Një çift bashkëshortësh mbetën të plagosur mbrëmjen e të dielës në zonën e Alliasit në Tiranë. Sipas Balkanweb, ngjarja e rëndë ndodhi rreth orëve të vona të darkës të së dielës, në rrugën “Njazi Meka”.
Plagosja është bërë me armë zjarri, ndërsa ende nuk dihen motivet e saj. Të plagosurit janë dërguar me urgjencë drejt Spitalit të Traumës.
Çifti i bashkëshortëve të plagosur janë në gjendje të rëndë shëndetësore. Ngjarja ka ndodhur brenda një banesë.
Një 7-vjeçare u prek nga një plumb në pjesën e nofullës gjatë kohës që po kërkonte karamele në dyert e shtëpive sipas traditës së festës së Halloween. Vajza e shoqëruar edhe nga prindërit, po priste karamelet kur ra përtokë më plagë të rënda në fytyrë dhe njolla gjaku, një skenë vërtet e frikshme edhe për vete festën e Halloween. Fëmija u dërgua me urgjencë në spital dhe ndodhet në gjendje kritike për jetën.
Sipas hetimeve, policia tha se vajza u kap nga një plumb aksidental pas disa të
shtënave me armë që janë kryer në një vend tjetër, jo shumë larg zonës. Ngjarja
e rëndë ndodhi në Chicago, SHBA.
Një 16-vjeçar mbeti i plagosur rëndë me disa plagë thikë në trup, pas një sherri me bashkëmoshatarët e tij. Sipas dëshmitarëve sherri ka ndodhur mes disa bashkëmoshatarëve që degjeneroi në përdorimin e thikave. Për pasojë mbeti i plagosur rëndë 16-vjeçari me iniciale K.Q., ndërsa autorët janë larguar me vrap nga vendi i ngjarjes.
Adoleshenti ndodhet në reanimacion nën kujdesin e mjekëve, ndërsa ende nuk ka kaluar gjendja e rrezikut për jetën. Ngjarja e rëndë ka ndodhur në lagjen nr. 17 të Durrësit gjatë paradites së diel.
Policia ka nisur hetimet për identifikimin e autorëve dhe ngjarjes se si ndodhi plagosja. Gjithashtu pritet të merret dhe dëshmia e të plagosurit.
Prona është kthyer sërish në një burim konflikti dhe krimi në një familje shqiptare. Konfliktet e pronësisë kanë nisur një sherr mes dy vëllezërve në moshë të thyer, konkretisht 72 dhe 67 vjeç.
72-vjeçari me iniciale A.G., goditi me mjete të forta të vëllanë 67 vjeç, duke i shkarkuar plagë. I plagosuri është dërguar në spital dhe ndodhet jashtë rreziku për jetën.
Ngjarja e rëndë ndodhi në Lushnje, ndërsa policia po heton për zbardhjen e plotë të sherrit që përfundoi me plagosjen e njërit prej vëllezërve.
Një person mbeti i plagosur orët e vona në mbrëmjen e të mërkurës në Durrës. Personi i plagosur me armë është transportuar me urgjencë drejt Spitalit të Durrësit.
Policia e Durrësit dha informacion zyrtar për ngjarjen e ndodhur të mërkurën në mbrëmje. Sipas uniformave Blu, mësohet se mbrëmjen e të mërkurës, shtetasi me inicialet I.I., 42 vjeç plagosi me armë zjarri shtetasin me inicialet A.M.
Uniformat Blu nuk japin detaje të moshës së personit të plagosur, ndërsa ndodhet jashtë rrezikut për jetën. Sipas Policisë së qytetit bregdetar, ngjarja ndodhi për motive të dobëta. Materialet i kaluan Prokurorisë së Rrethit Gjyqësor Durrës për veprime të mëtejshme.
Një gërvishtje makine në mënyrë aksidentale shkaktoi një sherr mes dy personave, që më pas përfundoi në përdorimin e armëve të zjarrit. 27-vjeçatri Saimir Nikolla mbeti i plagosur në këmbë me dy plumba, pas një sherri për motive të dobëta. Ngjarja ka ndodhur rreth orës 11:05 të së shtunës, në afërsi të tregut të qytetit të Lezhës.
27-vjeçari i plagosur dhe autori, gjatë shkëmbimit u fërkuan me automjetet e tyre, ku lindi dhe sherri, pasi u gërvishtën makinat. Pas debatit, autori morri pistoletën dhe qëlloi dy herë në drejtim të 27-vjeçarit duke e plagosur në këmbë nga një distancë 700 metrash. Fatmirësisht nga të shtënat nuk ka pasur të lënduar të tjetër edhe pse zona ishte e populluar me njerëz. Sipas hetimeve, policia nuk përjashton mundësinë që mes dy të rinjve të ketë pasur ndonjë konflikt të mëparshëm.
I plagosuri u dërgua me urgjencë në spitalin e Lezhës dhe pas marrjes së ndihmës së parë u transportua drejt Spitalit të Traumës në Tiranë për ndërhyrje më të specializuar.
Policia është në kërkim të autorit të ngjarjes, identiteti i të cilit nuk bëhet i ditur për arsye hetimi. Gjithashtu, u shoqëruan në komisariat disa persona, të cilët u morën në pyetje rreth ngjarjes.
Një darkë familjare, që nisi me buzëqeshje dhe përfundoi me përdorimin e thikave dhe të plagosur rëndë, ka ndodhur në Itali. Ngjarja u zhvillua mes dy shtetasve shqiptarë ku një 30-vjeçar qëlloi me thikë kunatin e tij të ardhshëm 37-vjeçar, pasi e kishte ftuar atë për darkë.
Sherri nisi për motiv banale, që degjeneroi në përdorimin e thikës nga
30-vjeçari duke e plagosur në pjesën e bërrylit dhe barkut, duke i shkaktuar
dëmtim të mushkërive.
37-vjeçari, i plagosur, kishte shkuar në banesën e të fejuarës së tij për darkë, kur pas një debati verbal është sulmuar me thikë nga kunati, 7 vite më i vogël.
Policia ka bërë arrestim e autorit, gjatë kohës që po tentonte të largohej me makinën e tij.
Një person i shpallur në kërkim për plagosje me armë zjarri është vetëdorëzuar në polici, duke i dhënë fund arratisë së tij. Shtetasi J.Hoxha, 28 vjeç, është vetëdorëzuar në Policinë e Korçës, pasi ka plagosur më armë zjarri shtetasin Ilir Hoxha, 48 vjeç. Dorëzimi i tij ka ndodhur pas bashkëpunimit të policisë me familjarët, të cilët kanë bindur të riun.
Ngjarja ka ndodhur më 7 shtator, ku pas një sherri për motive të dobëta, 28-vjeçari ka marrë një kallashnikov dhe ka qëlluar në drejtim të 48-vjeçarit duke e lënë të plagosur rëndë. Më pas autori është larguar nga vendi i ngjarjes me makinën e tij tip “BMW”. I plagosuri ka marrë plagë të rënda në shpatull duke i dëmtuar mushkërinë, për shkak të gjendjes së rëndë ai është dërguar në spitalin e Traumës në Tiranë, ku ndodhet jashtë rreziku për jetën.
Pas vetëdorëzimit të 28-vjeçarit, policia ka sekuestruar armën tip kallashnikov dhe makinën me të cilën u arratis i riu, si provë materiale.
Një ngjarje e rëndë ka ndodhur pasditen e të hënës në Klos, ku një 52-vjeçar është vetëplagosur me armë zjarri dhe më pas ka gjetur vdekjen në spital. Pasditen e të hënës, u raportua për një plagosje me armë zjarri.
Ngjarja u raportua se kishte ndodhur në fshatin Kurdari të bashkisë së Klosti. Menjëherë pas marrje së njoftimit në vendin e ngjarjes. Pas verifikimeve të kryera në terren, policia ka dalë me një njoftim paraprak ku shprehet se;
“Rreth orës 15.15, është vetëplagosur me armë zjarri në banesë shtetasi M.N, rreth 52 vjeç, banues në Klos, i cili ka humbur jetën në spital. Grupi hetimor vijon hetimet në vendngjarje për zbardhjen e shkaqeve të kësaj ngjarjeje”.
Dy të vdekur dhe dy të plagosur është bilanci i një sulmi të ndodhur në një nga lagjet e Prishtinës. Një person ka qëlluar me armë zjarri në drejtim të këtyre 4 personave, ngjarje e ndodhur rreth orës 16:00 në rrugën Muharrem Fejza në Prishtinë. Menjëherë në vendin e ngjarjes ka shkuar policia, ku ka bërë transportimin në spital të 4 të plagosurve. Dy prej të plagosurve humbën jetën në spital, ndërsa dy të tjerët ndodhen në gjendje kritike.
Dyshohet se ngjarja e rëndë ka ndodhur për motive pronësi, ndërsa policia vijon hetimet për kapjen e autorit.
Një video nga vendi i ngjarjes tregon një person me armë që qëllon ndaj 4 personave dhe më pas është larguar, ndërsa të plagosurit shfaqen të shtrirë në mes të rrugës.