Kryetari i Partisë Demokratike Lulzim Basha
ka reaguar për tërmetin e sotëm, që preku rajonin juglindor të vendit. Bashak
ka bërë një reagim në rrjetet sociale, ku kërkon shpalljen e gjendjes së jashtëzakonshme
për të ndihmuar familjet e goditura nga lëkundjet e tokës.
“Të shpallet gjendje e jashtëzakonshme për ndihmë ndaj familjeve të goditura nga tërmeti ne Korcë. Qindra banesa janë dëmtuar nga tërmeti që goditi në orët e para të mëngjesit rajonin e Korçës. Shumë banorë kanë mbetur në qiell të hapur dhe qindra të tjerë janë në panik se çfarë do të ndodhë me banesat e tyre. Gjithçka kishin ndërtuar me sakrificë të madhe është shkatërruar”, shkruan Basha.
Më tej, Basha shkruan se duke shpallur gjendjen e jashtëzakonshme, duhen dedikuar fonde për shtëpitë e dëmtuara. Ai shprehet se nuk duhet humbuar asnjë çast për shkak të lojrave politike. “Duhet shpallur menjëherë gjendja e jashtëzakonshme në zonën e goditur dhe duhen dedikuar urgjent fonde për shtëpitë e dëmtuara”.
“Familjeve të mbetura në mes të katër rrugëve dhe në gjendje tronditje dhe pamundësie totale shteti duhet t’ju ofrojë menjëherë ndihmë financiare dhe ushqim e strehë. Nuk duhet humbur asnjë çast për shkak të paaftësisë apo lojrave politike, por duhet vepruar menjëherë dhe me veprime konkrete për të ndihmuar banorët e goditur”, shkruan Lulzim Basha.
Kryetari i Partisë Demokratike Lulzim Basha ka zhvilluar një takim me qytetarët në Fier për t’i ftuar në protestën e 2 qershorit. Gjatë fjalës së tij Basha ka reaguar edhe për raportin e Komisionit Europian duke theksuar se Shqipërisë nuk i hapen negociatat për aq kohë sa nuk ka zgjedhje të lira dhe qeverisët nga krimi.
“Ramën e kanë njoftuar se Këshilli Evropian në qershor do votojë për mos hapjen e negociatave. Rama është fajtori i vetëm për këtë ndëshkim. Gjendjen në Shqipëri e dinë të gjithë qytetarët, të djathtë e të majtë, e dinë edhe në Bruksel. Edhe ata që bëjnë sikur nuk i dinë. I di edhe Edi Rama. Partnerët tanë ndërkombëtarë ja kanë bërë të qartë atij, siç kanë informuar edhe kryetarin e opozitës, se në gjendjen aktuale, Këshilli Evropian I qershorit do të votojë për mos hapjen e negociatave për Shqipërinë. Dhe ky është një lajm ndëshkimi për çdo shqiptar, ndëshkim I pamerituar që ka një fajtor, një emër, Edi Ramën dhe qeverinë e tij antieuropiane.
Edi Rama e ka frikë hapjen e negociatave sepse e di fare mirë se çka ndodhur në ato vende ku janë hapur negociatat. Se të parët që kanë shkuar para drejtësisë kanë qenë pushtetarët që kanë abuzuar me pushtetin.”
Basha tha se Rama nuk duhet të shoh më interesin e tij, por të qytetarëve dhe nëse kërkon të zgjidhet kriza politike rruga e vetme është largimi i tij.
“Rruga e BE hapet duke larguar Edi Ramën. Zgjidhja është e thjeshtë nëse Edi Rama një herë në jetën e tij, një çast në jetën e tij, do të vendoste interesin tuaj, për interesin e vendit, interesin e qytetarëve të thjeshtë të këtij vendi, jo të oligarkëve jo të banditëve, jo të vetës dhe pushtetit të tij, jo të pasurisë së tij, por interesin e Shqipërisë dhe shqiptarëve. Zgjidhja është e thjeshtë: largimi i tij i hapë rrugë zgjidhjes politike, një qeverie të integrimit europian që do të mundësojë zbatimin e kushteve që Edi Rama dhe banda e tij, nuk i zbatojnë, sepse janë në konflikt interesi me to. Zgjedhje të lira e të ndershme, dënimin e politikanëve të kapur me krimin në shitblerje votash. Nuk ka vend që i hapen negociatat në BE pa zgjedhje të lira. Nuk ka vend në BE që i hapen negociatat me shitblerje votash me krimin. Largimi i Edi Ramës, qeveri tranzitore, zgjedhje të lira dhe të ndershme, janë rruga jonë drejt Bashkimit Europian.” – tha Basha
Kryeministri Edi
Rama dhe Ambasadori i Bashkimit Europian në Tiranë Luigi Soreca kanë dalë në një
konferencë të përbashkët për shtyp, ku kanë komentuar vendimin e Komisionit
Europian për rekomandimin e hapjes së negociatave mes Shqipërisë dhe BE. Rama u
shpreh se ky raport nuk ishte suprizë, ndërsa shtoi se kjo tregon se qeveria i
ka bërë detyrat.
“Rekomandimi pozitiv pa kushte i Komisionit Europian për çeljen zyrtare të negociatave për anëtarësim të Shqipërisë me Bashkimin Europian, konfirmon se Shqipëria i ka kryer me sukses detyrat e shtëpisë në këtë proces. Kjo nuk është një surprizë, por afirmimin i faktit që i kemi bërë të gjitha detyrat e shtëpisë me përpikmëri dhe pse i kemi bërë të gjitha. KE ka konfirmuar rekomandimin pozitiv pa kushte për Shqipërinë”.
“Vitin e shkuar Shqipëria mori një rekomandim pa kushte dhe KE vendosi që në qershorin e 2019, që po troket, të zyrtarizojë çeljen e negocitatave dhe në dhjetor të nisë procesi me konferencën ndërqeveritare, çka është e rëndësishme për ne, për të gjithë është se përsëri Komisioni konfirmoi progres dhe bazuar në fakte në shifra ka rirekomanduar çeljen e negociatave dhe ndryshe nga sa ka ndodhur në të shkuarën Shqipëria ka filluar procesin screning që për vendet e tjera ka nisur pas çeljes së negociatave”.
Më tej,
Kryeministri Edi Rama u shpreh se hapi i dytë, pas rekomandimit, është miratimi
nga Këshilli i Europës. Megjithatë, Rama në këtë pikë u ndalë, duke u shprehur
se ky është një vendim politik, ndaj, që Shqipëria të marrë dritën jeshile në
qershor, Kryeministri i kërkon bashkëpunim opozitës.
“Përkthyese mos përkthejë asgjë në gjuhë të huaj për mua për opozitën. Këtë e kam apel për Bashën dhe atë pjesë të opozitës që është rrugëve, deri në momentin e vendimmarrjes është mirë të mendojnë për Shqipërinë jo për partinë, të mendojmë për gjeneratën tjetër, jo zgjedhjet, që të mos furnizojmë ata që janë të lëkundur apo në kërkim të arsyeve për të thënë jo, me pamje të gënjeshtra që nuk pasqyrojnë realitetin nga Tirana protestash partiake dhe jo popullore”.
Më tej, i pyetur nga gazetarët, nëse do të pranonte një ndërhyrje të Presidentit Ilir Meta për ndryshimin e datës së zgjedhjeve, Kryeministria Rama tha se: “Por PS-ja shumica nuk ka asnjë pëlqim lidhur me asnjë diskutim për shtyrjen e datës së zgjedhjeve, të prerë dhe të qartë në 30 qershor nuk është çështja kush do të fitojë por duhet të fitojë Shqipëria institucionale që nuk mund ti nënshtrohet axhendave partiake të kujtdo qoftë. Në raport me Presidentin kam qenë dhe mbetem i bindjes se i duhet Çezarit ajo që i takon, e vlerësoj gatishmërinë e Presidentit dhe jam i bindur që nuk e keqkupton reagimin në raport me këtë pyetje se nuk kemi datë për të negociuar dhe nuk kemi Kushtetutë për të anashkaluar. E sigurt është që në 1 Qershor PS do të fillojë fushatën në një betejë që nuk është thjesht kush do të zgjidhet por si do të jetë Shqipëria e së nesërmes” tha Rama.
Kryeministri i vendit Edi Rama i ka dërguar letrën e gjashtë publike kreut të PD Lulzim Basha, ku i bën thirrje sërish për dialog. Edi Rama i ka përsëritur dhe njëherë Lulzim Bashës qëndrimin e tij për të mos lëshuar pe, duke i thënë se kjo është tentativa e fundit për dialog. Gjithashtu në letrën publike, Kryeministri shprehet se zgjedhjet e 30 qershorit do të mbahen në datën e përcaktuar.
Kreu i qeverisë e fton në dialog kreun e opzoitës, duke i kujtuar se Shqipëria duhet të hap negociatat me BE këtë vit, ndërsa, sipas Ramës, opozita po bën çmos për t`i penguar ato.
LETER E GJASHTE PUBLIKE LULZIM BASHES
Zoti kryetar,
letrave të mia po i vjen fundi. E fundit për të tentuar Dialogun është edhe kjo javë, e cila mbyllet me çeljen zyrtarisht të fushatës së 30 qershorit.
S’ka mbetur nga ana ime ndonjë gjë e rëndësishme pa shkruar në këto letra dhe çka mbetet ende ndoshta, është detyrimi për të përmbledhur disa nga gjërat kryesore që janë thënë e shkruar.
1. Dy vjet më parë Ju bëtë fiks të njëjtën gjë dhe fiks për të njëjtat arsye: Paniku nga zgjedhjet dhe frika nga drejtësia. Asokohe kishit ikur nga Kuvendi dhe ishit mbledhur në Çadrën e Republikës së Re, për të mbrojtur drejtësinë e vjetër duke refuzuar të votoni Vetingun. Dihet si shkuan gjërat, s’po zgjatem.
2. Sivjet Ju i jeni rikthyer po atij avazi, por nga një nivel i ri papërgjegjshmërie, me mandate të djegura, bojkot zgjedhjesh dhe kërcënime për të ndaluar forcërisht popullin të zgjedhë në 30 qershor. Përsëri frika nga zgjedhjet dhe paniku nga drejtësia, Ju kanë qorruar e shurdhuar dhe shtyrë në rrugën e një lufte imagjinare çlirimtare nga tirania! Të cilën duhet ta bëni me veten ne fakt, për të përmbysur tiraninë e frikës brenda Jush, sepse Shqipëria s’është në duart e asnjë tiranie, po në duart e një shumice të zgjedhur demokratikisht, për të qeverisur deri në vitin 2021.
3. Siç e shihni dhe vetë, mbështetja Juaj në aventurën pa rrugëdalje vjen duke rënë, e sado t’i tërhiqni e t’i shtriqni trupat e ndjekësve si çamçakiz në bulevard, për të krijuar efekte fotografike e televizive masiviteti, nuk bëni tjetër veçse gënjeni veten Tuaj dhe ata që duan të gënjehen me idenë, se disa mijëra punonjësit e bashkive blu dhe masa modeste e militantëve bashkëngjitur tyre, janë populli i Shqipërisë në protestë kundër qeverisë! Kjo gënjeshtër mund t’Ju mbajë me gajret edhe për ca kohë, Juve e lidershipin politik të grupimit Tuaj. Por besomëni që zgjimi nga ëndrra me sy hapur e largimit të qeverisë pa zgjedhje apo e moslejimit të zgjedhjeve, do të jetë shumë i dhimbshëm për atë grupim e për Ju si udhëheqësi i saj, nëse do të vijoni shurdhërisht në rrugën pa dalje, ku po marshoni verbërisht.
4. Unë Ju ftoj përsëri që sa pa u djegur çdo afat kohor, të nisim Dialogun pa kushte dhe të fillojmë të shkruajmë bashkarisht, një faqe të re bashkëpunimi politik duke mos humbur më tej kohë, energji, mundësi zgjidhjeje, me këtë avaz të padobishëm për vendin, për njerëzit e për opozitën po se po!
5. Jini i sigurtë zoti Lulzim se zgjedhjet do të mbahen në 30 qershor. Kjo shumicë qeverisë do të vazhdojë të ushtrojë përgjegjësinë e saj edhe për të paktën dy vjet të tjera, kur i mbaron mandati i saj legjitim. Vetingu dhe Reforma në Drejtësi do të vijojnë pa asnjë lëkundje, asnjë ndalesë dhe asnjë rishikim, për sa kohë koha nuk do të sjellë nevojën për ndërhyrje të mundshme në korpusin ligjor të drejtësisë dhe vetëm me konsensusin e partnerëve tanë ndërkombëtarë.
Kujtesë: Shqipëria duhet të hapë negociatat për anëtarësim patjetër këtë vit dhe fatkeqësisht, Ju po bëni çmos t’i pengoni ato. Por jini po ashtu të sigurtë se populli shqiptar, përfshirë edhe çdo demokrat të arsyeshëm, që kurrë s’ka votuar e mbase s’do votojë ndonjëherë për Partinë Socialiste, nuk ka për t’Jua falur një paudhësi të tillë.
Shqiptarët janë shumë më të mençur se sa për fat të keq, shumë gabimisht, politikanë e parti të ndryshme i kanë kujtuar në momente të ndryshme të historisë së zhvillimeve demokratike. Mos e nënvleftësoni forcën e gjykimit dhe fuqinë e ndëshkimit të tyre, sepse çfarë keni parë e provuar në zgjedhje të shkuara, do t’Ju duket lule në krahasim me mësimin që do merrni kur t’Ju kërkoni përsëri votën një ditë, nëse s’do të ktheni rrugë sot përpara se sa nesër të jetë shumë vonë.
Kreytari i Partisë Demokratike Lulzim Basha ka
reaguar për protestën e djeshme të opozitës, duke shkruar një status në
Facebook. Basha shprehet se Europa e ka dëgjuar zërin e shqiptarëve të
bashkuar, ndërsa ka theksuar se tani është koha për zgjidhjen politike,
largimin e Edi Ramës dhe zgjedhje të lira.
“Beteja jonë është për Shqipërinë si gjithë Europa! Europa e dëgjoi zërin e shqiptarëve të bashkuar. Çdo ëndërr për të sunduar si despot lindor, popullin perëndimor të Shqipërisë, do të marrë përgjigjen e merituar”.
“Shqiptarët nuk do të pranojnë kurrë më paligjshmërinë e një qeverie të dalë nga zgjedhjet e faktuara të vjedhura. Nuk do të pranojnë më zgjedhje fallso të kryeministrit të kapur në krim. Tani është koha për zgjidhjen politike, largimin e Edi Ramës, qeveri tranzitore, zgjedhje të lira dhe të ndershme”, shkruan Basha.
Pasditen e sotme do të zhvillohet protesta e
gjashtë kombëtare e opozitës, e cila do të mbahet si zakonisht para
Kryeministrisë. Liderët e opozitës e kanë lajmëruar mbajtjen e protestës në orën
19:00, teksa janë shprehur se ky do të jetë tubimi më i madh deri më tani.
Pak orë
para nisjes së saj, RealStory.al ka bërë një vëzhgim në terren, për të
treguar situatën para godinës së Kryeministrisë pak orë para fillimit të protestës.
Ndonëse është raportuar se nuk do të ketë akte dhune, Kryeministria është e rrethur me gardh metalik që prej tre ditësh. Ndërsa ditën e sotme janë vendosur dhe tre makina ujëhedhëse pas Kryeministrisë, për të qenë në gadishmëri për çdo situatë.
Rruga nga RTSH në drejtim të piramidës është
bllokuar pas mesditës, ndërkohë që postblloqe policie janë vendosur në akse
kyçe, kryesisht në rrugë që të çojnë drejt bulevardit “Dëshmorët e Kombit”, ku
do të zhvillohet protesta.
Ndërkohë, policia ka nisur dhe bllokimin e
bulevardit përpara Kryeministrisë, aty ku prej paradites janë vendosur mjetet e
transmetimit direkt të mediave në vend.
Ashtu si në protestat e kaluara, nuk do të ketë skena të mëdha, por vetëm një podium disa centimetër të lart, ku pritet të flasë kreu i Partisë Demokratike Lulzim Basha.
RealStory.al ka mësuar se Partia Demokratike ka kërkuar leje në Policinë e Tiranës për të marshuar, pas grumbullimit të protestuesve para Kryeministrisë, megjithëse, intenerari i marshimit ende nuk bëhet i ditur.
Në krahun tjetër, Policia e Tiranës ka dhënë leje për zhvillimin e protestës nga ora 19:00-21:00, ndërsa PD nuk ka përcaktuar një orar për përfundimin e protestës. Sakaq, në terren do të jenë më shumë se 1500 efektivë policie të angazhuar për mbarvjatjen e protestës.
Basha nuk bën asnjë hap pas. Madje ai fton shqiptarët që nesër
t’i bashkohen protestës së opozitës në Tiranë. Pavarësisht ftesave të Ramës për
dialog, kreu i PD-së është i vendosur të vazhdojë rrugën e protestave.
“Të gjithë në Tiranë nesër, më 25 maj në orën 19:00, për të
treguar vendosmërinë tonë për liri, për demokraci, për zgjedhje të lira e një
qeveri nga populli, të popullit dhe për popullin, për Shqipërinë si e gjithë
Europa. Asnjë hap pas! #25maj #ShqipëriaSiEuropa”, shkruan Basha në facebook.
Kryeministri Rama sot bëri letrën e tretë publike drejtuar Bashës në të cilën i shkruante që të tregonte lidership, të hiqte dorë nga protestat dhe të ulej për të dialoguar.
Të gjithë në Tiranë nesër, më 25 maj në orën 19:00, për të treguar vendosmërinë tonë për liri, për demokraci, për zgjedhje të lira e një qeveri nga populli, të popullit dhe për popullin, për Shqipërinë si e gjithë Europa. Asnjë hap pas! #25maj #ShqipëriaSiEuropa
Gepostet von Lulzim Basha am Freitag, 24. Mai 2019
Lulzim
Basha ka kujtuar me një status në Facebook, 35 vjetorin e asaj që quhet “Revolta
e Qaf Barit”. Basha shkruan ndër të tjera në komentin e tij, se ajo revoltë përhapi
kushtrimin se liria nga dhuna e egër dhe gjakatare do të vinte. Lulzim Basha
shprehet i përulur para dy martirëve të saj revolte, Sokol Sokoli dhe Tomë
Ndoja.
“35 vjet më parë, me 22 maj 1984, revolta e Qafë Barit tronditi diktaturën dhe përhapi kushtrimin anembanë se liria nga dhuna e egër dhe gjakatare do të vinte. Sot përulemi para heroizmit prekës të martirëve të Qafë-Barit, Sokol Sokoli dhe Tomë Ndoja, të cilët ranë theror për liri!”, shkruan Basha, ndërsa shton se:
“35 vjet më vonë, protagonizmi i xhelatëve të komunizmit është një kambanë alarmi për gjithë kombin. Vatra e së keqes është akoma e ndezur, drejtësia akoma nuk e ka bërë detyrën e saj, liria dhe demokracia janë akoma të brishta, dhe e ardhmja e Shqipërisë është në udhëkry!”.
Në fund ai e mbyll me një mesazh, duke u shprehur se ajo revoltë shërben si frymëzim për të mos lejuar askën që të shkatërrojë të ardhmen europiane të shqiptarëve.
“Të frymëzuar nga rezistenca e martirëve të Qafë-Barit, me amanetin e sakrificës së tyre në zemër, jemi sot më të bashkuar dhe të vendosur se kurrë, për të mos lënë asgjë dhe askënd të mposhtë lirinë dhe demokracinë e të shkatërrojë të ardhmen europiane të shqiptarëve. Lavdi përjetë martirëve të Revoltës së Qafë Barit! #ShqipëriaSiEuropa”.
35 vjet më parë, me 22 maj 1984, revolta e Qafë Barit tronditi diktaturën dhe përhapi kushtrimin anembanë se liria nga…
Basha e Kryemadhi po komandohen nga Berisha. Kështu është shprehur sot në News 24 kryetari i grupit parlamentar të PS-së, Taulant Balla, teksa komentoi situatën politike në vend dhe protestat e dhunshme të opozitës.
Balla tha se në çdo vend të botës goditja me
bomba molotov konsiderohet akt terrorist. Ai gjithashtu bëri dhe një krahasim
me sjelljen e qeverisë së PD në 21 janar 2011.
“Basha,
Kryemadhi nën urdhrat e Berishës vazhdojnë të dëmtojnë imazhin e Shqipërisë.
Unë nuk besoj, që mendon ndokush se ne, PS jemi përgjegjës për këtë degradim të
PD-së. Zgjedhjet kanë qenë të lira dhe të ndershme. Basha i humb zgjedhjet sa
herë përballet me ne. Basha i humb zgjedhjet edhe sikur të mos jemi ne fare
sepse shqiptarët nuk e duan. Jemi sot në një situatë, pas një proteste ku për
herë të parë pas shumë vitesh janë rrahur gazetarë me urdhra.
Në 2011 gazetari u plagos me plumb nga policia
e Sali Berishës së asaj kohe dhe nuk u godit nga protestuesit. Në 2019 nëse
gazetari vjen nga një media që nuk i pëlqen Bashës ai urdhëron që ai gazetar të
përjashtohet. Të gjitha këto janë shprehje e degradimit, e humbjes së
lidershipit. Ajo që është më e qartë është se sot jemi në një faze ku Policia e
Shtetit ka bërë krenar çdo qytetar. U tentua t’i vihet flaka institucione të
Këshillit të Ministrave, Kuvendit të Shqipërisë, institucioneve të tjera.
Goditja me molotov në çdo vend europian, përbën akt terorrist. Jemi sot në
kushtet kur ish-kryeministri i këtij vendi është inspiruesi kryesor. Basha një
lolo, komanda është Sali Berisha”, theksoi Balla.
Kryetari i PD-së, Lulzim Basha ka një rezultat
negativ në zonën e tij elektorale në zgjedhjet e qershorit 2017. Të paktën kështu
duket nga tabela e rezultateve zgjedhore të publikuar nga deputeti socialist
Ervin Bushati. Sipas të dhënave rezulton se Partia Socialiste në këtë zonë ka
fituar me 61 vota më shumë se PD. Bëhet fjalë për të njejtën kuti zgjedhore ku
ka votuar gjithë jetën Lulzim Basha. Mesa duket, shton deputeti socialist, Bashën
nuk e votojnë as fqinjët e tij.
Nga Ervin Bushati – Deputet i PS
“Fakti 1: Z. Lulzim Basha gjithë jetën e tij
ka votuar në të njëjtën kuti, #QV1929: që kur la lindur në shtëpinë e prindërve
të tij, me të njëjtët komshinj të cilët e njohin mirë që prej vitit 1974, këtu
në Njësinë #8 Tiranë.
Fakti 2: Z. Lulzim Basha në Zgjedhjet 2017
mori vetëm 33% të Votës së komshinjve të tij që e njohin që fëmijë: pra ka
humbur në Shtëpinë e tij. Mos harrojmë që kjo është një lagje që votonte
historikisht Djathas: që kur u bë Z. Basha kryetar, PD nuk fiton më aty!
Fakti 3: Në Zgjedhjet 2017, në #QV1929 ditën e
votës, komisionere të PS ishin 3 studente ekselente. As banda dhe as kriminelë:
por 3 vajza që ja ulën kokën kryetarit të PD, pikërisht pak metra nga ku ka
lindur e është rritur. Këto vajza janë MAKTHI I BASHËS?!
PS mori +61 vota më shume se PD datën
25.06.2017!
E ftoj Z. Basha: të gjejë CILA BANDË i vodhi
zgjedhjet pikërisht në SHTËPINË E TIJ?!
Ai pretendon më KOT se bandat dhe grupet
kriminale i kanë vjedhur votat. E quan jolegjitime Kuvendin që doli nga
zgjedhjet me demokratike të mbajtura ndonjëherë, standardet e së cilës i
garantoi vetë duke patur në drejtim gjithë institucionet më të rëndësishme në
vend.
Lulzim Basha hedh Bomba Ruse Molotov drejt
institucioneve të Shtetit Shqiptar; ndërsa kur ndodhej brenda tyre qëlloi dhe Vrau
protestuesit në Bulevard.
Ai DËSHTOI kur ishte pjesë e qeverisë, DËSHTOI
kur ishte në krye të Bashkisë Tiranë: por sot rrezikon seriozisht të ardhmen e
Partisë Demokratike, duke e tërhequr poahtë fatin e saj si “Parti e Dhunës” në
rrugë.
Nuk duhet harruar se, Mandati i deputetit
është kontrata me popullin për të përfaqësuar interesat e tij në Kuvend.
Protesta e sotme nuk tregon as përgjegjegjshmëri dhe as përmbajtje.
Pikëpamjet politike të ndryshme duhet të trajtohen përmes DEBATIT dhe DIALOGUT—> Në Kuvend”, shkruan deputeti Bushati.
