Tag: france

Kërkuan azil në Francë, riatdhesohen 60 shqiptarë

Të mërkurën në aeroportin e Rinasit janë rikthyer 60 shtetas shqiptarë, të cilët kishin aplikuar për azil në Francë. 60 personat janë riatdhesuar duke u sjell me çarter nga Lille. Sipas një njoftimit të bër të ditur nga Policia e Shtetit mësohet se 20 prej të riatdhesuarëve kishin aplikuar për azil, ndërsa 40 të tjerë kishin shkelur rregullat e qëndrimit në vendet e Bashkimit Europian.

Operacioni i riatdhesimit do të vazhdojë edhe në javët e ardhshme. Për këtë arsye, Policia e Shtetit u ka bërë thirrje shtetasve shqiparë që udhëtojnë në vendet e BE, të respektojnë rregullat e lëvizjes dhe qëndrimit në hapësirën Schengen, duke mos kërkuar azil. Shanset për të përfituar këtë të drejtë në vendet e BE nga shtetasit shqiptarë, sipas policisë, janë zero.

Njëkohësisht Policia Kufitare, në pikat e kalimit do vijojë me kontrollet rigoroze në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe të kontrollit më të rreptë të kufirit jeshil.

Kërkohej prej dy vitesh për trafik kokaine, arrestohet shqiptari në Francë

Një shqiptar i shpallur në kërkim për trafikim të lëndëve narkotike është arrestuar nga policia franceze. Shqiptari me iniciale D.A., 37 vjeç, kërkohej prej 2017, pasi u shpall fajtor në trafikimin e 5 kilogramëve kokainë. Droga trafikohej nga Holanda në drejtim të provincave Sondrio, Lecco dhe Como.

37-vjeçari shqiptar vepronte në grup së bashku me një tjetër bashkatdhetar dhe tre shtetas të tjerë italianë.

Akuzat për jetë luksi, jep dorëheqjen ministri francez

Ministri francez i Ekologjisë, François de Rugy ka dhënë dorëheqjen e tij, pas akuzave të shumta në lidhje me shpenzime luksi dhe modelin e jetës së shtrenjtë. Akuzat çuan në zemërimin e madh të popullsisë, sidomos të jelekverdhëve , të cilët nuk i ndahen protestave kundër qeverisë dhe shpenzimeve të elitës politike.

François de Rugy ishte numri dy i qeverisë franceze dhe Ministria e Ekologjisë, ishte një prej prioritetet kryesore të presidentit, Emmanuel Macron.

Macron ka pranuar dorëheqjen e ministrit të tij duke argumentuar se bëhet fjalë për një vendim personal.

Francë, gjeli përfundon në gjyq, akuzohet për ndotje akustike

Një rast sa i çuditshëm por edhe qesharak është duke u gjykuar në një gjykatë në Francë, ndërsa ka hapur edhe një debat të gjerë në vend. Një gjeli i quajtur Maurice përfundoi në gjyq në Francën perëndimore, duke u kthyer në një simbol debati mes komunitetit urban dhe atij rural.

Maurice është paditur nga fqinjët e pronareve të tij për ndotje akustike. Avokati i familjes paditëse ka thënë se klientët e tij kërkojnë qetësi dhe të jenë në gjendje të bëjnë një gjumë të rehatshëm dhe të plotë deri në një orë normale në mëngjes. “Ky gjel këndon ditë e natë. Sigurisht është detyra e gjelit të këndojë çdo mëngjes, por kjo është ende një zonë urbane dhe ky është edhe diskutimi që ato nuk jetojnë në një zonë rurale. Klientët e mi kanë në rezidencë që në 2003/2004, ndërsa gjeli ka ardhur në 2017. Vendi i tij nuk është këtu.” – tha avokati

Pronarja e gjelit, Corinne Fesseau tha se gjeli i saj nuk kishte bezdisur kurrë njeri më parë, ndërsa është munduar të arrijë një marrëveshje me fqinjët e saj, që kalojnë vëtëm disa ditë në vit në atë shtëpi. “Maurice nuk këndon më në fakt. Thonë se ai këndon gjatë gjithë kohës, nga mëngjesi në darkë, por kjo nuk është e vërtetë. Më kërkuan në 2017 për herë të parë që ta bëja Maurice të pushonte dhe të rrinte urtë. Ne u munduam të negocionim me to, por ato nuk pranuan asgjë dhe na mbyllën derën duke shmangur çdo lloj komunikimi. U munduam t’i telefonimin, por gjithmone ishin shumë agresiv ndaj të gjithëve.” – tha Fesseau.

Çështja u ngrit në një gjykatë në Rochefort në 4 korrik. Edhe pse vendimi nuk pritet të jepet para muajit shtator, çështja ka ngritur një debat të gjerë në Francë mes komunitetit urban dhe atij rural. Një peticion për të shpëtuar Mauricen është firmosur nga më shumë se 100 000 persona.

Kryetari i bashkisë së Gajac tha se gjeli është një simbol i Francës dhe më e pakta që mund të bëjmë është që t’i lejojmë ato të këndojnë nëse dua ta bëjnë këtë. “Nuk jam duke kërkuar të pamundurën, por thjeshtë njerëzit të jenë më të arsyeshëm në atë që kërkojnë.”

U refuzohet azili, riatdhesohen 29 shqiptarë

Këtë të  martë (2 korrik) janë riatdhesuar vullnetarisht 29 shtetas shqiptarë, të cilët ishin larguar më herët nga vendi dhe kishin kërkuar azil në vendet e Bashkimit Europian. Policia e Shtetit raporton se 29 shtetasit e rikthyer përsëri në Shqipëri, kanë ardhur nga Franca, pasi më herët në këtë vend të BE-së kishin kërkuar azil.

Kthimi i tyre në mënyrë vullnetare është bërë me një avion të posaçëm, i cili  ka transportuar nga shteti francez në drejtim të vendit tonë 29 shtetasit, që tashmë do të riatdhesohen pas mohimit të kërkesës për azil dhe kthimit vullnetar.

Nëpërmjet një komunikate për mediat, Policia e Shtetit u ka bërë thirrje të gjithë shtetasve shqiptarë që të mos tentojnë të kërkojnë azil.

Gjithashtu, policia, kërkon që të mos abuzohet me rregullat për lëvizjen në hapësirën Schengen, si dhe të tregojnë kujdes për të mos rënë pre e mashtrimeve për të marrë dokumente false, me qëllim përfitimin e azilit në vendet e BE.

Gjatë muajti qershor janë riatdhesuar disa shtetas, kryesisht nga Franca por edhe vende të tjera të BE, të cilët ishin larguar më parë nga vendi dhe kishin paraqituar kërkesat për azil në vendet e BE.

Zgjedhjet e PE, pjesëmarrje më e madhe se në votimet e pesë viteve më parë

Prej orës 8:00 të mëngjesit, me orët lokale të vendeve anëtare të Bashkimit Europian, ka nisur votimi për zgjedhjet parlamentare të PE-së, në 21 vendet anëtare që ende nuk kishin votuar. Deutsche Welle shkruan se deri në mesditë ka pasur një numër rekord votuesish. Në Francë kanë marrë pjesë në votime më shumë se 19.26% e zgjedhësve, ka raportuar Ministria e Brendshme në Paris.

Kjo përqindje është disa herë më e madhe se ajo e vitit 2014, kur deri në mesditë, para pesë vjetësh, në Francë kishin votuar vetëm 15.70%, ndërsa në 2009 rreth 14.8%. Në dy vende të tjera ku është duke u zhvilluar votimi për zgjedhjet parlamentare të Bashkimit Europian, Hungari dhe Sllovaki, numri i zgjedhësve që kishin votuar deri afër mesditës ishte më i madh se ai në zgjedhjet kombëtare të dy vendeve.

Në Hungari deri në orën 11:00 pjesëmarrja në votime ka qenë rreth 17.2%, me gati 6 % më shumë se pesë vite më parë. Sllovakia ka pasur dhe numrin më të lartë të pjesëmarrësve në zgjedhje deri më tani ka qenë 20%, numër i cili ndryshon vazhdimisht.

Në Gjermani ende nuk ka të dhëna rreth pjesëmarrjes në votime, por Deutsche Welle shkruan se edhe në këtë vend, sipas sondazheve të ndryshme, ka pasur një rritje të numrit të votuesve në krahasim me zgjedhjet e kaluara. Të drejtën e votën kanë sot më shumë se 400 milionë banorë të 28 shteteve ë BE. Zgjedhjet kanë filluar me 23 maj dhe do të përfundojnë sonte.

Francë, shpërthim në pedonalen e Lyon, 13 të plagosur, mes tyre një fëmijë

13 persona kanë mbetur të plagosur, mes tyre edhe një vajzë e vogël, nga një shpërthim i fuqishëm në qendër të Lyon në Francë. Mendohet se bomba ishte vendosur mes lokaleve në një pedonale dhe në brendësi të saj ka pasur gozhdë, vida dhe bulona, që u gjetën të shpërndara në rrugë.

Sipas raporteve të policisë autori është larguar me shpejtësi me një biçikletë pas vendosjes së bombës. Fatmirësisht asnjë nga të plagosurit nuk ndodhet në gjendje kritike për jetën.

Franca i pret shpresat Shqipërisë, “JO” në BE

Partia aleate e Macron, “La République En Marche” e Nathalie Loiseau gjatë një interviste siguron se do të votojë kundër hapjes së negociatave për hyrjen në BE të Shqipërisë dhe Maqedonisë së Veriut.

“Unë isha ajo që bllokoi zgjerimin e Bashkimit Europian në Shqipëri dhe Maqedoninë e Veriut.” tha Loiseau, e cila shtoi pyetjen e saj “A duhet të hyjë Shqipëria dhe Maqedonia e Veriut në Bashkimin Evropian?” Loiseau shtoi se dhe kreu i partisë “Les Républicains”, François-Xavier Bellamy është gjithashtu kundër.

“Ai që ka qenë për zgjerim, për vite me radhë është Laurent Wauquiez. Ai ka ndryshuar mendim dhe beson se njerëzit nuk kanë kujtesë”. Loiseau shton gjithashtu: “Unë shkova në Maqedoninë e Veriut për të thënë jo, sepse nuk jeni gati, sepse ne nuk jemi gati. Nuk do të ketë negocime në qershor. Ne do të jemi kundër, do të vazhdojmë të jemi kundër. Ata janë gjeografikisht në Europë, ne duhet t’i ndihmojmë ata, por jemi kundër zgjerimit të BE.”

Ivan Balliu i jep fund aventurës me Metz në Francë!

Mbrojtësi i Kombëtares shqiptare, Ivan Balliu, ka mbyllur aventurën me Metz në Francë pas katër sezonesh. Mbrojtësi kuqezi e ka dhënë vetë lajmin për largimin nga klubi i sapongjitur në elitën e futbollit francez.

“Miq të mi, dua t’ju them lamtumirë. Pas katër sezonesh të kaluara te FC Metz, është koha për të nisur një aventurë të re. Faleminderit të gjithëve, nuk do t’ju harroj kurrë”, shkruan Ivan Balliu në mesazhin e lamtumirës të shpërndarë në profilin e tij në Instagram.

Ivan Balliu ishte pjesë e Metz prej katër sezonesh. Ky i fundit ka qenë nga më të mirët për futbollistin e kombëtares, i cili ka luajtur titullar në çdo ndeshje, duke e ndihmuar ekipin të rikthehet në elitën e futbollit francez.

Neymar gjen golin e parë me kokë, PSG-ja kthehet te fitorja (video)

Paris Saint-Germain është rikthyer të fitojë në Ligue 1, pasi në dy ndeshjet parardhëse kishte barazuar dy herë.

Fitorja e së dielës mbrëma erdhi në transfertën e Anglers, në takimin e javës së 36 të kampionatit francez.

Rezultati përfundimtar i sfidës ishte 2-1, me Neymar dhe Di Marian që realizuan golat e fitores për skuadrën e tyre.

E veçanta e golit të Neymar ishte fakti se pas 35 golash të realizuar me PSG-në, jy i fundit ishte i pari që realizonte me kokë në Ligue 1.

Tait 88′ ka fiksuar rezultatin 2-1 pas penalltisë së shkaktuar nga Marquinhos, i cili është ndëshkuar me karton të kuq.

Skip to toolbar