Lazio e Strakosha nuk ndalen. Fitojnë në Brescia dhe afrohen me kreun

Lazio e nisi me fitore vitin 2020 në Serie A, duke mundur Brescian me rezultatin 1-2 në transfertë. Skuadra e Brescia kaloi e para në avantazh me Balotellin në të 18`. Sulmuesi italian realizoi pas një asisti të Sabelli, duke i ikur mbrojtjes laciale.

I vetëm përballë Strakoshës, Balotelli nuk e pati të vështirë të dërgonte topin në rrjetën. Megjithatë, në të 42` erdhi vendosja e balancave në fushë. Immobile tundi rrjetën nga pika e bardhë e penalltisë duke çuar shifrat në 1-1.

Në pjesën e dytë ishte përsëri Immobile ai që realizoi golin e fitores për Lazion. Në të 90+1`, sulmuesi lacial gjeti rrjetën nga brenda zonës duke i dhënë fitoren skuadrës së tij. Pas fitores të së dielës, Lazio shkon 39 pikë dhe mban vendin e tretë në renditje pas Interit dhe Juventus që kryesojnë me nga 42 pikë. Ndërsa poshtë saj, Lazio lë Romën me 35 pikë.

Berisha mposht Strakoshën. Gjimshiti shkakton penallti

Etrit Berisha  ka fituar “derbin” me Thomas Strakoshën, pasi Spal mundi në shtëpi Lazion. Një ndeshje e bukur, që nisi mirë për Lazion me gol të Immobile në minutën e 17-të, pasi miqtë përfituan një penallti. Pasi arbitri u konsultua me VAR bëri shenjë nga porta e Berishës duke i dhënë Lazios penallti, ndërsa Immobile mposhti gardianin shqiptar të Spal. Megjithatë, pjesa e parë u mbyll në këto shifra, ndërsa goli i barazimit erdhi në pjesën e dytë.

 Në të 63`, Petanga mposhti Strakoshën pasi shënoi një gol nga brenda zonës, pas një goditje këndi. Strakosha në këtë rast nuk mundi të bënte asgjë, pavarësisht tentativës për të ndalur topin. Goli i dytë dhe i fitores për Spal erdhi në minutën e 90+2, kur përsëri Strakosha e  pati të pamundur të ndalte një gjuajte të Kurtiç. Me tre pikët e fituara ndaj Lazios, Spal i Etrit Berishës merr fitoren e parë në kampionat dhe ngjitet në vendin e 14-të, ndërsa Lazio me 4 pikë mbetet në vendin e 8-të.

Ndërkohë, Atalanta e  Berat Gjimshitit ka fituar në fushën e Genoas me rezultatin 2-1. Muriel kaloi Atalantën në avantazh në minutën e 64`, ndërsa Cricito barazoi në të 90+1`, pas një gafe të Berat Gjimshitit, që shkaktoi penallti. Megjithatë, Zapata në të 90+5` gjen përsëri rrjetën dhe i jep fitoren Atalantës, që merr fitoren e dytë në kampionat dhe mban vendin e 6-të me po kaq pikë.

Strakosha kthehet kuqezi: Kapa avionin!

Thomas Strakosha ka dalë të hënën në konferencë për shtyp, ku ka folur për ndeshjen kualifikuese me Francën, që Shqipëria do ta luajë të shtunën në transfertë. Gardiani i portës kuqezi është shprehur se dy ndeshjet e radhës eliminatore janë vendimtare për fatin e kualifikimit në Euro 2020. “Këto 2 ndeshje do të tregojnë nëse do të jemi në garë për t’u kualifikuar apo jo. E dimë të gjithë që janë ndeshje të rëndësishme, por nuk duhet të mbingarkohemi. Duhet të jemi pozitivë, të stërvitemi mirë dhe të shohim çfarë do ndodhi. Të dyja janë sfida të rëndësishme. E ka trajneri në dorë se kush do aktivizohet. Unë ndihem mirë”, ka thënë Strakosha.

Konkurrenca me Berishën është diçka pozitive sipas Strakoshës, ndërsa nuk ka hatër mbetje nëse luan apo jo. “Unë gjithmonë e kam thënë, konkurrenca është pozitive. Njihem me Berishën prej 6 vitesh. Në Kombëtare nuk ka rëndësi kush do luajë, rëndësi ka që ne të fitojmë. Kush luan e ka trajneri në dorë”, ka thënë gardiani.

Futbollisti nuk e ka harruar ende incidentin me ish-trajnerin Panucci, që e la jashtë ekipit pasi Strakosha humbi avionin, ndërsa shprehet ‘shyqyr Zotit’ këtë herë erdha në kohë. “Shyqyr Zotit që kësaj here erdha në kohë. Gjithçka perfekte. Ne kemi kualitetet, këtë gjë e kemi treguar. Tani thjesht duhet të bëjmë një grup të fortë dhe të jemi gjithmonë pozitivë. Vitin e kaluar humbëm grupin që kishim. Vetëm si grup mund të bëjmë diçka të mirë. Po të kemi grupin, kemi shans të kualifikohemi”, ka thënë Strakosha.

Në fund futbollisti ka folur dhe për trajnerin Edy Reja, të cilin e njeh që në vitin e tij të parë te Lazio. Në këtë drejtim, Strakosha shprehet se në skuadër duhet dhënë maksimumi ato 10 ditë që ndodhen nën urdhrat e trajnerit. “Rejën e kam njohur vitin e parë kur isha te Lacio. Unë shikoj që është pozitiv me ne. Për mua kjo është gjëja e rëndësishme. Ne vijmë vetëm 10 ditë me ekipi Kombëtar dhe nuk mund të ndryshojmë shumë gjëra. Çfarë kemi duhet ta japim në fushë. Për mua e bën mirë punën. Këto 2 ndeshjet janë më të rëndësishme. Unë ndihem mirë dhe jam gati! Prandaj jam këtu”, u shpreh Strakosha.

Kombëtarja, Lenjani ndërpret “agjërimin”. Gjimshiti mbetet në shtëpi

Ashtu siç ishte paralajmëruar më herët, në listën e trajnerit italian mungon portieri Thomas Strakosha, i cili ka pasur një problem javët e fundit, dhe nuk mund të jetë gati për të luajtur.

Kështu, Reja ka zgjedhur portierin e Laçit, Gentian Selmani, për të zëvendësuar Thomas Strakoshën.

Dy portierët e tjerë janë të përhershmit Etrit Berisha dhe Alban Hoxha. Në mbrojtje Edy Reja ka thirrur për herë të aprë mbrojtësin Marash Kumbulla, ndërsa lojtarët e tjerë janë: Naser Aliji, Elseid Hysaj, Arlind Ajeti, Ivan Balliu, Enea Mihaj, Egzon Binaku, Kastriot Dermaku dhe Mërgim Mavraj.

Surpriza e madhe e Edy Reja është pikërisht lënia jashtë e qendërmbrojtësit të Atalantës Berat Gjimshiti, që është duke kaluar një moment të shkëlqyer me klubin nga Bergamo.

 Në mesin e fushës Edy Reja ka thirrur Amir Abrashin, Migjen Bashën, Ledian Memushajn, Ergys Kaçen, Kristi Qosen, Emanuele Ndojin, Taulant Xhakën, Ylber Ramadanin dhe Ermir Lenjanin.

Ndërsa sulmi do të jetë i përbërë nga Myrto Uzuni, Eros Grezda, Odise Roshi, Bekim Balaj, Sokol Çikalleshi dhe Armando Sadiku.

E bujshme, Juventus pranë marrëveshjes me yllin e Lacios

Mesfushori me tipare sulmuese i Lazios, Sergej Milinkovic-Savic, është pranë transferimit të Juventus. Mediat italiane raportojnë se bardhezinjtë kanë arritur një marrëveshje paraprake me lojtarin, teksa faza e dytë është bindja e Lazios për të pranuar shitjen e serbit.

Nga sa raportohet nga kolegët e mediave italiane, Milinkovic-Savic mund të transferohet së shpejti te Juve. Këto të fundit janë gati të ofrojnë deri në 100 milionë euro për mesfushorin, një shumë që mund të tundojë presidentin e Lazios, Claudio Lotito.

Nëse transferimi kryhet me sukses, Igli Tare do të ketë një buxhet të konsiderueshëm për të afruar lojtarë të tjerë cilësorë në ekip për sezonin e ardhshëm. Sezoni aktual nuk ka qenë shumë pozitiv për Savic, megjithatë, ai ka potenciale të mëdha dhe mund të jetë një alternativë e rëndësishme për ekipin e Juventusit.

Strakosha ndal Gjimshitin, Lazio fiton Kupën e Italisë ndaj Atalantës (video)

Lazio ka triumfuar ndaj Atalantës në finalen e Kupës së Italisë, duke e mbyllur sezonin me njê trofe. Skuadra e Simone Inzaghit fitoi ndaj skuadrës së Gian Piero Gasperinit me rezultatin 2-0, me të dy golat që u shënuan në dhjetë minutat e fundit të ndeshjes. Autor të dy golave ishin Segerj Milinkovic-Savic dhe Correa, të cilë realizuan përkatësisht në minutën e 82′ dhe 90′-të.

Me fitoren e sotme, Lazio koleksionon shtatë trofe në Kupën e Italisë, duke u bërë ekipi i tretë që e ka fituar më shumë herë Kupën e Italisë pas Juventusit me 13 trofe dhe Romës me 9. Sakaq, Atalanta nuk ia doli tê fitonte këtë trofe të rëndësishëm, në finalen e të cilit mungonte prej sezonit 1962-63.

Thomas Strakosha me Lazion dhe Berat Gjimshiti me Atalantën e kanë nisur titullar takimin e sotëm, teksa loja ka qenë e balancuar në përgjithësi. Në një moment Atalanta u ndalë nga shtylla, ndërsa Lazio ka treguar efikasitet në fundin e takimit duke shënuar dy golat që i dhanë trofeun.

Pas fitores së sotme, Lazio do të përfitojë dhe 10 milionë euro nga Lega e Serisë A, që i jep si shpërblim për fituesin e kupës. Gjithashtu skuadra e Inzaghit do të luajë edhe në finalen e madhe të Superkupës së Italisë kundër Juventusit.

Atalanta finalistja e dytë e Kupës së Italisë (video)

Italia ka mësuar mbrëmjen e së enjtes edhe finalisten tjetër të kupës. Është Atalanta ajo që do të përballet me Lacion, pasi mundi në gjysmëfinale Fiorentinën me rezultatin 2-1.

Mund të cilësohet një sezon i jashtëzakonshëm ky për skuadrën bergameze. Trajneri Gasperini ka ditur t’i marrë më të mirën një grupi lojtarësh këtë sezon, të cilët e kanë çuar Atalantën në vend të katërt në kampionat dhe tani në finalen e Kupës së Italisë.

Fiorentina e zhbllokoi rezultatin e ndeshjes pas 3 minutash lojë me Muriel, që vendos një rekord personal, pasi ka shënuar në të treja ndeshjet e luajtura kundër Atalantës.

11 minuta pasi u ndëshkuan vendasit reagojnë me Ilicic, që ka shënuar nga pika e bardhë e penalltisë, duke vendosur barazpeshën ne fushë.

Gomez në minutën e 69′ ka shënuar golin e avantazhit për Atalantën, i ndihmuar edhe nga devijimi i portierit Lafont.

Atalanta e ka siguruar kualifikimin në finale me rezultatin e përgjithshëm 5-4. 90 minuta për Gjimshitin, ndërsa Berisha nuk i ndahet stolit.

Atalanta do të përballet me Lazion në finalen që do të luhet 15 majin e ardhshëm në Romë dhe që do të vërë përballë njëri-tjetrit Berat Gjimshitin dhe Thomas Strakoshën.

“Ai hipnotizoi De Paul”, mediat italiane vlerësojnë Thomas Strakoshën!

“Ai hipontizoi De Paul duke i pritur penalltinë”, apo “Strakosha blindon fitoren e Lacios”, janë disa nga titujt vlerësues të mediave Italiane për Thomas Strakoshën pas ndeshjes me Udinesen. Kjo e fundit u mund nga Lacio në takimin e prapambetur të Serisë A, që u luajt dje në Romë.

Portieri i Kombëtares shqiptare, Thomas Strakosha ishte deçiziv në fitoren me mjaftë vlerë për skuadrën e tij. Gardiani i portës së “Biancoceleste” priti një penallti të gjuajtur nga lojtari i Udineses, De Paul, duke i mohuar golin e ngushtimit të diferencës së rezultatit, që në atë moment ishte 2-0 për ekipin e Inzagit.

Për penalltinë e pritur dhe shumë gjuajtje të tjera gjatë ndeshjes, Thomas Strakosha është vlerësuar nga mediat italiane me notë të lartë. 7-të është nota e dhënë nga mediat në sinkron, të cilat evidentojnë vlerat e portierit shqiptar në takimin e djeshëm

“Strakosha meriton notën 7-të. Hipnotizoi De Paul dhe pritja vlen sa për një gol në një moment shumë delikat të lojës, ai mban Lazion në 2-0. Për pjesën tjetër bën administrim të zakonshëm të lojës”, shkruan ndër të tjera në vlerësimin që i bën “Calciomercato” futbollistit kuqezi.

Strakosha pret penallti, Lacio afrohet me Championsin (video)

Lazio ka fituar ndeshjen e prapambetur ndaj Udineses, të cilën e ka fituar me rezultatin 2-0. Skuadra e Inzaghit ka fituar një përballje të rëndësishme, që e afron tre pikë larg Milanit në renditjen e Serisë A.

Skuadra e Lazios tashmë është në vendin e shtatë të renditjes, ndërsa Milani në vendin e katërt, që sezonin e ardhshëm të promovon në Champions League.

Caicedo ishte ai që zhbllokoi rezultatin për vendasit në minutën e 21’ të takimit   përpara se autogoli i Sandro të dyfishonte rezultatin.

Pas pushimit, miqtë mund të kishin ngushtuar diferencën me De Paul nga pika e bardhë e penalltisë, por Thoma Strakosha e ka pritur duke ruajtur rrjetën e paprekur.

Në minutat e mbetura kryeqytetasit ruajtën pa shumë probleme avantazhin duke marrë tre pikë tepër të rëndësishme.

“Strakosha ka personalitet për të luajtur në Londër”

Ish-shoku i skuadrës thotë fjalë të mëdha për portierin shqiptar

Loja është hapur, merkato ende jo, Hugo Lloris po shkon drejt pensionit, Tottenham kërkon të jetë fitues i Premier League vitet e ardhshme. Në fakt duket se të gjitha këto shkojnë në kahe të kundërta me njëra-tjetrën, por diçka pritet të ketë një pikëtakim të përbashkët.

Bëhet fjalë për të ardhmen e Thomas Strakoshës, i cili çdo ditë  e më shumë po kthehet në vëmendjen e Spurs, të cilët kërkojnë një pasardhës të denj për Hugo Lloris. Një ditë më parë, “Soccer Souls”, e sponsorizonte transferimin e portierit të kombëtares shqiptare drej veriut të Londrës, ndërsa sot është dikush tjetër që i bënë reklamë këtij transferimi të mundshëm.

Felipe Anderson, sulmues anësor që aktualisht luan për West Ham United në Angli, ka qenë ish-shok skuadre me Thomas Strakoshën te Lazio një sezon më parë. Ylli i West Ham ka folur për median “Soccer AM”, duke komentuar lajmet e merkatos rreth transferimit të ish-shokut të tij të skuadrës te Tottenham.  

Para së gjithash, ai është i ri, po rritet dhe përmirësohet shumë dhe mendoj se do të shkojë shumë larg në karrierën e tij. Unë mendoj se, Strakosha, do të arrijë majat, sepse veç cilësive të tij, që punon për t`i përmirësuar çdo ditë, ai ka një përgjegjësi të madhe për të luajtur në një skuadër dhe qytet të tillë të vështirë. Ai ka personalitet të madh dhe gjithashtu luan mirë me këmbët e tij. Më pëlqen ky lloj portieri”, ka thënë Anderson për Strakoshën.

Felipe Anderson e njeh mirë Thomas Strakoshën, pasi e ka pasur shokë skuadre te Lazio. 25-vjeçari u largua verën e vitit të kaluar nga kryeqyteti italian drejt Premier Ligës, duke u bashkuar me West Ham United, ekip me të cilin ka bërë sezon të mirë deri më tani.

Skip to toolbar