“Aeroporti më i pasigurt në botë, paratë do përdoren për fushatë”

Pas ngjarjes së rëndë u ku grabitë një shumë e madhe parash dhe një nga autorët mbeti i vdekur në aeroportin e Rinasit, ka reaguar edhe ish-kryeministri Sali Berisha.

Përmes një postimi në Facebook, Berisha shkruan se kjo grabitje e radhës tregon dhe një herë se ky është aeroporti më i pasigurt në botë dhe se këto para do të përdoren për fushatën elektorale të ardhshme.

“Bandat e partisë grabisin për së dyti miliona euro në pistën e avionëve të aeroportit më të pasigurt në botë, pra të Rinasit. Grabitësit e armatosur morën të gjitha arkat nga mikrobusi i blinduar që do ngarkoheshin në avion. Rojet e armatosura private që shoqëronin mikrobusin me arka me para dhe rojet e aeroportit bën sehir!

Hajdutët me automjetin me arkat e plaçkitura që përmbanin miliona euro u zhdukën në drejtim të paditur. Ndërkohë afër Fushë Krujës policia ekzekutoi besohet njërin nga banditët. Paratë e grabitura, në traditën e njohur do t’i përdorim për fushatën elektorale të ardhshme.” – shkruan Berisha

Një tjetër grabitje në Rinas, vritet një nga autorët

Një tjetër rast grabitje ka ndodhur në Rinas, ku është sulmuar një makinë e blinduar që transportonte vlera monetare.

Sipas njoftimit të policisë persona të armatosur dhe me maska kanë thyer derën e rrethimit që përdoret nga shërbimet zjarrfikëse dhe kanë grabitur një sasi lekësh në pistën e avionit dhe janë larguar.

Në ndjekje të tyre janë vënë forcat e FNSH dhe ato të Policisë Kufitare të Rinasit.

Gjatë ndjekjes në një rrugë dytësore, autorët kanë shkëmbyer zjarr me Policinë, e gjatë këtij shkëmbimi ka humbur jetën njëri prej autorëve të grabitjes. Policia ka gjetur ndërkohë dhe bllokuar një mjet fugon.

Forca speciale policore si RENEA e FNSH, të ndihmuara nga një helikopter janë ende në ndjekje të autorëve të grabitjes.

Të angazhuara në operacionin e gjerë janë edhe forca nga Policia e Tiranës, Lezhës, Dibrës e Durrësit.

Tërhiqet kompania ajrore: Nuk transferojmë më para nga Rinasi

Kompania ajrore Austrian Airlines ka dalë sot me një deklaratë zyrtare përmes të cilës njofton se nuk do të bëjë më asnjë transferim parash nga Rinasi drejt Austrisë.

Vendimi është marrë pas ngjarjes së djeshme ku një bandë grabitësish ia dolën të vidhnin në Rinas, jo pak por 10 milionë euro.

Zëdhënësja e kompanisë, Tanja Gruber deklaroi se do të ndërpriten të gjitha transferimet nga Tirana.

“Pas grabitjes me armë nuk pati asnjë rrezik për ekuipazhin dhe udhëtarët. Avioni u vonua për tri orë. Por si një masë sigurie, nuk do të ketë transferime të mëtejshme në para nga Tirana në Vjenë” tha ajo.

Kush është autori i grabitjes, i vrarë në Rinas

Janë mediat greke ato që kanë zbuluar identitetin e një prej autorëve të grabitjes së 10 milionë eurove dje në Rinas. Personi i vrarë dje gjatë grabitjes është Admir Murataj, sipas CNN Greece. Madje ai është edhe organizatori i tre grabitjeve të mëparshme në Rinas, dy në 2015 dhe një në 2017.

Mediat shkruajnë se Admir Murataj në vitin 2013 u arratis nga burgu i Trikallas në Greqi, ndërsa kërkohet nga drejtësia shqiptare për disa akuza nga vrasje, grabitje, por edhe plagosje. Sipas dosjes greke, Murataj ka përdorur 15 emra të ndryshëm, ndërsa pas arrestimit arriti që të arratiset.

Sipas miave greke, personi i vrarë dje nga policia në Rinas është pikërisht Admir Murataj, por kjo ende nuk është konfirmuar nga autoritetet shqiptare.