Tag: Juventus

Juventusin e ndihmon fati, mposht Napolin dhe merr kreun e Serie A

Plot 7-të gola në një ndeshje të çmendur, në fund fitues është “Zonja”. Juventus ka arritur të përfitojë nga një gabim i Napolit në minutat e fundit, duke marrë një fitore të rëndësishme në javën e dytë të Serie A. Ishte Danilo që hapi serinë e golave në minutën e 16` të takimit për Juventus, pas një asisti të Diego Costas.

Tre minuta më vonë, Gonzalo Higuanin, tregon se do të jetë i rëndësishëm për Juventusin, duke shënuar golin e dytë për Juventusin. Me rezultatin 2-0 skuadrat shkojnë në pushimin e pjesës së parë, ndërsa pas saj, Cristiano Ronaldo do të thellonte diferencën, pasi shënoi golin e tretë për bardhezinjtë në minutën e 62` të sfidës.

Por, duket se euforia e kapi në befasi skuadrën e Sarrit, pasi tre minuta pasi shënoi golin e tretë, Manolas do të ngushtonte diferencën për Napolin. Në të 68` ishte Lozano ai që i çoi shifrat në 3-2 për Napolin ndërsa në të 81, Di Lorenco shënoi golin e barazimit.

Por, kur ndeshja mendohej se, Koulibaly bën një autogol, duke i dhënë fitoren skuadrës së Juventusit. Pas tre pikëve të marra ndaj Napolit, bardhezinjtë e shohin veten në krye të renditjes së Serisë A me 6 pikë në dy ndeshjet e para.

Juventusi hap për publikun hotelin luksoz

Juventusi hap për publikun hotelin në pronësi të tij J-Hotel. Holeti i ndodhur pranë stadiumit të skuadrës “Allianz Stadium” në Torino është me 4 yje dhe ka një kapacitet prej 138 dhomash.

Një hotel luksoz, me SPA, kopsht, bare dhe dhoma konferencash është në dispozicion jo vetëm për ekipin dhe stafin, por edhe për publikun e gjerë.

I ndërtuar në një hapësirë prej 11.200 metrash katrorë, hoteli është mjaft luksoz dhe i gjithi i pasur me dritë natyrore dhe teknologji inovative.

Sarri me pneumoni, braktis stërvitjen e Juventusit

Trajneri i Juventusit, Maurizio Sarri, është përfshirë nga gjendje gripale këtë fillim jave, duke e detyruar atë të mos drejtojë seancën stërvitore këtë fillim jave. Lajmin e ka dhënë faqja zyrtare e Juventus, e cila ka shkruar se tekniku ka pasur një gjendje gripale, e cila është në fazën e pneumonisë.

“Maurizio Sarri, ishte i pranishëm në qendrën stërvitore të Juventusit, duke koordinuar punën e stafit të tij. Por fatkeqësisht ai nuk ka mundur të drejtojë stërvitjen në terren për shkak të gripit, që e ka goditur atë që javën e kaluar. Në orët e vona të pasdites ai iu nënshtruar testeve mjekësore, duke konfirmuar se pneoumonin, për të cilën duhet një trajtim specifik. Trajneri ka autorizuar klubin të komunikojë gjendjen e tij shëndetësore”, shkruhet në njoftimin e Juventusit.

Sarri është i sëmur prej një jave nga gripi, por gjendja e tij shëndetësore është përkeqësuar, pasi ka kaluar në fazën e pneumonisë. Trajneri, edhe pse me grip, drejtoi skuadrën e Juventus në ndeshjen miqësore më 14 gusht ndaj ekipit B të Juves, sfidë e mbyllur me fitoren e ekipit të parë me rezultatin 3-1.

Shkëlqeu me Juventusin, Moise Kean shkon te Everton për 30 mln euro

Talenti i Juventusit, Moise Kean, është larguar zyrtarisht nga klubi ‘bardhezi’, pasi ka firmosur për pesë vitet e ardhshme me Everton në Angli. Sulmuesi ka firmosur një kontratë pesë vjeçare, e cila skadon në fund të vitit 2024. Sulmuesi 19-vjeçar, pjesë dhe kombëtares së Ialisë, është vlerësuar si një nga talentet më të mirë të Evropës, duke u bërë kështu lojtari i pestë që firmos me Everton, për 30 milionë euro.

“Jam shumë krenar dhe i nderuar që vesh fanellën e Everton. Unë do të jap më të mirën për këtë ekip, “tha Kean për evertontv, pas firmosjes së kontratës. “Unë isha i bindur për zgjedhjen që kam bërë për të nënshrkuar me Everton. Ky është një klub që shikon nga e ardhmja, dhe kështu jam dhe unë. Kam ambicie të mëdha, dhe do të punoj shumë për të ndihmuar klubin dhe arritur objektivat”, ka thënë Kean.

Kean bëri 13 paraqitje me Juventusin sezonin e kaluar duke shënuar 6 gola. Sulmuesi debutoi në moshën 16-vjeçare me klubin torinez, duke zëvendësuar shokun e tij të skuadrës Mario Mandzukic kundër Pescaras në nëntor të vitit 2016. Gjithashtu, Moise Kean futi emrin e tij në librat e rekordeve të futbollit, pasi  luajti në një ndeshje kualifikuese të Kampionatit Evropian në mars, duke shënuar dhe gol. Me golin ndaj Finlandës, Kean u bë lojtari më i ri që shënon për Italinë që prej vitit 1958, duke shënuar në moshën 19 vjeç dhe 23 ditë.

Ronaldo refuzoi aktivizimin në miqësore, tifozët: Na ktheni lekët e biletave

Disa dhjetra tifozë në Korenë e Jugut kanë ngritur një padi ndaj klubit të Fasta (ekip futbolli në Kore), pasi gjatë një ndeshje miqësore  që kjo skuadër zhvilloi me Juventusin, ylli i tyre, Cristiano Ronaldo nuk u aktivizua në ndeshje. Tifozët pretendojnë se janë mashtruar nga klubi, pasi më herët u kishte bërë të ditur se “kishte një kontratë me Juventusin, që Ronaldo do të luante 45 minuta”, në ndeshjen që u luajt një javë më parë. Pas ndeshjes, ku Ronaldo nuk u aktivizua, një grup tifozësh nisën një protestë në rrjetet sociale, duke kontaktuar edhe një avokat, Kim Min-ki, i cili ka ngritur padinë kundër klubit korean.

“Shumë bileta ishin blerë nga tifozët për të parë Ronaldon. Fasta bëri të ditur që klubi kishte një marrëveshje me Juventusin, që përcaktonte se Ronaldo do të luante të paktën 45 minuta dhe do të jepte autografe për tifozët”, është shprehur avokati koreano jugor për Reuters. Tifozët kërkojnë nga klubi kthimin mbrapsht të parave që kanë blerë biletat për të parë Ronaldon. At nisin nga më e lira, prej 59 dollarësh deri te më e shtrenjta që shkon në 847 dollarë.

Ndërkohë, drejtori i përgjithshëm i klubit, Robin Chang ka folur për një media lokale, ku saktësuar se në kontratë ishte e parashikuar që Ronaldo do të luante 45 minuta gjatë ndeshjes. “Kur shkova të debatoja me (Pavel) Nedved, drejtorin e Juventusit, gjithçka që ai më tha ishte “unë gjithashtu dëshiroj që Ronaldo të luajë, por ai nuk dëshiron ta bëjë. Na vjen keq, nuk mund të bëj asgjë”, mësohet të jetë shprehur Nedved.  Fasta lëshoi ​​një deklaratë për shtyp të shtunën duke thënë se Juventus nuk kishte respektuar kushtet e kontratës.

Juventus pret oferta për Dybala, por është në planet e Sarrit

Paolo Dybala mund të jetë një nga lojtarët e Juventus që do të përfshihet në tregun e transferimeve këtë verë, shkruajnë mediat ndërkombëtare. Për sulmuesin argjentinas, Juve është gati të dëgjojë ofertat, por deri më tani nuk ka pasur asnjë në adresë të lojtarit.

 Skuadra nuk është gati të pranojë një ofertë huazimi, vetëm shitje të kartonit. Nga ana tjetër, Paolo Dybala nuk ka shfaqur interes të largohet nga Torino. Në fakt, dëshira e futbollistit është të qëndrojë te “Zonja e Vjetër” edhe këtë sezon.

Dhe këtë dëshirë ai e ka konfirmuar pas rikthimit të tij në skuadër, pasi mori pjesë me Argjentinën në Copa America. Ndërkohë, Maurizio Sarri i ka dërguar një mesazh Dybalas gjatë një konference për shtyp.

“Unë mendoj se ai mund të bëjë shumë mirë 9 false. Ne gjithashtu mund të zhvillojmë një lojë sulmuese ndryshe nga skema 4-3-3, që përdorim zakonisht, duke e zhvendosur Dybala në të djathtë në një skemë 4-3-1-2”, ka thënë Sarri.

 Ndërkohë drejtuesit e klubit bardhezi kanë njoftuar në të kaluarën se ka pasur oferta për argjentinasin. Gjatë ditëve të fundit është spekuluar për një interesim të Tottenham për Dybala, duke u cituar se skuadra angleze ishte gati të ofronte 50 milionë euro për ‘10’-ën e Juventus.

Buffon kthehet në shtëpi, tifozët e Juves i bëjnë pritje madhështore

Legjenda kthehet në shtëpi. Gianluigi Buffon është bashkuar me skuadrën ku kaloi 17 vite të karrierës së tij, fitoi trofe, përjetoi emocione të bukura dhe trishtim (rënien në Serie B). Lajmi për rikthimin e Buffon është konfirmuar zyrtarisht nga Juventus, që ka shpërndarë gjatë të enjtes video e foto të 41-vjeçarit që ka mbrritur në Turin për të kryer vizitat mjekësore.

Buffon është pritur me entuziazëm nga tifozët ‘bardhezi’, të cilët kanë shkuar pranë qendrë stërvitore të Juventus për të marrë autografe me portierin legjendar të skuadrës së tyre të zemrës. Gjatë të enjtes Buffon ka kryer vizitat mjekësore, ndërsa më pas do të firmos kontratën e re me klubin. Ndërkohë, Juve ende nuk ka njoftuar se kur do të bëhet prezantimi zyrtar për tifozët në “Allianz”.

41-vjeçari, që ka fituar Kupën e Botës dhe luajti 17 vjet me Juven para se të transferohej te PSG vitin e kaluar, ka rënë dakord të kthehet në Torino, si ndihmës i ish-portierit të Arsenalit, Wojciech Szczency. Kontrata e re e Buffon do të jetë për një sezon, por ai pritet të marrë një rol drejtuesi në klub, pasi të lërë futbollin e luajtur.

Buffon fitoi nëntë tituj në Serie A me Juventusin, shtatë prej të cilëve i fitoi rresht, duke luajtur 656 ndeshje me skuadrën nga Torino. Me PSG-në, Buffon luajti 25 ndeshje sezonin e kaluar, duke ndihmuar klubin të fitonte kampionatin e dytë radhazi në Ligue 1. Më herët, Buffon kishte deklaruar se do të largohej nga PSG-ja, pasi kontrata e tij përfundoi të dielën më 30 qershor.

Sarri i jep besim, Juve rinovon kontratën me Bentacur deri në vitin 2024

Juventus ka njoftuar këtë të shtunë se ka rinovuar zyrtarisht me Rodrigo Bentacur, mesfushori, i cili mbërriti nga Boa Junior në vitin 2017, ka nënshkruar për ‘bardhezinjtë’ deri në vitin 2024.

Duke pritur sezonin e ri, Juventus blindon një lojtar, që mesaduket Maurizio Sarri duket se beson se do të jetë i rëndësishëm në planet e tij.

Mesfushori uruguaian, siç ishte parashikuar ditë më parë, rinovoi kontratën e tij me Juventus deri më 30 qershor 2024, nga e cila do të përfitojë një pagë neto prej 2.5 milionë eurosh në sezon plus bonuse.

I lindur në vitin 1997, Bentacur arriti te Juventus dy vjet më parë nga Boca Juniors, ku pas një periudhe normale të aktivizimit të tij, Bentacur gjeti shumë pak hapësirë nën drejtimin e Max Allegrit.

Tani, teksa Bentacur është i angazhuar në Copa America me Uruguain, vjen rinovimi, çka tregon se skuadra e Juventus ka besim te potenciali i lojtarit.

De Ligt te Juventus i “larë në ar”, por pas…CR7

“Matthijs de Ligt vendos të nënshkruajë për Juventus nga Ajax”, shkruan kështu Sky Sport, duke dhënë një lajm të bujshëm për botën e transferimeve në futboll këtë të shtunë. Mbrojtësi i Ajax është i lidhur prej kohësh me një lëvizje të madhe në merkato, por “polet” i ka kryesuar Barcelona deri më tani.

Megjithatë, ky transferim është mbajtur peng për shkak se agjenti i lojtarit Mino Raiola ka kërkuar të ketë përfitime të majme nga komisionet e transferimit të De Ligt. Kjo gjë u kundërshtua nga Barcelona, aq sa palët tashmë duket se janë ndarë përgjithmonë.

Ndaj, siç raporton rrjeti ndërkombëtar i Sky Sport, mbrojtësi i Ajaxit ka zgjedhur të bashkohet me Juventusin këtë verë. Tarifa e transferimit për të pritet të jetë rreth 62 milionë euro, ndërsa De Ligt mund të bëhet një nga lojtarët më të paguar te Juve, sigurisht pas Ronaldos.

 Nëse gjithçka përfundon me sukses, De Ligt do të përfitojë 10.7 milionë euro në vit, plus shpërblime, duke u bërë lojtari i dytë më i paguar te Juventus pas Cristiano Ronaldos.

Zyrtare: Juventus prezanton Maurizio Sarrin

Maurizio Sarri është trajner i Juventusit. Të gjitha dilemat janë shuar këtë fundjavë, teksa kampionët e Italisë kanë publikuar në faqen zyrtare të tyre lajmin për emërimin e Sarrit trajner të ekipit për sezonin e ardhshëm.

Sarri mbylli një sezon të shkëlqyer me Chelsea në Londër, teksa u shpall fitues i Europa League, ndërsa në fund të sezonit e renditi klubin anglez në vendin e tretë, pas Liverpool dhe Manchester Cityt.

Pasi ka ngritur trofeun e tij të parë kontinental, tani Maurizio Sarri kthehet në Itali, ku ai ka trajnuar gjatë gjithë karrierës së tij, me përjashtim të eksperiencës që pati me Chelsea për një sezon.

Sarri ka  firmosur një kontratë tre vjeçare me Juven, e cila përfundon më 30 qershor të vitit  2022. Gjashtëdhjetë vjeçari, i lindur në Napoli, ka jetuar gjatë në Toskanë. Në vitin 2001, pasi la futbollin, Sarri nisi karrierën e tij si trajner me kohë të plotë.

Ai ka drejtuar shumë klube gjatë karrierës së tij si trajner në Itali, ku padyshim ndër eksperiencat më të suksesshme mbeten ato me Empolin dhe Napolin, me këtë të fundit që e drejtoi për pesë sezone.

Pavarësisht se me këtë të fundit nuk arriti të fitonte “Scudetton” në Itali, Sarri arriti që për tre sezone radhazi, Napoli të dilte në vend të dytë  në kampionat, duke grumbulluar përkatësisht nga 82, 86 dhe 91 pikë në sezonet 2015/2016; 2016/17 dhe 2017/18.

Negociatat mes Sarrit dhe Juventusit nisën disa javë më parë, fill pas shkarkimit të Masimiliano Allegrit. Ish-trajneri i Chelsea zhvilloi dhe një takim me presidentin Agnelli në prani të menaxherit shqiptar, Fali Ramadani, vetëm pak orë para finales së Europa League, ku Chelsea triumfoi ndaj Arsenalit.

Skip to toolbar