Një konflikt me armë zjarri ka ndodhur në fshatin Dorëz të Tiranës, mesditën e së shtunës. Një person ka mbetur i plagosur rëndë ndërsa autori i krimit është arrestuar nga policia.
Mësohet se dy personat e konfliktuar janë kushërinj.
I plagosuri Enver Karaj u transportua drejt spitalit për të marrë shërbimin e duhur mjekësor, ndërsa në pranga ka rënë Flamur Karaj.
Nuk dihet ende arsyeja e sherrit mes tyre.
Pas një sherri me thika, në Sauk ka mbetur i plagosur mëngjesin e së martës një i ri 27-vjeçar. Sipas policisë, 27-vjeçari me iniciale E.M., ndodhet jashtë rrezikut për jetën.
Sherri ka ndodhur në parkingun e një hoteli në Sauk. Në vendngjarje ka shkuar policia dhe është ngritur grupi hetimor që po punon për zbardhjen e plotë të incidentit.
Ndërkohë mësohet se policia ka ngritur pika kontrolli për kapjen e autorit N.N., i cili është shpallur në kërkim.
Një emigrant shqiptar është protagonisti i një ngjarje të rëndë në Itali, ku pas një sherri banal ka goditur me çekiç gruan, fqinjën dhe më pas ka goditur veten. Mediat italiane shkruajnë se 65-vjeçari shqiptar, emri i të cilit ende nuk është publikuar, ka humbur arsyen në kulmin e një debati dhe më pas ka marrë çekiçin dhe ka goditur bashkëshorten.
Ngjarja ndodhi këtë të hënë rreth orës 09:40 në shtëpinë e çiftit në Paullo, provincë e Milanos.
Sipas mediave italiane, 65-vjeçari që kishte mbetur pa punë prej pak kohësh është shtruar në spital, ndërsa rrezikon seriozisht jetën. Po ashtu edhe bashkëshortja e tij 59-vjeçare.
Në gjendje më të stabilizuar ndodhet fqinja e tyre, një 77 vjeçare që shqiptari i gjeti në shkallë teksa dilte nga shtëpia. Në inat e sipër, siç shkruan “La Repubblica”, ai goditi edhe mbi të.
Sherri mes çiftit, sipas policisë së San Donato, kishte shpërthyer për arsye të parëndësishme. Po sipas tyre, nuk ka ankesa të mëparshme nga gruaja kundër bashkëshortit të saj, i cili tani është nën arrest.
13 persona kanë mbetur të plagosur, mes tyre edhe një vajzë e vogël, nga një shpërthim i fuqishëm në qendër të Lyon në Francë. Mendohet se bomba ishte vendosur mes lokaleve në një pedonale dhe në brendësi të saj ka pasur gozhdë, vida dhe bulona, që u gjetën të shpërndara në rrugë.
Sipas raporteve të policisë autori është larguar me shpejtësi me një biçikletë pas vendosjes së bombës. Fatmirësisht asnjë nga të plagosurit nuk ndodhet në gjendje kritike për jetën.
Dëshira për të shëtitur me makinë edhe pa pasur moshën për të pasur një leje drejtimi nuk i ka penguar 3 adoleshentët të ndërmarrin këtë aventurë. Fatkeqësisht kjo shëtitje ka rezultuar me humbjen e kontrollit të mjetit dhe plagosjen e tre adoleshentëve.
Policia e Fierit ka raportuar se aksidenti ka ndodhur rreth orës 17:00, në vendin e quajtur “Kraps”, ku mjet tip “Renault” humbi kontrollin dhe ra në një kanal anash rrugës.
Mjeti drejtohet nga shtetasi me iniciale A.A, 15 vjeç, i cili ka mbetur i plagosur së bashku me dy pasagjerët e tjerë K.A, 15 vjeç dhe A.A, 15 vjeç, të gjithë banues në Kraps, Fier.
Tre adoleshentët ndodhen jashtë rreziku për jetën dhe po marrin mjekimin e duhur në Spitalin Rajonal Fier.
Dy makina janë përplasur me njëra-tjetrën në aksin rrugor Fier-Patos, ku njëra prej të cilave ka përfunduar në kanal.
Në aksident janë përfshirë dy makina, një “Volsvagen” me drejtues shtetasin M.M, 30 vjeç, me një makinë tjetër “Benz”, i cili drejtohej nga një 25-vjeçar me inicialet A.G.
Shkak i aksidentit është bërë parakalimi i gabuara i makinës tip “Benz” duke detyruar makinën tjetër të devijojë për të shmangur përplasjen. Kjo ka bërë që makina të përfundojë në kanal dhe të mbeten të plagosura dy gra, pasagjere në këtë makinë.
Nga aksidenti kanë mbetur të plagosura shtetaset me inicialet E.M, 77 vjeç dhe D.M., 52 vjeç.
Pas përplasjes së efektivëve blu me disa banorë tek Unaza e Re, kanë mbetur të plagosur 4 policë.
Në një deklaratë për mediat policia ka thënë se efektivët janë plagosur pas goditjes me objekte të forta.
“Gjatë tubimit të paligjshëm zhvilluar sot në mesditë në aksin kryesor rrugor në zonën e Unazës së Re, një grup protestuesish kanë goditur me sende të forta duke plagosur 4 punonjës policie, 3 nga forcat “Shqiponja” dhe 1 nga FNSH. Efektivët e Policisë po marrin ndihmë mjekësore në Spitalin e Traumës në Tiranë dhe janë jashtë rrezikut për jetën. Në orët e pasdites policët e lënduar i vizitoi në spital Drejtori i Përgjithshëm i Policisë së Shtetit Ardi Veliu dhe drejtues të larte të PSH.
Policia e Shtetit nën drejtimin e Prokurorisë po vijon veprimet procedurale dhe hetimore për të përballur me drejtësinë, autorët e sulmit mbi forcat e rendit.” – thuhet në njoftimin e policisë
5 persona kanë mbetur të plagosur si pasojë e një aksidenti të rëndë të ndodhur në aksin rrugor Milot-Fushë Krujë.
Ngjarja e rëndë ka ndodhur në vendin e njohur si “mbikalimi i Patokut”, ku dy makina janë përplasur me njëra-tjetrën kokë më kokë.
Personat e plagosur janë shtetasi me inicialet E.P., 28 vjeç, drejtuesi i një prej automjeteve, A.I., 30, drejtuesi i automjetit tjetër, si dhe 3 pasagjerët F.N., 32 vjeç, A.H., 34 vjeç dhe M.N., 27 vjeç.
Personat e plagosur janë dërguar në spitalin e Traumës në Tiranë, ndërsa policia ka nisur hetimet për zbardhjen e plotë ngjarjes.
Policia e Fierit ka arrestuar një 66-vjeçar, pasi në gjendje të dehur ka qëlluar me thikë në kokë një bashkëqytetarin e tij.
Arrestohet Gani Kasëmi, 66 vjeç, banues në Fier, pasi ka plagosur duke i shkaktuar dëmtime në kokë një 57-vjeçari, identiteti i të cilit nuk bëhet i ditur. I plagosuri ndodhet jashtë rreziku për jetën.
Autori do të gjykohet për veprën penale “Vrasje e mbetur në tentativë”.
Dy të rinj kanë mbetur të plagosur mbrëmë në Mëzes gjatë një sherri me armë. Një nga të plagosurit mësohet se është 17-vjeçari J.H, i cili ka marrë një plumb në këmbë, ndërsa 24 vjeçari Z.Q. është plagosur me mjete të forta.
Sherri ka ndodhur mbrëmë rreth orës 22.00 në Fushë Mëzez, ndërsa autori i dyshuar i ngjarjes është I.E.
Grupi hetimor po punon për zbardhjen e plotë të rrethanave të ngjarjes, ndërsa policia është vënë në kërkim të autorit të dyshuar.