Lista e zezë e DASH, Kulluri-Bashës: Mos u gëzo për Dakon, mund të jesh dhe vetë

Ish-anëtari i Këshillit Kombëtar të Partisë Demokratike, Edvin Kulluri, ka reaguar në lidhje me deklaratën e Lulzim Bashës për shpalljen ‘non grata’ të Vangjush Dakos nga SHBA. Kulluri, i drejtohet Bashës duke u shprehur se “nuk duhet të gëzohet”, pasi në listën e zezë të Departamentit Amerikan të Shtetit, mund të jetë dhe vetë kryedemokrati. “Mos u gëzo shumë për Dakon në Listën e Zezë të SHBA, se mund të jesh dhe vetë, jo për gjë, po nuk e zgjidh dot me një gënjeshtër tjetër po të doli emri”, shkruan Kulluri në rrjetet sociale.

Të martën Departamenti Amerikan i Shtetit publikoi vendimin e Sekretarit të Shtetit, për t`i ndaluar përfundimisht hyrjen në SHBA Vangjush Dakos dhe familjes së tij, pasi sipas DASH, Dako është i përfshirë në afera korruptive. Pas këtij vendimi, në mbrëmjen e së martës, reagoi dhe Lulzim Basha, i cili e quajti “lajm të mirë dhe të keq”, vendimin e Departamentit Amerikan të Shtetit për Vangjush Dakon.

Megjithatë, Edvin Kulluri, nëpërmjet statusit në Facebook, sjell në kujtesën e kryedemokratit deklararat që bëri Zëvëndës Ndihmës Sekretari Amerikan i Shtetit, Matheë Palmer, që dy ditë para zgjedhjeve të 30 qershorit, u shpreh se “nëse PD dhe LSI do të kryenin akte dhune gjatë procesit zgjedhor, ato do të futeshin në listën e zezë të SHBA, duke ndërprerë marrëdhëniet me amerikanët”.

Realstory e zbuloi, Kulluri: Basha mbështetet nga Soros për të luftuar kundër Ramës

Edvin Kulluri, ish-anëtar i Këshillit Kombëtar të PD-së ka komentuar në Report TV dokumentin e publikuar ekskluzivisht nga Realstory, ku PD i jepte porosi ish deputetëve dhe anëtarëve të kryesisë që të mos flisnin për akuzat e Metës ndaj Soros. Sipas Edvin Kullurit Soros është mbështetës i Bashës për të luftuar kundër Ramës.

“Armiqtë imagjinarë të sotshëm të Metës nuk duhen gjetur jashtë por në Shqipëri. Duhen gjetur tek kreu i PD-së. Është e qartë që Basha është i mbështetur nga Sorosi për të luftuar kundër Ramës dhe këtë e dimë, ne e dinë të gjithë. Duhet të dimë se me këtë reformë në drejtësi, do jepet një efekt në mënyrë të padiskutueshëm. Sot më shumë e duan vendin ndërkombëtarët se ne. PD ka hyrë në zgjedhje në 97 kur në gjysmën e territorit nuk vihej dot komisionerë. Basha nuk futet dot sot kur pretendon se ka më shumë se gjysmën e popullsisë me vete.

Sot DASH e drejton një administratë që nuk ka asnjë lidhje me Soros. Këtu nuk ka një përplasje mes Soros dhe opozitës. Kush do të fshihet pas Sorosit bën gabim. Por që këta që porosisin njerëzit në PD të mos flasim më për Sorosin është një mashtrim tipik i Bashës. Presidenti nuk ka të drejtë të anulojë zgjedhje por vetëm të caktojë. Shanset që kushtetuesja të bjerë dakord me datën 13 janë zero. E ardhmja e PD është ulja e demokratëve në kuvendim me njëri tjetrin se si duhet nxjerrë e djathta nga ky batash dështimesh për t;i dhënë Shqipërisë një qeverisje të djathtë. Rama është duke rënë nga karrigia. Ai që e mban në karrige është Lulzim Basha. Kjo është çështja e çdo demokrati. PD duhet të marrë fatet e partisë në dorë dhe të mos shkojnë pas aventurave. PD është aset i së djathtës dhe ka pasur një raport të mirë me ndërkombëtarët. nuk duhet të zvogëlohet më shumë se kaq”, tha Kulluri.

Kulluri akuzoi hapur Bashën se me lidershipin e tij të dobët po mban në pushtet Ramën. Ai tha demokratët e vërtetë kanë nisur një aksion kundër Bashës, për të shpëtuar partinë e tyre përmes një aksioni masiv të nisur gjatë kohëve të fundit.

Realstory.al publikoi ekskluzivisht dokumentin e shpërndarë nga sekretari i përgjithshëm i PD-së, ku i lihej porosi e prerë ish deputetëve që të mos komentonin akuzat e Metës për Sorosin. Dokumenti vërteton “tradhtinë” e PD-së ndaj Metës. Nga njëra anë, Meta akuzon Sorosin për “deep state”, nga ana tjeter PD mbështetet nga Sorosi dhe refuzon ta pranojë Metën si negociator për zgjidhjen e krizës.

Kulluri: Basha ‘mjeshtër i tradhtive’, e keqja nuk është në Washington

Edvin Kulluri i ka drejtuar disa pyetje publikisht Lulzim Bashës. Ish-anëtari i Këshillit Kombëtar të Partisë Demokratike, ka shkruar një status në rrjetet sociale, ku shprehet se vazhdojnë të thuhen disa të vërteta përgjysëm. Edvin Kulluri pyet Lulzim Bashën pse “PD nuk caktoi emrat e vetë për anëtarë të KLP dhe KLGJ, por ia la të gjitha propozimet PS?”. Një tjetër pyetje e ish-anëtarit të KKPD drejtuar Bashës është ajo se “Kush i votoi në Kuvend 6 ligje të Reformës në Drejtësi pa konsensusin e PD? LSI dhe PDIU”, ndaj në këto kushte, kujt i ankohen tre partitë e mëdha të opozitës për “drejtësinë e kontrolluar nga Rama?”.

“Nëse nuk ke moral për diçka mos bërtit se ke të drejtë?!”, shkruan gjithashtu Kulluri. Duke pyetur Lulzim Bashën për faktin që “nuk mori” pjesë në hartimin e Reformës Territoriale, Kulluri ngre pyetjen “pse ai (Basha) e la në mes aksionin për referendume në bashkitë dhe komunat që drejonte opozita?”. Kulluri gjithashtu ngre pyetjen se “kush bëri marrëveshje dhe lista deputetësh idioteskë dhe të pabesa në 2017”, apo për bojkotin e zgjedhjeve të 30 qershorit të këtij viti. Në fund, ai kërkon nga Basha të tregojë se “kush dhe kujt i ankohen për ndarje politike administrative dhe “diktaturën” e pushteteve në dorë të Ramës?”.

Komentin e tij me pyetjet, Edvin Kulluri e mbyll me një pyetje tjetër retorike, “Për tradhëtitë e Bashës e ka fajin Rama dhe ndërkombëtar?”. Përgjigjen e kësaj pyetje e jep vetë ish-anëtari i Këshillit Kombëtar të PD-së, duke u shprehur: “Mos ju hakërre ndërkombëtarëve se e “e ke të keqen brenda”!! Kim Philby-n e keni në krye të opozitës! Mos kërkoni në Washington apo gjetkë se ja ku është “mjeshtri i tradhtive”, në mes të Tiranës”, e mbyll shkrimin e tij Kulluri.

Deklarata e Cutillos në “Real Story”, Kulluri-Bashës: Mblidh mendjen, s`ka komplot kundër teje

“Pra i dashur Kryetar, nuk ka komplot ndërkombëtar kundër teje! Aq më tepër nga një ambasador i një qeverie konservatore! Mblidhe mendjen mirë që nuk ke asnjë mbështetje ndërkombëtare në rrugën aventureske që vazhdon me kokëfortësi!”, ky është reagimi ish-anëtarit të Këshillit Kombëtar të PD, Edvin Kulluri, pas deklaratave të Ambasdorit italian në Shqipëri, Alberto Cutillo, që deklaroi në “Real Story”, se “synimi im është që të çojmë përpara marrëdhëniet mes dy vendeve. Nuk mbëstesim asnjë palë politike në Shqipëri”.

Gjatë emisionit të fundit për këtë sezon në “Real Story” të gazetarit Sokol Balla, ambasadori italian, hodhi poshtë akuzat e bëra shpesh nga opozita apo dhe Presidenti i Republikës, se ambasadorët mbështesin qeverinë. Deklarata e Cutillos, ka nxitur dhe reagimin e ish-anëtarit të PD-së, Edvin Kulluri, i cili shprehet se Lulzim Basha ëshë pa mbështetje ndërkombëtare në rrugën aventureske që vazhdon me kokëfortësi.

Edvin Kulluri, së bashku me Arben Ristanin, Jozefina Topallin, Arben Imamin dhe të tjerë ish-anëtar dhe drejtues të PD-së, kanë dalë kundër Lulzim Bashës dhe aksionit të tij opozitar radikal. Madje, këta kanë bërë thirrje dhe për ristrukturim të Partisë Demokratike duke filluar me zgjedhjet për kryetar të PD-së.

Ndërkohë, reagimi i Kullurit vjen pas atij të Arben Ristanit, i cili gjithashtu gjatë të hënës, në një postim në rrjetet sociale la të kuptohet se pas dështimit të aksionit opozitar në të gjitha format dhe rrugët e ndjekura, për të larguar Ramën, tashmë duhet të ketë një rrugë tjetër, ndoshta largimi i Bashës. Pas këtyre reagimeve, të dy ish-drejtuesve të lartë të PD, Kulluri dhe Ristani, janë parë së bashku të martën në një takim miqësor në një nga kafet e kryeqytetit.

Kulluri tregon thelbin e krizës: Ata që e krijuan, e pamundur ta zgjidhin

Ish-anëtari i Këshillit Kombëtar të PD-së, Edvin Kulluri thotë se thelbi i krizës vjen për shkak se politikanët tanë nuk gëzojnë më mbështetje në popull.

Në një postim në facebook, Kulluri shkruan se politikanët po luajnë një teatër absurd në kurriz të shqiptarëve.

“Shqipëria po përjeton prej vitit 2017 një krizë të thellë politike dhe me shumë gjasa të pazgjidhshme.

Një krizë që i ka shkaqet te mospërfaqesimi, shtrembërimi i interesit publik, mos dëgjimi i qytetarëve, retorika e urrejtjes, cënimi i parimit të konkurrencës së lirë në treg dhe politikë, medias klienteliste, sovranizmit korruptiv dhe mediokritetit politik.

Këto simptoma anti-demokratike për herë të parë në 29 vite i mbartin njëlloj të dy krahët politike. Ndaj kriza nuk legjitimon asnjërën palë duke mos krijuar kushte për zgjidhje.

Një krizë apolitike, për shkak të mbështetjes së ulët në publik të mazhorancës dhe opozitës njëkohësisht’, shkruan Kulluri.

Ai shkruan se si opozita ashtu dhe maxhoranca janë bërë qesharakë pasi shpallin veten fitues pa bërë një betejë. Ai thotë që ky kaos institucional duke përfshirë dhe presidentin është e pamundur të zgjidhjet prej tyre.

“Mazhoranca dhe opozita janë bërë qesharake duke shpallur fitore të një beteje të pabërë! Teatër absurd në kurriz të shqiptarëve, socialistë e demokratë apo qytetare pa parti. Të gjithë i kërkojnë llogari njeri-tjetrit por askush nuk bën asgjë për të kthyer dinamiken politike ne normalitet.

Dhe ky kaos tashmë është e institucional në betejën e hapur mes mazhorancës dhe Presidentit! Këta aktorë që e prodhuan këtë krizë e kanë të pamundur ta zgjidhin këtë krize të vetes por jo të qytetarëve. Kjo është e sigurt, të tjerat duhen parë!”, shkruan Kulluri.

Te dashur miq! Shqiperia po perjeton prej vitit 2017 nje krize te thelle politike dhe me shume gjasa te pazgjithshme….
Gepostet von Edvin Kulluri am Donnerstag, 11. Juli 2019

Edvin Kulluri: Basha nuk bëhet dot lider. Berisha kafshë politike, por…

Sipas anëtarit të Këshillit Kombëtar të PD-së Edvin Kulluri, Basha nuk bëhet dot lider, ndërsa Berisha është kafshë politike, por nuk ka asnjë përgjegjësi për situatën në të cilën ndodhet PD.

Kulluri ka qenë i ftuar në emisionin “Provokacija” të Mustafa Nanos ku tha se Lulzim Basha duhet të mbajë përgjegjësi, pasi që kur është larguar Berisha, ai nuk ka arritur asnjë sukses.

Pjesë nga intervista:

Mustafa Nano: Ka njerëz që kanë dyshime se Basha është de jure kryetar i partisë por de facto vazhdon të mbetet Berisha. Ti e beson këtë?

Edvin Kulluri: Jo nuk e besoj. Nuk besoj për një arsye sepse Basha do ta kishte aq ndershmëri të thoshte se nuk jam më kryetari i partisë. E dyta nga ajo që di unë nuk është kështu. Nuk është mënyra e Berishës kjo e të drejtuarit të partisë. Sepse ka një problem, për ata që e njohin Berishën e pëlqejnë apo nuk e pëlqejnë dhe unë hyj tek njerëzit që them se e njoh në një masë të caktuar dhe përgjegjësit Berisha është prirur nga përmirësimi i vetvetes. Na e ka thënë dhe e kemi diskutuar nëpër takime. Është njeri që përgjithësisht nuk shkon në digresion. Mund të bëjë gabime të reja por ata që i ka bërë nuk i bën më. Mua më rezulton që këto gabime janë gabime prej fillestari. Nuk janë prej një lideri që ka drejtuar 23 vite në këtë vend. Nuk më del llogaria.

Mustafa Nano: Berisha është në politikë, përse vallë vazhdon të insistojë me kaq pasion dhe të mbetet aty si figurë dominonte?

Edvin Kulluri: Berisha është kafshë politike! Është njeri që jeton për politikën. Është njëri që lufton për politikën. Në këtë pjesë e njoh mirë.

Mustafa Nano: Po për çfarë po lufton?

Edvin Kulluri: Ai mendon se i shërben interesit politik. Edhe duke mbështetur këtë që po ndodh. Tek pjesa e intrigës politike nuk futem dot. Por di të them një gjë se që kur Sali Berisha ka dhënë dorëheqjen nga PD-ja, Lulzim Basha nuk ka asnjë sukses politik. Kjo nuk rëndon mbi Sali Berishën, kjo rëndon mbi Lulzim Bashën.

Mustafa Nano: Mesazhi është se çfarë ka marrë Luli, vetëm Berisha mund t’ia japi?

Edvin Kulluri: Jo nuk po ia jep dot sepse lider je dhe nuk të bëjnë dot. Ky është problemi që ne kemi me lidershipin e partisë.

Në kryetare grua për PD

Vetëm dy ditë më parë, Realstory, publikoi një artikull ku citohej emri i pasardhëses së Bashës në krye të PD-së, bazuar në burime konfidenciale informacioni. Duke u nisur nga situata në PD ku prej disa vitesh Basha nuk po ia del të fitojë asnjë palë zgjedhje, por edhe marrëdhëniet e ftohta me amerikanët, lënë të kuptosh se Basha nuk është i preferuari i tyre dhe se ata mbështesin dikë tjetër. Realstory shkruan se karrigen e kryetarit të PD-së, mund ta marrë një grua. Ajo është e re, energjike, dhe për më tepër gëzon mbështetjen e amerikanëve. Nuk është Jozefina Topalli megjithë mbështetjen e madhe që ka në gjirin e PD-së dhe kjo u pa qartë vetëm pak ditë më parë ku përmes një statusi kundër Bashës mori mijëra pëlqime. Bëhet fjalë për Jorida Tabakun. Për më tepër në link gjeni shkrimin e plotë:

PD I DUHET TË PRESË (SA TË LINDË JORIDA)

Kriza e Shqipërisë është liberalizmi

Nga Edvin Kulluri

Kriza e politikes tradicionale ne SHBA dhe BE ka qene dhe eshte ajo e mosdegjimit dhe te mosfolurit njerezve. Edhe Shqipëria nuk kishte si ti shpetonte kesaj tendence si nje province e vogel e perendimit. Ashtu sic ne SHBA dhe ne Evrope partite e djathta dhe te majta kane rreshkitur drejt qendres duke u ikur parimeve te veta themelore. E djathta u be gjithnje e me shume individualiste me orientim vecse tregun e lire dhe lirine e zgjedhjes, duke ju larguar konservatorizmit amerikan tek te drejtat themelore te prones, mbrojtjes nga pushteti qendror, familjes etj., ashtu edhe ne evrope , liberalizmi i devijoi mbeshtetesit e vet kristian-demokrate duke i degdisur ne skutat e multikulturalizmit, globalizmit, burokratizmit te BE, dhe mbeshtetjes se pakicave ne kurriz te shumicave qe ne thelb godisnin vlerat e doktrines kristiane.

E majta po ashtu, nen udheheqjen e brezit te ‘68 i harroi “klasen punetore” dhe kategorite e tjera te margjinalizuara nga konkurenca e ashper e “tregut te lire”, duke u shnderruar ne liberale progresiste. Perfundimi? Ngritja e nje te djathte konservatore anti-globaliste dhe euro skeptike. Ndersa ne evrope e majta po shkon drejt ambientalisteve. Po ne Shqiperi? Te dy partite e medha prej kohesh jane larguar nga njerezit po ashtu. Lideret e PS dhe PD te pushtuara nga liberalet progresiste kane humbur lidhjet me ata qe i votojne prej vitesh, duke u mbyllur ne “kafazin e dogmes liberale”. Delegim i parave dhe sherbimeve tek privatet, retorike integruese pa u kujdesur per ceshtjet konkrete ekonomike, pronen private, familjen, edukimin, autonomine lokale etj.. Fjalet: koncension, transformim, revolucion, te drejat e homoseksualeve, drejtesi per te gjithe, shpetimtare, rilindje, republike e re dhe lloj-lloj brockullash dogmatike e propagandistike jane muzike e stonuat per veshet e njerezve.

Punetore, sipermarres, studente, fermere jane te lodhur nga “parrullat” e atyre qe tjeter thone e tjeter bejne. Qytetaret jane njesoj te varfer, pa perspektive, te pasigurte, te huaj aty ku jetojne etj.. Ky lidership eshte konsumuar ndaj sheh radikalizimin si mjet per te mbijetuar. Po i sforcojne njerezit qe te zgjedhin mes tyre megjithese nuk u thone asgje dhe nuk punojne per ta. Sulmojne kundershtaret brenda partive apo ne llogeren perballe si “te vjeter”, “pengues”, “te korruptuar” megjithese perfaqesojne vete keto epitete. Kush mendon nxirret jashte sistemit, i bllokohen ekranet, faqet e portaleve pasi i kontrollojne nga zyrat e Kryeministrise apo PD, duke injektuar ne studio “analiste te prerjes liberale me mase”! Keta jane establishmenti qe qarkullon miliarda me koncesione, pallate, evazion fiskal etj., ndersa te tjeret vetem mund te mbijetojne. Ndaj kriza e sotme politike eshte vecse fillimi i fundit i shurdhmemeceve politike. Njerezit nuk i duan, pervec nje pjese irracionale militantesh. Te tjeret presin zgjidhje dhe do e gjejne zgjidhjen. Nuk genjehen me, nuk i degjojne keta sharlatane te korruptuar dhe dogmatike te mbyllur ne “boten e tyre ideale” qe ideale eshte vec per ta.