Tag: Kukësi

Teuta mund kampionët, rikthehet Skënderbeu, Flamurtari mposht Laçin!

Janë luajtur takimet e radhës të Kategorisë Superiore, ku ka pasur disa rezuktate surprizë. Flamurtari priti në shtëpi Laçin, në një ndeshje deçizive për luftën për një vend në kupat e Europës.

Në fund fitimtar kanë dalë të besuarit e Ilir Dajës, të cilët arritën një fitore minimale me gol të Idi Bathës, shënuar në minutën e 26′-të. Me këtë fitore Flamurtari mban vendin e katërt në kampionat, me tre pikë më pak se Teuta e vendit të tretë.

Skënderbeu është rikthyer te fitorja duke mundur në transfertë ndaj Kukësit. Ekipi i Orges Shehit ka bërë një ndeshje të madhe duke shënuar tre herë ndaj ekipit të Ernest Gjokës. Muzaka hapi serinë e golave duke shënuar nga penalltia në minutën e dytë, ndërsa Dejvi Bregu ka dyfishuar në minutën e 26′.

Marko Pervan vulosi shifrat në 3-0 për skuadrën e tij në minutën e 90-të. Pas fitores së sotme, Skënderbeun shkon në kuotën e 49 pikëve, ndërsa Kukësi mban vendin e dytë me 55, një më shumë se Teuta e vendit të tretë.

Gerhard Progni dhe Sherif Kallaku (33′ dhe 52′) i kanë dhënë fitoren 2-0 Teutës ndaj Partizanit. Ekipi kampion i drejtuar nga Skënder Gega ka lënë pushim disa nga titullarët, duke aktivizuar lojtarët që kanë marrë pak minuta gjatë sezonit.

E gjithë kjo situatë është shfrytëzuar nga durrsakët të cilët kanë marrë tre pikë të arta në luftën për të arritur një vend në Europa League.

Besar Musolli: Të ardhmes nuk i dihet, dua të fitoj kupën me Kukësin!

Besar Musolli ka shoqëruar trajnerin Ernest Gjoka në konferencën për shtyp gjatë ditës së sotme. Kapiteni i skuadrës verilindore ka folur për disa tema, duke treguar se synon të fitojë përsëri Kupën e Shqipërisë me Kukësin. Musolli ka shprehur dëshirën për të qëndruar, por gjithësesi, ai ka lënë të kuptohet se gjatë verës gjërat mund të ndryshojnë.

Distanca e madhe nga Partizani – “Sa kam unë të Kukësi, nuk kemi qenë kurrë më kaq probleme në një sezon. Kaq shumë dëmtime e probleme, kjo është një arsye e madhe për distancën nga kreu. Në fillim të vitit ishim ner rregull, por më pas ishin të papritura shumë dëmtime”.

Kupa – “E kam fituar edhe më parë, shpresoj ta fitojmë sërish, sepse jemi në një moment të mirë”.

E ardhmja – “Për momentin mendojmë ta mbyllim sezonin me sukses. Unë dua të qëndroj, është shtëpia ime, por nuk i dihet të ardhmes”.

Skënderbeu – “Është e rëndësishme, Skënderbeu është rival historik prej vitesh dhe ndeshjet me ta kanë qenë shumë të luftuara”.

Fokusi – “Mendojmë vetëm për ndeshjen e radhës, ka kohë për finalen. Duam 3 pikë qetësie”.

Stadiumi – “Kam qenë i mendimit që të luajmë gjithnjë në Elbasan. Për mua në Kamzë nuk janë të gjitha kushtet, por për shkak të tifozerisë luajmë aty”.

Ernest Gjoka: Për mua vendos Gjici, disa lojtarë do qëndrojnë dhe për sezonin tjetër!

Ernest Gjoka ka folur në konferencë për shtyp një ditë para ndeshjes së radhës në kampionat. Trajneri i Kukësit ka folur për disa tema, përfshi dhe të ardhmen e tij dhe të disa lojtarëve, që janë ende në dyshim për sezonin tjetër. Ai tha se klubi ka rënë dakord që disa lojtarë të qëndrojnë edhe për sezonin tjetër. Ndërsa ka konfirmuar se Reginaldo do të jetë në planet e klubit për të ardhmen, Gjoka u shpreh se për të ardhmen personale do të ulet të bisedojë me Safet Gjicin.

Dyshimet dhe akuzat – “Nuk kam koment dhe nuk më pëlqen të futem në jetë vorbull fjalësh. Jemi mësuar që problemet janë aty, edhe kur fitojmë, edhe kur humbasim”

Të huajt, kontratat dhe finalja në qershor – “Nuk e kemi bërë ne kërkesën për afrim të finales, ishte propozim i FSHF-së. Ne dhamë OK, që finalja të luhej në 31 maj. Më vonë doli që disa klube refuzuan dhe nuk u ndryshua asgjë. Për lojtarët dhe kontratat, në duam që të vijojmë me këtë grup lojtarësh. Presidenti është OK me këtë ide, sepse grupi aktual ka cilësi dhe vitin tjetër do jetë edhe më cilësor. Ky vit shërbeu për konsolidim dhe asimilim mentaliteti, vitin e ardhshëm do të synojmë titullin”

Reginaldo? – “Është pjesë e planeve të klubit edhe për sezonin e ardhshëm. Sigurisht, flas për pjesën e klubit, pastaj çdo lojtar vendos në varësi të interesit dhe ofertave. Për ne është shumë i rëndësishëm. Në datën 2 për finalen ai do jetë në dispozicion, absolutisht”.

Fokusi te finalja – “Jo, duhet të bëjmë mirë këto 3 javë për të ruajtur vendin e dytë dhe për të mbajtur ekipin në formë perfekte. Skënderbeu ka synimet e veta, por edhe ne kemi synime dhe kjo e bën ndeshjen shumë interesante”.

Skuadra – Deri tani jam shumë i kënaqur, ekipi ka reaguar mirë, edhe pse kemi pasur shumë dëmtime. Kemi luajtur shumë ndeshje në pak kohë, me shumë mungesa, ndaj po bëjmë mirë mendoj”.

Shkurtaj e Shameti – “Shkurtaj u dëmtua në Gjirokastër dhe nuk do jetë nesër. Është në terapi të vazhdueshme, do jetë gati pas një jave. Shameti ka ndjerë sërish dhimbje dhe nuk do jetë i gatshëm”.

Merkato – “Së pari, nuk shohim dot aq larg, sepse kemi objektiva shumë madhore përpara. Së dyti, ky grup ka cilësi, ka pasur nevojë për pak koordinim dhe shumë qetësi”.

E ardhmja – “Në futboll nuk ka asgjë të sigurt. Unë varem nga rezultatet, natyrisht. E kam gjetur ekipin në një moment jo të mirë psikologjik, kemi punuar shumë dhe duam të arrijmë synimet që kemi, para se të flasim për vazhdimësinë me presidentin”.

Luftëtari mposht Kukësin me përmbysje, ndeshje e çmendur në Gjirokastër!

Një sfidë spektakolare me plot dy herë përmbysje, ka qenë ajo e luajtur në Gjirokastër mes Luftëtarit dhe Kukësit, që u mbyll me rezultatin final 3-2.

Luftëtari ka kaluar në avantazh pas vetëm gjashtë minutash lojë me anë të Chanti-t. Kështu është mbyllur pjesa e parë e takimit, me të besuarit e Julian Ahmatajt që bën një ndeshje të madhe.

Mirëpo pas pushimit miqtë kanë shënuar dy gola brenda shatë minutash, me Rrocën dhe William (50′ dhe të 57′), duke përmbysur avantazhin e Luftëtarit në pjesën e parë.

Megjithatë, Luftëtari nuk është dorëzuar, pasi Dunga dhe Rapo kanë shënuar në minutën e 74′ dhe 81′, duke vulosur rezultatin në 3-2 dhe marrë tre pikë të arta në luftën për mbijetesë.

Pas fitores së sotme Kukësi mbetet në vend të dytë, ndërsa Luftëtari largohet me 5 pikë nga Kastrioti i vendit të fundit që praktikisht bie nga kategoria.

Kukësi shkon në finalen e kupës, Skënderbeu dorëzohet përfundimisht!

Kukësi është finalisti tjetër i Kupës së Shqipërisë, ku përballë do të ketë Tiranën më 2 qershor. Skuadra e trajnerit Ernest Gjoka ka arritur të kualifikohet pas dy ndeshjeve të fituara ndaj Skënderbeut, me takimin e parë të luajtur në Kamëz (2-1) dhe takimin e sotëm që u mbyll 1-3 për Kukësin.

Sakaq Skënderbeu e ka mbyllur pa lavdi këtë sezon, duke pasur parasysh faktin se korçarët rrezikojnë të mos arrijnë zonën e Europës, ndonëse ende nuk ka dalë dhe vendimi i CAS në lidhje me dënimin e UEFA-s.

Skuadra verilindore ka zhbllokuar takimin me Reginaldon, duke shënuar me kokë nga brenda zonës. Më pas, një autogol i Abazit tre minuta para përfundimit të pjesës së parë i ka dhënë dyfishimin e rezultatit skuadrës së Gjokës.

Megjithatë, Skënderbeu ka ngushtuar shifrat pas pushimit të pjesës së parë me Dejvi Bregun. Por Valdet Rama ka trefishuar dhe vulosur takimin për 3-1 në favor të Kukësit, duke i hequr shansin Skënderbeut për të mbrojtur trofeun e fituar vjet në finale ndaj Laçit.

Barazimi me Teutën, Kukësi: Arbitri ndikoi në rezultat (video)

Kukësi u ndal në barazim 0-0 me Teutën ditën e djeshme në kampionat, me skuadrën verilindore që pati disa raste shënimi, por para portës nuk gjeti qetësinë e duhur për finalizim.

Megjithatë, në dy momente pati dyshime edhe për mungesën e dy penalltive në favor të Kukësi, por arbitri Juxhin Xhaja nuk akordoi asnjërën prej tyre.

Me anë të një reagimi zyrtar, klubi i Kukësit ka dënuar vendimet e arbitrit, duke i cilësuar ato si tendencioze dhe me ndikim direkt në rezultat.

“FK Kukësi e konsideron arbitrimin e ndeshjes me Teutën tendencioz dhe me ndikim direkt në rezultat. Arbitri kryesor Juxhin Xhaja dhe ndihmësat e tij nuk ishin në lartesinë e duhur dhe ne mendojmë se ata kanë anuar nga kundershtari”.

“Janë një mori rastesh ne ndërhyrjet e parregullta që nuk janë dhënë për ne, ndërkohë që kulmi arrin në minutën e 75′ kur lojtari ynë Cordeiro u pengua në zonë dhe Xhaja i ndodhur fare prane aksionit nuk dha penallti për Kukësin”.

“Ne e kontenstojmë këtë arbitrim dhe do kërkojmë ndërshkimin e arbitrit në fjalë, pasi me arbitrimin e tij te njëanshem në favor të Teutës ka ndërshkuar skuadrën e Kukësit”, shkruan klubi verilindor.

FK Kukësi e konsideron arbitrimin e ndeshjes me Teutën tendencioz dhe me ndikim direkt në rezultat. Arbitri kryesor…

Publiée par F.K Kukësi Albania sur Dimanche 28 avril 2019

Kukësi pretendon dy penallti, Teuta kënaqet me një pikë (video)

Kukësi dhe Teuta kanë ndarë nga një pikë mes tyre në ndeshjen e javës së e 31-të Superligës. Të dyja ekipet janë munduar shumë por rastet e krijuara nuk u finalizuan si duhet nga ekipet respektive.

Ndeshja ka qenë r barabartë, me të dyja ekipet që shfaqën agresivitet në mesin e fushës. Teuta e mbylli ndeshjen me një lojtar më pak, pasi mbrojtësi Ditmar Bicaj u ndëshkua me karton të kuq në minutën e 88′.

Shkurtaj dhe Musolli u munduan gjatë pjesës së parë, por nuk arritën të gjejnë rrjetën, ndërsa Kallaku pati mundësi për Teutën. Pjesa e dytë e gjen Kukësin më kërkues, teksa në dy raste verilondorët pretendojnë dhe penallti, por nuk jepen nga arbitri.

Me këtë barazim Kukësi shkon në kuotën e 52 pikëve, 10 pikë më pak se Partizani, ndërsa Teuta në 47 pikë, një më pak se Flamurtari.

Habit Kukësi, gjysma e tribunave falas, gjysma tjetër me lekë (foto)

Kukësi do të përballet me Teutën këtë të diel në kampionat. Një sfidë mjaft interesante për të dyja ekipet, që këtë sezon kanë rivalizuar gjithë kohën në kampionat.

Si ekipi pritës i takimit, Kukësi ka nisur përgatitjet për ndeshjen, e cila do të luhet në stadiumin e Kamzës. Sakaq, gjatë ditës së sotme klubi verilindor ka publikuar dhe çmimet e biletave, ku bie në sy fakti që për këtë ndeshje është përdorur një standard i dyfishtë

Klubi i Kukësit ka vendosur që biletat të jenë me pagesë për vetëm njërin krah të stadiumit, konkretisht për tribunën kryesore ku zakonisht janë përfaqësuesit e klubeve dhe tifozët VIP.

Dy tribunat e tjera me pagesë janë ato karshi tribunës kryesore, përkatësisht tribuna A dhe B, ku zakonisht vendosen tifozët miq, në rastin konkret ata të Teutës.

Ndërsa tribuna përballë, që është në krahun tjetër të fushës, do të jetë falas për tifozët. Në këtë tribunë rrijnë zakonisht tifozët e Kukësit, të cilët e kanë mbushur shpesh këtë tribunë kur skuarda verilindore ka pasur takime të rëndësishme.

Përfundimi i kontratës me Kukësin, Reginaldo: Perëndia e di të ardhmen time!

Artur Reginaldo është një nga sulmuesit më të rëndësishëm të Kukësit këtë sezon, pasi ka shënuar gola me peshë për ekipin verilindor. Ai erdhi verën e kaluar nga skuadra e Laçit te Kukësi, ndërsa kontrata e tij përfundon në fund të këtij sezoni, saktësisht më 31 maj.

Megjithatë, e ardhmja e sulmuesit të verilindorëve nuk dihet. Ardhja e Vasil Shkurtaj në dimër e ka vënë në vështirësi sulmuesin mozambikas, të cilit i është dashur më shumë punë për të gjetur formacionin titullar.

E gjithë kjo e ka vënë në disi në presion lojtarin, nisur edhe nga zërat e shtuar për një largim të mundshëm nga skuadra e Kukësit. Ai, Reginaldo, ka bërë një sqarim publik për të gjithë tifozët, madje duke shkruar në Shqip, ai kërkon të mos spekulohet.

“Sqarim. Mos spekuloni për të ardhmen time, sepse vetëm Perëndia e di se çfarë do të ndodhë. Kontrata ime me Kukësin përfundon më 31 maj 2019, që është, në fund të muajit të ardhshëm. Prandaj, unë do të vazhdoj ta lë jetën time në fushë siç kam bërë gjithmonë deri në fund. Faleminderit”

Lëndimi i Valdet Ramës, Kukësi: Lojtari nuk e ka mbyllur sezonin!

Dëmtimi i Valdet Ramës krijoi shqetësim në radhët e skuadrës së Kukësit. Futbollisti u dëmtua në menisk në ndeshjen ndaj Flamurtarit, teksa fillimisht pati paqartësi rreth gjendjes së tij fizike, madje mediat shkruan se ai rrezikonte të mbyllte sezonin.

Dy ditë më parë mjeku sportiv Ervin Kapaj, publikoi një foto me futbollistin e Kukësit, ku shkruante se Rama anashkalonte operacionin dhe nëpërmjet trajtimeve fizioterapike, ai do të rikthehej shumë shpejt në fushë. Këtë gjë e ka konfirmuar dhe klubi i Kukësit sot me një reagim zyrtar.

“Mesfushori i skuadrës së Futboll Klub Kukësit, Valdet Rama, nuk e ka mbyllur sezonin futbollistik, sikurse raportonin disa media në vend, por pritet të rikthehet në seanën stërvitore javën e ardhshme”

“Futbollisti u dëmtua gjatë ndeshjes ndaj skuadrës së Flamurtarit dhe pas disa ekzaminimeve rezultuai që mesfushori ka pasur si disa problemeve ndër vite në gju dhe, pas një goditje gjatë ndeshjes, i janë shfaqur dhimbjet”

“Stafi mjekësor po ndjek me përparësi gjendjen e tij në klinikat më të specializuara të vendit. Sipas stafit teknik, pritet që lojtari në fjalë të nisë seancën stërvitore me ritëm të ulët”, përfundon njoftimi.

Skip to toolbar