Tragjedi në Kanada. 10 persona janë vrarë e 15 kanë mbetur të plagosur si pasojë e një sulmi të kryer nga dy persona në provincën qendrore Saskatchewan të vendit. Viktimat u gjetën në 13 vende në Kombin James Smith Cree dhe fshatin e afërt të Weldon.
Dy autorët e dyshuar quhen Damien Sanderson dhe Myles Sanderson. Ato janë në arrati dhe dyshohet të armatosur. Banorëve u është thënë të strehohen në vend, pasi rrezikohen të sulmohen nga autorët.
“Qëndroni në një vend të sigurt. Kini kujdes, mos lejoni të tjerët të hyjnë në banesën tuaj,” shkroi në Tëitter Policia Mbretërore Kanadeze e Saskatchewan (RCMP).
Aktualisht janë ngritur pika kontrolli, me policinë që kontrollon identifikimin e udhëtarëve dhe shoferëve u është kërkuar që të mos marrin autostopët.
Një gjendje e jashtëzakonshme është shpallur në James Smith Cree Nation, një komunitet indigjen me rreth 2000 banorë në veri-lindje të ëeldon, ku jetojnë rreth 200 njerëz. Një alarm për persona të rrezikshëm u dërgua në të gjithë telefonat celularë në të gjithë provincat e Saskatchewan, Manitoba dhe Alberta, një rajon i madh pothuajse sa gjysma e Evropës.
Ky është një nga aktet më vdekjeprurëse të dhunës masive që Kanadaja ka parë ndonjëherë. Kryeministri Justin Trudeau e përshkroi sulmin në Tëitter si “të tmerrshëm dhe zemërthyer”.