Në pamje të parë duket si një vendim i thjeshtë, por ai që pritet të merret në fillim të prillit mund të ndryshojë stradegjitë e gjithë kombëtareve pjesmarrëse në finalet e Euro 2024, përfshirë këtu edhe Shqipërinë.
Me një njoftim surprizë, UEFA është shprehur e hapur për të diskutuar mundësinë e zgjerimit të listave të futbollistëve që secila skuadër do të marrë me vete në Gjermani verën e ardhshme. Ky numër mund të shkojë në 26 lojtarë, nga 23 që ishte përcaktuar në fillim.
Në fakt qeveria europiane e futbollit kishte vendosur të ulte numrin e lojtarëve për finalistët e Euro 2024 për herë të parë që pas pandemisë. Por shumë prej federative pjesmarrëse kanë kërkuar që listat të mos ndryshojnë.
Përgjigja e UEFA është pozitive. “Në takimin e 8 prillit, do të dëgjojmë këndëvështrimin e trajnerëve për këtë çështje. Çdo ide do të konsiderohet dhe vlerësohet”,- lexohet në njoftimin e UEFA. Në këtë takim do të marrë pjesë edhe Sylvinho.
Nëse listat zgjerohen, tekniku kuqezi ashtu si kolegët e tij do të kishte më pak “dhimbje koke” sa i përket zgjedhjeve të lojtarëve për në Euro 2024.
Pas dy miqësoreve të marsit, Sylvinho i ka idetë më të qarta, megjithëse, zgjedhjet më të vështira për të kanë të bëjnë me sulmin. Secila kombëtare finaliste në Euro 2024 duhet të dorëzojë listën e futbollistëve deri në datën 7 qershor. /i.m /abcnews.al