Kërcënimi i kreut të opozitës: Hera e fundit që flas, herën tjetër flet sovrani

Kryedemokrati Lulzim Basha ka dalë me sytë e skuqur nga gazi lotsjellës para mbështetësve të tij që u mblodhën në selinë e PD në mbyllje të protestës së shtatë kombëtare. Ai falënderoi protestuesit për qëndresën dhe theksoi se sot është dita e fundit ku flet me argumentet e arsyes, pasi në protestën e radhës fjalën do e ketë sovrani.

“Dua t’ju falënderoj nga zemra për qytetarinë, për shpirtin e qëndresës. për vendosmërinë që demonstruat sot. Vëllezër e motra, qindra mijë prej jush në këtë protestë sollët me vete energjinë, vendosmërinë, shpresën dhe besimin tek e nesërmja e re që po lind. Rama dhe banda e tij ta harrojnë, shqiptarët nuk do lejojnë mbajtjen e pushtetit me dhunë. Po i them sot Edi Ramës dhe sejmenit të tij zuzar dhe sadist Sandër Lleshaj se do mbani përgjegjësi para ligjit. Dita e fundit ku unë iu drejtohem me argumentet e arsyes, koha për fjalët po mbaron, në protestën e ardhshme fjalën do ta ketë vetëm sovrani”, deklaroi Basha.

Më tej, Basha iu drejtua protestuesve, duke i falënderuar, që sipas tij nuk prekën asnjë punonjës policie, ndërkohë që shtoi se nuk e ka fjalën për horrat që hedhin gaz lotsjellës me urdhër të Edi Ramës, duke plagosur protestuesit.

Patozi: BD, fushatë derë më derë, jo me mitingje në sheshe

Bindja Demokratike ka zgjedhur një mënyrë të re për të rivalizuar mazhorancën në zgjedhjet vendore të 30 qershorit. Nëpërmjet një video, koordinatori i BD, Astrit Patozi shprehet se partia e tyre nuk do të organizojë fushatën me mitingje në sheshe, por do të shkojnë të përulur tek qytetarët për t’i dëgjuar.

“Ne kemi hyrë në këtë garë për të mundur dhe rivalizuar kandidatët e Partisë Socialiste, kudo ku marrim pjesë. Sepse nuk gjejmë asnjë ndryshim mes qeverisë së korruptuar në Tiranë dhe zgjatimeve të saj në të gjitha bashkitë e vendit”, shprehet Patozi në videon e publikuar.

Sipas tij, edhe pse forcë e re politike, BINDJA vjen si një ofertë serioze për 30 qershorin, në kontrast të fortë me “Rilindjen” e konsumuar, që kemi përballë, por edhe me të vjetrit e tjerë, që kanë ikur nga procesi. “Bindja Demokratike shpall refuzimin për mitingjet acaruese të politikës së lodhur, të cilat janë, sa të sforcuara, aq edhe poshtëruese për zgjedhësit. Le ta theksojmë që në formë diferencën e thellë që kemi me “Rilindjen” dhe modelin e saj të shëmtuar, duke qenë një ofertë e re për Shqipërinë dhe për qytetet tona. Mos iu bind Edi Ramës dhe politikanëve të tjerë, që duan t’ju përdorin sërish për interesat e tyre të mbrapshta”, deklaron Patozi në mesazhin e tij.

VOTO BINDJEN TËNDE MË 30 QERSHOR!Për ne të gjithë, Shqipëria është e para. Për secilin nga përfaqësuesit tanë, qyteti i tij është i pari. BINDJA DEMOKRATIKE është sot në shërbim të dashurisë dhe respektit për Shqipërinë dhe për qytetin. Në këto zgjedhje ne kemi kandidatë për kryetarë dhe këshilltarë bashkie nga Tropoja, në Sarandë dhe nga Korça në Durrës. Punë të mbarë dhe suksese secilit prej tyre!Edhe pse forcë e re politike, BINDJA vjen si një ofertë serioze për 30 qershorin, në kontrast të fortë me ”Rilindjen” e konsumuar, që kemi përballë, por edhe me të vjetrit e tjerë, që kanë ikur nga procesi. Ndaj mos iu bind atyre që të ftojnë në të njëjtin eksperiment të dështuar, që konsumohet prej gati 30 vjetësh në Shqipëri, por voto BINDJEN tënde! Ne kemi hyrë në këtë garë për të mundur dhe rivalizuar kandidatët e Partisë Socialiste, kudo ku marrim pjesë. Sepse nuk gjejmĕ asnjë ndryshim mes qeverisë së korruptuar në Tiranë dhe zgjatimeve të saj në të gjitha bashkitë e vendit. Në këtë fushatë, nuk do t’i thërrasim kurrë qytetarĕt të mblidhen rreth nesh, por do të shkojmë ne të përulur tek ata për t’i dëgjuar. BINDJA DEMOKRATIKE shpall refuzimin për mitingjet acaruese të politikës së lodhur, të cilat janë, sa të sforcuara, aq edhe poshtëruese për zgjedhësit. Le ta theksojmë që në formë diferencën e thellë që kemi me “Rilindjen” dhe modelin e saj të shëmtuar, duke qenë një ofertë e re për Shqipërinë dhe për qytetet tona. Mos iu bind Edi Ramës dhe politikanëve të tjerë, që duan t’ju përdorin sërish për interesat e tyre të mbrapshta! Voto BINDJEN tënde më 30 qershor!
Gepostet von Astrit Patozi am Sonntag, 2. Juni 2019

Rama nuk lëviz nga 30 qershori, nesër nis fushata

Kryeministri Rama këmbëngul sërish se data e zgjedhjeve nuk do të lëvizë nga 30 qershori, pavarësisht gatishmërisë së Presidentit Ilir Meta për të rishikuar dekretin për datën e zgjedhjeve.

Në një postim në Facebook, ku njofton çeljen e fushatës për zgjedhjet vendore, Rama shkruan i vendosur: 30 qershor dhe pikë!

PS pritet të çelë nesër fushatën elektorale për zgjedhjet vendore të planifikuara më 30 qershor. Çelja e fushatës do të kryhet në 16:00 në Parkun Olimpik në Tiranë.

Real Story kishte njoftuar më herët se fushata do të nisë pikërisht nga “shtëpia” e Erjon Veliajt, ndërkohë që pjesëmarrës në këtë takim hapës do të jenë të gjithë kandidatët e Partsisë Socialiste për kryetarë të 61 bashkive në vend.

30 QERSHOR dhe PIKË!
Gepostet von Edi Rama am Freitag, 31. Mai 2019

Komisionerët për KZAZ, PD dhe LSI ankimojnë vendimin

Partia Demokratike dhe Lëvizja Socialiste për Integrim kanë vendosur të ankimojnë në Kolegjin e Apelimit vendimin e Komisionit Qendror të Zgjedhjeve për të mos regjistruar anëtarët e tyre në KZAZ.

Pesë ditë më parë, KQZ me votat e anëtarëve të Partisë Socialiste vendosi të mos regjistronte komisionerët e propozuar nga dy partitë e mëdha të opozitës në Komisionet Zonale të Administrimit të Zgjedhjeve. Pavarësisht se PD dhe LSI nuk marrin pjesë në zgjedhjet, ato vendosën për të dërguar anëtarë vetëm në KZAZ.

Partia Demokratike dhe LSI mësohet se kanë ankimuar sot vendimin e Komisionit Qendror të zgjedhjeve për komisionerët në zgjedhje.

Ankimimi u paralajmëruar nga Ivi Kaso që në 23 maj, ditën kur KQZ rrëzoi kërkesën e dy partive opozitare.

I takon Kolegjit Zgjedhor që të marrë vendimin nëse dy partitë opozitare do të mund të emërojnë anëtarë në KZAZ për zgjedhjet e 30 qershorit

PS çel fushatën në “shtëpinë” e Veliajt

Partia Socialiste ka zgjedhur “shtëpinë” e Veliajt për të nisur zyrtarisht fushatën elektorale më 1 Qershor. Pas shtyrjes me një ditë të çeljes së fushatës, PS ka zbuluar edhe vendin se ku do të bëhet tubimi hapës.

Nga burime pranë selisë rozë mësohet se çelja e fushatës do të bëhet në Parkun Olimpik, një investim i premtuar nga Kryetari i Bashkisë së Tiranës, Erjon Veliaj, i cili është realizuar gjatë këtij mandati dhe vlerësuar së fundmi edhe ndërkombëtarisht. Sipas të dhënave, për takimin hapës të fushatës janë njoftuar të gjithë kandidatët për kryetar bashkie dhe të gjithë kandidatët për këshilltarë.

Takimi hapës do të organizohet ditën e shtunë, 1 qershor, në orën 17.00. Fillimisht ishte njoftuar se fushata do të hapej më 31 maj, por opozita kishte njoftuar se protestën e radhës do ta mbante po atë ditë. Pas këtij vendimi të opozitës, vetë kryeministri Rama njoftoi se çelja zyrtare e fushatës do të shtyhej me një ditë dhe do të organizohej më 1 qershor. Pasi Partia Socialiste ka vendosur që të hapë zyrtarisht fushatën më 1 qershor, edhe Partia Demokratike ka zgjedhur të ndryshojë datën e protestës së radhës, duke caktuar 2 qershorin si ditën kur do të zhvillohet protesta e shtatë kombëtare. Sipas opozitës, shkaku i shtyrjes së kësaj proteste është se data 31 maj është vendosur si Nata e Kadrit nga Komuniteti Mysliman Shqiptar.

Tashmë, Partia Socialiste duket se ka vendosur përfundimisht, jo vetëm datën dhe orën, por edhe vendin se ku do të realizohet takimi hapës i fushatës. Parku Olimpik është një kompleks modern, i cili në muajin prill të këtij viti u vlerësua me çmimin e Arkitekturës Publike Komerciale për Evropën Juglindore.

Letra e gjashtë e Ramës, Basha nuk ndal thirrjen për protestë

Kryeopozitari Lulzim Basha ka reaguar pas letrës së gjashtë të kryeministrit Rama me dy postime, duke iu përgjigjur tërthorazi thirrjes për dialog. Menjëherë pas letrës së Ramës, Basha ka postuar një video për protestën e 2 qershorit, duke mos ndalur thirrjet për protestë dhe pas saj, ai ka realizuar një tjetër postim, ku bën një paralelizëm mes zgjedhjeve për parlamentin europian dhe demokracisë në Shqipëri, pasi shqiptarët të kenë fituar betejën për zgjedhje të lira dhe të ndershme. Asnjë hap pas shkruan Basha, teksa përshëndet edhe rezultatet proeuropiane të zgjedhjeve për PE.

Postimi i Bashës

“Qytetarët europianë, me pjesëmarrjen më masive të 20 viteve të fundit në zgjedhjet për Parlamentin Europian, konfirmuan vendosmërinë për të mbrojtur dhe çuar përpara vlerat europiane.

Jam i lumtur që familja jonë politike EPP – European People’s Party është konfirmuar forca e parë në parlamentin dhe qeverisjen europiane. Urimet më të përzemërta për presidentin Joseph Daul dhe PPE dhe në veçanti për fushatën e jashtëzakonshme të kandidatit tonë për President të Komisionit Europian Manfred Weber.

Forca e qytetarëve në demokraci është vota, prandaj beteja e shqiptarëve për votën e lirë është betejë jetike për vlerat europiane, për demokracinë perëndimore dhe për Shqipërinë si gjithë Europa. Asnjë hap pas!”, shkruan Basha.

Qytetarët europianë, me pjesmarrjen më masive të 20 viteve të fundit në zgjedhjet për Parlamentin Europian, konfirmuan…
Gepostet von Lulzim Basha am Montag, 27. Mai 2019

Letra e Ramës, PD: Hipokrite, shpresojmë të jetë e fundit

PD ka reaguar pas letrës së gjashtë të Ramës, nëpërmjet sekretarit të përgjithshëm, Gazmend Bardhi, i cili në një postim në Facebook, i ka cilësuar letrat e kryeministrit si hipokrite dhe hilecake. Madje, duke shprehur dëshirën që shpreson që letra e gjashtë të jetë e fundit, Bardhi nënkupton se kursi i opozitës nuk do të ndryshojë.

“Këto ditë kam lexuar me qindra komente për letrat hipokrite dhe hilacake të Edi Ramës, por efektin e vërtetë të tyre e kuptova gjatë protestës se fundit. Në momentin kur përpiqesha të ndaloja qytetarë të zemëruar tek Parlamenti, njëri prej tyre, rreth 50 vjeç, i revoltuar nga ndërhyrja ime, më tha: “Pse ma heq të drejtën të marr hak? Edi Rama me ka lënë fëmijët pa bukë. Tani tallet me mua me ato letrat në facebook”. Episodi i babait që lufton për mbijetesë në regjimin e panjerëzishëm të Edi Ramës, mu kujtua tani, kur lexova letrën e gjashtë (shpresoj të fundit), në të cilën ai vazhdonte të tallej, të fyente dhe të provokonte me mijëra e mijëra protestues”, deklaron Bardhi.

Më tej, sekretari organizativ i PD akuzon se Rama, me letrat e tij i ka injoruar shkaqet reale te krizës dhe problemet reale të qytetarëve, duke i fyer ata sa herë që ka mundësi, duke mos pasur ndjeshmërinë më të vogël për mijëra prindër që nuk kanë me çfarë ushqejnë fëmijët, duke u hakmarrë politikisht dhe duke dërguar tatimet në bizneset e qytetarëve që dalin në protestë, duke mos hequr dorë nga kërcënimi për prishjen e shtëpive që pengojnë planet e tij korruptive. “Edi Rama nuk bën asgjë tjetër me letrat e tij, veçse nxit dhunë dhe provokon qytetarët që u ka shkuar thika e pushtetit të tij në palcë. Në vend që të shkruajë letra luftënxitëse, që me hipokrizi i quan ‘ftesa për dialog’, Edi Rama bën mirë të kuptojë se ai është i pafuqishëm të ndalë triumfin e shqiptarëve të bashkuar. Kauza jonë për zgjedhje të lira e të ndershme, për të ndërtuar Shqipërinë si gjithë Europa, është kauza më e drejtë për të cilën shqiptarët kanë luftuar këto 29 vite, që pas rrëzimit të diktaturës.

Vetëm një qeveri e dalë nga zgjedhjet e lira e të ndershme, është garanci për mirëqenie, punësim dhe zhvillim për qytetarët shqiptarë”, përfundon Bardhi.

Këto ditë kam lexuar me qindra komente për letrat hipokrite dhe hilacake të Edi Ramës, por efektin e vërtetë të tyre e…
Gepostet von Gazment Bardhi am Montag, 27. Mai 2019

Me Vertu, në autobus. Deputeti Gjuzi flet per politikë (Video)

Deputeti i Kujtim Gjuzi ka marrë përsipër, jo vetëm të mos lejojë zgjedhjet e 30 qershorit, por edhe të rregullojë kushtet në autobusët e linjave urbane në Tiranë. Sot, ai ka bërë një kërkesë në kolegjin zgjedhor për zgjedhjet e 30 qershorit dhe menjëherë pas depozitimit të kërkesës, ai është parë në një nga autobusët e Unazës së Tiranës.

I veshur me kostum gri dhe me telefon Vertu në dorë, ai është filmuar duke biseduar për shkeljet kushtetuese të bëra nga mazhoranca, ku sipas bisedës telefonike, ai shprehet “ka shku ka marrë një subjekt politik, i cili është vetëm nismëtar. Ka shkel Kushtetutën, si Meta”. Sipas bisedës, ai ka hipur në autobus, pasi ka lënë një takim me drejtorin e burgut, për të cilin shprehet se nëse ai nuk e pret do thirrë në interpelancë Ministren e Drejtësisë që ta shkarkojë nga puna. Pas kësaj bisede telefonike me telefonin “Vertu”, deputeti Gjuzi i është drejtuar shoferit të autobusit, duke i kërkuar llogari përse nuk janë ndezur kondicionerët, duke qenë se e ka në kontratë që duhet t’i mbajë ndezur.

Deputeteti Kujtim Gjuzi

Deputeti Gjuzi është filmuar në autobus vetëm pak orë pasi ai ka mbajtur një konferencë për mediat, ku është shprehur se ai dhe Partia Konservatore që ai drejton nuk do t’i njohin zgjedhjet e 30 qershorit.

Ai i është drejtuar kryeministrit Edi Rama duke thënë se duhet të bëjë një ftesë zyrtare ndaj Bashës dhe jo letra të njëpasnjëshme.

“I dërgon atij letra. Që janë bërë qesharake. Letra të cilat nuk janë bërë në konsideratë. Çfarë do të bëjmë themi ne të konservatores. Te dy nuk duhet të jenë Haxhi Qamili. Shkëlqesi kryeministër ju keni përgjegjësi te ftoni opozitën zyrtarisht me shkresë zyrtare si kryeministër. Ne nuk kemi frikë nga përballja. Ftesa konservatore është se ne po shohim edhe bllokimin tonë në KQZ. Le të jemi të përgjegjës se nëse nuk do të kemi në bashkërendim qytetar konservatorët nuk do ta njohin datën 30 për zgjedhje edhe pse ne jemi regjistruar. Ne nuk njohim këtë datë. Pasi ne kundërshtojmë Presidentin e vendit”, tha Gjuzi në konferencë për shtyp.

KQZ rrëzon kërkesën e BD për regjistrimin e kandidates së Cërrikut

Komisioni Qendror i Zgjedhjeve, në mbledhjen e ditës së sotme, votoi me 3 vota pro dhe 2 kundër për pranimin e kërkesës ankimore të subjektit Bindja Demokratike, që kishte ankimuar vendimin e KZAZ-së nr. 46, për mos regjistrimin e kandidates për kryetare të Bashkisë Cërrik, Merita Xhika, për zgjedhjet për organet e qeverisjes vendore të 30 qershorit. KQZ vendosi rrëzimin e kërkesës dhe lënien në fuqi të vendimit të KZAZ-së nr. 46.

Pas hedhjes së shortit dhe relatimit të kërkesës ankimore, KQZ vendosi pranimin e kërkesës së subjektit “Bindja Demokratike”, me objekt ‘Kundërshtimi i vendimit të KZAZ-së nr. 79, për mos regjistrimin e listës shumë emërore të kandidatëve për anëtarë të Këshillit të Bashkisë Libohovë, për zgjedhjet për organet e qeverisjes vendore, të datës 30 qershor 2019”. Kërkesa do të shqyrtohet në mbledhjen e datës, 27 maj.

KQZ shqyrtoi edhe projektvendimet: “Për caktimin e disa qendrave të votimit në ndërtesa private, për zgjedhjet për organet e qeverisjes vendore të datës 30 qershor 2019” dhe “Për lirimin dhe emërimin e anëtarëve të KZAZ nr. 07, nr. 60, për zgjedhjet për organet e qeverisjes vendore të datës 30 qershor 2019”.

Kandidati i PS për Matin, Bashës: Ti më sulmon se nuk zbatova urdhrin për të qëlluar protestuesit

Ish gardisti Agron Malaj, i cili sot është kandidat i Partisë Socialiste për Bashkinë e Matit, ka reaguar pas akuzave të kreut të PD-së, Lulzim Basha, si pjesë e gardistëve në protestën e 21 janarit, duke i cilësuar këto deklarata si “shpifje” dhe hedhur akuza ndaj kryedemokatit.

Përmes një postimi në Facebook, Malaj thotë se më 21 janar 2011, ai nuk ka zbatuar urdhrat që vinin nga Basha, ndërsa thekson se kurrë nuk ka abuzuar me detyrën për të qëlluar mbi protestuesit.

“Më 21 janar 2011 unë nuk kam zbatuar urdhrat që vinin nga Ju dhe më lart për të qëlluar mbi qytetarët. Ju më akuzoni se guxova të mos respektoj urdhrat tuaj. Nuk është mëkat të bësh detyrën e një komandant seksioni të njësisë speciale, por unë me atë detyrë nuk abuzova kurrë. Nuk qëllova kurrë mbi protestuesit, as unë dhe asnjë nga ata nën drejtimin tim. Ndaj ti më sulmon. Kjo është e provuar ligjërisht nga drejtësia shqiptare, e cila brenda 48 orëve vendosi ndaj meje pushimin e çështjes sepse nuk kishte asnjë element të veprës penale. Lulzim, njësoj si në 2011 kur nuk i kursyet shpifjet për të devijuar hetimet e 21 janarit nga përgjegjësit e vërtetë, një ndër të cilit jeni dhe Ju, njësoj shpifni edhe sot ndaj meje. Ju ishit ministër i Brendshëm asokohe dhe i dini mjaft mirë fajtorët, i dini mjaft mirë kush i zbatoi urdhrat për të qëlluar mbi protestuesit”, shkruan mes të tjerash Malaj.