Barazimi me Teutën, Kukësi: Arbitri ndikoi në rezultat (video)

Kukësi u ndal në barazim 0-0 me Teutën ditën e djeshme në kampionat, me skuadrën verilindore që pati disa raste shënimi, por para portës nuk gjeti qetësinë e duhur për finalizim.

Megjithatë, në dy momente pati dyshime edhe për mungesën e dy penalltive në favor të Kukësi, por arbitri Juxhin Xhaja nuk akordoi asnjërën prej tyre.

Me anë të një reagimi zyrtar, klubi i Kukësit ka dënuar vendimet e arbitrit, duke i cilësuar ato si tendencioze dhe me ndikim direkt në rezultat.

“FK Kukësi e konsideron arbitrimin e ndeshjes me Teutën tendencioz dhe me ndikim direkt në rezultat. Arbitri kryesor Juxhin Xhaja dhe ndihmësat e tij nuk ishin në lartesinë e duhur dhe ne mendojmë se ata kanë anuar nga kundershtari”.

“Janë një mori rastesh ne ndërhyrjet e parregullta që nuk janë dhënë për ne, ndërkohë që kulmi arrin në minutën e 75′ kur lojtari ynë Cordeiro u pengua në zonë dhe Xhaja i ndodhur fare prane aksionit nuk dha penallti për Kukësin”.

“Ne e kontenstojmë këtë arbitrim dhe do kërkojmë ndërshkimin e arbitrit në fjalë, pasi me arbitrimin e tij te njëanshem në favor të Teutës ka ndërshkuar skuadrën e Kukësit”, shkruan klubi verilindor.

FK Kukësi e konsideron arbitrimin e ndeshjes me Teutën tendencioz dhe me ndikim direkt në rezultat. Arbitri kryesor…
Publiée par F.K Kukësi Albania sur Dimanche 28 avril 2019

Skënderbeu rikthehet te fitorja, ndal Flamurtarin

Skënderbeu ka lënë pas disfatën me Laçin, duke mundur në javën e 31-të të Superligës Flamurtarin në Korçë.

Skuadra vendase ka dominuar nga fillimi deri në fund takimin e së dielës në mbrëmje, duke e merituar fitoren 2-0 në fund.

Vendasit kanë zhbllokuar rezultatin pas 27 minutash lojë me Blerim Krasniqin, me kavajasint që realizoi pas një asisti të dhënë nga Oto John.

Dejvi Bregun e ndali shtylla në një moment, ndërsa Barha dhe Radas u ndëshkuan me kartonë të verdhë pas një tensioni mes tyre.

Protagonist në golin e dytë do të bëhej përsëri Blerim Krasniqi, i cili fiton një penallti pas një ndërhyrje të gabuar të Kotobellit. Gjergji Muzaka ka realizuar nga 11-të metërshi duke vulosur fitoren e Skënderbeut.

Me këtë fitore, korçarët ngjiten në kuotën e 46 pikëve, 3 më pak se sa vendi i tretë, që do të thotë Europa League. Sakaq, Flamurtari ndalon dhe mbetet 48 pikë, duke mos përfituar nga hapi fals i Kukësit me Teutën.

Kukësi pretendon dy penallti, Teuta kënaqet me një pikë (video)

Kukësi dhe Teuta kanë ndarë nga një pikë mes tyre në ndeshjen e javës së e 31-të Superligës. Të dyja ekipet janë munduar shumë por rastet e krijuara nuk u finalizuan si duhet nga ekipet respektive.

Ndeshja ka qenë r barabartë, me të dyja ekipet që shfaqën agresivitet në mesin e fushës. Teuta e mbylli ndeshjen me një lojtar më pak, pasi mbrojtësi Ditmar Bicaj u ndëshkua me karton të kuq në minutën e 88′.

Shkurtaj dhe Musolli u munduan gjatë pjesës së parë, por nuk arritën të gjejnë rrjetën, ndërsa Kallaku pati mundësi për Teutën. Pjesa e dytë e gjen Kukësin më kërkues, teksa në dy raste verilondorët pretendojnë dhe penallti, por nuk jepen nga arbitri.

Me këtë barazim Kukësi shkon në kuotën e 52 pikëve, 10 pikë më pak se Partizani, ndërsa Teuta në 47 pikë, një më pak se Flamurtari.

Luftëtari e Tirana bëjnë “paqe” dhe në kampionat (video)

Nuk ka fitues në Gjirokastër në sfidën mes Luftëtarit dhe Tiranës, e vlefshme për javën e 31-të të Superligës. Ky takim është mbyllur në barazim 1-1, me golat e shënuar nga një për çdo pjesë.

Tirana ka zhbllokuar rezultatin pas vetëm dhjetë mintuash lojë, teksa një penallti e fituar nga bardheblutë është shndërruar në gol mha Hasani.

Vendasit kanë reaguat në pjesën e dytë, duke vendosur barazpeshën në fushë, teksa një gjuajtje spektakolare nga distanca e Donald Rapos ka lënë të shtangur portierin Abini.

Ky rezultat i bën më shumë punë Luftëtarit në luftën për mbijetesë. Gjirokastritët, në fakt, mbajnë vendin e shtatë në renditje me 39 pikë, dy më shumë se Tirana e vendit të tetë dhe pesë më shumë se Kastrioti i vendit të nëntë.

Bylis rikthehet në Superligë, Elbasani i largohet rrezikut!

Bylis ka siguruar matematikisht ngjitjen në Kategorinë Superiore, dy javë para përfundimit të kampionatit në Kategorinë e Parë.

Ekipi mallakastriot ka luajtur ditën e sotme ndeshjen e radhës, duke mundur në transfertë Orikumin me rezultatin 0-2.

Një fitore që pritej nga skuadra e Bylis, që ka bërë një sezon të shkëlqyer duke u ritkthyer në elitën e futbollit shqiptar, e ndihmuar edhe nga hapi fals i Besës ndaj Lushnjës po ditën e sotme.

Një tjetër emër i madh i futbollit shqiptar, Elbasani, i është larguar rënies në Kategorinë e Dytë, pasi ka fituar ndaj Apolonisë, që ka siguruar më kohë mbijetesën.

Për sa i përket përballjeve të Grupi A, Iliria mposhti Burrelin me shifrat 1-0 në përballjen e vlefshme për fazën “Play Out”, ndërkohë që Vora u mposht nga Veleçiku.

Ja të gjitha rezultatet:

REZULTATET:

GRUPI A- “PLAY-OFF”

Korabi-Erzeni 1-1
(Lajthia 6′ / Skuka 57′ (p))

GRUPI A- “PLAY-OUT”

Iliria-Burreli 1-0
(Xhabrahimi 25′)

Vora-Veleçiku 0-1
(Banushaj 11′)

GRUPI B- “PLAY-OFF”

Lushnja- Besa 1-1
(Gjyla 7′ / Çelhaka 53′)

Orikumi-Bylis 0-2
(Guindo 26′, Peposhi 49′)

GRUPI B- “PLAY-OUT”

Turbina-Pogradeci 2-0
(Bakiu 9′, Burdufi 46′)

Elbasani-Apolonia 1-0
(Lleshi 3′)

Flamurtari mund Kukësin dhe afron Partizanin me titullin (video)

Flamurtari, lojtarët e rinj të ardhur nga ekipet e moshave dhe dhe senatorët besnik, e padyshim trajneri Ilir Daja me ndihmësit e tij, janë duke bërë një mrekulli të vërtetë.

Pasditen e sotme Flamurtari ka mundur Kukësin në transfertë, duke shënuar fitoren e katërt radhazi në kampionat, përfshi dhe atë në tavolinë ndaj Kamzës.

Xhevair Sulaj dhe Emiliano Musta kanë realizuar dy golat e fitores për vlonjatët, përkatësisht në minutën e 40′ dhe të 50′, ndërsa Reginaldo ka ngushtuar diferencat për verilindorët, por nuk ka mjaftuar.

Flamurtari ka përforcuar vendin e tretë më këtë fitore dhe ka shkuar një pikë larg Kukësit të vendit të dytë.

Gjithashtu, kuqezinjtë i kanë bërë një nder edhe Partizani-t që kryeson renditjen me një avantazh prej 12 pikësh ndaj verilindorëve falë fitores 3-0 të marrë në tavolinë kundër Kamzës.

Dung bën të Kuqtë me gunga

Partizani nuk përfiton nga ndalesa e Kukësit

Partizani është mundur me rezultatin 1-3 nga Luftëtari, me këta të fundit që kanë bërë një ndeshje spektakolare në “Selman Stërmasi”. Të besuarit e trajnerit Skënder Gega kanë kaluar të parët në avantazh me Dilaver Dukën në minutën e 4`. U duk se gjithçka do të shkonte kështu, por vendasit humbën përqëndrimin dhe duket se u dehën para kohe.

Teksa dukej se pjesa e parë do të mbyllej me avantazhin e të kuqve, vendasit ndëshkohen në minutën e 38`. Është Dunga ai që realizon një gol të bukur brenda zonës, ndërsa në minutën e 44`, keniani realizon dhe golin e tretë, duke përfituar dhe nga dalja e parakohshme nga porta e Alban Hoxhës, të cilit i kaloi topin mbi kokë.

Mirëpo nuk mbaron me kaq, pasi Dunga do të shënonte dhe golin e tretë, që vulosi rezultatin 1-3 për Luftëtarin. Në minutën e 70`, sulmuesi nga Kenia realizoi një gol spektakolar duke e goditur topin me finte.

Një humbje e befasishme për Partizanin, që bën një hap fals në momentin më të mirë të tij, pasi mund të përfitonte nga humbja e Kukësit, që gjithashtu u mund sot nga Kastrioti. Ndërkohë, Luftëtari me tre pikët e sotme shkëputet në vendin e shtatë të renditjes me 4 pikë më shumë se Tirana që mban vendin e tetë, dhe rrezikon shumë mbijetesën.

Kastrioti mund Kukësin në shtëpi

Skuadra e Ramazan Ndreut del nga gara për titull

Kastrioti ka mundur Kukësin me rezultatin 2-1, në javën e fundit të fazës së tretë të Superligës. Një ndeshje spektakolare për krutanët, të cilët arritën të përmbysin disavantazhin e pjesës së parë, duke shënuar dy gola në të dytën.

Skuadra e Kukësit kaloi e para në avantazh në minutën e 33` të pjesës së parë, teksa ishte Vasil Shkurtaj ai që shënoi për miqtë. Shkurtaj futet bukur në zonë dhe pasi krijon hapësirën e nevojshme, gjuan duke dërguar topin në cepin e portës të mbrojtur nga Çekrezi.

Kukësi kalon në avantazh 0-1, ndaj vendasve të cilët deri në atë moment po bënin lojë të mirë, ndërsa deri në përfundim të pjesës së parë shifrat nuk ndryshojnë.

Vendasit do të gjejnë golin e barazimit në minutën e 64`, me autor Roxher, i cili përfiton pas një rrëmuje në zonën e Kukësit. Një shpërqëndrim i mbrojtjes mike, ka bërë që futbollisti brazilian të përfitojë duke shënuar golin e barazimit.

Roxher gjuan nga brenda zonës, por topi godet shtyllën dhe më pas përplaset me shpinën e portierit Frashëri, ndërsa më pas sfera përfundon në rrjetë. 1-1 në fushën e “Redi Malokut”, me skuadrën vendase që shpërblet pas rritjes së presionit ndaj kundërshtarit.

Edison Ndreca ishte ai që ndëshkoi miqtë në minutën e 81` të takimit, duke kapur në befasi skuadrën e Kukësit. Një gol me vlerën e tre pikëve që e mban Kastrion me shpresë për luftën për mbijetesë. Një e majtë spektakolare e futbollistit të krutanëve ka bërë që në Fushë Krujë të shpërthejë festa.

Pas fitores së sotme, Kastrioti merr tre pikë të rëndësishme në luftën për mbijetesë, duke u afruar në renditje me Tiranën, me vetëm 3 pikë diferencë, mirëpo bardheblutë luajnë pasdite vonë ndaj Flamurtarit. Nga ana tjetër, Kukësi del përfundimisht nga gara për Titullin Kampion këtë sezon, pasi ky hap fals e largon dhe më shumë nga Partizani kryesues, që në pasdite luan ndaj Lufëtarit.