Veliaj: Opozita si talebanët, të vetmit që nuk duan zgjedhje

Erion Veliaj e krahasoi sjelljen e opozitës me atë të talebanëve në Afganistan, të cilët nuk lejojnë procese të rregullta zgjedhore dhe dalin kundër amerikanëve. Ashtu si forcat talebane në Afganistan, edhe opozita kërkon që të intimidojnë zgjedhësit dhe të kundërshtoj influencën amerikane tha Veliaj para banorëve të njësisë 3 në Tiranë

“Bëhet fjalë për partitë e opozitës që kundërshtojnë influencën amerikane në proceset demokratizuese si reforma në drejtësi, bëhet fjalë për parti të opozitës që kërcënojnë me dhunë, bëhet fjalë për parti të opozitës që i bëjnë thirrje bllokimit të procesit zgjedhor, përveç një detaji: Në fakt, partia që flitet ose forca politike që flitet është talebani nga Afganistani. I vetmi rast sot në botë ku ka forca, lëvizje, angazhime politike, që kërcënojnë me dhunë zgjedhjet, që anulojnë votimet, që intimidojnë të zgjedhurit, që duan të ndalojnë fushatën, që pengojnë tubimet, ndodh vetëm tek talebanët, rasti i dytë është opozita jonë. Nuk ka sot një vend tjetër në botë ku opozita nuk do zgjedhjet”, – tha Veliaj

Veliaj vazhdon fushatën, premton rikonstruksionin e bulevardit ‘Zogu i Parë’

Pavarësisht krizës politike dhe përplasjeve për datën e zgjedhjeve, kryebashkiaku i Tiranës vazhdon fushatën zgjedhore në kryeqytet. Sot Veliaj është takuar me banorët e njësisë 9 ku edhe ka premtuar nisjen e punimeve në bulevardin Zogu i Parë.

Veliaj tha se investimet në këtë njësi kanë sjellë jo vetëm një infrastrukturë më të mirë për banorët, por edhe kanë rritur vlerën e pronës në këto zona.

“Na ka ecur puna shumë mirë. Ka pasur ngarkesë, nuk është mentalitet i lehtë, por e di çfarë? Kur njerëzit shohin që punohet, thonë se duke punuar, fiton edhe besim. Në lagje këtu i kemi bërë të gjitha ndërhyrjet, edhe rruga nuk ka dalë keq. Tani do fillojmë bulevardin e “Zogu i Parë”, do rregullohen edhe të gjithë fasadat”, tha Veliaj.

Ai sqaroi edhe disa nga projektet e tjera madhore të Bashkisë së Tiranës, ku përfshiu edhe Unazën e Madhe.

“Tani po punojmë te blloku i “Casa Italia”-s, kemi edhe rrethrrotullimin te “Shqiponja”. Do bëhet edhe rruga te Astiri. Ti u thua po të shpronësoj, po të jap një banesë sociale, kurse ata thonë për ideal të partisë do rri këtu. Atyre ju ka dalë llotaria, po bëjnë shtëpi, janë bërë 10 familje bashkë dhe po bëjnë pallate ngjitur me Unazën e Madhe të Tiranës, që është rruga më e shtrenjtë. Pra, u ka rënë bingo, nuk janë për hall. Atyre është për t’u thënë, vazhdo te partia, por rruga do të bëhet. Kështu shpëton “Casa Italia”, Dogana dhe gjithë rrethrrotullimi ‘Shqiponja’”, shtoi Veliaj.

Veliaj në Ndroq: Do ndërtojmë treg agro-ushqimor në varësi të bashkisë

Erion Veliaj ka zhvilluar një takim elektoral me banorët e Ndroqit, të cilëve u ka premtuar se në mandatin tjetër do të ndërtohet një treg agro-ushqimor, i cili do të jetë nën menaxhimin e bashkisë dhe jo të privatit. “Mezi pres që të bëjmë disa gjëra për fshatin. Në mbledhjen e fundit të Këshillit bashkiak ne themeluam Agjencinë tonë të tregut të shumicës publik, jo privat, për t’iu përgjigjur kërkesës së shumë fermerëve këtu”, tha Veliaj.

“Krijimi i tregut të bashkisë, i tregut publik, që të konkurrojë tregun privat dhe ti japë një alternativë tjetër, për fermerin tonë ku mund të shesë sa të dojë kur të dojë, pa asnjë pengesë, është mënyra më e mirë për ta çliruar këtë situatë”, u shpreh kryebashkiaku.

Më tej, Erion Veliaj u shpreh se në mandatin e ardhshëm fokus i punës së bashkisë në zonat rurale, do të jetë asfaltimi i rrugëve fundore në të gjitha lagjet e Ndroqit. Me fokusin tek zhvillimi edhe i zonave rurale, Veliaj theksoi se krahas përmirësimit të infrastrukturës kryesore, do të vijojë puna edhe për projektin e rrugëve të brendshme të Ndroqit.

“Do të thotë që nëqoftëse në mandatin e parë mbyllëm disa nga hallet kryesore, do kemi gjithë energjinë, gjithë fuqinë dhe gjithë mbështetjen për të mbyllur edhe këto çështje. Tani që edhe ARRSH-ja po na ndihmon që ne të futemi në rrugë kapilare në të gjitha lagjet e Ndroqit”, deklaroi ai.

Brenda katër viteve, Bashkia e Tiranës ka kryer një sërë investimesh të rëndësishme në zonën e Ndroqit. Janë ndërtuar rrugët e brendshme të fshatit Ndroq , rruga që lidh rrugën nacionale Tiranë – Durrës me shkollën 9-vjeçare “Seit Brahja”. Gjithashtu janë rikonstruktuar rrugët e fshatit Haskolje, rruga për makina Pinet – Sauqet, rruga Ndroq – Kërçukje-Zbarqe, rruga e fshatit Zhurje, rruga e fshatit Kalaç.

Krahas rrugëve, një investim i rëndësishëm është bërë edhe për rrjetin e ri të ujësjellësit, ndërkohë që është punuare dhe për kanalet ujitëse duke i dhënë një zhvillim gjithë ekonomisë lokale, sikurse është kanali ”Butac-Pinet”.

Një vëmendje i është kushtuar edhe infrastrukturës arsimore, ku pas shumë vitesh, është rikonstruktuar shkolla 9-vjeçare në fshatin Shesh dhe terrenet sportive, ndërkohë që puna do të vijojë edhe për shkollën e mesme “Sadi Nuri” dhe rikonstruksionin e shkollës 9 – vjeçare “Ymer Kurti” duke zgjidhur në këtë mënyrë edhe çështjen e arsimit. Gjithashtu puna do të vijojë edhe me rrugët e tjera lidhëse.

Shpërndahen kartat, Balluku premton shërbime shtesë për studentët

Më shumë se 2 mijë studentë të Universitetit Politeknik të Tiranës janë pajisur me Kartën e Studentit, duke përfituar kështu nga një sërë shërbimesh falas ose me çmime të ulëta. Kreu i Bashkisë së Tiranës, Erion Veliaj, ministrja e Infrastrukturës dhe Energjisë, Belinda Balluku dhe Dekani i Fakultetit të Teknologjisë së Informacionit, Vladi Koliçi, ndoqën nga afër vijimin e procesit të aplikimit dhe tërheqjes së kartës nga studentët e universitetit.

Kryebashkiaku Veliaj u shpreh i kënaqur për ecurinë e procesit në këtë Universitet dhe shtoi se deri tani janë shpërndarë mbi 10 mijë karta. “E kemi kaluar shifrën 10 mijë në të gjithë studentët e Tiranës, pra kemi nisur goxha mbarë. Shpresoj që deri në fund të qershorit, por edhe në korrik, kur vazhdon periudha e sezonit, do të kemi mundësi të bëjmë shpërndarjen e të gjitha kartave”, tha Veliaj.

Kryebashkiaku nënvizoi se puna për shpërndarjen e kartave do të vijojë edhe gjatë javëve që kanë mbetur, para se studentët të marrin pushimet e verës, me synimin që çdo student të ketë mundësi që të aksesojë gamën e shërbimeve që i ofrohet nëpërmjet këtij dokumenti të posaçëm.

Ministrja e Infrastrukturës dhe Energjisë, Belinda Balluku tha se interesi që kanë treguar studentët për kartën është i lartë, ndërsa bëri të ditur se ministria që ajo drejton, përmes institucioneve apo subjekteve që kanë lidhje me të, do të ofrojë shërbime të tjera shtesë për studentët. “Interesi është shumë i madh për ta marrë këtë kartë, pasi është një kartë që do t’i ndihmojë të gjithë studentët, pasi nga lista që pashë janë absolutisht shërbime për të cilat ka nevojë studenti. Përmes Ministrisë ne mund ta ndihmojmë këtë proces me subjekte që janë të lidhura me ne, për t’i lehtësuar dhe për të shtuar listën e subjekteve të cilat ofrojnë shërbim për kartën”, përfundoi Balluku.

Veliaj vazhdon fushatën, apel të rinjve: Distancohuni nga Saliu dhe Luli

E ndërsa presidenti i Republikës ka anuluar datën e zgjedhjeve, kjo nuk e ka penguar aspak kryebashkiakun e Tiranës të vijojë me takimet e tij elektorale. Ai është takuar me të rinjtë e Freshit, nga ku i ka bërë thirrje të gjithë të rinjve që të distancohen nga Berisha dhe Luli, duke thënë se ata janë të lodhur dhe të rënë nga vakti.

“Politikanë të rënë vakti ky vend ka pare shumë, por qytetet që shkrumbohen mezi e marrin veten. Një parti e lodhur, e dëbuar, e përbuzur, e mosvotuar, e merr veten sepse do vijë një brez tjetër dhe do të thotë gjëra më të mençura dhe do të distancohet nga Saliu dhe Luli me shokë. Por, një qytet mezi e merr veten sepse ka shumë punë për të ndryshuar. Një qytet nuk është vetëm infrastrukturë, por është kryesisht mentalitet”, deklaroi Veliaj.

Ai theksoi se koha për të marrë vendime të rëndësishme për rininë është tani, ndërsa u shpreh se tregues i saj është se 30% e kandidatëve të PS në Këshillin Bashkiak janë të rinj dhe të reja.

Rama: Po s’bëmë zgjedhje, kjo lojë bëhet film dhe vazhdon dhe 20 vjet

Në bashkëbisedim me banorët e njësisë 10 në Tiranë, kryeministria Rama iu përgjigj pyetjes së një prej banorëve se çfarë do të ndodhë me zgjedhjet e 30 qershorit.

Lexoni bisedën si më poshtë:

Banori: Po zgjedhjet e 30 qershorit?

Rama: Po pse me pyesni kot për zgjedhjet

Banori: Për konfirmim

Rama: Po patjetër që do mbahen zgjedhjet, këtu s’është puna se… po ta marrësh nga ana e rehatit për çfarë arsye kemi që të lëmë gjerat e tjera e të bëjmë fushatë, po të ishte për rehat, ok s’bëjmë zgjedhje s’kishim problem, por po filloi kjo loje, nuk mbaron më behet film, vazhdon 10-20 vjet ky muhabet, pastaj çohet tjetri tjetri..

Veliaj: E mbaj mend kur ishim në opozitë mezi prisnim të vinin zgjedhjet, në çdo vend të botës opozita mezi pret të bëjë zgjedhjet, kurse këtyre qeveria mezi pret zgjedhjet.

Rama: Gjeja më skandaloze është balta e madhe që hedhin lart e poshtë.

Banori: Të papërmbajtur.

Rama: Jashtë Shqipërisë paguajnë për artikuj këtej andej, tmerr i madh.

ERTV Live😊: Me banorët e Njësisë Administrative Nr.10 TIRANË #30QERSHOR🌹 ⭐BASHKIA QE DUAM⭐ SHQIPERIA🇦🇱QE🇪🇺DUAM
Gepostet von Edi Rama am Freitag, 7. Juni 2019

Rama: Të mos bëjmë postera në fushatë, por të ndërtojmë shtëpitë në Floq

Në takimin e së premtes me banorët e njësisë 10 në Tiranë, në krah të kryebashkiakut Veliaj, Rama premtoi dhe njëherë se të gjitha shtëpitë e shembura nga tërmeti në fshatin Floq të Korçës do të rindërtohen.

Ai tha se në këtë fushatë elektorale nuk do të ketë postera dhe paratë do të përdoren për ndërtimin e shtëpive.

“Do bëjmë një fond solidariteti të çdo bashkie, çdo bashki do marri përsipër një shtëpi. Një pjesë të fondeve të fushatës do t’i fusim aty dhe si PS të japim ca kontribute, më mirë të ndërtojmë një shtëpi aty se sa të bëjmë ca postera. Pastaj dhe diçka nga buxheti dhe do ta bëjmë se ishin dëmtuar shumë. Të paktën nga shtatori ata të futen në shtëpi se ngaqë është lart atje dhe është ftohtë”, tha Rama.

ERTV Live😊: Me banorët e Njësisë Administrative Nr.10 TIRANË #30QERSHOR🌹 ⭐BASHKIA QE DUAM⭐ SHQIPERIA🇦🇱QE🇪🇺DUAM
Gepostet von Edi Rama am Freitag, 7. Juni 2019

Rama, fushatë në krah të Veliajt, por tregon bisedat me Zahon: Nuk e di çfarë pune bëj

Kryeministri Rama është shfaqur të mërkurën në krah të Veliajt i cili ka nisur fushatën elektorale për zgjedhjet e 30 qershorit. Së bashku ata kanë takuar banorë të njësisë 3 të Tiranës me të cilët kanë pirë një kafe në lokal dhe kanë biseduar për punët dhe investimet e bashkisë.

Ata kanë komentuar edhe lejet e ndërtimi që duhet të jepen në projektin e “Unazës së Re”. Rama ka thënë se nuk ka rrugë tjetër përveç zhvillimit të kësaj zonës. “Situata te Unaza e Re është tjetër gjë tregon se është avantazh. Nuk ka një rrugë tjetër duhet me i hap rrugë zhvillimit. Dhe njerëzit fitojnë. Ndërtimi nuk është me detyrim në kohën që ti je pronar. Ti vendos. Faktikisht se këtu si në gjithë botën, zhurmën e bën lajmi i keq. Ndodh një rast për një arsye për një tjetër edhe manipulohen”, tha Rama. Në bisedë e sipas ai foli dhe për të birin Zahon ndërsa tha se në shtëpinë e tyre nuk shihen kanalet televizive shqiptare dhe Zaho nuk e di se çfarë pune bën i ati.

Rama: Zaho është një emër që e kanë përdorur historikisht edhe myslimanët dhe të krishterët. Kështu që është një emër që mishëron konsensusin edhe në këtë aspekt. Ai nuk e se çfarë pune do bëjë. Nuk e di fare….

Veliaj: Vetëm do na e thuash përgjigjen epike të Zahos kur e pyesin ça bën babai.

Rama: Kur e pyesin ça bën babai ai thotë: Vetëm flet….

Rama: Sepse dëgjon të ëmën kur shkoj në shtëpi në darkë vonë, kur jam duke folur në telefon, më thotë: Nuk je lodhur akoma? Ne në shtëpi nuk kemi televizion shqip, s’ka lajme dhe nuk sheh televizor. Ai sheh Spidermanin dhe këto të tjera, nuk di fare nga këto të tjerat nuk është i informuar.

ERTV Live😊: Me banorët e Njësisë Administrative Nr.3 TIRANË #30QERSHOR🌹 ⭐BASHKIA QE DUAM⭐ SHQIPERIA🇦🇱QE🇪🇺DUAM
Gepostet von Edi Rama am Mittwoch, 5. Juni 2019

Veliaj thumbon opozitën: Na japin mend dhe pastaj gjuajnë me tulla policët

Kryebashkiaku i Tiranës, Erion Veliaj zhvilloi të martën një vizitë në Komunitetin Mysliman me rastin e Fiter Bajramit. Në fjalën e tij për gazetarët, përveç urimit për festën e Bajramit, Veliaj ka dhënë edhe një mesazh për politikanët dhe veçanërisht për përfaqësuesit e opozitës.

“Pasi japin mend në trotuarin përballë (te parlamenti) kalojnë rrugën këtu dhe pastaj gjuajnë me tulla dhe gurë policët. Duhet të reflektojmë. Është shumë e rëndësishme që të jetojmë jetën që predikojmë, si nga kjo anë trotuarit ashtu edhe nga ana tjetër. Të nxjerrim mësime nga komunitetet fetare që bëjnë thirrje për vëllazëri dhe bashkëpunim. Paçi paqe të gjithë më shumë dashuri. Ky qytet ka 1 milion banorë po mund ta ruajë unitetin. Qofshi të gjithë të lumtur”, tha Veliaj.

Bashkia Tiranë, 3 kamionë me ushqime për të dëmtuarit nga tërmetet dhe do rindërtojë disa shtëpi

Kryebashkiaku i Tiranës, Erion Veliaj ka dërguar 3 kamionë me ushqime për banorët e prekur nga tërmetet në fshtrat e Korçës ndërsa ka premtuar se Bashkia e Tiranës do të kontribuojë në rindërtimin e saj shtëpive.

“Si prindër të një bebi të vegjël, kishim merak fëmijët e vegjël, prandaj u kujdesëm që të jepnim panolino, qumësht. Duhet të bëjmë diçka. Edhe pas mbushjes së 3 kamionëve do e mbajmë stendën hapur, një mundësi e mirë për sevap. Kemi çuar një ekip emergjencat, staf mjekësor dhe para mjekësor. Një nga vendimet e para do të jetë një fond për ndërtimin e disa shtëpive. Duam të marrim një numër shtëpisë në qytetin e Korçës. Është mesazhi më i mirë i një dite besimi”, tha Veliaj.

Bashkia bën të ditur se deri më tani janë mbledhur 200 pako ushqimore dhe 300 batanije, si dhe tezga do të vijojë të qëndrojë e hapur gjithë ditën. “Një mundësi e mirë për të bërë sevap këtë ditë Bajrami”, e cilësoi Veliaj.

Ndërsa zv.ministrja e Brendshme Romina Kuko tha se një pjesë e banorëve po largohen nga çadrat dhe po strehohen në spitale dhe shkolla. “Ishim në Korçë, në fshatin Floq dhe atje kemi parë situatën nga afër. Situata paraqitet problematike. Ka frymë solidariteti nga qytetarët e Tiranës. Banorët në Korçë po ikin nga çadrat dhe janë vendosur në shkolla ose në qendra spitalesh etj”, tha Kuko.