Ashton: Ndërkombëtarët kanë rolin kyç në marrëveshjen Serbi-Kosovë

Ish shefja e diplomacisë europiane, Catherine Ashton ka folur lidhur me marrëdhëniet mes Beogradit dhe Prishtinës. Ashton ka vënë theksin tek roli i ndërkombëtarëve në normalizimin e marrëdhënieve Serbi-Kosovë në mënyrë që të dy shtetet të lëvizin para.

“Mbështetja ndërkombëtare, veçanërisht nga Europa, është e rëndësishme në mënyrë që të dyja palët të fitojnë besimin dhe të lëvizin përpara. Arritja e marrëveshjes është vetëm fillimi. Zbatimi dhe ekzekutimi i vendimeve kërkojnë burime, dhe komuniteti ndërkombëtar duhet të ndihmojë.” – tha Ashton

Ashton e cila ka qenë edhe negociatorja mes dy shteteve e vendosur nga BE, tha se arritja e një marrëveshje në 2013 ka qenë e vështirë, por dy ish-kryeministrat e atëhershëm të Kosovës dhe të Serbisë, Hashim Thaçi dhe Ivica Daçiç, ishin të vendosur për të çuar përpara negociatat e tyre.

Feronikeli shpallet kampion i Kosovës!

Feronikeli është Kampion i Kosovës për këtë sezon futbollistik. Ekipi nga Drenasi ka arritur të fitojë ndeshjen e fundit të kampionatit, duke mundur 1-0 rivalët e Prishtinës, të cilët gjithashtu ishin në garë për titullin në Kosovë.

Me titullin e sotëm, Feronikeli koleksionon tre kampionate të fituara në historinë e klubit. Tashmë skuadra bardhëjeshile do të përfaqësohet ne turet paraleminatore të UEFA Champions League.

Ky ka qenë një sezon ndryshe në futbollin kosovar, pasi lufta për titullin ka qenë më e madhe, me disa ekipe të cilat synonin titullin. Gjithësesi, lajmi mirë është se Kosova do të përfaqësohet sezonin e ardhshëm me tre ekipe në kupat europiane.

“Taksa hiqet vetëm pas njohjes”

Në një intervistë ekskluzive për gazetarin Thimi Samarxhiu, kryeministri i Kosovës ka folur lidhur me përplasjet me kryeministrin Rama dhe presidenti Thaçi, akuzat e bëra ndaj tyre dhe se çfarë ndodhi në samitin e Berlinit. Gjatë intervistë Haradinaj foli edhe për taksën e vendosur për produktet serbe që ka çuar edhe në ngecjen e negociatave me Serbinë. Haradinaj tha se taksa do të hiqet vetëm kur Serbia të njoh Kosovën dhe se kërkoi që qeveria Shqiptare të mbështes Kosovën dhe ta besojë në vendimet që merr.

Gazetari: A mendoni që Shqipëria duhet të hyjë kaq shumë në interesin e Taksës?

Haradinaj: Unë nuk mendoj që Shqipëria duhet të mbetet indiferente në çështjet e interesit nacional, as në Kosovë e as në ndonjë vend që ka shqiptarë. por duhet gjithashtu të respektojë qëndrimet e përfaqësuesve të atij vendi. Nëse unë duhet të mbaj një qëndrim për shqiptarët, duhet të kem në konsideratë qëndrimet e atyre që janë në terren. Kur ishte rasti I taksës, amerikanët thanë me pezull taksën. Unë thash që jam ushtar në frontin e parë të Amerikës kundër rusit. Vija mes Kosovës e Serbisë është vija mes Amerikës e Rusit. Unë thash që jam në vijë të parë e ti je eprori im, ti po më thua dorëzohu te armiku. unë me kushtetutë të Amerikës kam të drejtë të them jo. Shqipëria ka te drejtë të interesohet, por gjithashtu duhet të respektohet integriteti I atij që mban vijën e frontit. pra nuk më pengon kurrë interesimi I çdo bashkëkombësi tim, qoftë edhe pa detyre zyrtare për çështjet e interesit kombëtar. Përkundrazi e marr pozitivisht. por nëse jam ne vijë të frontit, e di unë çfarë drejtimi mbaj, jo ai që rri atje larg. Sepse në raste të caktuara ata nuk i kuptojnë proceset.

Gazetari: Po flisni këtu për kryeministrin Edi Rama?

Jo, por ka raste që ata që bëjnë politikat nga larg, nuk e kuptojnë gjendjen reale. Si mund dikush në Tiranë të më tregojë sa e kontrolloj unë Veriun? Unë s’mundem të vij dhe të tregoj ty si e kontrollon ti një gjë Shqipëri. Jo sepse ti që je aty e di më mirë. Ne nuk jetojmë të gjithë në parametra të njëjtë. Vijmë të gjithë nga përvoja të ndryshme. Unë nuk kam kryer akademinë apo shkollën e arteve. Por kam kryer një shkollë të vështirë jetësore. që fëmijë jam përball të mbroj familjen, jetën e familjes prej një pushuesi shumë të egër. Unë çdo dy tre ditë jam në përvjetor të masakrave. Le të vijnë udhëheqësit e Shqipërisë të tre, edhe presidenti Meta dhe zoti Ruci edhe Zoti Rama, e ti përjetojnë një javë këto masakra, pas një jave ata do të jenë shumë më të ndryshëm. Kjo është ajo që dua unë të shpjegoj, lërja atij që po përballet të veprojë.

Gazetari: Kur do te hiqet taksa?

Haradinaj: Kur të na njohë Serbia. kjo është e vërteta. Kur të na njohë Serbia do hiqet taksa.

Gazetari: Një mesazh për klasën politike në Shqipëri kur Kosova është në presion të madh nga gjithë palët për të hequr taksën?

Haradinaj: Shumicën e angazhimit Shqipëria e ka të mirë për Kosovën, por duhet të na besojnë edhe kur mendojnë se ne e kemi gabim ndonjëherë. Duhet të bëjmë kujdes që kur marrim qëndrim për çështje të interesit të Kosovës, është me rëndësi të kuptojnë që duhet të bëjnë kujdes.

Meta: Të rinis dialogu Kosovë-Serbi

Pas përfundimit të samitit Brdo-Brijunit në Tiranë, presidenti Meta ka bërë thirrje që Kosova dhe Serbia të rinisin sërish dialogun të ndërmjetësuar nga BE, që do të kontribuojë në paqen dhe stabilitetin në rajon. Me një postim në Facebook, Meta shkruan se dialogu do të normalizojë marrëdhëniet e tensionuara mes dy vendeve.

“Shqipëria do të mbështesë përpjekjet e institucioneve të Kosovës për t’u riangazhuar në dialogun me Serbinë, të ndërmjetësuar nga Bashkimi Europian. Një proces konstruktiv ka potencialin të prodhojë marrëveshjen përfundimtare, ligjërisht të detyrueshme, tërësore dhe të zbatueshme, që normalizon plotësisht marrëdhëniet ndërmjet dy vendeve dhe kontribuon për paqen, stabilitetin e perspektivën europiane të rajonit.” – shkruan Meta

Akuzat për ndarjen e Kosovës, Mogherini: Më shumë mençuri nga liderët

Lidhur me dialogun Kosovë-Serbi dhe akuzave të Haradinaj se ekziston një plan për ndryshimin e kufijve të Kosovës, Mogherini ka thënë se roli i saj është si lehtësuese për krijimin e kushteve dhe atmosferës ku dy palët të takohen, por se çfarë vendoset mes tyre është plotësisht në dorë të Kosovës dhe Serbisë. Mogherini tha se taksa e Kosovës 100% për mallrat serbë ka sjell dhe ngërçin në dialog, ndërsa bëri thirrje për më shumë mençuri dhe zgjuarsi pasi askush nuk del i përfituar nga mungesa e dialogut.

“Dialogu ka sjellë rezultate të rëndësishme për vite me radhë si për Beogradin ashtu dhe për Prishtinën, por edhe për rajonin. Muajt e fundit kanë qenë të vështirë dhe kanë qenë të vështirë që nga momenti që mund të kishte hyrë e gjitha në një fazë negocimesh më intensive dhe objektivi jonë ka qenë dhe vazhdon të jetë, objektivi i të arriturit në një marrëveshje ligjore të dakordësuar për të arritur normalizimin e plotë të marrëdhënieve mes Beogradit dhe Prishtinës. Gjatë muajve të fundit vendimi i qeverisë së Kosovës 100% tarifa për mallra që vinin nga Serbia dhe Bosnje Hercegovina kanë krijuar një ambient që nuk është frytdhënës për dialogun dhe është dhe në shkelje të marrëveshjeve që ka nënshtruar Kosova.

Nga ana jonë e BE dhe partnerëve të tjerë ndërkombëtarë kemi kërkuar të hiqen këto tarifa dhe kjo do të krijonte menjëherë kushtet që të rifillonte dialogu. Unë jam e bindur se në rast se do të hiqen këto tarifa, sonte, nesër në mëngjes unë do të bëja thirrje për një seancë të re të dialogut dhe kjo do të ishte e vështirë dhe e dhimbshme si zakonisht por ndoshta produktive. Në mungesë të këtij mjedisi unë nuk shoh që këto gjëra të rifillojnë.

Përgjegjësia është në duart e vendimmarrësve në Kosovë. Natyrisht që një mjedis ushqyes që sjell këtë gjë do të thoshte dhe pezullimin e fushatave për njohjen apo rinjohjen e Kosovës. Kjo nuk do të thotë se ne po heqim dorë nga lehtësimi i dialogut. Nuk jemi pjesë e ndonjë plani të caktuar. Roli i lehtësuesit do të thotë të krijosh kushtet, atmosferën, ambientin, mundësinë, hapësirën që të dyja palët të bëhen bashkë.

Dialogu është i tyre, nuk është i yni, nuk na përket ne. Jo vetëm që e respektojmë pozicionet dhe qëndrimet negociuese të secilës palë, por ne marrim shumë seriozisht dhe rolin tonë. Unë e marr seriozisht dhe rolin tim personal të të mos përcaktimit të përmbajtjes së marrëveshjeve të ardhshme por lejimin e asaj që do të jetë një marrëveshje ligjore dhe për normalizimin e marrëdhënies.

Ne duhet të rikrijojmë këtë hapësirë, këtë mundësi. Shpresoj të dominojë mençuria dhe zgjuarsia pasi askush nuk do të fitonte nga ky ngërç i vazhdueshëm në dialog, as Kosova, as Serbia por as pjesa tjetër e rajonit. Pajtimi dhe normalizimi, ashtu siç e ka përjetuar dhe vetë BE, është baza për begatinë ekonomike dhe integrimin, unë e di sa e rëndësishme është kjo për të gjithë qytetarët e Ballkanit. Askush nuk mund të nënvlerësojë interesin e të gjithë ne për rifillimin e këtij dialogu në mënyrë të respektuar ndaj të gjithëve.” – tha Mogherini

Pas taksës, Kosova merr një tjetër vendim ndaj Serbisë

Të gjithë zyrtarët serbë që mohojnë krimet e luftës në Kosove do të shpallen non-grata.

Ka qenë ministri i Punëve të Jashtme Behgjet Pacolli i cili tha se ka marrë vendim që të shpallen persona non-grata, të gjithë ata zyrtarë serbë që përmes deklarimeve mohojnë krimet e luftës në Kosovë.

Ndërkaq institucionet e Kosovës kanë nisur procedurat për themelimin e një gjykate për gjykimin e krimeve serbe në Kosovë.

Vendimi i Pacollit për shpalljen non grata të zyrtarëve serbë që nuk njohin krimet e luftës erdhi pas deklaratave të bëra nga Ministri i Punëve të Jashtme të Serbisë Ivica Daçiq, i cili ka mohuar masakrën e Reçakut, duke thënë se “ngjarjet në Reçak ishin shkaku i drejtpërdrejtë i bombardimeve të NATO-s kundër forcave serbe në Kosovë”.

Seanca e parë dëgjimore në Kongresin Amerikan për krimet serbe në Kosovë

Është zhvilluar për herë të parë një seancë dëgjimore në Kongresin Amerikan për krimet e serbëve gjatë luftës në Kosovë.

Për herë të parë ka dëshmuar para kongresit Amerikan, Vasfije Krasniqi-Goodman, viktimë e përdhunimit gjatë luftës. Ajo tregoi me shumë emocion hollësitë e dhimbshme të përdhunimit të saj nga ushtarët serbë vetëm kur ajo ishte 16 vjeç. Ajo tha se edhe pse sot jeton në Teksas me dy fëmijët e saj, ajo nuk do të gjejë kurrë paqe pa u vendosur drejtësia, ndërsa shtoi se janë rreth 20 mijë gra dhe burra që i janë nënshtruar dhunës seksuale serbe gjatë luftës.

Vasfije Krasniqi-Goodman gjithashtu shtoi se përdhunuesit e saj janë identifikuar por ende janë të lirë pa vuajtur asnjë dënim.

Ajo kërkoi ndihmën e kongresit Amerikan që të vihet drejtësia për të gjithë viktimat e dhunës seksuale serbe.

SHBA, dëshmi në Kongres për viktimat e luftës në Kosovë
Është hera e parë që në Kongresin amerikan zhvillohet një dëshmi me pjesmarrje të gjerë për të kërkuar drejtësi për viktimat e krimeve të luftës në Kosovë, me theks të veçantë tek viktimat e përdhunimeve.Vasfije Krasniqi-Goodman, viktimë e përdhunimit gjatë luftës, tregoi me tone emocionale hollësitë e dhimbshme të dhunimit të saj në duart e forcave serbe kur ishte 16 vjeç. Ajo tha se edhe pse sot jeton në Teksas me dy fëmijët e saj, ajo nuk do të gjejë kurrë paqe pa u vendosur drejtësia.
Publiée par VOA – Zëri i Amerikës sur Mardi 30 avril 2019

Kush është “Daja” nga Kosova

I arrestuari i 6-të për ngjarjen në Rinas, Ragip Hajdini nuk është një emër i panjohur për policinë e Kosovës.

50-vjeçari i arrestuar në qytetin e Kavajës, pas dëshmive të Alkond Bengasit, rezulton me precedentë penal edhe në Kosovë për grabitjen e 25 kg ar nga Dhoma e Dëshmive në Policinë e Pejës.

Kjo ngjarje ka ndodhur në 2012 dhe bëri bujë në mediat kosovare. Në ngjarje u hetuan 6 persona mes tyre edhe Ragip Hajdini, ndërkohë që hetimet ishin bërë nga prokuroria speciale e “Eulex”-it.

Insajderi

GJASHTË TË DYSHUARIT PËR VJEDHJEN E ARIT BRENDA POLICISË Lexo të plotë

Ndërkohë media të ndryshme shqiptare kanë publikuar edhe imazhin e tij.

Vrasje e trefishtë në familje, autor një ish i dënuar

Prishtina ka përjetuar ditën e sotme një ngjarje tragjike, që rezultoi në vdekjen tre personave brenda një familje.

Një burrë ka vrarë gruan e tij, nusen e djalit dhe më pas veten, për shkaqe që nuk dihen ende.

Policia ka nisur hetimin për zbardhjen e plotë të ngjarjes, ndërsa mediat në Kosovë raportojnë se autori i krimit ka qenë i dënuar më parë nga drejtësia.

Deputeti shqiptar jep rrogën mujore për Notre-Dame. Ja arsyeja e dhimbshme

Deputeti i parlamentit të Kosovës, Labinot Tahiri i është bashkuar edhe ai nismës për të dhuruar para për të rindërtuar katedralen e Parisit, Notre-Dame. Ai shkruan në një mesazh në facebook se megjithëse janë pak, 1000 euro, gjesti i tij simbolik është për të shprehur mirënjohjen për shtetin francez, që ka mirëpritur familjen e tij, por dhe shumë shtetas kosovarë, atëherë kur kanë pasur nevojë.

“Për Notre Dame nga paga ime!

Edhe pse nuk jam me financa ashtu siq kam qenë, duke kujtuar se nuk punojë jashtë Kosovës, derisa dorëzova pasaportat e mia!

Prap, jam i gatshëm sado pak të jap nga vetja ime, si një djalë i një nane dhe djalë i babasë, kur ata ishin në gjendje të rëndë sebashku me vajzën Anduenen dhe djalin Milotin gjatë luftës! Duke mos harruarë kurrë, Franca e dashur, dhe qyteti Amien’s, i strehoi duke ua mundësuar bukën, fjetjen sigurinë dhe gjithçka të mirë që kishin deri në ditët që u kthyen në Kosovën e Lirë. Si qytetarë i ri i këtij atdheu, humanitar, këngëtarë, e tani deputet i zgjedhur nga dora e 20 mijë të rinjëve e të rejave nē Parlamentin e Kosovës, dua të ndaj nga paga ime mujore, 1000 euro për rastin e Notre Dame!

Këto nuk jan shumē, por zemra ime i është mirënjohës kësaj Kosove e shqiptarëve, që ma mundesojnë, ku sot e kam mundesinë sëpaku një mirësi ta bëjë si shejë mirënjohëje për Prindët dhe familjen time dhe shumë familje që u ndihmoi SHTETI FRANCEZ. Polemikat se ku bën të bëhet mirë apo keq, i di vetëm KRIJUESI YNË ZOTI. Prandaj, kujtojeni ditën e vështirê, ani që sot nuk kemi luftë, mund të kemi prap. Faleminderit FRANCË. Zoti ju bekoftë juve dhe ata që i duan shqiptarët✊ Labinot Tahiri, Ferizaj Kosovë e Shqipërisë”, shkuan Tahiri.