Inter “ngec” në Lecce, përfiton Juventus. Kumbulla del nga fusha i dëmtuar

Inter është ndaluar në barazim 1-1 nga Lecce në javën e 20-të të Serie A. Skuadra zikaltër i bëri një “dhuratë” të papritur rivalit të saj për titull, Juventus. Ishte Bastoni ai që tundi rrjetën në të 72` për Inter, por Mancosu barazoi pak minuta më vonë për Lecce. Shifrat 1-1 nuk ndryshuar deri në përfundim të ndeshjes.

Kështu, skuadra e Inter mbetet në vendin e dytë me 47 pikë, ndrërsa Juventus kryeson me 48 pikë, ndërkohë që ka dhe një ndeshje më shumë në dispozicion për të luajtur. Lecce ndodhet në vendin e 17 të renditjes. Me të njëjtin rezultat, barazim 1-1, u ndanë mes tyre Bologna dhe Verona, skuadra që ndodhen aktualisht në mesin e tabelës së renditjes në Serie A.


Ndërkohë, mbrojtësi i kombëtares shqiptare, Marash Kumbulla doli herët nga fusha e lojës, pasi mbeti i dëmtuar. Brescia barazoi 2-2 me Cagliarin, në një sfidë ku mesfushori i kombëtares Emanuele Ndoj luajti titullar për Brescian, por u ndëshkua me karton të verdhë. Barazimi i të dielës mban gjallë shpresat e skuadrës së Emanuele Ndoj për të mbijetuar, pavarësisht se ndodhet në vendin e tretë nga fundi i renditjes me 15 pikë, një më pak se Lecce.


Kumbulla tek Inter në verë. Mediat italiane e bëjnë fakt të kryer

“Milano, kryeqyteti i ri evropian. Ardhja dhe ikja e turistëve rritet nga java në javë, por në janar është e lehtë të takohen fytyra të njohura nga bota e futbollit. Inter vazhdon të punojë për të tashmen, por vizioni i “Nerazzurri” nuk është i kufizuar vetëm për sezonin aktual. Dje agjentë lojtarësh u vunë re në selinë e Interit”, kështu e nis prestigjiozja italiane “Gazzetta dello sport”, artikullin kushtuar mbrojtësit të kombëtares shqiptare, Marash Kumbulla, që tashmë është në listën e klubeve të mëdha.

“Emri më i nxehtë mbetet ai i Marash Kumbullës, mbrojtës grupmoshës 2000 që luan te Verona. Ai është në listën e klubeve të mëdha, jo vetëm italiane. Dje Gianni Vitali, agjenti i lojtarit, u takua me drejtuesit e Interit. Klubit i pëlqen shumë, gjithashtu për fleksibilitetin e tij taktik, por edhe sepse ai tashmë është lider i një mbrojtje me tre. Kumbulla, pra, nuk do të kishte probleme për të hyrë në skemat e Contes”, shkruan ndër të tjera media italiane.


Por nuk ndalet me kaq, pasi transferimin e Kumbullës te Inter në verë, media sportive e vendit fqinj e bën fakt të kryer. “Verona dhe Interi tashmë kanë një marrëveshje në parim për transferimin e tij gjatë verës. Skuadra që ka pronësinë e Kumbullës dëshiron 20 milion euro për transferimin e lojtarit”. Megjithatë, lojtari është në fokusin e klubeve të tjera të Premier League, Chelsea, United dhe Evertoni i Ancelottit janë tashmë në garë për lojtarin. Marash Kumbulla është një nga lojtarët më të talentuar shqiptarë për momentin. Vlera e kartonit të tij, sipas “Transfermarkt” shkon 10 milionë euro.


Video/ Dermaku “mur”, Lukaku shpëton Interin nga turpi

Pas Juventus, ishte radha e Interit të ndalej nga një ekip modest. Parma e mbrojtësit të kombëtares shqiptare Kastriot Dermaku i mori një pikë Interit në shtëpinë e këtyre të fundit. Candreva shënoi golin e parë për Inter në të 23` minutë, teksa topi i gjuajtur prej tij nga brenda zone, u devijua dhe nga mbrojtësi shqiptar, Kastriot Dermaku.

Megjithatë, Parama gjeti golin e barazimit me Karamoh që lëshoi një predhë nga jashtë zone në të 26`, duke rihapur lojën.  Miqtë nuk u ndalën me kaq, pasi ishte Gervinho që dyfishoi për Parmën në të 30`, pas një gabimi në mbrojtje të Interit.


Me nisjen e pjesës së dytë, skuadra zikaltër u hodh në sulm për të gjetur golin e barazimit. Për këtë mendoi sulmuesi belg, Lukaku. Ai shënoi në dy kohë pas një pasimi të Candrevas në të 51`, duke shpëtuar Interin nga humbja. Interi është në vend të dytë të Serie A me 22 pikë, një më pak se Juventus që kryeson me 23 pikë.

Ndërkohë, pavarësisht devijimit të topit, mbrojtësi i kombëtares shqiptare Kastriot Dermaku është vlerësuar me notë të lartë në këtë ndeshje. Param ndodhet në vendin e 7-të me 13 pikë, duke synuar që të arrijë kupat e europës këtë sezon.


Inter mund Sampdorian dhe rikthehet në krye

Inter u rikthye në krey të Serie A, pasi mundi në transfertë Sampdorian me rezultatin 3-1. Sensi dhe Sanchez ishin autorët e dy golave të shpejtë në minutën e 20` dhe të 22`. Ndërsa për Sampdorian ngushtoi Jakto në minutën e 55`, por skuadra zikaltër shënoi me Gagliardinin golin e sigurisë në të 61`, duke marrë tre pikë.

Pas fitores, Inter shkon në kuotën e 18 pikëve në Serie A, duke mbajtur vendin e parë, me 2 pikë më shumë se Juventus i vendit të dytë. Skuadra nga Milano e ka nisur në mënyrë të shkëlqyer sezonin, pasi numëron 6 fitore radhazi në kampionat.


Atalanta fitoi në transfertën e Sassuolos me rezultatin 4-1, duke marrë tre pikë të tjera, që e ngjisin në vendin e 3 të Serie A me 13 pikë. Skuadra e Gasperinit bëri një ndeshje të madhe, duke shënuar të katërt golat që në pjesën e parë të takimit me dygolësh të Gomez, dhe nga të tjerët të shënuar nga Gosens dhe Zapata, ndërsa për Sassolon shënoi Defrel në të 62`.


Milan-Inter, bëhet “Derbi kundër racizmit”

Skaudra e Milanit në Itali do të fillojë një fushatë kundër racizmit në futboll. Një ditë para “Derby della Madonnina”, kundër Interit, skuadra kuqezi e Milanos, ka vendosur të përshpejtojë fushatën kundër racizmit në futboll, pas disa ngjarjeve të pahijshme që kanë ndodhur kohët e fundit në stadiumet italiane.

Kështu, sfida e të shtunës, derbi i Milanos, do të quhet “Derbi Kundër Racizmit”, pasi kuqezinjtë synojnë të shfaqin solidaritetin kundër sjelljeve negative të tifozëve ndaj lojtarëve dhe jo vetëm. Ky vendim, vjen në vazhdën e përfshirjes në sulme raciste të dy lojtarëve, mesfushorit të


Milanit Farnck Kessie dhe sulmuesit të enterit Romelu Lukaku, të dy futbollistë me ngjyrë. Një ekspert i futbollit në Itali, për shkak të koreve raciste ndaj Lukakut, u pezullua nga programi televiziv Top Calcio 24.

Ndërkohë, CEO i Milanit Ivan Gazidis u shpreh se  “Futbollit italian duhet të zgjohet dhe të mbajë qëndrime të forta kundër sjelljeve raciste”, tha ai. “Milan do të mbajë qëndrim në drejtim të kësaj çështje, duke promovuar vlerat njerëzore që janë më të rëndësishme për të gjithë ne. Futbolli ofron një shembull të fuqishëm të forcës së unitetit dhe punës në grup”, ka thënë numri një i Milanit.

Ndërkohë, derbi Inter-Milan do të luhet të shtunën në mbrëmje në mitikun “San Siro”, aty ku të dyja skuadrat do të përpiqen të dalin me rezultat pozitiv. Interi e ka nisur më mirë sezonin, pasi ka marrë tre fitore deri tani, ndërsa Milani ka fituar vetëm dy ndeshje. Të dyja ekipet  janë përballur plotë 294 herë midis tyre, ku 223 takime kanë qenë ndeshje zyrtare, ndërsa 71 ndeshje jo zyrtare.


Plas tek Inter, Lukaku sherr me Brozoviç

Pas sfidës kundër Slavia Prague në Champions League, një skandal ka ndodhur në dhomat e zhveshjes të Interit. Mësohet se sulmuesi i ardhur këtë verë, Romelu Lukaku ka pasur një përplasje me shokun e tij të skuadrës, Brozoviç.

Mësohet se në dhomat e zhveshjes mes dy futbollistëve të Interit ka pasur një debat gati në përplasje, por që është evituar me ndërhyrjen e shokëve të skaudrës.


Ish-futbollisti i United mësohet se ka kritikuar shokët e tij të skuadrës, duke u shprehur se ishin të “paaftë për të kuptuar skemat e lojës të Antonio Contes”.

Kjo kritikë nuk është pëlqyer nga Marcelo Brozovic që i është kundërvënë Lukakut, duke i kujtuar belgut faktin që humbi një mundësi shënimi përpara portës. Këtu ka arritur dhe klumi i tensionit mes dy futbollistëve, ndërsa ka ndërhyrë Alexis  Sanchez për të qetësuar lojtarët.

Lukaku nuk ka qenë në formë të mirë në dy ndeshjet e fundit. Në ndeshjen e fundit në kampionat, belgu ishte i tensionuar dhe jo i lirshëm në lëvizjet e tij në fushë.

Mësohet se futbollisti ka pasur probleme me shpinën, një dhimbje e lindur pas  kthimit nga grumbullimi me kombëtaren. Inter brazoi në shtëpi në sfidën kundër Slavia Prague, ku golin për çekët e shënoi ish-sulmuesi i Skënderbeut dhe Bylis në Shqipëri, Peter Olayinka.


Olayinka ndal Interin në “San Siro”

Ka nisur brëmjen e së martës rrugëtimi i fazës në grupe për kompeticionin më të rëndësishëm të klubeve në Europë, UEFA Champions League. Interi ka luajtur kundër çekëve të Slavia Prague, duke e nisur me brazim në ndeshjen e parë. Një ndeshje e bukur dhe shumë e luftuar nga të dyja ekipet, por me çekët që befasuan Interin, pasi shënuan të parët në këtë takim.

Ishte ish-sulmuesi i Bylisit dhe Skënderbeut, Peter Olayinka që kaloi Slavia Prague në avantazh në minutën e 63` të takimit, kur përfitoi nga një grushtim i topit me dorë nga portieri i Interit. Sulmuesi ka gjetur rrjetën duke bërë që në stadium të bjerë heshtja.


Conte mundohet të ndryshojë diçka duke kryer dy zëvendësime pas golit. Në fushë futet Barella dhe Politano dhe shpërblimi vjen në kohën shtetsë, kur Sensi asiston Barellën që gjen golin e barazimit. Ndërkohë, në sfidën e grupit G, Lyon dhe Zenit gjithashtu kanë ndarë nga një pikë, pasi janë ndalur në barazim 1-1.

Miqtë shënuan të parët me Azmoun në minutën e 41`, ndërsa Lyon ka shënuar në pjesën e dytë, kur Depay shndërroi në gol një penallti në minutën e 50-të. Pas ndeshjes të së martës, Zenit dhe Lyon mbajnë përkohësisht vendin e parë në grupin G, ashtu si Inter dhe Slavia Prague në Grupin F.


Mertens “nderon” Napolin. Inter bën “sens” me Sensin

Napoli ka fituar 2-0 ndaj Sampdorias në shtëpi, duke marrë tre pikë të rëndësishme, që e ngjisin në vendin e 4 në renditje pas tre javësh kampionat. Skuadra e Ancelottit kaloi në avantazh me Mertens në minutën e 13-të sfidës. Sulmuesi napolitan ka gjetur rrjetën nga brenda zonës, pas një asisti të bukur të dhuruar nga Di Lorenzo. Ndërkohë, goli i dytë ka ardhur përsëri nga Mertens në minutën e 67-të të sfidës.

Llorente futet në zonë dhe rrëmben një top në rrëmujë. Ai mund të kishte shënuar dhe vetë por pasoi te shoku i tij i skuadrës, që me të djathtën e dërgoi në rrjetë. Deri në fund të ndeshjes rezultati mbeti i pandryshuar, ndërsa mbrojtësi i kombëtares tonë Elseid Hysaj nuk ka qenë i grumbulluar në këtë takim. Hysaj ka një problem muskulor, të cilin e shfaqi në ndeshjen me kombëtaren, pas golit që i shënoi Islandës.


Inter ka fituar 1-0 ndaj Udineses në “San Siro”, duke marrë tre pikë të tjera të rëndësishme, të cilat e ngjisin në krye të renditjes të Serie A me 9 pikë. Skuadra e Contes kaloi në avantazh me një gol spektakolar nga brenda zonës nga Sensi në minutën e 44` të takimit, ndërsa Udinese kishte mbetur më herët me një futbollist më pak pasi De Paul doli me të kuq. me fitoren e të shtunës, Inter konfirmohet si pretendent për të fituar Serie A këtë sezon.  


Icardi “ngec” te Inter, por klubi i ofron… vetëm stolin

Mauro Icardi mbeti përfundimisht tek Inter, por futbollisti argjentinas nuk është në planet e klubit. Pas dështimit të transferimit në merkato, tashmë futbollisti duhet të mendojë një plan për të bindur klubin për t`u aktivizuar. Dhe në fakt, situatën duket se e ka marrë në dorë avokati i Icardit, Giuseppe Di Carlo.

Në një prononcim për Rai Sport, Di Carlo është shprehur se po punohet për të gjetur një mënyrë që të mbrohet dinjiteti i lojtarit. “Ne jemi të interesuar të mbrojmë dinjitetin e lojtarit, duke bërë të mundur rikthimin në fushën e lojës. Mauro ka marrëdhënie të shkëlqyer me shokët e tij”, ka thënë avokati i sulmuesit argjentinas.


“Unë besoj se është mundësia për të arritur një zgjidhje të përbashkët, për të mbrojtur interesat e të dy palëve. Icardi gjithmonë e ka dashur Interin, ka respektuar fanellën, tifozët dhe gjithmonë ka qenë profesionist dhe shembullor. Ai dëshiron të ketë mundësi të stërvitet me trajnerin Conte”, ka thënë avokati i sulmuesit argjentinas.


Shorti i Championsit, City me fat, Interi gjen Barcelonën, Real Madrid kundër PSG, ja të gjitha grupet

Është hedhur pasditen e të enjtes shorti për fazën në grupe të Champions League. Grup ‘ferri’ mund të cilësohet Grupi F, ku do të përballen mes tyre Barcelona, Dortmund, Inter dhe Slavia Praga. Tre skuadrat e para të këtij grupi do të synojnë të kualifikohen për në fazën tjetër, por në fund vetëm dy prej këtyre ekipeve do të shkojnë më tej.

Grup jo i lehtë është dhe Grupi A, ku do të përballen Paris Saint-Germain dhe Real Madrid, ndërsa dy ekipet që plotësojnë katërshen e këtij grupi janë Club Brugge nga Belgjika dhe Galatasaray nga Turqia.


Në Grupin D, Juventus do të përballet me Atletico Madrid, Leverkusen dhe Lokomotiv Mosca, ndërsa kampionët në fuqi të Liverpool, do të përballen me Napolin, Salsburg dhe Gengk në Grupin E.

Në grupin B, Bayern Munich do të ketë kundër Tottenham, Olympiacos dhe Crvena Zvezda. Manchester Cityt i ka buzëqeshur fati, pasi në Grupin C, do të përballet me pretendent jo të vështirë si Shakhtar Donetsk, Dinamo Zagreb dhe Atalanta.

Grupi G do të jetë i përbërë nga Zenit, Benfica, Lyon dhe Leipzig ndërsa në Grupin H, Xhelsea do të përballet me Ajax, Valencina dhe Losc. Para se të hidhej shorti për 32 skuadrat pjesëmarrëse në fazën në grupe të Champions League, janë shpërndarë dhe çmimet për lojtarin më të mirë të sezonit të kaluar në katër pozicione.