“I përgjigjemi kombit mik”, Franca dërgon ndihma për Shqipërinë

Franca është një nga vendet që i erdhi në ndihmë Shqipërisë, duke u shprehur se do të dërgojë në total rreth 100 persona të trajnuar për të përballuar emergjencën e krijuar nga tërmeti i fuqishëm që goditi vendin mëngjesin e të martës. Me anë të një komunikate zyrtare, Ministri i Brendshëm Christopher Castaner dhe Sekretari i Shtetit Laurent Nunez, shprehën solidaritetin e thellë me njerëzit e prekur nga tragjedia dhe Qeverinë shqiptare.

Më tej, Franca shprehet se solidaritetin nuk e shpreh vetëm me fjalë, por me vepra. Sipas komunikatës, brenda 24 orëve nga Franca do të vijnë rreth 100 veta personel civil dhe ushtarak për të ndihmuar forcat shqiptare për kërkim-shpërtimin e personave që ndodhen nën rrënoja. Pasditen e të martës, një aeroplan i shërbimit civil mbërriti në Tiranë për plotësuar nevojat logjistike të autoriteteve për të përballuar katastrofën.

Në mbrëmje, 44 ushtarë nga Njësia e Trajnimit dhe Reagimit për Mbrojtjen Civile do të niset nga Marsje për në Tiranë, me 15 tonë pajisje. Ndërkohë, mëngjesin e të mërkurës pritet të mbërrijnë dhe 50 zjarrfikës francez. Franca shprehet se nëpërmjet këtyre forcave, kërkon t`i përgjigjet përballimit të tragjedisë së një kombi mik.

Video/ Çfarë ndodhi në dhomat e zhveshjes të Francës!

Franca mundi të dielën kombëtaren tonë, në takimin e fundit të eleminatoreve të Euro 2020. Ndeshja e luajtur në “Air Albania Stadium” përfundoi me rezultatin 2-0 për “Gjelat”.

Triumfin në Tiranë, Federata Franceze e Futbollit e përmbledh me një video rreth 6 minuta.

Aty tregohet gjithçka ndodhi në dhomat e zhveshjes, nga shpjegimi skemës që Didier Deschamps i bën lojtarëve të tij, deri në përfundim, kur lojtarët përshëndesin trajnerin e tyre që festoi 100 ndeshje si trajner i Francës.

Për më tepër shihni videon e publikuar në faqen zyrtare të kombëtares së Francës.

Dans le vestiaire des Bleus à Tirana (2-0)
Plongée au coeur du vestiaire de l'Equipe de France dimanche au Stade National à Tirana à l'occasion du match de qualification des Bleus face à l'Albanie (2-0). Immersion avec Didier Deschamps et ses hommes, qualifiés pour l'Euro 2020 #ALBFRA #FiersdetreBleus
Gepostet von Équipe de France de Football am Montag, 18. November 2019

Zgjerimi i BE, Franca, me 6 faqe dokument për modelin e ri

Vendet e Ballkanit Perëndimor duhet të presin ende dhe të bëhen pjesë e një procesi të ri, që do të zhvillohet hap pas hapi, për t’u bërë anëtare të BE. Franca ka paraqitur një dokument 6-faqëshe, e cila ndodhet aktualisht në duar e diplomatëve të BE, ku tregon një anëtarësim gradual të vendeve që aspirojnë BE-në, një integrim hap pas hapi me plotësimin dhe zbatimin e çdo kapitulli.

Sipas “EU Observer”, dokumenti është shpërndarë më 15 nëntor dhe paraqitet modeli i ri francez i pranimit të plotë të vendeve brenda BE. Zgjerimi i BE-së aktualisht funksionon duke hapur negociatat e pranimit me vendet kandidate, të cilat përfshijnë 35 “kapituj” të ligjit evropian. Pasi bien dakord të bëjnë reformat e nevojshme vendet pranohen si anëtare të plota në BE.

Por në modelin e ri francez, ata do të bënin reforma në një proces prej 7 hapash, duke fituar mundësinë e programeve dhe fondeve të zgjedhura të BE-së gjatë rrugës për secilin hap, përpara se të arrinin në “pranimin e plotë”. Kalimi në fazën tjetër do të bëhet pasi vendi kandidat, jo vetëm të ketë miratuar legjislacionin e nevojshëm, por edhe ta zbatojë në mënyrë korrekte në praktikë.

Shtatë hapat janë: (i) sundimi i ligjit dhe të drejtat themelore; (ii) arsimi dhe puna kërkimore; (iii) punësimi dhe çështjet sociale; (iv) çështjet financiare; (v) tregu i vetëm, bujqësia dhe peshkimi; (vi) punët e jashtme; dhe (vii) “të tjerët”.

Pra një vend kandidat do të fitonte qasje edhe më të shpejtë në një program të caktuar apo ndihmë të BE që korrespondon me një etapë të përmbyllur, por që objektivi final është anëtarësimi i plotë në Bashkimin Europian.

Ministrat e punëve të BE do të zhvillojnë bisedime mbi idetë franceze të martën në Bruksel, ndërsa çdo ndryshim që mund të bëhet duhet të arrihet në unanimitet të plotë. Nëse çdo gjë pranohet, atëherë pritet që Komisioni Europian do të realizojë idetë me dokumente ligjore më të hollësishme deri në Janar 2020.

Deschamps paralajmëron të tijët: Shqipëria na ka mundur!

Ndryshe nga kapiteni i skuadrës, trajneri i Francës Didier Deschamps është me këmbë në tokë, kur vjen puna për të vlerësuar kombëtaren shqiptare. Pas fitores së vështirë me përmbysje ndaj Moldavisë, Deschamps tregon se Shqipëria është një ekip që meriton respekt, dhe se të dielën do të tregojë dashurinë për futbollin. “Do të thosha që nesër do të jetë një ndeshje e fortë, pasi do të luajnë në fushën e tyre, në inaugurimin e stadiumit. Shqiptarët do të manifestojnë dashurinë e tyre për futbollin”, tha trajneri francez.

I pyetur nga gazetarët se nëse do të zgjidhte një futbollist shqiptar për kombëtaren e Francës, Deschamps dha përgjigje diplomatike. Por vlerësimin për lojtarët e kombëtares tonë e ka maksimal, për këtë ai kujtoi humbjen që Shqipëria i shkaktoi Francës në kualifikueset e Euro 2016 në Elbasan. “Do përpiqem të jap një përgjigje. Mund të përzgjedh vetëm lojtarë francezë, jo shqiptar (qesh). Do thosha që ju keni lojtarë të një cilësie të mirë, duhet ta pohoj këtë. Duhet t’i referohem dhe humbjes që pësuam në Elbasan 1-0. Duhet të them se lojtarët shqiptarë kanë një cilësi të mirë”, tha trajneri Deschamps.

Megjithatë, synimi i Francës është fitorja ndaj Shqipërisë. Trajneri shprehet se nesër do të ketë përballë një ekip të motivuar, por pretendon se do dalë nga “Air Albania Stadium” me tre pikë. “Jam i bindur që nesër do të kemi përballë një ekip të motivuar. Ndeshjet me Moldavinë dhe Turqinë janë harruar, i përkasin të shkuarës. Unë besoj se ekipi im, nesër do të bëjë një performancë të mirë, ndaj Shqipërisë së motivuar. Do të thosha që edhe për nesër unë pres dhe ndihmësi im e ka përgatitur ndeshjen, që ekipi im të marrë një rezultat pozitiv. Ndeshjen e Shqipërisë me Andorrën e kam parë, pasi duhet të përshtatej skema për sfidën e ardhshme”, shtoi trajneri i Deschamps.

Foto/ Franca vjen në Tiranë, pasdite stërvitja zyrtare

Pak pas mesditës të së shtunës, kombëtarja e Francës zbarkoi në Aeroportin e Rinasit, në prag të ndeshjes kualifikuese që do të luajë ndaj kombëtares tonë.

“Gjelat” u pritën në aeroport nga ambasadorja e Francës në Tiranë, ndërsa më pas u nisën drejt hotelit ku do të qëndrojnë mbrëmjen e të shtunës.

Autobusi, me të cilin u transportua skuadra franceze nga aeroporti në drejtim të Tiranës, u shoqërua nga forca të shumta policie dhe RENEA.

Ndërkohë, sipas axhendës, kombëtarja e Francës do të qëndrojë në hotel deri në orën 16:30. Në orën 17:00 trajneri Dider Deshamp së bashku me kapitenin e skuadrës franceze, do të dalin në konferencë për mediat.

Më pas, ekipi francez do të zhvillojë seancën stërvitore zyrtare në “Air Albania Stadium”, duke u përgatitur për ndeshjen e të dielës në mbrëmje.

Negociatat, mbrohen francezët: Zgjerimi s’i ndalon ndikimet e huaja

Sekretarja franceze e Shtetit për Europën, Amelie de Montchalin hodhi poshtë mundësinë se bllokimi i zgjerimit të BE do të rrisë ndikimin e influencave të huaja në rajonin e Ballkanit. Gjatë një vizite në Zagreb, Montchalin tha se zgjerimi nuk do i ndalonte ndikimet e huaja, duke i cilësuar të padrejta akuzat se bllokimi i negociatave mund të rrisë fuqinë e Rusisë, kinës dhe Turqisë në Ballkan. Ajo tha se Franca nuk po dyshon në perspektivën europiane të Ballkanit Perëndimor, por kërkon që kjo të zhvillohet në një proces të dobishëm dhe të ketë siguri për rezultate të mira.

“Franca nuk po vë në dyshim perspektivën e anëtarësimit në BE të Ballkanit Perëndimor, por dëshiron të jetë e sigurt për kushtet për fillimin e bisedimeve të anëtarësimit që janë përmbushur dhe se vetë procesi dëshmon të jetë i dobishëm, me rezultate të mira të dukshme në terren sa më shpejt. Sovraniteti gjithashtu do të thotë të jesh në gjendje të veprojmë së bashku. Ndikimet e huaja ndodhin gjatë gjithë kohës, përfshirë tani. Dhe ato gjithashtu ndodhin në vendet e BE-së dhe procesi i zgjerimit nuk do të ndalojë ato ndikime, ato nuk do të zhduken” tha Montchalin.

I akuzuar për vrasje, kapet në Francë i riu shqiptar

Interpol Tirana ekstradoi nga Franca një 20-vjeçar, shtetasin Klevis Fika, i cili dyshohet për “Vrasje me paramendim”. I riu i lindur në Peshkopi, është sjell këtë të diel në Shqipëri. Ai ishte shpallur në kërkim ndërkombëtar, pasi Gjykata e Shkallës së Parë Dibër ka vendosur masën e sigurisë “Arrest me burg”, për kryerjen e veprave penale “Vrasje me paramendim e kryer në bashkëpunim, mbetur në tentativë, dhe “Mbajtja pa leje e armëve luftarake dhe municionit”.

Në Peshkopi, pranë ish-degës ushtarake, në bashkëpunim me vëllain e tij kanë qëlluar me armë zjarri në drejtim të automjetit ku udhëtonin shtetasit A.M ., dhe A.A., ku mbeti i plagosur rëndë shtetasi A.M. Kapja e këtij shtetasi u bë falë marrjes së informacionit nga Specialistët për Hetimin e Krimeve të Rënda në DVP Dibër për vendodhjen e tij në Francë, dhe shkëmbimit në kohë të informacionit mes specialistëve të Interpol Tirana me Policinë Franceze.

“Si rezultat i bashkëpunimit të Interpol Tirana me Policinë Franceze, u bë i mundur ekstradimit i tij drejt Shqipërisë. Specialistët për hetimine Krimeve të Rënda në DVP Dibër bënë ekzekutimin e Vendimit Penal Nr. 58, datë 22.06.2018, të Gjykatës së Shkallës së Parë Dibër, e cila ndaj shtetasit të lartpërmendur ka vendosur masën e sigurisë “Arrest me burg”, për kryerjen e veprave penale “Vrasje me paramendim” e kryer në bashkëpunim, mbetur në tentativë, dhe “Mbajtja pa leje e armëve luftarake dhe municionit”, thuhet në njoftimin e Policisë.

Shqipëria “përçan” BE

Një lajm i shpërndarë nga Reuters dhe më pas marrë nga Euronews, njofton se Franca është kundër hapjes së negociatave të Shqipërisë dhe Maqedonisë së Veriut me Bashkimin Europian tani për tani. “Franca u tha vendeve anëtare të Bashkimit Europian këtë javë se ishte kundër fillimit të negociatave të anëtarësimit me Maqedoninë e Veriut dhe Shqipërinë tani për tani, thanë burime diplomatike për Reuters”, shkruan Euronews, duke cituar Reuters që bisedoi me një diplomat, që mbetet anonim.

Në shkrim thuhet se “më shumë se gjysma e 28 vendeve anëtare të BE-së, si dhe zyrtarët e saj të lartë në Bruksel, po përpiqen të shpërblejnë të dy shtetet e Ballkanit për reformat duke rënë dakord për të filluar bisedimet e pranimit. Ata parlajmërojnë, se Rusia, Kina ose Turqia do të përfitojnë nga një “vakum strategjik” në rajonin e trazuar, nëse BE nuk arrin të mbajë një perspektivë të prekshme për këto vende”.

Më tej, thuhet se “Franca thotë se BE duhet të reformohet nga brenda së pari për të përballuar me forcë dhe unitet sfida si ndryshimi i klimës dhe migracionit, ndërsa dy vendet kandidate duhet të kryejnë reforma të mëtejshme përpara se të fillojnë bisedimet”. “Ata nuk janë ende gati. Ne po u kërkojmë atyre të bëjnë përpjekje shtesë”, është shprehur një zyrtar francez për Reuters, citon Euronews. “Negociatat nuk mund të hapen në tetor 2019, do të duhet të rivlerësojmë situatën diku në vitin 2020”, mësohet të jetë shprehur zyrtari francez.

Ndërkohë, një diplomat i një vendi që është gati të hapë negociatat me Shqipërinë dhe Maqedoninë e Veriut, tregon se nëse negociatat nuk do të hapen, besueshmëria e BE-së vihet në diskutim. “Kjo është shumë zhgënjyese për shumicën e vendeve anëtare. Besueshmëria jonë është në diskutim. Maqedonia e Veriut dhe Shqipëria kanë bërë shumë. Po, mbetet shumë më tepër për të bërë, por hapja e bisedimeve për anëtarësim është vetëm hapi i parë, procesi do të zgjasë me vite dhe ata do të duhet të plotësojnë të gjitha kriteret para se të pranohen”, citon Reuters, diplomatin e vendit që është gati t`i thotë “po” Shqipërisë dhe Maqedonisë së Veriut.

Formacionet zyrtare/ Reja i beson portën Strakoshës, Franca kujdeset për mbrojtjen

Më shumë se një orë nga nisja e ndeshjes kualifikuese Francë-Shqipëri, janë publikuar formacionet zyrtare të të dyja skuadrave. Trajneri i kuqezinjve, Edy Reja, ka vendosur të provojë skemën 3-5-2 ndaj ‘gjelave’ duke shpresuar në rezultat pozitiv. Ndryshe nga sa pritej, Reja i ka besuar portën Thomas Strakoshës për këtë sfidë delikate dhe shumë të rëndësishme.

Përpara gardianit të kuqezinjve do të rresthohet Mavraj, Gjimshiti e Ismajli, ndërkohë që trajneri ka vendosur që Hysaj të luajë i avancuar në krah. Në mesin e fushës, veç Hysajt, do të jetë Ramadani, Bare, Abrashi, Roshi, ndërsa në sulm do të jetë Uzuni dhe Balaj. Skema e përdorur nga trajneri Reja mund të ndryshojë në çdo kohë, pasi Hysaj rikthehet në pozicionin e tij natyral, ndërsa Ramadani asiston në mbrojtje, duke kaluar në një 5-3-2.

Ndërkohë, Franca e nis në portë me Hugo Lloris, ndërsa në mbrojtje janë PAvard, Varane, Lenglet dhe Lucas. Në në mesin e fushës do të luajnë Tolisso, Matuidi, Lemar, Griezmann dhe Coman, ndërsa në sulm do të jetë i vetëm Giroud. Në këtë takim, Franca vjen me mungesën e yllit kryesor të skuadrës, Kylian Mbappe.

Franca me ‘artileri’ të rëndë ndaj Shqipërisë, por mungon Mbappe

Trajneri i Francës Didier Deschamps ka publikuar litën e lojtarëve të grumbulluar për dy ndeshjet kualifikuese me Shqipërinë në 7 shator dhe Andorrën në 10 shtator. Ajo që bie në sy në listën e trajnerit të “Gjelave”, është emri i Jonathan Ikone, mesfushori 21-vjeçar i Lille, i cili është grumbulluar për herë të parë në ekip. Në fakt emri i tij në listën e Francës vjen për të zëvendësuar mungesën e madhe të Kylian Mappe.

Ylli i PSG-së është dëmtuar dhe do të mbetet jashtë fushës së lojës për të paktën një muaj, duke humbur kështu dhe ndeshjet me ekipin kombëtar. Një tjetër surprizë e Didier Deschamps, është grumbullimi i Aymeric Laporte, mbrojtësi i qendrës, duke lënë jashtë Samuel Umtitin, i cili nuk është aktivizuar te Barça.

Raporte kthehet në ekipin kombëtar pas dy vjetësh mungesë. Në të kaluarën ai, edhe pse është grumbulluar, nuk ka luajtur asnjë ndeshje për shkak të konkurrencës së madhe në këtë repart. “Sot ai më në fund do të jetë i lumtur”, ka thënë Deschamps. Ndërkohë, sa i përket portës, Deschamps ka thirr Alphonse Areola, Hugo Lloris dhe Mike Maignan.

Në repartin e sulmit nuk mungojnë hyjet si Griezmann apo Giroud dhe Coman. Ajo që bie në sy, është fakti se për Shqipërinë dhe Andorrën, Franca ka grumbulluar plotë 7 lojtarë sulmues, çka lë të kuptohet edhe për mënyrën e lojës me të cilën “gjelat” do të luajnë ndaj ‘kuqezinjëve’.