Tag: Inter

Statistika katastrofë, Inter kërkon dështimin e Manchester United

Sulmuesi i Manchester United, Alexis Sanchez, pritet të bashkohet me Interin në Serie A së shpejti në formë huazimi. Sipas BBC, në një lajm të orëve të fundit, mësohet se sulmuesi 30-vjeçar, mund të bëhet pjesë e skuadrës zikaltër në Itali. Pasi firmosi me Romelu Lukakun, Inter synon dhe kilianin, që nuk ka gjetur hapësira në skuadrën e Ole Guner Solskjaer. Marrëveshja pritet të arrihet deri të mërkurën mes dy klubeve.

Deri tani, problemi kryesor mbetet paga e lartë e Sanchez, që kërkon të përfitojë të paktën 400 mijë euro në javë. Por kjo shumë nuk është e përballueshme nga Inter, por United mund të subvencionojë një pjesë të pagës së tij duke bërë një marrëveshje. Trajneri norvegjez i Manchester United nuk e ka në planet e tij Alexis Sanchez, pavarësisht se e ka mohuar një gjë të tillë publikisht.

Solskjaer ka krijuar besim të madh te sulmuesi 17-vjeçar Mason Greenwood, por duke pasur parasysh një seri ndeshjesh të ngjeshura, largimi i Sanchez si alternativë, do të ishte një bast i rrezikshëm për United. Me Manchester United, Alexis Sanchez ka pasur një paraqitje katastrofë, pasi prej 19 muajsh në “Old Traford”, që kur u largua nga “Emirates Stadium” në janar të 2018, ai ka shënuar vetëm 5 gola në 45 ndeshje.

Wanda mban peng Icardin: Nuk e lë të shkojë te Monaco

Wanda Nara i bën ‘block’ Monakos për Icardin. Menaxherja dhe bashkëshortja e futbollistit të Interit, Mauro Icardi, nuk do të lejojë që klienti dhe bashkëshorti i saj të transferohet te Monaco në Francë. Ajo ka folur në një intervistë për mediat italiane, ku ka konfirmuar se “Icardi nuk do të shkojë në Monako”. Kështu klubi ‘zikaltër’ humb një mundësi për të përfituar nga një transferim i mundshëm i Icardit, lojtar që tashmë është kthyer në ‘barrë’ për skuadrën e Interit.

Prej mesit të sezonit të kaluar, kur Icardit ju hoq shirit i kapitenit nga skuadra, pas polemikave me ish-trajnerin Spaleti, argjentinasi është duke kaluar një nga momentet më të vështira të karriereës së tij. Jo vetëm në aspektin sportiv, pasi sulmuesi nuk është aktivizuar në shumë ndeshje, por edhe në aspektin financiar, kuotat e tij janë ulur ndjeshëm.

Shpesh, mediat dhe kritika sportive në Itali, kanë akuzuar drejtpëdrejt Wnada Narën, bashkëshorten dhe menaxheren e Icardit, si shkakun kryesor të dështimit të lojtarit. Megjithatë, gjatë merkatos së kësaj vere, Icardi ka qenë në fokusin e disa klubeve të Serisë A, por dhe jashtë saj, por deri më tani asgjë nuk ka ndodhur.

Perisiç lë Interin për Bayernin, një sezon i huazuar të kampionët e Gjermanisë

Ivan Perisiç ka firmosur këtë të martë kontratën njëvjeçare me Bayern Munich. 30-vjeçari kroat ka kaluar me sukes testet mjekësore, për të firmos më pas kontratën e re të huazimit nga Interi te Bayern Munich. Kontrata parashikon një vit huazim deri në 30 qershor të vitit 2020, dhe më pas skuadra bavareze ka të drejtën për të blerë kartonin e Perisiç.

“Ivan do të na ndihmojë me përvojën e tij shumë vjeçare në nivele të larta ndërkombëtare” tha drejtori  sportiv Hasan Salihamidzic, “ai është teknikisht i fortë dhe fleksibël në sulm. Jam i sigurt që Ivan do të integrohet shpejt pasi ai tashmë e njeh mirë Bundesligën dhe trajnerin tonë Niko Kovac”, ka përfunduar drejtori i Bayern Munich.

Ivan Perisiç në fakt e njeh mirë kampionatin gjerman. Para se ai të shkonte në Itali tek Inter, ka luajtur me ekipin e Wolfsburg dhe Borussia Dortmund. “Jam shumë i lumtur që kthehem në Gjermani. Bayern është një nga klubet më të mëdha në Evropë. Ne duam të sulmojmë jo vetëm në Bundesligë dhe në Kupën e Gjermanisë, por edhe në Ligën e Kampionëve”, tha Perišić, i cili nënshkroi kontratën e tij në Säbener Straße pas një kontrolli të suksesshëm mjekësor.

Inter i paduruar, Antonio Conte zyrtarizohet në gjashtë të mëngjesit

Një ditë pas shkarkimit të Luciano Spallettit, Interi ka zyrtarizuar emërimin e Antonio Conte në krye të bankinës. Mëngjesin e kësaj të premteje, skuadra “zikaltër”, ka shpërndarë në rrjetet sociale një foto ku i uron mirëseardhjen trajnerit të ri.

Në fakt, ky njoftim është bërë herët në mëngjes rreth orës 06:00 të mëngjesit të këtij 31 maji, diçka e pazakontë për Interin. Sipas gazetës italiane “La Gazzetta dello Sport”, Antonio Conte do të përfitojë 11 milionë euro neto në sezon për tre sezone rresht.

Kështu ai do të bëhet trajneri më i paguar i Serisë A. Kur ende nuk janë formalizuar kushtet e kontratës së re, Conte ka thënë fjalët e para si trajner i Inerit.

“Fillon një kapitull i ri në jetën time, jam entuziast dhe do të përpiqem që me punën time të justifikojë besimin e Presidentit dhe drejtuesve të klubit”, ka thënë ndër të tjera trajneri i ri i skuadrës nga Milano.  

Përfundon Serie A, Atalanta dhe Inter në Champions, Milani në Europa League

Në Itali është luajtur java e fundit e Serisë A për këtë sezon, me ndeshjet që kanë nisur pas mesditës dhe kanë vijuar deri në mbrëmje.

Kështu Lazio është mundur në transfertë nga Torino me rezultatin 3-1, në një ndeshje që në fakt i vlente shumë torinezëve nëse nuk do të kishte fituar Roma. Kështu Torino mbetet jashtë zonës së europës për sezonin e ardhshëm.

Juventus e ka mbyllur me humbje javën e fundit të kampionatit kundër Sampdorias, me këto të fundit që fituan me rezultatin 2-0, por rezultati i sotëm vlente vetëm për statistikë.

Roma mundi Parmën në shtëpi me rezultatin 2-1, duke siguruar vendin e gjashtë në renditje, që do të thotë pjesëmarrje në Europa League sezonin e ardhshëm, por duke e nisur nga turet eliminatore.

Atalanta ka arritur të sigurojë pjesëmarrjen në Champions League sezonin e ardhshëm, pasi ka fituar në shtëpi ndaj Sassuolos. Këto të fundit kaluan të parët në avantazh, por skuadra e Gasperinit arriti të shënonte tre herë duke e fituar takimin me rezultatin 3-1.

Me të njëjtin rezultat Interi mundi Empolin dhe siguroi pjesëmarrjen në Europë Sezonin e ardhshëm, ndërsa skuadra kua luan Frederic Veseli shkon në zonën e Paly-Off, ku do të zhvillojë një ndeshje për mbijetesën apo rënien nga Serie A sezonin e ardhshëm.

3-2 fitoi dhe Milani në fushën e Spal, por kjo fitore vlejti vetëm për të mbajtur vendin e pestë në renditje, që i jep një biletë për në Europa League sezonin e ardhshëm skuadrës së Gattusos. Ndërkohë Kievo dhe Frosinone janë dy ekipet që zbresin nga Seria A dhe do të luajnë në Serinë B sezonin e ardhshëm.

Napoli zhyt Interin, zikaltërit rrezikojnë Champions-in!

Napoli i ka dhënë një goditje të fortë Interit, duke e mundur me rezultatin 4-1 në San Paolo. Skuadra e Ançelotit ka dominuar takimin e mbrëmjes ndaj zikaltërve, duke tundur plot katër herë rrjetën e tyre.

Ndonëse do duhej të ishte një ndeshje ku Interi do të merrte tre pikët, të cilat e mbanin praktikisht në vendin e tretë në renditje, ka ndodhur e kundërta. Skuadra e Spalletit është dorëzuar që në minutën e 15′ kur Zielinski tundi rrjetën për herë të parë.

Pjesa e parë u mbyll me rezultatin 1-0, teksa në të dytën Mertens dyfishoi për Napolin. Ruiz shënoi dhe dy herë të tjera, duke u siguruar fitoren të tijëve. Nga ana tjetër skuadra e Spalletit vetëm sa ngushtoi diferencat në 4-1 me Icardin afër fundit, me argjentinasin që realizoi nga pika e bardhë e penalltisë.

Inter i bën punë vetëm fitorja ndaj Empolit javën tjetër, por do të jetë shumë e vështirë pasi edhe Empoli luan për mbijetesë.

Atalanta e Gjimshiti super, kalojnë Interin në renditje (video)

Atalanta nuk ka të ndalur në rrugën e saj drejt Champions League sezonin e ardhshëm, pasi tashmë duket se ky kompeticion është siguruar.

Skuadra bergameze ka fituar ndaj Genoa-s me rezultatin 2-1, duke u ngjitur në vendin e tretë në Serinë A, kur kanë mbetur dhe dy ndeshje nga përfundimi i kampionatit.

Atalatna i ka marrë vendin e tretë në renditje Interit, duke e kaluar me dy pikë më shumë megjithëse zikaltërit kanë ende një ndeshje më shumë për të luajtur. Ndeshja nis mirë për bergamezët, me Berat Gjimshitin që është përsëri titullar në këtë takim.

Gjatë pjesës së parë vendasit dominuan gjithçka duke prekur dhe rrjetën por goli u anulua, ndërsa në të dytën Barrow zhbllokoi rezultatin me nisjen e lojës. Në minutën e 53′ Berat Gjimshiti kthehrt protagonist, duke asistuar golin e dytë për Atalantën, që u shënua nga Castagne.

Goran Pandev ngushtoi diferencat për Genoan, duke ia bëri të vështira katër minutat shtesë, sidoqoftë në fund Atalanta mori tre pikë të arta.

Rakitiç tek Inter, por Barelona kërkon 50 milionë euro!

Inter ka plane serioze për sezonin e ardhshëm. Ndonëse ende nuk është siguruar pjesëmarrja në Champions League për sezonin tjetër, klubi Zikaltër është vënë në lëvizje duke vendosur piketat për merkaton e e verës.

Edhe pse e ardhmja e Spallettit është ende në dyshim, teksa Konte ka dalë në skenë, Morata kërkon të sigurojë blerjet e para.

Veç mbrojtësit të krahut të djathtë, ku në listë është dhe Elseid Hysaj, Inter kërkon përforcime dhe në sulm. Sipas “Mundo Deportivo”, Inter ka shfaqur inter për Ivan Rakitiç te Barcelona, teksa rapotohet madje që për kroatin ka pasur bisedime konkrete.

Sulmuesi kroat nuk ka pasur një sezon të mirë te katalanasit, ndaj ai është ndër të parët që pritet të largohet nga “Camp Nou”. Inter është gati të paguajë për të, por katalanasit kanë kërkuar 50 milionë euro. Interi po përpiqen ta ulin këtë shifër.

Palët nuk kanë lëvizur ende nga pozicionet fillestare, por për këtë ka optimizëm. Topi është në fushën e Interit, që duhet të propozojë ofertën e duhur ekonomike për nënkampionin e botës.

Napoli e do si pasues të Hysajt, Interi i futet stërkëmbësh!

E ardhmja e Elseid Hysaj nuk do të jetë te Napoli. Kjo tashmë dihet, pasi jo vetëm rritja e Malkuit, por dhe nisja e kërkimeve nga Ancelotti për një mbrojtës të ri në krahun e djathtë, e bën dhe më të sigurtë largimin e mbrojtësit shqiptar.

Napoli, ashtu si dhe Juventus, prej kohësh po mbajnë në vëzhgimin mbrojtësin e Tottenham, Kieran Trippier. Sot, mediat italiane, raportohet se në këtë garë është futur dhe Inter.

Skuadra e Luciano Spalletit kërkon një mbrojtës të djathtë me përvojë ndërkombëtare, teksa prej kohësh trajneri zikalëtr pëlqen dhe Elseid Hysajn. Mirëpo, siç raportohet nga Gazetra dello Sport, mbrojtësi shqiptar do të jetë një alternativë e dytë.

Inter po interesohet dhe mban nën vëzhgim Trippier. Megjithatë, skuadra nga Milano do ta ketë të vështirë luftën me Napolin dhe Juven, kjo edhe për arsye financiare. Në këtë aspekt, Elseid Hysaj, kthehet në alternativë konkrete për Interin, që mund ta tërheqë mbrojtësin drejt Milanos për vetëm 25 milionë euro.

Inter hap fals në luftën për Champions-in, Udinese pikë mbijetese (video)

Nuk ka shkuar më shumë se barazimi 0-0 Inter ndaj Udineses, duke humbur një mundësi të shkëlqyer për të siguruar vendin e tretë në renditjen e Serisë A, e për rrjedhojë Championsin sezonin e ardhshëm.

Një lojë përgjithësisht e kontrolluar nga Inter, me të besuarit e Spallettit që kanë shfaqur dëshirë, por para portës kanë gabuar disa raste.

Duke parë rëndësinë e pikës, që vlen shumë në luftën për mbijetesë, Udinese është mbrojtur mirë duke mbyllur çdo rrezik nga kundërshtari.

Nga krahu tjetër Spalletti hedhë në fushë Icardin në fraksionin e dytë të lojës, teksa rastet shtohen por sërish ‘zikaltërit’ përballen me rezistencën e Udines.

Skip to toolbar