Futbollisti i kombëtares
shqiptare, Azdren Llullaku i bashkohet Elis Bakajt tek ekipi i Shakhter
Soligorsk në Bjellorusi. Sulmuesi i kombëtares shqiptare kë firmosur një
kontratë të re me klubin bjellorus, e cila përfundon në fund të vitit 2020.
Llullaku i dha fund karrierës me ekipin rumun të Astras, ku për një sezon
arriti të gjente formën e tij më të mirë, duke shënuar mbi 10 gola e po aq
asiste në të gjitha kompeticionet.
Tashmë sulmuesi do
të nis një karrierë të re në Bjellorusi, aty ku do të ketë shok skuadre
sulmuesin Elis Bakaj, që aktivizohet prej dy sezonesh në këtë kampionat.
Llullaku ka një karrierë të suksesshme sportive. Ai ka nisur të luajë futboll
me ekipet në ligat amatore italiane, ndërsa në vitin 2012 u transferua te
skuadra Gaz-Metan. Me këtë ekip, gjatë sezonit 2016-2017, Llullaku arriti të shënonte
16 gola, duke arritur klumin si golashënues në një ligë profesioniste.
Më pas, ai u
transferuar për një sezon në Kazakistan tek Astana, ekip me të cilin luajti
gjysmën e sezonit, ndërsa gjysmën tjetër luajti te Tobol, si i huazuar. Megjithatë,
në fund të kampionatit në Kazakistan, Llullaku u shpall kampion me Astanan, ndërsa
më pas u kthye në Rumani te Astra. Por, problemet financiare të klubit gjatë
sezonit që lam pas, kanë detyruar lojtarin të largohet prej aty, pavarësisht se
ishte titullar dhe lojtar shumë i rëndësishëm për skuadrën. Llullaku ka luajtur
dhe 6 ndeshje me ekipin tonë kombëtar.
Elis Bakaj vijon të jetë vendimtar për
Shakhtyor Soligorsk në Bjellorusi. Sulmuesi shqiptar ka shënuar një dygolësh tjetër
në kampionat, duke i dhënë fitoren ekipit të tij në sfidën ndaj Minsk. Bakaj
hapi serinë e golave në minutën e 13` për
skuadrën e tij, duke barazuar ndeshjen pasi Minsk kishte kaluar më herët.
Më pas skuadra mike realizon përsëri, ndrsa
Igor Burko barazon për Soligorsk. Ndeshja do të vijojë të jetë në barazpeshë
deri në minutën e fundit të takimit, ndonëse miqtë luajnë gati 25 minuta me një
lojtar më pak.
Në fund, Elis Bakaj fiton një penallti të cilën e ekzekuton skatë nga pika e bardhë dhe i jep fitoren skuadrës së tij. Aktualisht, futbollisti shqiptar ka shënuar 6 gola në kampionatin bjellorus, ndërsa ka asistuar dhe pesë herë të tjera. Bakaj është prej dy sezonesh pjesë e ekipit të Shakhtyor Soligorsk në Bjellorusi, dhe duket se ka marrë rol lideri për ekipin e tij.
Elis Bakaj nuk ka ndërmend të ndalet as këtë sezon në Bjellorusi, teksa e ka nisur në mënyrë të shkëlqyer kampionatin me Shakhtyor Soligorsk. Sulmuesi shqiptar ka gjetur përsëri rrjetën edhe këtë fundjavë në kampionat, në fitoren 3-0 ndaj Dinamo Minsk.
Një aksion i shpejtë nga lojtarët e Soligorsk është ndalur vetëm nga një ndërhyrje e parregullt e një prej mbrojtësve miq. Ishte minuta e 74′, e takimit, kur arbitri jep penallti dhe ekzekutimin e saj e merr për Bakaj.
Sulmuesi nuk gabon dhe dërgon topin në rrjetë për 2-0 për skuadrën e tij, teksa Soligorsk realizon dhe një tjetër gol më pas duke fituar 3-0. Tre pikët i japin dhe kreun e renditjes skuadrës së Bakajt, që duket se këtë sezon do të rivalizojë deri në fund për titullin kampion.
Në rreth 14 muaj në Bjellorusi, Elis Bakaj ka arritur të shndërrohet në protagonist absolut në kampionatin vendas, teksa së fundi po shijon një sukses të jashtëzakonshëm, pasi gjatë pasdites së sotme, ka arritur të kualifikojë Shakhtyor Soligorsk në finalen e kupës.
Futbollisti shqiptar shënoi përsëri sot në ndeshjen e kthimit, që skuadra e tij luajti kundër Isloch, të cilën e fitoi në kohën shtesë me rezultatin 4-2, ndërsa ndeshja e parë ishte mbyllur në barazim 2-2.
Elis Bakaj shënoi golin e avantazhit 2-1 për skuadrën e tij, megjjthëse miqtë do të barazonin. Takimi do të shkonte në shtesë, ku sërish nga këmbët e Bakajt do të vinin nisnin dhe dy golat e fitores dhe kualifikimit në finalen e Kupës së Bjellorusisë për Soligorsk.
Elis Bakaj po kalon një kulm të dytë në karrierën e tij si lojtar. Që prej momentin që është transferuar në Bjellorusi te Shakhtar Soligorsk, Bakaj është shndërruar në lider të ekipit. Rifillimi i kampionatit këtë sezon e gjen sulmuesin shqiptar përsëri në nivele të shkëlqyera, pasi ka arritur të shënojë rregullisht.
Gazeta “Ttribuna”, në Bjellorusi i ka krijuar një hapësirë të madhe sulmuesit shqiptar, ku në një intervistë shteruese dhe të gjatë, Bakaj ka treguar gjithçka për jetën, karrierën sportive, Shqipërinë dhe Bjellorusinë. “RealStory.al”, sjellë për lexuesit pjesë nga intervista e Elis Bakajt dhënë për gazetën bjelloruse.
Kampionati më i fortë këtu
apo në Shqipëri?
“Shikoni, në Shqipëri, skuadrat luajën futboll më teknik, si në të gjithë Gadishullin Ballkanik. Këtu predikohet një mënyrë më e fuqishme me përgatitjen fizike. Futbolli jonë ka ndryshuar shumë pasi ekipi kombëtar shkoi në fazën në grupe të Euro 2016.
Tani kemi skuadra të mira, futbollistë të rinj që po largohen për të luajtur në ligat e forta, Itali, Belgjikë, Holandë. Por dhjetë vjet më parë, kjo nuk ishte. Dhe tani çdo vit, tre ose katër lojtarë, shkojnë në perëndim. Çdo vit futbolli shqiptar bëhet më i mirë, për shembull, tani të gjitha ndeshjet e Super Ligës transmetohen në televizion.
Si është pagesa e
lojtarëve në Shqipëri?
Lojtarët
e mirë janë në gjendje të marrin deri në dhjetë mijë euro në muaj. Kushtet të
mira ofrohen nga Skënderbeu, Partizani ose Kukësi. Te skuadrat që kanë
objektiva të larta, lekët paguhen gjithmonë në kohë. Në klubet e tjera mund të ketë
vonesa. Por ky problem nuk vetëm i Shqipërisë. Në vende të tjera të Ballkanit
ka dhe klube të tjera me probleme të ngjashme, në Rumani apo Serbi.
Nëse je futbollist në
Shqipëri mund të fitosh për të siguruar jetën?
Sigurisht. Në Shqipëri, si dhe në të gjithë botën, partë investohen në futboll. Duke luajtur në një ekip të mirë shqiptar, nuk do të fitoni shumë para, por do të merrni aq sa do t`ju lejojnë të jetoni mirë. Ekziston një ndryshim i madh midis pagave të futbollistëve dhe njerëzve që punojnë në fusha të tjera. Dhe shumë pindër duan që fëmijët e tyre të luajnë futboll. Paga mestare në Shqipëri për momentin është rreth 400-500 euro në muaj.
Çfarë standardi jetese
ka në Shqipëri?
Në Tiranë jetohet mirë. Kjo vlen për çdo gjë. Kemi qendra të mira tregtare apo dyqane. Gjysmë ore me makinë është deti, ka male afër Tiranës. Sa për qytetet e tjera, natyrisht, jeta është ndryshe nga kryeqyteti.
Tani shumë njerëz duan të shkojnë në Tiranë, ku kanë kushte pune me cilësore jetë më të mirë. Numri i banorëve në zonat rurale ka rënë ndjeshëm. Jetojnë kryesisht njerëz të moshuar, të rinjtë po largohen. Përveç kësaj, shqiptarët nuk kanë nevojë për vizë dhe shumë prej tyre shkojnë për të punuar në vendet e BE.
Pak vite më parë kishte
vetëm pak stadiume ku mund të luheshin ndeshje ndërkombëtare…
Po,
por në Tiranë, stadiumi kombëtar do të përfundojë pas pesë ose gjashtë muajsh. Që
nga koha që nisa të luaj futboll, gjithçka nisi të ndryshonte me stadiumet.
Fëmijëra juaj?
Kur
kam qenë i vogël, jetoja me prindërit jashtë Tiranës, në periferi e quajtur
Yzberisht. Është rreth 6 km nga qendra e qytetit. Është një qytez e vogël dhe e
qetë, në të cilin nuk ka krim. Të gjithë njerëzit e njohin njëri-tjetrin dhe
nuk ka probleme të mëdha. Ne nuk jetonim në pallat, por në shtëpinë tonë me tre
dhoma. Babai im është topograf ndërsa nëna farmaciste. Kam pasur një fëmijëri
normale, gjithë kohësa luaja futboll me shokët në rrugë.
Në cilën moshë keni
filluar të luani futboll?
Në moshën shtatë vjeç u bëra pjesë e ekipit “Kristali” në Tiranë. Ishte një shkollë e vogël futbolli me një fushë të vogël trajnimi. Më pas ekipi mori pjesë ne kampionatet e moshave në Tiranë. Çdo gjë ishte shumë e thjeshtë dhe modeste, por më kujtohet “Kristali” me kënaqësi.
Atje nisa të luaja futboll. Babai e do shumë futbollin, por kur isha i vogël ai nuk më kishte parë në fushë për një kohë të gjatë. Unë nuk e kuptoja ende nëse luaja mirë apo jo. Një ditë ai erdhi të shihte ndeshjen time të parë, dy apo tre vjet pasi kisha nisur të luaja futboll. Disa miq i thanë atij: “Eja, ai është lojtari më i mirë në ekip”
Dhe çfarë ndodhi më
pas?
E lashë ekipin “Kristal” dhe kalova në një ekip tjetër, emri nuk më kujtohet. Pastaj erdhi 1997 dhe nisën trazirat, dhe për rreth një vit nuk stërvita normalisht. Në Shqipëri nisi një luftë civile, njerëzit morën armët dhe dolën në rrugë.
Gjithçka lidhej me politikën dhe situatën e dobët ekonomike në vend. Bankat falimentuan në atë periudhë dhe shumë njerëz humbën paratë në rrjetin e firmave piramidale.
Më shumë se 300 mijë njerëz u prekën nga bankat dhe popullsia humbi rreth dy miliardë dollarë. Për tre katër muaj nuk shkova në shkollë dhe ndenja kryesisht në shtëpi. Ishte shumë e rrezikshme të dilje në rrugë. Unë nuk e kuptoja se çfarë po ndodhte!
Sulmuesi shqiptar afron skuadrën e tij me finalen e kupës
Elis
Bakaj ka gjetur përsëri rrugën e rrjetës në Bjellorusi, duke realizuar në gjysmëfinalen
e kupës, që Shakhtyor Soligorsk luajti në transfertë kundër Isloch Minsk.
Sulmuesi
shqiptar ka shënuar në minutën e 69` të takimit, duke ngushtuar shifrat për
Soligorsk, që deri në atë moment ishte duke mundur me rezultatin 2-0.
Elis
Bakaj përfiton nga një rrëmujë në zonën kundërshtare, duke shtyrë topin drej rrjetës
dhe rikthyer skuadrën e tij në lojë.
Kështu
ndodhi, pasi dhjetë minuta më vonë, Elis Bakaj është përsëri protagonist, pasi
jep asistin e golit të barazimit për skuadrën e tij.
Futbollisti
shqiptar ekzekuton një goditje të ndaluar, duke e dërguar topin në zonën kundërshtare,
aty ku shoku i tij i skuadrës Sachivko realizon me kokë golin e barazimit 2-2 për
Shakhtyor Soligorks.
Bakaj dhe të tijët tashmë kanë më shumë shanse për t`u kualifikuar në finale, pasi takimin e radhës e luajnë në shtëpi përballë tifozëve të tyre.
Elis
Bakaj e ka nisur sezonin e ri si protagonist në kampionatin bjellorus të
futbollit. Sulmuesi shqiptar, që aktivizohet me skuadrën e Shakhtyor Soligorsk,
ka gjetur rrjetën dhe asistuar një tjetër gol për ekipin e tij në transfertën
ndaj Neman.
Në
minutën e 60` të sfidës, që Shakhtyor ishte duke e fituar me rezultatin 0-1,
Elis Bakaj niset drejt portës kundërshtare pasi merr një top nga mesi i fushës.
Pasi futet në zonë, Bakaj godet drejt portës duke e dërguar sferën në rrjetë
dhe dyfishon avantazhin për skuadrën e tij.
Në minutën e 67`, Elis Bakaj asiston golin e tretë të ekipit të tij, që bëri një ndeshje spektakolare dhe fitoi tre pikët e radhës në kampionat. Ky ishte goli i parë për këtë sezon për Elis Bakajn, që duket se e ka nisur mjaft mirë.
