Lëvizte me makinë të blinduar, urdhri i ekzekutimi të Feriz Bardhit erdhi nga jashtë

Vrasja e Feriz Bardhit, të enjten e 1 gushtit, dyshohet se është porositur jashtë kufijve të Shqipërisë, saktësisht në Itali, ku 40-vjeçari ushtronte aktivitetin e trafikimit të drogës.

Prokuroria e Durrësit, pas ngjarjes ka shoqëruar disa persona për t’i marrë në pyetje mes tyre familjarë dhe dëshmitarë të rastit për të arritur në një pistë hetimesh. Bardhi ishte përfshirë në trafikimin e kokainës në Itali dhe kishte krijuar përplasje dhe konflikte me trafikantët atje. Mungesa e konflikteve të tjera në Shqipëri i ka bërë hetuesit të përqendrohen në aktivitetin e trafikimit të lëndëve narkotike.

Në 2012, 40-vjeçari ishte dënuar nga drejtësia italiane pasi ishte kapur me 700 gramë kokainë të pastër, që në treg do të kapte një vlerë prej 100 mijë euro. Droga u gjet në një makinë “BMË X6”, ku Bardhi ndodhej së bashku me Arif Qelinë, edhe ky i dënuar. Atëherë drejtësia italiane theksoi se Bardhi dhe Qelia nuk ishin shpërndarës të thjeshtë droge.

Konfliktet për trafikun e drogës në Itali, e kishin bërë edhe vetë Feriz Bardhin të shtonte masat e sigurisë ndaj tij, i cili kohët e fundit udhëtonte me një makinë të blinduar citon Panorama. Por kjo sërish nuk e ka mbrojtur atë, pasi autorët e kanë ekzekutuar pasi ka dalë nga makina, pranë derës së vilës së tij, që e kishte blerë së fundi.

Në zonë mungonin kamerat e sigurisë dhe për këtë arsye identifikimi i autorëve bëhet edhe më e vështirë. Ekzekutorët kanë përfituar nga mungesa e kamerave të sigurisë, e kanë lënë Bardhin të hyjë në portën e shtëpisë dhe më pas e kanë thirrur duke e qëlluar me 12 plumba. Sipas policisë automjeti që është përdorur nga autorët dyshohet të jetë mjeti i djegur në vendin e quajtur Ura e Gjolës në Fushë-Krujë, brenda së cilës janë gjetur edhe armë.

Prokuroria e Durrësit vijon hetimet intensive në lidhje me zbardhjen e ngjarjes dhe deri tani nuk ka ende asnjë të dyshuar në lidhje me autorët.

Feriz Bardhi, që u vra në Durrës, në 2012 sfidonte karabinierët me BMW X6

Rreth orës 13:00 të së enjtes, në Durrës u qëllua për vdekje një 40-vjeçar. Ai ishte Feriz Bardhi, i cili u ekzekutua në derën e banesës së tij nga persona të panjohur. Policia gjeti, pas atentatit, dy mjete të djegura në Durrës dhe Fushë Krujë, të cilat dyshohen se janë përdorur nga autorët për të ekzekutuar Feriz Bardhin.

Pistat në të cilat policia po heton, është e kaluara e Bardhit në Itali dhe lidhjet e tij me trafikun e drogave të forta. Por cili është Feriz Bardhi dhe çfarë të shkuare ka pasur ai? Në 11 qershor të vitit 2012, Feriz Bardhi dhe një tjetër shtetas shqiptar, me banim në Itali, u arrestuan në një autostradë nga policia e Pescaras.

Bardhi dhe shtetasi tjetër, Arif Qelia, sipas mediave italiane, u arrestuan në autostradë gjatë rrugës për në Toscana dhe pas më shumë se një ore ndjekje, në një aksion i ngjashëm si në filma. Sipas lajmeve, që shkruanin gazetat italiane 7 vite më parë, mësohet se këta dy persona, kishin shkuar në Abruzzo për të blerë kokainë, të cilën më pas do ta shisnin në rajonin e Toscanas. Policia merr informacione për këtë akt të trafikut të drogës, dhe menjëherë vihet në ndjekje të tyre. Policia italiane pikas një mjet tip BMW X6 në autrostradë, brenda së cilës ishin dy persona, Feriz Bardhi dhe Arif Qelia.

Policia vihet në ndjekje të tyre, duke u kërkuar që të ndalonin, por dy trafikantët e drogës refuzojnë të ndalojnë, duke sfiduar karabinierët italianë në autostradë. Megjithatë, pas një ore aksion, policia arrin të bllokojë mjetin dhe të arrestojë dy shtetasit shqiptar. Ndërsa pas kontrollit në mjetin e tyre u gjet dhe 700 gramë kokainë.

Në atë kohë, ndonëse u tha se dy personat mund të ishin korrierë, hetuesit kishin dyshime se ata kishin grada të tjera, ndoshta drejtues të një rrjeti trafiku droge. Pasi udhëtimi në Abruzzo ishte për herë të parë, dhe sipas medias, ky udhëtim kishte të bënte me njohjen e furnizuesve të rinj të dy shqiptarëve të arrestuar. Pikërisht, në pistën e trafikut të drogës dhe të shkuarës në Itali, policia shqiptare është duke hetuar për të hedhur dritë mbi vrasjen e Feriz Bardhit.

Dy mjetet të djegura, dyshohet se u përdorën për vrasjen e 40-vjeçarit në Durrës

Mesditën e të enjtes në Durrës u vra shtetasi Feriz Bardhi, 40-vjeç, banues në këtë qytet. Vrasja e tij dyshohet të ketë lidhje me aktivitetin e viktimës në Itali, ku kishte prcedentë penal në fushën e narkotikëve. Ndërkohë, disa orë pas ngjarjes, në vendin e quajtur Ura e Gjokës në Fushë Krujë, është gjetur i shkrumbuar nga flakët një mjet, tip “Benz”, që dyshohet se është përdorur për ekzekutimin e 40-vjeçarit.

Brenda mjetit të djegur janë gjetur armë zjarri, lloji i të cilave ende nuk bëhet i ditur. Ato mendohet të jenë përdorur gjithashtu nga autorët për vrasjen e Feriz Bardhit. Ndërkohë, më herët në zonën e Porto Romanos në Durrës, u gjet një tjetër mjet, që dyshohet gjithashtu se është përdorur për ekzekutimin e 40-vjeçarit. Feriz Bardhi u ekzekutua rreth orës 13:00 të ditës së enjte, sapo ishte duke dalë nga banesa.

Persona të paidentifikuar kanë qëlluar në drejtim të viktimës me breshëri automatiku, duke e lënë të plagosur rëndë viktimën. Edhe pse u transportua drejt spitalit, Feriz Bardhi nuk mundi t`i shpëtonte plagve të marra duke humbur jetën. Policia vijon hetimet për zbardhjen e ngjarjes, ndërsa pista kryesore është përqëndruar tek e kaluara e Ferit Bardhit në Itali.