“Fjalën e ka sovrani!” Por çfarë mendojnë shqiptarët si zgjidhet kriza? Konsensus dhe marrëveshje

Opozita ka lajmëruar zhvillimin të shtunën në mbrëmje të protestës së tetë kombëtare.

Në fjalimin përmbyllës të protestës së shkuar, kreu i opozitës dhe kryetari i PD-së Lulzim Basha tha se “më 8 qershor fjalën e ka sovrani”. Por si e sheh populli shqiptar daljen nga kriza e brendshme politike? Deutsche Welle i ka drejtuar mikrofonin shqiptarëve të thjeshtë dhe i ka pyetur se çfarë mendojnë dhe çfarë duan. Një gjithë i lidh të gjithë, marrëveshje dhe konsensus.

“Vështirë e ka që Shqipëria të dalë nga kriza politike. Mendimi im është po Rama është e mirë të evuitojë këtë krizën të japë dorëheqjen dhe të lërë një qeveri tranzitore, për të mirën e vendit, jo për ndponjë gjë, pastaj mbrapa ai mund ta marrë prap pushtetin. Por për të eliminuar gjithë këtë rrëmujë, këtë kaos, këtë arashi që ka vendi mirë është që Rama të tolerojë”, thotë një nga të intervistuarit.

“Unë Edi Ramën e dua shumë, nuk e di sesi do dalë, por ishalla dalin mirë, ndoshta bëjnë një marrëveshje tjetër Rama me Basha”, shprehet një zonjë.

“Vetëm me konsensus, asgjë tjetër, vetëm konsensus të dyja palët. Mendimi im ky është”.

“Lë të merren vesh. Ne s’merremi vesh. Ç’të bëjmë. Pa bisedime nuk bëhet kjo. Nuk bëhet me autoritarizëm kjo gjë, njëra kështu, tjetra ashtu. Të bëhet marrëveshje”, thotë një tjetër i intervistuar.

Shumica prej tyre kërkojnë marrëveshje dhe bisedime, por ka dhe nga ata që mendojnë ndryshe.

“Duke hequr këto politikanë të korruptuar. Vetëm kjo është zgjidhja më e drejtë. Ne çfarë s’dëgjojmë. Vjen një palë janë të korruptuar. Vjen tjetra janë të korruptuar. Të gjithë akuzojnë njëri-tjetrin. Asnjë s’përfundon atje ku duhet të shkojë. Po nuk ikën qeveritarët e korruptuar Shqipëria asnjëherë s’mund të shkojë në asnjë vend”, thotë një tjetër i intervistuar.

Ndërsa një tjetër mendon se zgjidhjen e kanë në dorë vetëm shqiptarët dhe jo bota.

“Të bashkohet forcat politike. T’i lënë menjëanë mëritë me njëri tjetrin. Të futen në votime. Kjo është që Shqipëria të ecë përpara. Sepse po mos bëjmë vetë, bota, është e vështirë”.

Ndiq intervistat ne video

Linin nga një vrimë në çdo derë pas vjedhjes, arrestohen 3 shqiptarët

4 shqiptarë janë ndaluar nga policia italiane, ku 3 kanë përfunduar në pranga dhe një tjetri i është dhënë masa ‘detyrim paraqitje”. Të arrestuarit, mes tyre një femër, akuzohen për një seri vjedhjesh të kryera në zonën e Fermo, Ascoli Piceno, Macerata e Caserta.

Grupi vepronte i organizuar dhe gjithmonë lente një shenjë të tijën pas vjedhjes, një ‘vrimë” në çdo derë që hapte. Kjo bëri që edhe operacioni të njihej me emrin e koduar “Banda e Vrimave”

Shqiptarët akuzohen për vjedhjen e sasive të madha parash dhe sendesh me vlerë.

Shkatërrohet grupi kriminal në Itali, 17 të arrestuar, mes tyre 8 shqiptarë

Një grup kriminal i përbërë nga shqiptarë dhe italianë, që merrej me trafikimin e lëndëve narkotike është shkatërruar nga policia italiane. Nga operacioni janë arrestuar 17 persona, mes të cilëve 8 shqiptarë, dhe një tjetër është shpallur në kërkim. Hetimet e policisë kanë nisur në 2017 pas kapjes së disa sasive të drogës. Nga droga e sekuestruar policia italiane kishte nisur hetimet për zbardhjen e plotë të rrjetit të përfshirë në të, raportojnë mediat italiane.

Arrestimet u bënë gjatë operacionit të koduar Postalmarket”. Grupi me bazë në Trentino të Italisë e shpërndante drogën, kokainë e pastër, me një çmim 100 euro për gram, kryesisht në zonat e Val di Non dhe në Brescia. Sipas policisë droga vinte nga vendet e Europës veriore, kalonte në Shqipëri dhe më pas në Brescia ku shpërndahej në pikat logjistike të grupit kriminal.

Vidhnin banesat e futbollistëve, shkatërrohet banda e shqiptarëve

Policia greke shkatërron një grup shqiptarësh që akuzohen si autorë të disa vjedhjeve në zonë e Atikës. Në pranga kanë përfunduar një shqiptar 34 vjeç bashkë me një grua 35-vjeçare, ndërsa janë shpallur në kërkim edhe 3 shqiptarë të tjerë, të cilët dyshohen se janë pjesë e grupit.

Shqiptarët akuzohen për më shumë se 33 vjedhje, kryesisht të banesave dhe apartamenteve, ku merrni çdo gjë me vlerë. Sipas policisë edhe shtëpitë e futbollistëve dhe ish-futbollistëve të skuadrës greke “Olimpiakos’ kanë rënë pre e këtyre vjedhjeve.

Gjatë aksionit janë konfiskuar shumë sende me vlerë, euro dhe dy makina nga policia në cilësinë e provave material.

Shqiptarët sherr në bord, avioni bën ulje të detyruar

Avioni i linjës Tiranë-Romë i kompanisë “Blue Panorama” është detyruar të bëjë ulje emergjente pas një sherri që ka nisur në bordin e avionit.

Ngjarja në fakt është pasqyruar në mediat italiane, ku cilësojnë se një mosmarrëveshje në bordin e avionit të nisur nga Tirana në orën 16:45 drejt Romës, e detyroi pilotin të bënte një ulje emergjente në Pescara. Sipas të dhënave një burrë rreth të 30-ve filloi të bërtiste dhe rrahur babait të tij, komandanti i fluturimit ndërhyri duke u përpjekur për të rivendosur qetësinë, por situata është agravuar duke çuar në ulje të detyruar të avionit.

Rrëshqitjet e dheut i zënë poshtë, vdesin dy vëllezërit shqiptarë

Dy të rinj shqiptarë kanë humbur jetën pasi i ka zënë dheu poshtë. Ngjarja e rëndë ka ndodhur në Çair të Maqedonisë së Veriut, ku po punohej për hapjen e një kanali.

Tre persona mbetën të bllokuar nga dheu, dy vëllezërit shqiptar Mensur Mustafa dhe Abdulkerim Mustafa, respektivisht 26 dhe 28 vjeç, humbën jetën. Ndërsa mbeti i plagosur një 54-vjeçar, i cili ndodhet në gjendje të rëndë. Trupat e dy të vëllezërve shqiptarë janë nxjerrë pas disa orë gërmimesh.

Fëmijët shqiptarë “trembin” Vuçiç: Serbët do shuhen si popull

Presidenti i Serbisë, Aleksander Vuçiç gjatë fjalës së tij në foltoren e Kuvendit ka cituar disa nga statistikat e OKB në lidhje me numrin e lindjeve dhe vdekjeve në shtete të ndryshme në botë.

Sipas Vuçiç, statistikat tregojnë se populli serb po tkurret dita ditës, ndërsa shqiptarët po rriten vazhdimisht dhe me këtë ritëm në vitin 2100 shqiptarët do të jenë dy fish më shumë në Ballkan dhe më shumë se serbët.

“Në vitin 2100 të jemi dyfish më pak se shqiptarët në Ballkanin Perëndimor. Për të pasur një rritje pozitive natyrore të serbëve në 30 vitet e ardhshme, nevojitet që gratë të lindin prej një mesatare rreth 3.2 fëmijë. Nëse nuk merren këto masa, atëherë Serbia përveç që nuk do të mund të flasë për Kosovën, nuk do të mund të flasë më as për mbijetesën e serbëve që jetojnë në Serbi.” ka thënë Vuçiç

Si nëpër filma, dy shqiptarë arratisen nga burg grek

Dy shtetas shqiptarë kanë bërë një arratisje si nëpër filma nga burgu grek Avlonas mbrëmjen e të hënës.

Ato u arratisën përmes pjesës së kuzhinës, ndërsa janë pikasur nga një gardiane që ka qëlluar në ajër. Ndërsa shqiptari i parë arrit të largohej, shqiptari i dytë goditi një nga gardianët që po patrullonte dhe më pas kapërceu gardhin rrethues duke ju bashkuar shokut të tij.

Policia është vënë në ndjekje të dy burgosurve, duke i cilësuar edhe si persona me rrezikshmëri të lartë.

Kapen me sasi të mëdha droge dhe parash, dy shqiptarë në pranga

Dy shtetas shqiptarë janë arrestuar në Itali nën akuzën e trafikimit të lëndëve narkotike. Dy kushurinjtë, të moshave 35 dhe 24 vjeç, janë ndaluar nga policia gjatë një kontrolli me 3000 euro me vete. Duke mos qenë në gjendje të justifikonin shumën e parave, policia ka kryer një kontroll në banesën e tyre ku ka gjetur një armë, 16 kg marijuanë, 6 kg kokainë dhe 120 mijë euro që mendohet se janë fituar nga shitja e drogës.

Sipas verifikimeve të policisë, 35 vjeçari ishte dëbuar nga Italia, por ishte rikthyer pasi kishte ndërruar mbiemrin.

Ndalohet gomonia me drogë, arrestohen 2 shqiptarë

Policia italiane ka bërë të mundur ndalimin e një gomone pranë brigjeve të San Cataldo, në bordin e së cilës gjendjej një sasi e madhe droge. Në gomone u sekuestruan 400 kg marihuanë dhe hashash, ndërsa ranë në pranga dy shtetas shqiptarë, të cilët po transportonin drogën. Gomonia u identifikuar sapo kaloi kanalin e Otrantos, ndërsa u monitorua nga policia italiane deri në kapjen e saj në brigjet e San Cataldos.

Ngarkesa vinte nga Ballkani dhe kapte në treg një vlerë prej 4 milionë euro. Droga ishte e ndarë në 14 poko të mëdha dhe ndodheshin në një gomone e gjatë 6 metra.

Dy shqiptarët pritet të dënohen për veprën penale “Trafikim ndërkombëtar të lëndëve narkotike.”