Njё pikё e re
kulmore e protestave nё Pragё: Disa qindra mijёra vetё tё dielёn (23.06) morёn
pjesё nё protestёn kundёr kryeministrit Andrej Babis dhe qeverisё sё tij. Kjo ishte protesta mё e madhe nё Pragё qysh
prej 30 vjetёsh, sipas tё dhёnave tё organizatorёve, me rreth 250.000
pjesёmarrёs. Pёr shkak tё mbingarkesёs u bllokuan shёrbimet e telefonisё
mobile. Njё linjё e metrosё u detyrua tё ndёrpresё qarkullimin pёr shkak tё
dyndjes sё njerёzve.
Vendi i grumbullimit
tё protestuesve ishte rashnalfta Letna mbi lumin Vitava, njё vend me forcё
simbolike nё Çeki. Sepse kёtu nё afёrsi tё Ministrisё sё Brendshme nёntorin e
vitit 1989 u zhvilluan demonstratat mё tё mёdha tё revolucionit pёr pёrmbysjen
e diktaturёs komuniste. Asokohe protestat ҁuan nё rrёzimin e regjimit socialist
tё Çekosllovakisё.
Aktivistёt kёrkojnё
hetime tё pavarura kundёr multimiliarderit Babis si dhe dorёheqjen e
menjёhershme tё tij. Mbi 400.000 vetё kanё nёnshkruar njё peticion nё internet.
Themeluesi i partisё populiste ANO akuzohet, se ka pёrfituar ilegalisht prej
subvencioneve tё BE-sё dhe si sipёrmarrёs ai ndodhet nё konflikti interesi me
postin qё drejton. 64 vjeҁari i hedh poshtё akuzat dhe refuzon tё dialogojё me
demonstruesit. Nё Çeki ndёrkohё multimiliarderin e kёrcёnon njё padi.
Babis akuzohet edhe
se nё vitet 80-tё ka bashkёpunuar me policinё sekrete komuniste. Me njё pasuri
prej rreth katёr deri nё pesё miliardё Euro Babis konsiderohet si pasaniku
numёr dy i Çekisё. Mё 2011 Babis themeloi lёvizjen populiste tё protestёs ANO
dhe mё 2014 u bё ministёr i Financave. Nё fund tё majit 2017 ai u shkarkua nga
posti nёn dyshimet pёr evazion fiskal.
Njё gjysmё viti mё pas partia e sapo themeluar prej tij ANO fitoi zgjedhjet parlamentare. Pёr shkak tё akuzave pёr mashtrime kundёr Babis partitё e tjera fillimisht refuzuan tё hyjnё nё koalicion me tё, por me populistёt dhe partinё e tij ANO Babis krijoi koalicionin qeverisёs. Qeveria e pakicёs e pёrbёrё nga ANO dhe CSSD tё mёrkurёn (26.06) do tё pёrballet me mocionin e votёbesimit nё parlament. Vёzhguesit e konsiderojnё si tё pamundur suksesin e opozitёs, sepse komunistёt (KSCM) kanё deklaruar, qё do ta mbёshtesin kabinetin qeveritar, qё qeveris qysh prej njё viti. /DW/
Mijëra mbështetës të opozitës në Shqipëri, disa
që mbanin veshur maska me fytyrën e kryeministrit Edi Rama, u mblodhën jashtë zyrës
së tij ndërsa vazhduan protestën kundër qeverisë së tij.
Disa mbanin banera me mbishkrimin “Jo zgjedhje
pa opozitën”, ose “Rama ik”.
Pavarësisht protestave të opozitës që kanë
nisur që në mes të muajit Shkurt, kryeministri Rama, njëkohësisht dhe kryetar i
Partisë Socialiste, ka thënë se është i vendosur që të mbahen zgjedhjet e 30
qershorit.
“Zgjedhjet i përkasin njerëzve dhe askush
nuk mund ta minojë këtë të drejtë thelbësore të sistemit tonë”, është shprehur
Rama.
Partitë e opozitës së qendrës së djathtë po
bojkotojnë zgjedhjet dhe prej disa muajsh kërkojnë zgjedhje të parakohshme, ndërsa
akuzojnë qeverinë për manipulimin e votave.
Rama tha se qëllimi kryesor i tyre është të
prishin përpjekjet e vendit për të nisur negociatat e anëtarësimit me Bashkimin
Evropian.
“E gjithë kjo bëhet për këtë arsye, për të
ndikuar negativisht. Është bërë për të treguar në Evropë se ky vend nuk është i
qëndrueshëm, se ky vend nuk meriton të merret seriozisht dhe është një plan i
tërë, është e qartë; madje as sekret, është e qartë, është e hapur, është duke
u shpalosur çdo ditë, ju e dini”.
Megjjithatë gjatë protestës së të premtes,
disa protestues valëvitën flamujt e SHBA-së, BE-së, dhe Gjermanisë.
“Ne po kërkojmë për të drejtat tona, ata
(qeveria shqiptare) na i kanë vrarë për gjashtë vjet që kur kanë qenë në
pushtet”, tha një protestues, Novalik Dokaj.
Një tjetër protestues Enver Ibraj, tha: “Kemi
dalë në protestë që të rrëzojmë qeverinë. Është qeveri e krimit dhe e drogës”.
Për herë të parë që nga fillimi i protestave, gjatë të premtes nuk u hodh asgjë kundër policisë. Kjo erdhi si rezultat i thirrjeve intensive nga vendet perëndimore për të ndaluar dhunën./euronews
Kreu i Bashkisë së Tiranës, Erion Veliaj ka
përgëzuar kreun e Partisë Demokratike, Lulzim
Basha për protestën paqësore që zhvilloi. Por urimi ironik i Veliajt e kishte
bishtin prapa: sipas tij protesta e te premtes tregoi se kush ishte autori i dhunës
se mëhershme: opozita dhe askush tjetër.
Gjatë protestës të së premtes nuk pati asnjë
lloj incidenti, madje munguan edhe shashkat dhe tymueset, që kanë qenë
gjithmonë të pranishme në çdo protestë të opozitës. Duket se paralajmërimet e
ndërkombëtarëve nuk kanë rënë në vesh të shurdhët. Së paku për protestën.
Veliaj e thelloi ironinë dhe e quajti protestën
si “një kthesë fantastike të opozitës” për të marrë pjesë në zgjedhjet e 2021
si pjesë e alternativave të reja, pasi për 30 qershorin, tha ai, tashmë nuk bëhet
gjë. Partia Socialiste do të futet e vetme në zgjedhje, por edhe pse pa kundërshtar,
ato janë plotësisht të ligjshme, për komunitetin ndërkombëtar, OSBE dhe Shtetet
e Bashkuara.
“Urime PD Shqipëri dhe Lulzim Basha për protestën e parë paqësore – provë se dhuna dhe paqja në Tiranë varet nga ju e nga askush tjetër! Një kthese fantastike që krijon hapësira për ide e alternativa për Zgjedhjet 2021. Ndërkohë në 30 Qershor jemi njësoj, gishtat lart nr.2”, shkruan Veliaj.
Kryetari i PD-së, Basha ka bërë thirrje për pjesëmarrje
në protestën e mbrëmjes së të premtes, duke ftuar “njerëz të lirë dhe me
dinjitet” dhe duke dhënë garanci se nuk do të ketë dhunë. Megjithatë si në çdo
protestë policia ka marrë masat si zakonisht, duke vendosur gardhet dhe telat në
mbrojtje të institucioneve shtetërore.
Rrethimi metalik me tel është bërë në godinën e
parlamentit dhe në atë të kryeministrisë, ndërkohë që edhe opozita ka marrë
masat duke ngritur podiumin ku do të flasë Basha.
Ashtu siç ka ndodhur edhe në protestat e mëparshme, edhe sonte në mbrëmje do të angazhohen rreth 2000 efektivë policie, ose 500 më shumë sesa herët e fundit, për të siguruar mbarëvjatjen e tubimit dhe shmangien e incidenteve. Në qiellin e Tiranes jane parë edhe helikopterë. Realstory.al pyeti mbi këtë çështje pranë autoriteteve, nga ku u mësua se ai është helikopteri i këngëtares dhe modeles Carla Bruni, pasi ajo bashkë me ish-presidentin francez Sarkozy, janë pritur nga Rama në kryeministri.
Për protestën, opozita nga ana e saj ka kërkuar 4 orë, por policia ia ka kufizuar këtë zyrtarisht në vetëm dy. Gazetarët e Realstory.al janë në terren. Këto janë disa prej fotove dhe videove që ata kanë sjellë.
PROTESTA LIVE
Basha
para protestuesve: Nuk ka zgjedhje më 30 Qershor. Ai do të jetë varreza
politike për Edi Ramën
Edi Rama marshon drejt gushtit të shtetit,
drejt votimeve pa opozitën, me KQZ të paligjshme, me karta identiteti të
paligjshme. Ta dijë mirë Edi Rama se nuk ka zgjedhje më 30 qershor, nuk bëhet
asnjë hap pas. Aleanca qytetare është në këmbë, beteja vazhdon qytete më qytet,
fshat më fshat, demokracia është në këmbë kundër krimit. Çdo tentativë për të
provokuar shqiptarët do të dështojë, ndërsa 30 qershori do të jetë varreza
politike e Edi Ramës dhe e riindjes. Këto mesazhe të qarta, që shumëkush prej
jush i di fare mirë, i bëjmë sonte të qarta për këdo që nuk i di, nuk do të
ketë më në Shqipëri zgjedhje me Edi Ramën, nuk do të ketë proces politik pa
dënuar hajdutët e votave. Ky është standardi i Europës dhe Perëndimit. Nuk ka
paqe pa drjetësi, nuk ka zgjedhje pa drejtësi.
Basha:
Kriza nuk do të mbyllet me Pazar. Largimi i Ramës dhe ndëshkimi i hajdutëve të
votave janë të panegociueshëm
Përfaqësuesit e përfaqësive perëndimore gjatë
javës së shkuar më në fund kanë kuptuar se përballë tyre ka qenë jo një
kryeministër, por një kryemafioz. Atyre dua t’u them se standardi europian i
kësaj zgjidhjeje kalon përmes dy hapave të panegocieshëm.
1. Largimin e Edi Ramës.
2. Zgjedhje politike pa nxjerrë nga qelitë
vëllezërit dhe motrat tona, se janë aty se protestian për Europën, për
Amerikën, pa futur aty ata që vodhën votën, nuk ka zgjidhje politike.
Ne ua kemi borxh shqiptarëve që këtë krizë të
thellë të mos e mbyllim thjesht me një marrëveshje politike bazuar mbi pazare,
Kjo krizë politike duhet dhe do të mbyllet jo me pazare por mbi parime dhe sot
dua ta them qartë dhe prerë se parimi i parë është çuarja para drejtësisë dhe
prapa hekurave të burgut të atyre që u vodhën votën shqiptarëve.
Protestuesit
“rrëzojnë” bustin e Ramës
Militantët e PD dhe LSI kanë rrëzuar bustin
simbol të instaluar përpara kryeministrisë. Busti i cili ishte vendosur në
bulevard i përngjante atij të Enver Hoxhës ndërkohë që mbante fytyrën e Edi
Ramës.
Pamjet me dron! Protesta e opozitës, e vakët
Në protestën e nëntë të opozitës vihet re se
vërtetë ka pasur një qasje ndryshe, duke shtuar numrin e grave dhe vajzave
ndryshe nga protestat e tjera, ku kanë dominuar meshkujt dhe ka pasur dhunë, por
nga video e realstory.al rezulton se pjesëmarrja ka qenë në nivele të ulëta.
Video tregon pjesëmarrje tejet të ulët edhe
pse opozita kishte shtyrë me një orë protestën, duke ndryshuar orarin me
protestat e tjera për shkak të temperaturave të larta.
Opozita
shton gra dhe fëmijë në protestë
Ndryshe nga protestat e tjera , opozita ka
zgjedhur sot që në protestë të sjellin gra dhe vajza, fëmijë dhe të rinj.
Ndryshe nga protestat e mëparshme që kanë pasur në masë vetëm prani të burrave,
në këtë tubim të nëntë të opozitës, bie në sy prania e shtuar e grave dhe
vajzave. Në protestë kanë marrë edhe fëmijët, teksa shumë janë parë edhe të
moshoave të vogla, ende në karrocë. Ishte lideri demokrat Lulzim Basha që
mbrëmë tha se edhe ai vetë do të jetë në protestë me bashkëshorten dhe dy
vajzat e tij.
15 minuta para protestës, bulevardi i boshatisur
“Rama
në shtrat me krimin” Pankartat në protestë dosja 184 e 339
Për Partinë Demokratike, simbolet e protestës
së sotme janë frymëzuar nga përgjimet e dosjes 339 dhe 184, të vjedhjes së
zgjedhjeve nga Edi Rama në bashkëpunim me krimin dhe me njerëzit e tij të
korruptuar në qeveri, polici, administratë. Një shtrat i madh qëndrojnë të rinj
me portretet e Edi Ramës dhe të personave me të cilët, opozita e akuzon se ka bashkëpunuar.
FRPD sjell
bustin e Enver Hoxhës me fytyrën e Ramës
Të rinjtë e FRPD kanë ideuar në protestën e nëntë kombëtare të opozitës një statujë të ish-diktatorit Enver Hoxha me fytyrën e Edi Ramës. Ata kanë marshuar nga selia blu drejt kryeministrisë bashkë me simbolin e tyre.
Vetëm pak orë para mbajtjes së protestës së nëntë
kombëtare të opozitës, Bashkimi Europian ka bërë një deklaratë zyrtare drejtuar
organizatorëve të protestës, ku u kërkon dhe u bën thirrje njëkohësisht të mos
skaktojnë dhunë, pasi do të jenë përgjegjës për të.
“Ne e respektojmë dhe e mbështesim plotësisht të drejtën themelore të qytetarëve të Shqipërisë për të demonstruar. Në të njëjtën kohë, vazhdojmë të theksojmë rëndësinë e ushtrimit të kësaj të drejte në mënyrë të rregullt dhe paqësore. Ne jemi të shqetësuar nga episodet e fundit të dhunës që kanë ndodhur në disa rajone të vendit”, thuhet në deklaratë.
Dhuna nuk do të “tolerohet në asnjë rrethanë” shprehet BE, që u thotë drejtuesëve të opozitës se ata do të jenë përgjegjës kryesor për çdo incident, ndërkohë që mesazhi kryesor në deklaratë është thirrja për dialog.
Ashtu siç Luigi Soreca shkruante ditën e
publikimit të konkluzioneve të raportit të Këshillit të Europës për hapjen e
negociatave me Shqipërinë, se palët politike duhet të ulen urgjentisht në
dialog për zgjidhjen e situatës dhe
konsolidimin e reformave, edhe në deklartën e së premtes, mesazhi mbetet i njëjtë,
madje më i theksuar.
“Ne vazhdojmë t’i bëjmë thirrje të gjitha palëve për të treguar vullnet të fortë politik dhe për t’u angazhuar urgjentisht në një dialog konstruktiv për të kapërcyer situatën politike aktuale, si dhe për të mbështetur dhe konsoliduar progresin e bërë nga Shqipëria në procesin e reformave”, shkruhet në deklaratën e Bashkimit Europian.
Në fakt, ky mesazh është në koherencë të plot me të gjitha mesazhet e dhëna dhe nga partnerë të tjerë ndërkombëtar, të cilët në mënyrë të vazhdueshme, edhe gjatë të premtes, i kanë këruar opozitës dhe palëve të tjerë të ulen për të dialoguar. Zëri mesaduket është dëgjuar, pasi palët politike në Shqipëri, përfshi kreun e shtetit, kryeministrin dhe liderin e opozitës, kanë dhënë shenja “paqtimi”.
Kriza politike në vend ishte tema e debatit në
studion e “Real Story” drejtuar nga Sokol Balla. Paneli i të ftuarëve i përbërë
nga deputetja e opozitës Rudina Hajdari dhe deputeti i PS Ilir Beqaj, së bashku
me analistët Alfred Lela, Arian Vasiari dhe Eduart Zaloshnja, kanë trajtuar gjerësisht
zhvillimet e orëve të fundit të aktualitetit në vend, duke nisur me mitingun
elektoral të kryeministrit në Shkodër dhe anti-mitingun e Voltana Ademit, dhe
kulmuar me sinjalin që kanë dhënë liderët politikë në vend për shkuarjen drejt
dialogut.
“Si përfaqësuese e parlamentit do të doja që gjërat të mos acaroheshin. Shikojmë diçka më të zbutur nga të gjitha palët. Nëse do kemi marrëveshje jemi në një situatë pazari dhe nuk do justifikohet fare kjo sakrificë e PD-së. Ajo që shoh unë si të rrezikshme është nëse këto palë nuk ulen në tavolin, çfarë do ndodhi pas dy vitesh. Duhet të ketë patjetër ndëshkueshmëri për politikanët e papërgjegjshëm”, tha Rudina Hajdari, e pyetur nëse palët politike mund të shkojnë në një marrëveshje.
“Për mua marrëveshja vjen ps 30 qershorit. Kjo datë do jetë, pas saj do të ketë një marrëveshje të madhe. Do të jetë i vështirë, do jetë një 30 qershor për ti shpëtuar nderin dhe turpin të gjithëve”, tha analisti Alfred Lela.
“Ngjarjet e Shkodrës sot janë shumë të rëndësishme për të matur temperaturës për arritjen e një mrrëveshje ose jo. Sot pamë një miting paqësor, kryetarja e bashkisë dhe Flamur Noka bënte thirrje që të mos ishin të dhunshëm. Nëse do të kishte qenë ajo trajektore që kulmoi me djegien e shkollës, kjo për mua është një shenjë se diçka po bisedohet. Do arrihet një marrëveshje para datës 30, palët mund të respektojnë datën, por mund të bien dakord për një datë pas një viti pasi të bëhen ato reforma”, tha analisti Eduart Zaloshnja.
ILIR
BEQAJ: S`KA LËNDË PËR KONFLIKT CIVIL, ZGJEDHJET MË 30 QERSHOR
Deputeti i Partisë Socialiste, Ilir Beqaj, i
ftuar në emisionin “Real Story” në Vizion Plus, i është përgjigjur pyetjes së
bërë nga drejtuesi i emisionit, Sokol Balla, nëse kemi të bëjmë me situatën e
një konflikti civil apo jo. Beqaj u shpreh se nuk ka indicie që vendi të shkojë
në një përplasje të tillë. Sipas tij, ngjarjet e deritanishme, ku opozita ka
pasur reagime, kanë treguar se qytetarët nuk e mbështesin.
“Qyteti vetë nuk ka ndjesi konflikti civil, dhe nëse nuk e ka Shkodra, që ka pasur këto dy ditë një nxitje të madhe, kjo mendoj unë, që më çon tek ajo që thatë ju, që vendi do të ketë zgjedhje. Edhe në vatra të tjera ku ka pasur reagime të opozitës, njerëzit nuk e kanë mbështetur. Qeveria ka detyrën që të garantojë zgjedhësit dhe ata që duan të votojnë, të shkojnë të votojnë më 30 qershor. Nuk ka lënë për të pasur konflikt civil”, u shpreh Ilir Beqaj.
RUDINA
HAJDARI DEBATE ME ANALISTIN VASJARI: JU NUK JENI PËRFAQËSUES TË OPOZITËS REALE
Në emisionin “Real Story” të Sokol Ballës pati
një debat mes kryetares se grupit parlamentar të demokratëve në parlament,
Rudina Hajdari dhe analistit Arian Vasjari. Në çështjen e ngritur nga Vasjari
ishte nëse opozita në parlament është ajo reale apo jo, me të cilën mund të
diskutohet për zgjidhjen e krizës në vend. Ndërkohë që Rudina replikoi duke
thënë se opozitës nuk ja ka mohuar askush të drejtën të përfaqësohet në
parlament, por ka zgjedhur vetë këtë gjë.
Debati:
Rudina
Hajdari: Opozita zgjodhi vetë të mos përfaqësohet në
parlament. Ne kemi një sistem që nuk e përcaktojmë dot se kush nga deputet votohet
më shumë ose më pak.
Arian
Vasjari: A jeni ju opozita reale apo jo?
Rudina
Hajdari: Çfarë do të thotë opozitë reale apo jo? Po ju
them se nuk jemi në gjendje të verifikojmë se kush nga deputetët në atë listë
është votuar më shumë apo më pak. Ajo që po thoni është një hamendësim i juaji.
Arian
Vasjari: Ne nuk po bëjmë debat mbi sistemin këtu. Këtë
sistem që kemi hajde e diskutojmë. Ti nuk ma thua dot mua që unë jam
përfaqësuesja reale e opozitës, se pse dhe vetë nuk e ndjen këtë gjë.
Rudina
Hajdari: Ju nuk mund të flisni në emër të gjithë
shqiptarëve dhe pa fakte, ju jeni vetëm një zgjedhës
Arian Vasjari: Për mua jeni legjitim aty ku jeni, po a jeni përfaqësues real të opozitës që mund të diskutohet për zgjidhjes së krizës në vend? Sigurisht që nuk jeni.
A DO
KRIJOJË RUDINA HAJDARI PARTI TË RE? JA SI PËRGJIGJET NË “REAL STORY”
Në emisionin “Real Story”, drejtuesi i
emisionit Sokol Balla pyeti kryetaren e grupit parlamentar të deputetëve të
djathtë në parlament, nëse ajo dhe deputetë të tjerë janë duke ndërmarrë nismën
e një krimijimit të një partie të re. Hajdari, ndonëse nuk dha një përgjigje të
prerë, u shpreh se kjo nismës, sipas saj, kërkon ndryshimin e sistemit
zgjedhor, me qëllim që nëse kjo nismë do të konkretizohet, futja në farë të
jetë në kushte të barabarta.
“Formimi i një lëvizje të re kërkon dryshimin
e sistemit, sepse kështu nuk bëhesh dot pjesë e garës. Grupi jonë parlamentar,
pjesa më e madhe e opozitës që është në parlament, kushdo që do ti
bashkangjitet kësaj lëvizje për të ndryshuar sistemin, është puna jonë. Fundja
kemi pasur komisionin e reformës zgjedhore që nuk ka pasur asnjë rezultat. Nuk
duhet të harrojmë, pa pasur dakordësinë dhe pa përfshirë opozitën në
parlament…”.
“Sido që të shkojë marrëveshja, zgjidhja do
kalojë në rrugë institucionale. Reforma zgjedhore është kusht jo për të
zgjidhur krizën, por se ne do kryesojmë OSBE/ODIR. Unë nuk kërkova të dilja jashtë nga PD, madje
nuk kam asnjë letër që të më thotë që kam dalë nga PD. Unë jam anëtare e PD-së,
nuk isha unë ajo që zgjodha të isha jashtë Partisë Demokratike. Unë vazhdoj të
përfaësoj demokratët.
“Do shikojmë situatën, po patjetër që po, por
që Shqipërisë i duhet një alternativë reale. Nuk kam parë diçka konkrete apo një
platformë të Bindjes Demokratike. Unë do doja një platformë që të bazohej në
disa pika që ka nevojë rinia shqiptare apo ekonomia. Kështu që mendoj se ka
disa hapësira ku mund të punohet fortë”, ka thënë Rudina Hajdari.
/Realstory.al/
Kreu i Partisë Demokratike, Lulzim Basha dhe kryetarja e LSI-së, Monika Kryemadhi kanë mbajtur të njëjtin qëndrim në lidhje me protestën e 21 qershorit. Ato thanë se askujt nuk do i preket asnjë fije floku gjatë protestës ditën e premte, gjatë prononcimit në një media televizive, ndërsa theksuan se janë marrë masa edhe për të shmangur provokacionet e mundshme që mund të ndodhin.
Gjatë fjalës së tij Basha tha se do të jenë në protestë me familjen dhe vajza e tij, duke treguar se në protestë nuk do të ketë asnjë lloj kërcënimi për qytetarët, të cilët do i bashkohet. “Unë nesër do të dal në protestë me familjen time, me dy vajzat e mia dhe u bëj thirrje të gjithë shqiptarëve të vijnë me fëmijët e tyre, me bashkëshortet e tyre, sepse do të jetë protesta më e madhe dhe më qytetare që ka njohur ndonjëherë Shqipëria.”
Basha tha se nuk do të lejojnë që në protestë të ndodhin provokacione që padrejtësisht i adresohen opozitës, duke shtuar se nuk do t’i preket asnjë fije floku asnjë polici apo qytetari. “Përpjekjet për të amnistuar krimet me të cilat është kapur në flagrancë Edi Rama, duke inkriminuar opozitën kanë dështuar tashmë. Nuk do të ketë absolutisht asgjë që të kërcënojë një fije floku të një qytetari apo të një punonjësi të ndershëm të rendit. Kemi marrë të gjitha masat për të neutralizuar çdo provokator të qeverisë në bashkëpunim me shërbimet inteligjente të vendeve partnere në Tiranë me të cilët kam qenë në komunikim sot dhe dje.” – tha Basha
Në të njëjtin linjë ishte edhe kryetarja e LSI, Kryemadhi, e cila theksoi se protesta do të jetë paqësore dhe se opozita do e menaxhojë me përgjegjshmëri të plotë. “Protesta do të jetë paqësore, do ta menaxhojmë me përgjegjshmëri të plotë. Nuk kanë faj policët e shtetit. Mos harroni që nuk është më tashmë në dorën tonë, çdo ditë që Rama provokon populli aq më shumë irritohet.”
Është mbyllur pa incidente takimi elektoral që Kryeministri Edi Rama
zhvilloi me banorët e Shkodrës mbrëmjen e kësaj të enjte. Ndonëse protestues të
Partisë Demokratike të udhëhequr nga Voltana Ademi zhvilluan një marshim që përfundoi
në një anti-miting ku pati tension edhe përplasje për një moment me forcat e
policisë, gjatë kohës që Edi Rama mbajti takimin elektoral, gjithçka është
zhvilluar pa incidente. Gjatë fjalës së tij, Rama iu drejtua qytetarëve të
Shkodrës me një pyetje retorike “çfarë interesi keni ju që të shkoni të hidheni
në zjarr për Voltana Ademin?”, tha Rama. Më tej, ai u përmendi qytetarëve se
Shkodra ka nevojë për një ndryshim rrënjësor, duke e cilësuar këtë betejë si një
sfidë personale për të në katër vitet e ardhshme.
“4 vjet më parë ju thash vlonjatëve se ishte koha për të hapur një
kapitull transformimi dhe kushdo e sheh Vlorën sot krahasur me 4 vjet më parë,
e ka të vështirë ta njohë. Ndërsa sot ju them gjithë shkodranëve që Shkodra e 4
viteve të ardhshme është sfida ime personale për të bërë së bashku me Valdrinin
më shumë në thuajse në 30 vite të marra së bashku nën drejtimin e atyre që sot
kanë dalë në rrugë të madhe dhe nuk dinë më se cfarë kërkojnë tjetër përvec
kërcënimeve, shantazheve, molotovëve dhe kaosit”, u shpreh Rama.
Kryeministri, duke e cilësuar Voltana Ademin kryetaren e bashkisë më të
paaftë, majtas dhe djathtas, në 30 vite, shprehu keqardhjen që nuk ka mundësi që
ndëshkimin ndaj saj të vite me votë në një garë alternativash. Më vjen shumë
keq sinqerisht që nuk na u dha mundësia që drejtuesit, në këtë rast është
drejtuese, më të paaftë që është ulur ndonjëherë në karrigen e një kryetari
bashkie të majtë apo të djathtë në të gjitha vitet e shtetit shqiptar që nga
koha koha kur për erë të parë është hapur dera e një bashkie, t’i jepnim mësim
të merituar me votë në një garë alternativash, kandidaturash dhe ballafaqimi
demokrat. Kjo nuk është në dorën tonë, këtë nuk e zgjodhëm ne. Ky nuk ishte as
plani as qëllimi ynë”, tha Rama.
Gjatë fjalës së tij, Rama bëri një moment pauze, nuk e ndalën
protestuesit e Voltanës, por thirrja e Ezanit, që lajmëronte besimtarët
myslimanë për faljen e mbrëmjes. Pasi kësaj, Rama shfrytëzoi momentin ku
ironizoi përsëri Lulzim Bashës, pasi ky i fundit gjatë kohës që mbante fjalim në
protestat e muajit maj, thoshte “të mbajmë një minutë heshtje për të respektuar
besimtarët që agjërojnë. “Një stadium Shkodra sot e ka nga unë. Më vjen turp
kur vijnë të huajt dhe kthejnë kokën dhe
shohin atë garazhin e Voltanës. Një projekt për vijën e liqenit, për ti dhënë
Shirokës atë që i ka munguar, është i bllokuar projekti se Voltana nuk bashkëpunon.
Për këtë do shkoni në luftë ju? çfarë fiton Shkodra nga kjo histori? Por ju
çfarë fitoni (thirret ezani, Rama ndërpret fjalën). Po qeshja me Valdrinin se
thoshte se Luli mbante një minutë heshtje për myslimanët që agjërjonë”, tha
Rama.
Duke ripërsëritur para qytetarëve shkodranë se opozita i trembet drejtësisë
për pjesëmarrjen në zgjedhje, Rama u kujtoi atyre që janë bërë pjesë e akteve të
dhunës, se ndëshkimi do të vijojë edhe pas 30 qershorit. “Krijohet idea sikur këtu
gjithçka është një luftë deri në 30 qershor. Unë them që drejtësia do vazhdoi të
kërkojë fajtorët e gjithë kësaj situate edhe pas 30 qershorit. Ata që janë punonjës
bashkish, apo të policisë bashkiake, që shkojnë i bien murit me kokë, këtu do
jen pas 30 qershorit. Si ai i verbri këtu që u nis për në emision dhe përfundoi
në komisariat”, tha ndër të tjera Rama.
Kreu i demokratëve, Lulzim Basha i ka cilësuar zgjedhjet e 30 qershorit
si varreza politike e Edi Ramës, ndërsa ka thirrur protestën e radhës kombëtare
më 21 qershor për të mos lejuar mbajtjen e tyre. Me një status të shkurtër në Facebook,
Basha ka bërë thirrje për t’u bashkuar në protestë, duke kërkuar që të luftohet
për Shqipërinë e shqiptarëve duke larguar njëherë e mirë Shqipërinë e bandave
të krimit.
“30 qershori është varreza politike e Edi Ramës, shokut të avdylajve dhe bandave të krimit. Shqiptarët janë ngritur në këmbë në betejën kombëtare për Shqipërinë si gjithë Europa. Boll më me Shqipërinë që duan vetëm ata! Tani është koha për Shqipërinë e të gjithë shqiptarëve! Asnjë hap pas! #21qershor” – shkruan Basha
Banorët e Astirit kanë dalë sërish pasditen e së shtunës për të protestuar
për shtëpitë e tyre, të cilat do të prishen për shkak të zgjerimit dhe
rehabilitimit të plotë të Unazës së Re. Gjatë protestës banorët për disa orë
bllokojnë të gjitha qarkullimin e mjeteve duke krijuar një trafik mjaft të
rënduar në zonë.
Por duket se këtë rregull banorët e Astirit, që i janë bashkuar edhe protestave kombëtare të opozitës, e kanë thyer duke kanë lënë të kalojë makinën e ish kryeministrit dhe ish kreut të PS, Fatos Nano. Madje në foto shpërndarë nga Partia Demokratike duket edhe një shenjë si OK e dorës së Nanos, duke u interpretuar nga PD se “është OK me protestën e banorëve të unazës”.