dnërtimit në truallin e saj të një teatri të ri. Rama ka cituar një mesazh të aktores Marjana Kondi, të cilin e shoqëron me komentin personal, se Kondi është një nga aktoret që ka mbledhur më shumë duartrokitje në sallë.  “Marjana Kondi, e cila i ka dhënë publikut shumë personazhe të spikatur në skenë e në ekran, është një nga aktoret që ka mbledhur më shumë duartrokitje në sallën e Teatrit Kombëtar. Ajo ka një qëndrim të qartë në debatin për godinën e teatrit, njësoj si shumica dërrmuese e komunitetit teatror”, shkruan Rama.

Në mesazhin e saj, aktorja Marjana Kondi shpreh mbështetjen për ndërtimin e një teatri të ri kombëtar, pasi sipas saj, pas sallës dhe lozhave të saj, pjesa tjetër është një teatër i amortizuar. “Përtej së kuqes, llozhave, poltronave dhe perdes kadife, lëngonte një teatër i amortizuar e i braktisur nga instancat shtetërore. E kuqja e sallës ishte skuqja nga turpi i këtij shpirti që vuante. Të tillë për fatin e keq e gjej dhe sot. Kjo gjendje shton nevojën për të kërkuar një teatër të ri, të mirëmbajtur, me të gjithë elementët teknik si hapësira skenike, akustika, numri i sallave, elementët audio dhe ndriçim, kapacitet të lartë të vendeve për publikun, ambiente bashkëkohore pune për aktorët”, shprehet Marjana Kondi.

Në fund, ajo shkruan shprehet gjithashtu, se dëshira e saj është që teatri të ndërtohet brenda truallit ekzistues, pa e cënuar atë.  “Dhe këtë s’e kërkoj për vete, por për gjeneratat që do vijnë. Kërkesa për një teatër të tillë (pa cënuar asnjë centimetër nga territori ekzistues). Ndaj mbështes çdo iniciativë që kërkon t’i japë kombit, qytetit, publikut, aktorëve, regjisorëve, një teatër që kemi dashur, por pa gjymtuar shtratin e sotëm të teatrit”, përfundon mesazhi i Kondit, publikuar në rrjetet sociale nga Kryeministri Edi Rama.

Luftë informalitetit, Rama: Tolerancë zero ndaj abuzuesve, kontrollet do vijojnë

Lufta kundër informaliteti në biznes është përqendruar në disa drejtime. Një prej tyre është goditja e informlaitetit në hotele dhe shtëpi pushimi për turistët, kryesisht në bregdet. Gjatë pasdites të së shtunës, kryeministri Edi Rama ka publikuar në rrjetin e tij social në Facebook, disa foto ku tregon disa hotele dhe shtëpi pushimi, që janë bllokuar nga tatimet pasi janë gjetur në shkelje ligjore. Për rastet në fjalë, shefi i qeverisë shkruan se “se një numër jo i vogël abuzuesish përsërtës, u është bllokuar aktiviteti”.

“Përshkallëzohet goditja ndaj informalitetit në zonën e Sarandës, ku një numër i konsiderueshëm subjektesh janë regjistruar, duke paguar detyrimet përkatëse ndaj shtetit dhe një numëri jo të vogël abuzuesish përsëritës, u është bllokuar aktiviteti. Kontrollet vijojnë intensivisht me fokus mbi zonën bregdetare, sektorin e naftës dhe mallrat e tjera të akcizës me zero tolerancë ndaj abuzuesve”, shkruan Rama.

Me nisjen e sezonit të rregullt turistik të verës, qeveria ndërmori një aksion për goditjen e paligjshmërisë kryesisht në bizneset që ofrojnë shërbime për pushuesit. Deri më tani janë kontrolluar mijëra biznese shërbimi, si bare, restorante, shtëpi pushimi, hotele etj, ku dhjetra prej tyre janë bllokuar pasi janë gjetur në shkelje të ligjit.

Një tjetër aksion i madh ka qenë ai kundër lirmit të plazheve të zaptuara nga biznesi privat në mënyrë të paligjshme, dhe kthimin e tyre për qytetarët. Ky aksion kundër informalitetit, siç ka njoftuar më herët qeveria, do të vijojë edhe pas sezonit turistik, ndërsa së fundi goditjes së paligjshmërisë i është nënshtruar dhe sektori i karburanteve në vend.

“Pastrimi i zhulit”, Rama: Pas kryetarëve revolucionarë, nga bashkitë ikën dhe “kokat e mëdha”

Kryeministri Edi Rama ka publikuar në Facebook, disa foto nga aksioni për pastrimin qyteteve dhe fshatrave në bashki të ndryshme të vendit, pas betimit të kryebashkiakëve të rinj të PS. Rama ka zgjedhur foto nga puna që është bërë në bashkitë e Vaut të Dejës, Përmetit, Matit dhe Selenicës, të cilat më parë drejtoheshin nga kryebashkiakë të opozitës. Rama e quan këtë “punë për heqjen e zhullit dhe plehrave”, ku pas largimit të kryebashkiakëve “revolucionarë”, punëtorët e pastrimit janë rikthyer në punë, dhe s`paguhen më si turistë politikë.

“Vau i Dejës, Përmet, Mat, Selenicë – Vijon papushim heqja e zhulit, plehrave e ferrave nga territoret, ku pas largimit të kryebashkiakëve revolucionarë, punonjësit e pastrimit nuk paguhen më si turistë politikë, për të mbushur radhët e protestave antishtet në Tiranë, po janë kthyer në punën e tyre në shërbim të komuniteteve”, shkruan ndër të tjera Rama.

Më tej, ai vijon duke shkruar se deri më tani nuk është larguar asnjë punonjës nga puna, në bashkitë që më parë drejtoheshin nga PD dhe LSI. Të larguarit e vetëm sipas Ramës janë të dorëhequrit, ndërsa tregon edhe rastet se kush punonjës do largohet në të ardhmen.

“E meqë ra fjala, deri tani askush s’është larguar nga puna në ish-bashkitë e djathta (përveç ca kokave të mëdha e të pagdhendura politike, që kanë ikur me dorëheqje) dhe do të largohet vetëm kush nuk do të dojë t’i futet punës; në 30 qershor Shqipëria nuk votoi për të majtën po për TE DREJTEN dhe unë do të bëj çmos që askujt të mos i mohohet padrejtësisht, e drejta për të treguar se e do dhe e bën si duhet, punën që ka”, përfundon Rama.

Pas LSI dhe Basha politikë me të vdekurit: Rama urren shqiptarët

Pas më shumë se 24 orë nga aksidenti fatal, që ndodhi të premten ku humbën jetën dy punëtor dhe mbetën 3 të tjerë të plagosur, nga shembja e një skele në një pallat në kryeqytet, ka reaguar kryetari i PD-së, Lulzim Basha. Me një fjali në rrjetin social Tëitter, Basha, bën politikë me dy viktimat e aksidentit fatal të cilët humbën jetën gjatë kohës që po punonin në lartësi në një pallat.

Kryedemokrati akuzon kryeministrin Edi Rama se është “arrogant dhe i pshpirt me shqiptarët të cilët i urren”. “Artisti i mashtrimit, arrogant dhe i pashpirt me shqiptarët të cilët i urren, asnjë fjalë për 2 viktimat e makutërisë mafioze në zemër të Tiranës”, shkruan Basha.

Aksidenti i shembjes së skelës ku humbën jetën dy punëtor të dy kompanive të ndryshme, dhe mbetën të plagosur rëndë tre të tjerë, ndodhi të premten pas mesdite.

Për këtë ngjarje të rëndë që tronditi opinionin publik, Policia e Shtetit ka arrestuar dy inxhinier të dy firmave që po punonin në pallatin ku ndodhi ngjarja, ndërsa ka shpallur në kërkim administratorin e njërës prej firmave.

Nën hetim janë vënë dhe inspektorët e inspektoratit të punës. Pavarësisht kësaj, opozita, më herët LSI, dhe tashmë Basha, reagojnë duke e përdorur ngjarjen e rëndë për përfitime politike.

Rama sjell mesazhin e Malajt: Trualli s`preket, duhet teatër i ri

Kryeministri Edi Rama ka publikuar një tjetër mesazh, nga artistët që janë rreshtuar pro shembjes së godinës së vjetër të Teatrit Kombëtar, dhe ndërtimin në truallin e saj, të një teatri të ri. Rama ka sjell mesazhin e aktorit dhe pedagogut të Akademisë së Arteve, Petrit Malaj, për të cilin kreu i qeverisë shprehet se “Aktor, pedagog dhe drejtues i katedrës së aktrimit në Akademinë e Arteve, Petrit Malaj, është një figurë e mirënjohur për publikun shqiptar, që s’ka nevojë për prezantim, po lypset të thuhet se ai i përket asaj pjese njerëzish që flasin pak dhe dallohen për vetëpërmbajtjen e tyre. Me pak fjalë po pa asnjë ngurrim, Petriti është pozicionuar qartë së bashku me shumicën dërrmuese të komunitetit teatror, në mbështetje të shembjes së karakatinës ekzistuese dhe ndërtimit të Teatrit të Ri Kombëtar”, thuhet në komentin e Ramës.

Ndërkohë, në mesazhin e Petrit Malajt, aktori i njohur shprehet se gjërat po thuhen troç, trualli i teatrit nuk do të preket, dhe në të do ndërtohet një teatër i ri. “Unë nuk do të kuptoja ndonjë nga kolegët tanë apo ndonjë nga personat që ka debatuar për këtë nismë që të ishte kundër teatrit të ri. Të një teatri të ri bashkëkohor. Unë mendoj se thelbi i çështjes ka evoluar dhe gjërat po thuhen më troç: E para, që aty nuk do të cenohet trualli i Teatrit Kombëtar. Dhe e dyta, do bëhet një godinë për teatrin, vetëm për teatrin”, përfundon komenti i Petrit Malajt.

Aktor, pedagog dhe drejtues i katedrës së aktrimit në Akademinë e Arteve, Petrit Malaj, është një figurë e mirënjohur…

Gepostet von Edi Rama am Samstag, 17. August 2019

Rama publikon foto: Del në dritë bulevardi “Ismail Qemali”

Mbrëmjen e të enjtes Kryeministri Edi Rama ka publikuar foto nga transformimi që po i bëhet Bulevardit “Ismail Qemali” në Vlorë. Shefi i qeverisë në një postim në rrjetet sociale, shkruan se “pak nga pak po del në dritë dhe Bulevardi “Ismail Qemali”, i cili ka qenë prej dekadash në degradim dhe zymtësie të pistë.

“Pak nga pak po del në dritë edhe Bulevardi “Ismail Qemali” në Vlorë, ku pas dekadash degradimi e zymtie të pistë, po rritet fuqia tërheqëse e qytetit turistik, vlera e apartamenteve e njësive tregtare, mundësitë e punësimit e të vetëpunësimit përmes shërbimeve, interesi për investime të mëdha private në turizëm”, shkruan Rama.

Më tej, kryeministri Edi Rama shprehet se “gur gur bëhet mur”, duke përballuar padurimin e vlonjatëve, ndërsa paralajmëron një tjetër investim të madh për qytetarët e Vlorës. “Gur gur bëhet mur e mur mur bëhet kalaja, duke përballuar padurimin epik të vlonjatëve dhe sharjet e përqeshjet e atyre që për çdo punë kanë një llaf të keq për të thënë. Së shpejti Sheshi i Ri i Flamurit dhe të tjera akoma…Vlora që Duam, Shqipëria që Duam”, shkruan Rama.

Skip to toolbar