Një 32-vjeçar përfundoi në pranga pasi dhunoi fizikisht një mjek në Spitalin e Peqinit, në gjendje të dehur.
I riu, nën efektin e alkoolit, dhunoi mjekun me iniciale Y.T., për shkak të detyrës së tij. Pas ngjarjes 32-vjeçari me iniciale A.K. u arrestua nga policia.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Dy makina janë përplasur pasditen e të premtes në fshatin Pajovë të Peqinit, ku si pasojë kanë mbetur të plagosur katër persona. Fatmirësisht nga aksidenti nuk pati viktima.
Një mjet tip Benz është përplasur me një mjet tip Volkswagen në rrugën nacionale Elbasan-Pajovë.
Nga përplasja e fortë, të dy mjetet përfunduan në një lokal që ndodhej në anë të rrugës.
Ndërkohë, nga aksidenti mbetën të plagosur katër persona, tre prej të cilëve u dërguan me urgjencë në spitalin e Elbasanit.
Policia shkoi në vendin e gjarjes dhe nisi punën për zbardhejn e rrethanave të aksidentit.
Ende nuk dihet se kush ishte shkaku dhe faji në këtë aksident, ndërsa mjeti tip Volkswagen ka përfunduar sipër kofanos së mjetit Benz pas përplasjes.
E diela ka qenë një ditë me bilanc të rënduar, pasi kanë ndodhur të paktën tre aksidentete në rrugët e vendit. Pasditen e të dielës, tre makina mësohet se janë përplasur në aksin rrugor Peqin-Elbasan. Si pasojë e këtij aksidenti, kanë mbetur të plagosur katër persona, tre shoferët dhe një grua, për të cilën raportohet se është në gjendje të rëndë shëndetësore.
Në aksident janë përshirë dy mjetet tip “Benz” dhe një “Mitsubishi”. Të gjithë të plagosurit janë transportuar në spitalin e Elbasanit për ndihmë mjekësore. Policia ka shkuar në vendin e ngjarjes pas aksidentit dhe ka nisur punën për zbardhjen e tij.
Ndërkohë, gjatë paradites, një vajzë e mitur mbeti e vdekur në një aksident që ndodhi në rrugën e Kombit, pasi babai i viktimës humbi kontrollin e mjetit dhe u përplas në bordurë anësore. Gjithashtu, një kampion është aksidentuar në aksin rrugor Burrel-Milot, por fatmirësisht shoferi është hedhur para kohe nga kabina e mjetit, duke mos pasur lëndime.
Një grua 50-vjeçare është gjetur e vdekur në shinat e trenit në aksin hekurudhor Peqin- Elbasan. Trupi i dëmtuar dhe pa shenja jete e gruas është gjetur në afërsi të fshatit Lazaren të Peqinit.
Viktima me iniciale M.B. , 50 vjeç, mendohet të jetë përplasur nga treni, duke mos mundur t’i mbijetojë plagëve të marra. Polica vijon hetimet për zbardhjen e plotë të shkaqeve të vdekjes së 50-vjeçares.
Policia e Peqinit ka arrestuar një 30-vjeçar, i cili kishte thyer masën e sigurisë “arrest shtëpie”. I dënuar është kapur në flagrancë duke lëvizur nëpër qytet, në thyerje të plotë të masës së tij të sigurisë.
30-vjeçari me iniciale B.H., është i dyshuari kryesor për vjedhjen e një banesë në Peqin dhe për këtë arsye ishte dënuar me “Arrest në shtëpi’. Por duket se ai nuk ka pasur ndërmend ta zbatonte këtë masë, pasi vazhdimisht lëvizte i lirshëm në zona të ndryshme të qytetit.
Policia bëri arrestimin tij në flagrancë, ndërsa materialet hetimore i kaluan Prokurorisë pranë Gjykatës së Shkallës Parë Elbasan, për veprën penale “Largimi i të burgosurit nga vendi i qëndrimit”.
Një 24 vjeçar është shpallur në kërkim pasi akuzohet për vjedhjen e një banesë në fshatin Çelhakaj.
Shtetasi D.T., 24 vjeç është identifikuar në kohë rekord, pas denoncimit të bërë nga shtetasi I.B., të cilit iu vodhën një sasi e konsiderueshme parash brenda në banesë.
Policia vijon punën intensive për kapjen e autorit.
Ministria e Drejtësisë ka shpërndarë një komunikatë këtë fundjavë, ku njofton se gjatë kontrolleve të kryera në dy burgje të vendit, ku sipas njoftimit, mësohet se janë sekuestruar 22 doza narkotike dhe 4 aparate celularë.
“Në kuadër të rritjes së kontrolleve e sigurisë në sistemin e burgjeve dhe në bazë të informacioneve të marra në rrugë operative nga ana e SHKBB-së, u konstatua se në datë 18.05.2019 në IEVP Korçë, i dënuari B. L, i sapo kthyer nga leja shpërblyese kishte transportuar 22 doza narkotike, në qese plastike, duke i gëlltitur. Pasi u krye ekografia u konstatua se në stomak ka edhe doza të tjera”.
“Veç masave të menjëhershme të ndërmarra nga autoritetet e burgut, Shërbimi i Kontrollit të Brendshëm në Burgje dhe Policia e Shtetit, po kryejnë veprimet proceduriale dhe hetimore për veprën penale të “Prodhimi dhe shitja e narkotikëve” parashikuar nga neni 283 i Kodi Penal dhe “Futja ose mbajtja e sendeve të ndaluara në institucionin e ekzekutimit të vendimeve me burgim” parashikuar nga neni 324/a i Kodit Penal”, thuhet në komunikatën e Ministrisë së Drejtësisë.
Më tej, në vijim të komunikatës, mësohet se nga i njëjti kontroll rutinë në burgun e Peqinit, janë gjetur dhe sekuestruar 4 aparate cecularë, të cilët ishin fshehur në pajisjet elektroshtëpiake.
“Në po këtë datë, në vijim të kontrolleve në sistemin penitenciar nga ana e Policisë së Burgjeve, në IEVP Peqin, u krye kontroll në disa qeli në sektorin e sigurisë së lartë dhe u gjetën 4 aparate celular të fshehura në pajisjet elektroshtëpiake të të dënuarve D. H dhe E. H”.
“Pas masave të menjëhershme të ndërmarra nga autoritetet e IEVP-së, Shërbimi i Kontrollit të Brendshëm në Burgje po kryen veprimet e para proceduriale dhe hetimore për zbardhjen dhe dokumentimin për veprën penale të “Futja ose mbajtja e sendeve të ndaluara në institucionin e ekzekutimit të vendimeve me burgim” parashikuar nga neni 324/a i Kodit Penal”.
Policia ka zbardhur ngjarjen e ndodhur disa ditë më parë në Peqin, ku një 75 vjeçar u dhunua dhe më pas u grabit në banesën e tij.
Policia ka bërë të mundur arrestimin e 3 personave, të dyshuar si pjesëmarrës në grabitje, përkatësisht B.H., 30 vjeç, M.Ll., 27 vjeç, të dy banues në Peqin dhe E.Sh., 27 vjeçe , banuese në Durrës si dhe është shpallur në kërkim, shtetasi S.I., 19 vjeç.
Arrestimi i tyre u bë pasi, dyshohen se në bashkëpunim me njëri- tjetrin, kanë vjedhur në banesën e shtetasit S.Z., një sasi të konsiderueshme parash.
Materialet hetimore i kaluan Prokurorisë pranë Gjykatës së Shkallës Parë Elbasan për veprën penale ” Vjedhja”.
Një çift bashkëshortor kanë dhunuar një tregtar dhe më pas kanë grabitur një shumë të konsiderueshme parash.
Ngjarja ka ndodhur në qytetin e Peqinit, ku viktimë e grabitjes ka rënë tregtari Skënder Beqiri, 75 vjeç, i cili është lidhur dhe dhunuar në banesën e tij nga një çift i paftuar.
Bashkëshortja e tregtarit ka thënë për mediat se autorët kanë grabitur 60 mijë euro dhe sende me vlerë. Efektivët blu kanë nisur hetimet për identifikimin e çiftit dhe zbardhjen e ngjarjes së plotë.
Sipas familjareve në shtëpi në momentin e grabitjes ka qenë vetëm 75 vjeçari, sipas të cilit i është shfaqur në derë një vajzë e cila ka kërkuar të përdori tualetin.
Janë zbardhur emrat e 5 personave të plagosur në aksidentin e sotëm në rrugën Elbasan-Peqin ku dy makina u përplasën kokë më kokë tek vendi i quajtur si kryqëzimi i Gjocajt.
Gruaja që ka humbur jetën në aksident është identifikuar si shtetasja Fatime Braho.
Ndërsa të plagosur kanë mbetur shtetasit: Kamer Beqiri, Gezim Braho, Ismail Hoxhallari, Florent Hoxhallari dhe Kristian Hoxhallari.
Në informacionin e parë zyrtar, policia konfirmoi aksidentin me tre të lënduar.
“Në vendi e quajtur “Kryqëzimi i Gjocaj” Peqin, janë përplasur dy mjete dhe si pasojë janë dëmtuar 3 shtetas , të cilët janë dërgua në spitalin e Peqit, nën kujdesin e mjekëve”, ka njoftuar policia paraprakisht.
Mësohet se makina në të cilën ndodhej viktima, ishin duke u kthyer nga një gëzim familjar, nga Durrësi në drejtim të Korçës ku banonin.