Serbia, Veseli kërkon ndihmën e BE dhe SHBA për negociatat finale

Kryetari i Kuvendit të Kosovës Kadri Veseli i ka kërkuar Bashkimit Europian të ushtrojë presion ndaj Serbisë, në mënyrë që Beogradi të mos ndërhyrjë në Kosovë përmes Listës Serbe. Veseli ka folur në një intervistë për ABC News, duke deklaruar se ndërhyrja e Serbisë në Kosovë është flagrante dhe që nuk ndihmon stabilitetin e Ballkanit.

“Influencës që domonstron Serbia në Kosovë, ky është shqetësim që do ta adresojmë te Bashkimi Evropian. Është ndërhyrje flagrante, dëmtuese që nuk është duke i ndihmuar stabilitetit në Ballkanit Perëndimor”.

Lidhur me negociatat mes Kosovës dhe Serbisë, kreu i Kuvendit të Kosovës u shpreh se qëndrimi do të jetë në mbrojtje të sovranitetit territorial.

“Në një rezolutë të cilën e ka nxjerr OKB-ja përgjegjësinë mes dialogut të Kosovës dhe Serbisë e ka bartur te Bashkimi Evropian. Brukseli nuk është qendër vetëm e Belgjikës, por e gjithë BE-së. Qëndrimi do të jetë shumë i qartë në interes në mbrojtje të sovranitetit dhe integritetit territorial”.

“Nuk është Kosova që i përcakton kushtet e dialogut, ku dhe si do të zhvillohen. Unë pres që BE-ja të ketë një involvim dhe kërkesë e jona është që SHBA-ja të jetë thellë dhe bindshëm në këtë proces”, ka thënë ndër të tjera Kadri Veseli.

Je aplikant i Lotarisë? Ja çfarë duhet të dish sipas ambasadës

Ambasada Amerikane në Tiranë ka postuar sot një tjetër këshillë për të gjithë ata persona që kanë aplikuar për Lotarinë Amerikanë.

Ambasada thekson se të gjithë aplikantët e Lotarisë Amerikane të cilët kanë jetuar për më shumë se gjashtë muaj duhet të marrin me patjetër një vërtetim penal nga shteti ku kanë jetuar si pjesë e dokumenteve të aplikimit.

“Jeni aplikant i Lotarisë? Nëse keni jetuar jashtë Shqipërisë më shumë se gjashtë muaj, ju duhet të merrni një vërtetim penal nga ai shtet si pjesë e aplikimit tuaj. #PyetAnen”, shkruhet në njoftim.

SHBA jep 5 milionë $ kundër ekstremizmit të dhunshëm në Shqipëri

“Shqipëria është një udhëheqëse e cila vendosi një standard për pjesën tjetër të rajonit”. Kështu është shprehur sot e ngarkuara me punë e SHBA-së në Tiranë, Leyla Moses-Ones në aktivitetin “Përtej kufijve të shkollës: Të menduarit e shkollës si qendër komunitare”. Ajo tha se Shqipëria ka punuar fort për sa i përket ekstremizmit, ndërsa shtoi se SHBA-në kanë dhënë 5 milion dollarë për këtë fushë.

“Qeveria e Shteteve të Bashkuara të Amerikës mbështet më shumë se 5 milionë dollarë programe të financuara nga ndihma kundër ekstremizmit të dhunshëm në Shqipëri. Ne po ju ndihmojmë jo vetëm të ndërtoni aftësinë përtëritëse të komuniteteve, por edhe po fuqizojmë gratë dhe të rinjtë, po forcojmë qeverisjen vendore dhe po nxisim zëra të matur brenda bashkësive fetare. Ne, mbetemi të përkushtuar ndaj partneritetit tonë”, u shpreh Leyla Moses-Ones.

VOA: Petrit Vasilit i është refuzuar viza në SHBA

Gjatë intervistës me kryetaren e LSI-së, Monika Kryemadhi e cila ndodhet për një vizitë pune në SHBA, Zëri i Amerikës zbuloi se Petrit Vasilit i është refuzuar viza nga autoritetet amerikane.

Sipas informacioneve të VOA autoritetet diplomatike amerikane i kanë refuzuar vizën zotit Vasili, ndërsa Kryemadhi tha se nuk beson se kjo është e vërtetë, por se “nuk e ve dorën në zjarr për askënd”.

Ky informacion i VOA vjen pas qëndrimeve të ashpra të opozitës shqiptare ndaj institucioneve, të cilat kulmuan më djegien e mandateve parlamentare dhe organizimin e protestave të dhunshme në Tiranë. Refuzimi i vizës së zotit Vasili shihet si një sinjal i qartë i mosaprovimit të linjës opozitare nga ana e Uashingtonit, që ka bërë thirrje për pjesëmarrje në zgjedhjet e 30 qershorit.

Gazetarja: Znj. Kryemadhi në Kosovë dhe në vendin tuaj ambasada Amerikane po përdor mosdhënien e vizave si një masë ndëshkimore për zyrtarë të korruptuar. Ambasada Amerikane në Tiranë ka njoftuar se ka rreth 170 politikanë shqiptar që i janë refuzuar vizat, është prekur LSI-ja nga kjo?

Kryemadhi: Nuk di të kem ndonjë informacion, jemi të gatshëm të bashkëpunojmë me ambasadën Amerikane për çdo politikanë të korruptuar dhe për pjesëtarët e LSI-së që është pjesë e kësaj liste dhe mendoj që është një nga gjërat më të mira, ne e kërkuam dhe Vetting-un në politikë, ku ne si LSI kemi ngritur komisione Vetting-ut brenda në parti, mendoj që politika shqiptare duhet të pastrohet njëherë e përgjithmonë nga e kaluara e errët e çdo kandidati.

Gazetarja: Sipas burimeve tona, nënkryetari i LSI-së Z. Petrit Vasili është refuzuar viza, mund ta konfirmoni ju këtë gjë?

Kryemadhi: Jo, nuk besoj se i është refuzuar viza, z. Vasili, sepse në qoftë se ka njeri më me pa probleme është z. Vasili, megjithatë unë nuk e vendos dorën në zjarr as për fëmijët e mi dhe as për bashkëshortin tim. Ajo që dua të them është që në çdo rast, çdo ndarje e informacionit në raste të tilla me ambasadën amerikane dhe me LSI-në ne do të jemi të gatshëm, por mos harrojmë vetëm një gjë që z. Vasili ka qenë një nga bashkëpunëtorët më të mirë me z. Lu për sa i përket Reformës në Drejtësi dhe ka qenë një nga njerëzit, i cili ka nxitur dhe ka realizuar përfundimin e komisionit AD-HOC të Reformës në Drejtësi në Shqipëri

SHBA miraton ndalimin e abortit, edhe në rastet e përdhunimit

Alabama ka dërguar ligjin e shumëpërfolur për ndalimin e abortit në zyrën e guvernatorit, pas miratimit që mori në senat.

Ligji për abortin, një ndër më të rëndit, ndëshkon mjekët me burgim të përjetshëm nëse pranojnë të kryejnë një procedurë të tillë. Ligjvënësit e Alabamas i bashkohen ligjvënësve të Georgia që e kanë të ndaluar abortin.

Alabama vendos dënimin me 99 vjet burg për mjekët që kryejnë abort dhe lejon përjashtime vetëm në rastet “për të shmangur një rrezik serioz shëndetësor për nënën e fëmijës së palindur”, për shtatzëninë ektopike dhe nëse “fëmija i palindur ka një anomali vdekjeprurëse”. Ndërsa rastet e viktima të përdhunimit dhe incestit nuk kanë të drejtën e abortit.

Ligji ka shkaktuar protesta të mëdha duke kërkuar ndalimin e tij, ndërsa guvernatori i Alabama ende nuk e ka thënë fjalën e tij të fundit.

Ambasada Amerikane apel opozitës: Protestoni pa dhunë

Ambasada Amerikane i ka bërë thirrje sot opozitës që në protestën e nesërme të mos ketë veprime të dhunshme. Në një mesazh të postuar në Facebook, Ambasada thekson se është e paligjshme dhe jo demokratike të kryesh akte dhune dhe të shkatërrosh pronën publike.

“E drejta për t’u përfshirë në protesta paqësore është një e drejtë themelore demokratike. Përgjatë muajve të fundit, pjesa më e madhe e pjesëmarrësve kanë ushtruar të drejtën e tyre për të protestuar paqësisht. Megjithatë, në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës kompromentohet. Është e paligjshme dhe jo demokratike të kryesh akte dhune, përfshirë edhe shkatërrimin e pronës. Iu bëjmë thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive”, bën thirrje Ambasada e SHBA-së në Tiranë.

SHBA e tensionuar nga raketat balistike të Iranit

Informacionet se Irani mund të lëviz raketat e saj balistike me rreze të shkurtër në bordin e anijeve në Gjirin Persik, ishte edhe arsyeja pse SHBA vendosi avionët bombardues B-52 në rajon.

Zëdhënësi i Komandës Qendrore të SHBA, kapiteni Bill Urban tha se dyshohet se Irani po bënte përgatitje për të sulmuar forcat amerikane në rajon.

Nuk është e qartë nëse Irani do të sulmojë me raketat balistike apo nëse po i transporton ato për t’u përdorur nga forcat iraniane në tokë.

Pentagoni po e konsideron seriozisht dërgimin e sistemeve mbrojtëse kundër raketave ne zonë dhe nuk përjashton mundësinë që Irani të godasë vendet e trupave amerikane në Irak dhe Siri.

Një homoseksual, kandidat për Shtëpinë e Bardhë. Është edhe i martuar…

“E pagjasë, e patestuar dhe e paprecedentë!”. Kështu shkruhet në kopertinën e revistës “Time” e cila shkruan se demokratët amerikanë do të kandidojnë në zgjedhje me një kandidat homoseksual. Bëhet fjalë për Pete Buttigieg, i cili është personi i parë i deklaruar gay që bën një përpjekje serioze për Shtëpinë e Bardhë.

Pete Buttigieg është 37 vjeç dhe është i martuar me Chasten Glezman. Më parë ka mbajtur postin e kryebashkiakut të South Bend dhe thotë se eksperienca si kryebahskiak e ka ndihmuar të që të marrë vendimin për të garuar për postin e presidentit të SHBA-së. Ndërkaq janë të shumtë aktivistët që kanë dalë kundër tij, por ama sondazhet deri tani tregojnë se ai është një yll në rritje.

Ajo që duhet theksuar është se në një listë prej 20 kandidatësh, duke përfshirë gjashtë senator, katër kongresmenë, dy guvernatorë dhe dy ish kryetarë bashkish, Bittigieg ka ecur shumë, duke lënë pas edhe kandidatë dhe një influencë të madhe dhe kontribues të PD në Amerikë, si Joe Biden dhe Bernie Sanders.

Revista “Time” shkruan se Buttigieg flet rrjedhshëm tetë gjuhë të huaja, duke përfshirë gjuhën arabe dhe norvegjeze. Platforma e tij është liria, siguria dhe demokracia.

http://time.com/longform/pete-buttigieg-2020/

Agolli debuton me fitore në SHBA: Isha pak i emocionuar!

Ansi Agolli ka debutuar me klubin e ri në SHBA, duke fituar ndeshjen e parë në National Soccer League (liga e dytë amerikane e futbollit). Një nisje e shkëlqyer kjo për ekipin e Agollit, New York Cosmos që mundi në shtëpi 2-0 fundjavën e kaluar New York Athletic Club.

Agolli ka bërë paraqitje të shkëlqyer me klubin e ri, teksa eksperienca e tij ka qenë vendimtare në suksesin e Cosmos. Ish-kapiteni i kombëtares tonë, ka folur për faqen zyrtate të klubit duke komentuar debutimin e tij dhe aventurën amerikane.

“Ndeshja ime e parë, ishte një përvojë e shkëlqyer. Kisha pak emocione para ndeshjes, sepse po luaja me një skuadër të re. Siç e kam thënë dhe më parë, te Cosmos nuk jam vetëm për të veshur fanellën, por është dhe përgjegjësi për mua dhe ekipin. Jam shumë i lumtur që ndeshja e parë shkoi mirë”, është shprehur fillimisht Agolli.

Agolli në ndeshjen e tij të parë me Cosmos ka luajtur shumë i avancuar në mesfushë, pa harruar detyrat mbrojtëse. Për këtë ai është shprehur:

“Në futbollin e sotëm, sidomos mbrojtësit e krahut të djathtë duhet të ndihmojnë sulmin, që ata të jenë në kohën e duhur për të sulmuar. Trajneri ynë i pëlqen që lojtarët të shkojnë pak më të lartë për të sulmuar”.

Më tej Agolli ka folur dhe për vendosjen në Amerikë, aty ku tashmë do të jetë pranë familjes së tij.

“Kam filluar një jetë të re këtu, është shumë interesante. Disa pjesëtar të familjes time ishin në stadium. Shpresoj që në takimin e ardhshëm të ketë dhe të tjerë shqiptarë që do të vijnë për të mbështetur ekipin”.

Një aktore Hollywood-i, kandidate për presidente të SHBA

Nëse Scarlett Johansson vërtetë do të kandidojë për postin e presidentes së SHBA-së, me siguri ajo do të jetë presidentja më e bukur në botë.

Aktorja e njohur e Hollywoodit, ylli i Avengers, Scarlett Johansson ka shprehur ambicien e saj për të kandiduar për postin e presidentes së SHBA-së. Ajo ka folur në një intervistë në për revistën ‘Variety’ ku ka thënë se nuk e përjashton këtë mundësi në të ardhmen.

Që 35-vjecarja kishte një interes të madh për politikën e ka treguar edhe në vitin 2012 ku mbështeti në mënyrë aktive kandidaturën e presidentin Obama, dhe në vitin 2016 Hilary Clinton.

Ajo tha se për momentin nuk e ndien nevojën për një ndryshim në karrierën por deklaroi se në të ardhmen mundet ta bëjë.

“Mbase në të ardhmen. Mendoj se mënyra më e mirë për të ndryshuar gjërat me të vërtetë është në politikën lokale. Në një moment në të ardhmen mund ta ndjejë që të bëj këtë hap, por për momentin jo”, deklaroi Johansson.