Tag: Lazio

Lazio dënohet nga UEFA. Racizmi i mbyll stadiumin

Racizmi në futboll është rikthyer përsëri. Ndonëse UEFA promovon lojën “fer”, kjo nuk i ndalur tifozët të përdorin fjalë fyese e raciste ndaj lojtarëve gjatë zhvillimit të ndeshjeve të futbollit.

Në pritje të vendimit për dënimin e Federatës Bullgare të Futbollit, UEFA dënoi të mërkurën klubin e Lazio në Itali, për shkak të koreve raciste të tifozëve.

Lazio është dënuar që të mbyll pjesërisht stadiumin për ndeshjen e ardhshme në Europa League që do të luajë kundër Celtic.

Skuadra italiane gjithashtu është gjobitur  dhe me 20.000 euro gjobë. Skuadra e Lazios është paralajmëruar, se nëse do të ketë përsëritje të thirrjeve raciste, do të ketë mbyllje të plotë të stadiumit.

Sanksionet lidhen me incidentet gjatë fitores 2-1 të Lazio kundër skuadrës franceze Rennes, luajtur më 3 tetor. Skuadra italiane pret Celtic në ndeshjen e ardhshme evropiane në 7 nëntor.

Serie A, ‘lum’ golash, Lazio merr kreun, Roma e nis në paqe

Janë luajtur mbrëmjen e të dielës ndeshjet e radhës të Serie A, të vlefshme për javën e parë të këtij kampionati. Pas humbjes së Milanit me rezultatin minimal 1-0 në fushën e Udinese, skuadrat e tjera pretendonte për një vend mes më të mirave, kanë arritur të marin pikë. Lazio ka fituar në fushëne Sampdorias me rezultatin 0-3, me gola të shënuar nga Immobile në të 37` dhe 62` ndërsa Correa shënoi në të 56`.

Me këtë trepikësh të parë, Lazio ngjitet në vendin e parë, për shkak të golavarazhit të lartë. Ndërkohë ka fituar me përmbysje dhe Atalanta, që ka mundur Spal në fushën e tij. Ishin vendasit që shënuan të parët dy herë me Di Franceco në të 7` dhe Petagna në të 27`, ndërsa Goses ngushtoi shifrat në të 34` gjatë pjesës së parë. Një dy golash i Muriel në të 71` dhe 76`, i ka dhënë fitoren skuadrës nga Bergamo.

Roma nuk ka shkuar më shumë se barazimi me Genoan, në një ndeshje të çmendur ku u shënuan 6 gola. Under në të 6` hapi serinë e golave, ndërsa Pinamonti barazoi në të 16` për Genoan. Më pas ishte Dezko që shënoi në të 30` duke kaluar Romën në avantazh, por në të 43` barazoi përsëri Criscito për Genoan.

Me nisjen e pjesës së dytë, Kolarov shënoi në të 49`, ndërsa Kouame barazoi përsëri në të 70`. Brescia e Emanuele Ndojit fitoi takimin e parë pas rikthimit në Serie A, duke mundur Cagliarin në transfertë me rezultatin 0-1. Torino mundi Sasuolon 2-1, ndërsa Verona dhe Bologna u ndan në barazim 1-1.

Lazio-Inzaghi gati rinovimi, plani “B” e ka emrin…Gattuso

Simone Inzaghi mund të firmosë deri në vitin 2021, duke vijuar kështu karrierën si trajner i Lazios edhe për dy sezone të tjera. Mediat në shtetin fqinj shkruajnë se drejtori sportiv, Igli Tare dhe trajneri i Inzaghi, kanë pasur disa takime ditët e fundit, ku duket se kanë gjetur dakordësi për të vijuar bashkëpunimin.

Në fakt, dy javët e fundit te Lazio nuk kanë qenë të qetë, pasi emri i Inzagit doli si një alternativat e mundshme për të drejtuar Juventusin, e më pas edhe për të drejtuar Milanin.

Mirëpo, ishte presidenti i Lazios, Claudio Lotito që i qartësoi gjërat kur u shpreh se “Inzaghi është i yni”, duke konfirmuar se trajneri do të vijojë të drejtojë të Kaltërit në Serinë A.

Tashmë palët pritet të ulen për herë të fundit të hënën, ku Inzaghi do të firmosë dhe kontratën e re, e cila parashikon një pagë prej 2 milionë eurosh në sezon, dhe zgjatet deri në vitin 2021, shkruajnë mediat italiane.

Megjithatë, deri të hënën gjithçka mund të ndodhë, ndaj Lazio ka dhe një plan B. Bëhet fjalë për Gennaro Gattuson, ish-trajnerin e Milanit, që tashmë ka dhënë dorëheqjen.

E bujshme, Juventus pranë marrëveshjes me yllin e Lacios

Mesfushori me tipare sulmuese i Lazios, Sergej Milinkovic-Savic, është pranë transferimit të Juventus. Mediat italiane raportojnë se bardhezinjtë kanë arritur një marrëveshje paraprake me lojtarin, teksa faza e dytë është bindja e Lazios për të pranuar shitjen e serbit.

Nga sa raportohet nga kolegët e mediave italiane, Milinkovic-Savic mund të transferohet së shpejti te Juve. Këto të fundit janë gati të ofrojnë deri në 100 milionë euro për mesfushorin, një shumë që mund të tundojë presidentin e Lazios, Claudio Lotito.

Nëse transferimi kryhet me sukses, Igli Tare do të ketë një buxhet të konsiderueshëm për të afruar lojtarë të tjerë cilësorë në ekip për sezonin e ardhshëm. Sezoni aktual nuk ka qenë shumë pozitiv për Savic, megjithatë, ai ka potenciale të mëdha dhe mund të jetë një alternativë e rëndësishme për ekipin e Juventusit.

Igli Tare: Trofeu mbetet në histori, Inzaghi qëndron!

Lazio fitoi Kupën e Italisë mbrëmjen e djeshme, duke zbutur disi zhgënjimin e tifozëve për mos kualifikimin në Champions League sezonin e ardhshëm.

Në finalen ndaj Atalantës, “Biancoccelesti” bëri një ndeshje të madhe duke shënuar dy herë në fund të takimit.

Pas ndeshjes, Drejtori Sportiv i Lazios, Igli Tare, ka folur për mediat duke komentuar fitoren e trofeut. Tare është shprehur se trofeun ia dedikon tifozëve, teksa shprehet se Inzaghi do të mbetet trajner i ekipit.

“Ishte një vit i vështirë me ulje dhe ngritje, kemi humbur betejën për Ligën e Kampionëve, por një trofe mbetet në histori. Këtë sukses ia dedikok të gjithë tifozëve të Lazios dhe të gjithë mbështetësve tanë “.

Më pas, për RAI, Tare konfirmoi qëndrimin e Simone Inzaghi: “Largohet Inzaghi? Ai do të mbetet në Lazio, ky është lajmi “.

Strakosha ndal Gjimshitin, Lazio fiton Kupën e Italisë ndaj Atalantës (video)

Lazio ka triumfuar ndaj Atalantës në finalen e Kupës së Italisë, duke e mbyllur sezonin me njê trofe. Skuadra e Simone Inzaghit fitoi ndaj skuadrës së Gian Piero Gasperinit me rezultatin 2-0, me të dy golat që u shënuan në dhjetë minutat e fundit të ndeshjes. Autor të dy golave ishin Segerj Milinkovic-Savic dhe Correa, të cilë realizuan përkatësisht në minutën e 82′ dhe 90′-të.

Me fitoren e sotme, Lazio koleksionon shtatë trofe në Kupën e Italisë, duke u bërë ekipi i tretë që e ka fituar më shumë herë Kupën e Italisë pas Juventusit me 13 trofe dhe Romës me 9. Sakaq, Atalanta nuk ia doli tê fitonte këtë trofe të rëndësishëm, në finalen e të cilit mungonte prej sezonit 1962-63.

Thomas Strakosha me Lazion dhe Berat Gjimshiti me Atalantën e kanë nisur titullar takimin e sotëm, teksa loja ka qenë e balancuar në përgjithësi. Në një moment Atalanta u ndalë nga shtylla, ndërsa Lazio ka treguar efikasitet në fundin e takimit duke shënuar dy golat që i dhanë trofeun.

Pas fitores së sotme, Lazio do të përfitojë dhe 10 milionë euro nga Lega e Serisë A, që i jep si shpërblim për fituesin e kupës. Gjithashtu skuadra e Inzaghit do të luajë edhe në finalen e madhe të Superkupës së Italisë kundër Juventusit.

E bujshme: Gjigantët e Serisë A duan Igli Taren drejtor!

Milan rrezikon të dështojë në përmbushjen e misionit për arritjen e zonës Champions në kampionat, çka do të ishte fatale për klubin kuqezi, që ka investuar shumë dy vitet e fundit. Nëse arritja e vendit të katërt në kampionat nuk do të kryhet, kjo do t’i kushtonte pozicionin jo vetëm trajnerit Gattuso, por edhe Drejtorit Sportiv, Leonardo.

Braziliani ka qenë arkitekti i merkatos së Milanit këtë sezon, ku veç blerjeve të mira si Paqueta apo Piatek, ka pasur dhe disa që nuk kanë sjellë rezultatet që priteshin. I larguari Higuain apo dhe Laxalt, janë dy nga dështimet e merkatos, çka ka bërë që Fondi Elliott të analizojë me kujdes veprimet e Drejtorit Sportiv.

Calciomercato, bazuar në informacione pranë “Rossonerëve”, shkruan sot se Leonardo është pranë shkarkimit, teksa mësohet se klubi ka pasur kontakte me Drejtorin Sportiv të Lille, Luis Campos, që njihet si zbulues talentesh. Ky pëlqehet shumë nga Gazidisi dhe mund të ishte pozitiv për Milanin.

Por një tjetër emër alternativë është dhe shqiptari, Igli Tare, që është Drejtor Sportiv i Lacios. Media italiane shkruan se Tare gjithashtu është në listën e drejtuesve të Milanit, por pengesat kryesore për ta sjellë atë Milano janë dy: e para, Igli Tare ka një kontratë të gjatë me Lacion dhe e dyta ka marrëdhënie të shkëlqyer me presidentin Lotito.

Gjimshiti i shënon Strakoshës, Atalanta presion Interit (video)

Atalanta ka fituar me përmbysje ndaj Lacios në sfidën e javës së 35-të kampionatit italian, duke hedhur një hap të rëndësishëm drejt sigurimit të Champions League sezonin e ardhshëm. 1-3 ka përfunduar sfida e pasdites së sotme, me Berat Gjimshitin që ishte një nga shënuesit e kësaj sfide.

Parolo shënoi i pari duke zhbllokuar sfidën për Lacion, duke realizuar që në minutën e tretë. Ky gol krijoi iluzionin se Lacio do e kishte të lehtë fitoren, por Zappata vendosi barazpeshën në minutën e 22′.

Kastanj në të 58-tën, përmbysi gjithçka, ndërsa Berat Gjimshiti vulosi shifrat në të 76′, me qendërmbrojtësin që realizoi me kokë pas një goditje këndi, duke mposhtur Thomas Strakoshën.

Atalanta mbetet në vendin e katërt me 62 pikë, duke u afruar me Interin që ka një pikë më shumë. Lacio rrezikon shumë pas kësaj humbje, ku tashmë jo vetëm Championsi, por edhe Europa League vihet në pikëpyetje sezonin e ardhshëm.

Milani në “ferr”, Strakosha e Lacio në finalen e Kupës së Italisë (video)

Lacio ka dërguar në ferr “Djallin”. Skuadra e Inzaghit ka mundur Milanin në shtëpinë e këtyre të fundit dhe ka siguruar një vend në finalen e Kupës së Italisë, që do të luhet më 15 maj në Romë.

Ndonëse ishte menduar ndryshe, skuadra e Lacios arriti të merrte një fitore minimale 0-1, që i jep të drejtën të shkojë në finale, pasi në ndeshjen e parë rezultati ishte 0-0.

Takimi është vendosur nga një gol i Correa-s në minutën e 58-të, që ka ardhur pas një kundërsulmi të shpejtë të nisur nga një goditje këndi për Milanin.

Cutrone ka barazuar për vendasit në minutën e 76-të, por goli është anuluar për një pozicion jashtë loje.

Ndërkohë, kualifikimi.i Lacios në finalen e Kupës së Italisë është dhe meritë e portierit shqiptar, Thomas Strakosha, që sot ishte vigjilentë dhe nuk gaboi në lojën e tij.

Kështu, pas humbjes 1-0 të pësuar në kampionat, që është pasuar me shumë polemika, Lazio është hakmarrë ndaj kuqezinjve dhe në finale do të përballet me njërën mes Atalantës dhe Fiorentinës, që do të përballen nesër në Bergamo.

Lazio katastrofë, e mund Chievo i vendit të fundit (video)

Një ekip që ka siguruar rënien nga kategoria dhe një tjetër që lufton për një vend mes katër më të mirave të kampionatit, përballen mes tyre në ndeshjen e radhës… Në fund fiton Chievo, që tashmë ka siguruar zyrtarisht Serinë B për sezonin e ardhshëm, duke u larguar nga elita e futbollit italian.

Ndërsa Lacio, që duhet ta fitonte patjetër këtë përballje, bën gjithçka keq dhe largon veten nga zona “Champions” për sezonin e ardhshëm, pasi u mund në shtëpi nga vendi i fundit në renditje.

Gjithçka dukej normale deri në momentin që Milinkoviç-Saviç godet me shkelm pa kuptim kundërshtarin, Stepinski, ndërsa arbitri e ndëshkon sulmuesin e Lacios me karton të kuq.

Dalja nga fusha e sulmuesit të vendasve, u ka krijuar shansin miqve të përfitojnë nga superioriteti numerik duke shënuar dy gola të shpejtë në fillim të pjesës së dytë me Vignato (49′) dhe Hetemaj (51′). Vendasit kanë ngushtuar diferencat me Caicedo (67′), por nuk kanë arritur të shmangin humbjen.

Një mundësi e artë e shpërdoruar nga Lazio, që ka zbritur në vendin e tetë të renditje. Në rast fitoreje, bardhekaltrit do të kishin qenë vetëm një pikë larg vendit të katërt.

Lajme të këqija edhe për Vesel-in, i cili nuk ka arritur të ndihmojë Empoli-n që të shmangë humbjen 4-2 të pësuar në shtëpi kundër Spal-it. Ekipi i mbrojtësit shqiptar mbetet në vendin e 18-të me 29 pikë, katër larg zonës së mbijetesës, kur kanë mbetur edhe pesë ndeshje për t’u luajtur.

Skip to toolbar